Prologue

11 Amours, proece et hardement et cuidier1 n’ont sens, advis ne entendement de voir ne congnoistre comment Fortune en pou d’espasse conduit et maine l’omme a sa volempté, par coy pluiseurs foys maint en ont esté decheu. 2 Car Fortune de sa nature eslieve l’omme en sy hault degré que se bien ne s’en donne garde en pou d’espasse le met plus bas qu’en soulte. 3 Car jamais serpent ne fu sy poingnant ne plus muable et aveuc ce n’a point d’arrest ne chose ou on puist avoir esperance. 4 Et pour ce, quant l’omme congnoist et voit clerement que Fortune luy est amye, il doit en user par sens et le prendre a point et a eure, car de sa nature come ele2 est, elle n’est point arrestee. 5 Pour laquelle cause vous voldray raconter une moult piteuse adventure quy advint n’a pas lonc temps a ung chevalier preu et hardy aux armes.

I. Cy commence le livre des amours du chastellain de Coucy et de la dame de Fayel.

21 Au temps que France flourissoit en prospérité et que le noble roy Philippe de France emprist le saint voyage d’Oultre Mer, le noble et vaillant roy Richart d’Engleterre, quy vint au siégé devant Acre en Surrye, avoir alors ung chevalier preu et hardy aux armes rengnant ou pays de Vermendois, 2 et pour lequel et a sa cause et oussy pour vous raconter et dire les biens, sens et vaillances quy estoyent en luy, vous veul raconter une moult piteuse adventure quy luy advint. 3 Che chevalier dont au présent vous veul faire mencion fu moult courtoys et débonnaire, bien aourné de sens et de vertu autant que homme de son temps 4 et aveuc ce estoit tant bel, tant gent et sy bien compassé et fourmé de tous membres que Dieu et Nature a le fourmer n’y avoient en riens failly : a le veoir et oÿr parler chascun y prendoit plaisir. 5 Car de bien danser, de chanter, de faire balades, chansons et aultres gracieusetés pou on trouvast quy l’en passast 6 et quant de soy trouver entre dames et damoisellez, de bien savoir danser et dire en nul pays on ne trouvast son samblable. 7 Toute honneur et courtoisye estoient en luy en grant habondance, ja soit ce qu’il ne fust moult riches d’avoir, mais en luy estoient choses que mieux valoient.

38 Che chevalier dont je vous fay mencion estoit chastellain de Couchy et avoir nom messire Régnault, lequel pour sa bonté, vaillance et courtoisye le seigneur de Couchy et la dame l’avoient en grant recommandacion et oussy pour ce qu’il estoit de leur lignage. 9 Le chevalier dont je vous parle ne savoir feste ne assamblee tant en joustes comme en tournoys que son escu n’y fu moustré, 10 et la tellement s’emploioit par sa grant force et vertu que le plus du temps pour ses biens fais il emportoit le pris. 11 Sy advint que Amours le choisy a l’eul et prist en ses las en telle fachon que jamais tant de paine pour le servir ne prist nulz amans, 12 car cuer et corps, force et toute sa pensee il y mist pour le servir et obeïr, dont maint traveil et mainte paine il en souffry avant ce qu’il peuist venir a mercy. 13 Ainsy Amours par son soubtil engin attrait les cuers des hommes, mais le gentil chevalier dont je vous parle eult bien cause de soy loer d’Amours et euist esté bien ingrat se aultrement y euist pensé au contraire. 14 Car il assena a la milleure, a la plus belle et a la plus courtoise quy fust en toute la contrée, excepté ung seul point : ce qu’elle avoit mary et chevalier de bon affaire. 15 Celle dame dont je vous veul compter fu dame d’un chastel quy ou pays de Vermendoys s’appeloit Fayel, lequel estoit moût bel et fort et bien séant entre prés et boys et rivières moût delitables. 16 Celle dame dont je vous fay mencion fu tant parfaitement paree et aournee de toutes vertus que pour lors la pareille on n’euist sceu trouver : a le faire et fourmer Dieu et Nature n’y eurent riens oublyé.

II. Comment le chastellain de Coucy s’enamoura de la dame de Fayel et comment il parla a elle pour la première foys.

41 Le chastellain de Couchy, qui pour lors estoir l’un des plus beaux chevaliers du pays, s’enamoura tellement de celle dame que jour et nuit il ne faisoit que penser par quel moyen et fachon il peuist tant faire qu’elle s’apperchust du grant désir qu’il avoit de le complaire et servir. 2 Sy s’appensa en lui meismes, pour soy allegier de celle paine en coy il se sentoit et du mal qu’il souffroit pour elle, qu’il luy yroit raconter sa doleur. 3 Car bien veoit et savoir luy meismes que a homme ne a femme, tant fust son privé, ne vouldroit descouvrir l’amour qu’il avoit mis en la dame. 4 Sy advint que une matinée luy et ung sien varier tant seullement monta a cheval moult pensif, et en grant crainte party de son hostel et tant fist qu’il vint ou chastel de Fayel. 5 Il descendy et vint en la sale ou tantost trouva gens quy luy vindrent au devant pour le rechepvoir et conjoÿr, puis il demanda a le maisnye de layans ou estoit le seigneur de Fayel. 6 Hz luy respondirent : « Sire, monseigneur n’est pas cheans mais madame y portés trouver aveuc ses damoisselles. » Le chastellain fut moult joieulx quant il entendy que layans n’estoit pas le seigneur fors la dame tant seullement. 7 Tantost ung escuier prest et abille ala nonchier a la dame la venue du chastellain, laquelle respondy moult courtoisement que le bien fust il venus et dist a l’escuier : 8 « Mon amy, alés tost vers luy pour luy tenir compaignye, sy le tenés en devises jusques ad ce que soye vestue et paree. Et luy dittes qu’il ne luy anuye se je demeure ung pou trop longement. » 9 L’escuier, prest obeÿr a sa dame, s’en party et vint en la sale vers le chevalier qui l’attendoit sy luy dist : 10 « Sire, ne vous anuyés pas se madame ne vient sy tost vers vous : elle m’a dit que vous dye que tantost elle venra pour vous rechepvoir. 11 Ayés ung pou de pascience car elle m’a commandé de faire appareillier le soupper. » 12 Or poés assés penser en quel point le chevalier pooit estre quy amoit sans partye : maint pensement et grant crainte pour l’esguillons d’Amours quy tant fort l’atisoyent.

513 Ainsy en estant en ceste pensee, la dame ne fist pas long séjour mais ariva vers le chevalier sans y faire trop longue atente, car on dist communément que bele dame est tost paree. 14 Sa beauté ne son bel maintieng ne vous saroye descripre ; sur son chief avoit ung cherquele d’or quy estoit moult bel et riche, puis avoit affublé ung mantel bel et noble et quy moult bien luy affreoit. 15 A la voir venir sambloit bien dame de hault parage : la beaulté de son viayre, la faiture de nez et de bouche et la couleur de son viayre n’est besoing que vous en face long compte, car oncques paintre ne fu tant soubtil que sa beaulté seuist pourtraire. 16 Le chastellain, comme celuy quy estoit moult courtoys, quant il la vey venir et entrer en la salle, jetta ung souspir et en moult grant crainte se tyra vers elle et le salua moult humblement en luy disant : 17 « Madame, le vray Dieu quy nous fist vous doinst santé et joye ! » La dame, comme courtoise, luy respondy moult doucement : « Sire, vous soyés le bien venus et Dieu3 vous doinst joye et santé. »

618 Lors le chastellain prist la dame par la main, s’y s’assirent eulx deux ensamble, mais pour le mieulx veoir et regarder son gent corps, son maintieng et son beau vyaire, se tyra ung pou en sus affin que a l’oel le peuist mieulx choisir, sy prist a regarder la dame. 19 Mais sachiés que amours luy cloÿrent la bouche et n’eult pooir de parler, et fu la une espace comme une beste mue en sy grant paour d’un dart qui le touchoit au cuer qu’il ne sçavoit quelle contenance prendre : une foys palissoit, une aultrefoys estoit plus vermeil que rose, 20 dont la dame fu esbahye et s’en donna grant merveilles veu la renommee qu’il avoit au dessus de tous aultres chevaliers, car de plus joieulx ne de plus envoysyé de chanter, de danser on ne trouvoit gaires son pareil ; 21 et ores elle le veoit sy pensif et sy morme que de la bouche elle ne luy veoit ung seul mot traire et ne se peult abstenir qu’elle ne luy deist : 22 « Sire, je sçay pour vérité que avez au cuer chose quy vous anuye, et cuide, se monseigneur estoit ycy, que vous seryez plus joieulx, car vous aryés ses devises sy en seryés plus aise 23 et pour ce, sire, ne vous desplaise, ung aultrefoys quant vous retournerés, telle chose porra estre que le trouverés cheans car huy matin s’en est ale en ung sien affaire et ne say riens de son retour. »

III. Encore des devises du chastellain de Couchy a la dame de Fayel.

71 Quant le chastellain oÿ parler la dame, il mua sa couleur et luy dist : « Madame, pour Dieu mercy, sacyés que se toute ma vye estoye ycy emprés vous sy ne me anuyeroit il pas, 2 encores me sambleroit il que pou y aroye esté car vostre grant sens et beaulté, la bonté et courtoisye et le bien que Dieux a mys en vous me contraint vous ozer dire que je suis et seray a tousjours mais vostre vray et leal serviteur, 3 car tant ay mis mon amour en vous que jusques a morir ne m’en voldray retrayre. 4 Car souventeffoys advient, et ainsy le dist on, que ce que on ayme on craint. Et pour ce, dame, humblement vous supplye que prendés ce chevalier que jamais n’avra joye ne peult avoir se par vous non, 5 car sans vous ne puis riens valoir : avoir ne ricesse, ma vye ne mon corps ne prise se vous n’avés mercy de moy. 6

8– Sire4, ce dist la dame, assés estes mal advisez de moy requérir de tel chose, car pas ne seroit a honneur de moy ne de monseigneur mon mary a qui je suys femme et espeuse par droit de lyen de mariage, 7 lequel je tieng sage et preudomme ; jusques a morir ne vouldroye faulser ne penser de voloir aler a l’encontre de la promesse que luy ay faitte. 8 Sachyés, sire, que jamais aultre de luy n’ameray tant corne il vive ; pas je ne say se me volés essayer : 9 se pour ce le faittes, vous y avés failly ; sy vous prye que doresenavant ne m’en veulliés plus parler ne requérir, car vous y perderyés vostre paine. » 10 Quant le chastellain oÿ ceste dure responce, il fu moult esbahys et dist : « madame, pour ung seul escondit seroit impossible de moy destourber vous amer et servir toute ma vye. – Sire, respondy la dame, a vous s’en couvient atendre, car de moy n’arés aultre response. »

IV. Cy parle de la dure response que la dame fist au chastellain de Couchy.

91 Ainsy comme vous oés, la dame fist response au chevalier, sy advint que en la fin de ces parolles vint ung varier vers la dame et luy dist que le souper estoit prest, 2 mais créés chertainement le chastellain amast mieulx de non soupper de cy a deux jours et que aveuc elle a son aise il peuist avoir ses devises. 3 Hz se levèrent eulx deux ; le chastellain prist la dame par la main sy laverent ensamble puis s’assirent au mengier ; de ce dont ilz furent servy n’est besoing d’en faire lonc compte, 4 car d’estre bien et richement servy ne pooient avoir faulte, car le pays ou ilz estoient estoit pour lors en habondance de tous biens. 5 Le chastellain ne beu gaires ne menga fors de regarder la dame en jettant maintz souspirs ; souvent muoit coulleur et maniéré en tant que la dame s’en appercheu assés, 6 congnoissant qu’il estoit féru de son amour, mais nul samblant n’en volt montrer mais luy dist : 7 « Syre, je vous prye, par la foy que vous me devés, que fachiés bonne chiere, sy me ferés plaisir. 8 – Madame, respondy le chevalier, en vous est ma mort et ma vye, mais encores ne voy chose apparant dont en riens me puisse esleessier. » 9 Alors la dame dist : « Beau sire, n’a guerres que oÿ compter et me fu dit que fustes a ung tournoy ou vous feïstes bien des vostres. 10 – – A ! madame, pour Dieu mercy, vous me parlés d’aultre chose quy ne sert a mon voloir. Sachiés que pour vous me doel et plaingz du mal que amours me font sentir pour vous. » 11 Lors la dame, veant le chevalier en ce party, bien congnoissant en quel point il estoit, appella deux ou trois de ses serviteurs sy fist lever la table, 12 puis commanda que la chambre du chevalier fust apprestee ainsy corne il appartenoit a sa personne et dist : 13 « Faittes que le lit du chastellain soit fait. Car je suppose que demain au plus matin il se voudra deppartir de cheans, car c’est coustume des jeunes bacelers quy sievent les joustes et tournoys. »

1014 Lors les serviteurs se partyrent pour faire le commandement de leur dame, laquelle demoura aveuc le chevalier que amours traveilloyent moult fort, 15 mais avant ce qu’il se depparteist, il prist congié et dist : « Madame, se aultre confort ne me donnez, je n’espoire aultre que la mort. 16 – Chastellain, dist la dame, vous parlés en vain, car je n’ay volenté de faire vostre priere ne requeste, mais au fort de tant vous conforteray que je ne sache aujourd’huy home apprés mon seigneur et mary, se amer vouloye, pour quy je vous volsisse changier, 17 mais sachiés que vous ne aultre je n’ameray se ce n’est mon seigneur et mary a quy pour riens je ne vouldroye faulser. Aies couchier ; il en est temps et eure. » 18 Le chevalier, oyant la responce de la dame, luy dist : « Madame, a Dieu vous commands, auquel je prye qu’il vous doinst cuer que ayés pitié et mercy de moy. »

1119 Ainsy s’en depparty le chevalier, et la dame d’aultre part rentra en sa chambre : trestoute morme et pensive se coucha en son lit ou ele eult peu de repos, 20 car amours luy livrèrent ung assault en luy mettant et présentant le maintieng et gente maniéré du chastellain, les biaux et doulx parlers que en le requérant de son amour luy avoir fait. 21 Sy pensa en elle qu’il estoit homme et digne d’estre amé, car sa personne le valoit bien et que pas n’estoit homme a refuser, mais quel qu’il soit, en nulle maniéré fors son mary ne voldroit amer ne penser a aultre ; en ce penser la dame s’endormy. 22 D’aultre part le chastellain, quy estoit en son lit couchiés, fu moult espris de l’amour de la dame. 23 Car quant il avoir souvenance de la beaulté, bonté et beau maintieng qu’il avoir veu en elle, sa maniéré et gracieuses devises, son penser se joint avec son cuer 24 et dist en soy meismes se a l’amour d’une telle dame veult5 parvenir, il luy convient faire choses dont on doye tenir compte en tant que la voix et renommee de ses biens fais viengne jusques a elle, 25 en espérant quant elle ora dire aulcun bien de luy que par raison elle en devra avoir mercy. 26 Ce pensement luy plaisoit moult, puis repense en soy que sa dame, celle en quy il a mys son cuer et son amour, est sy exquise en bonté, beaulté et vertus que bien est digne d’estre amee d’un plus hault et puissant homme de luy. Et ce le fait entrer en jalousye et sy fort estendre en son lit qu’il ne scet quelle part tourner.

1227 En ces pensees et traveil s’endormy le chastellain, puis quant ce vint au point du jour, il se leva, chaussa et vesty, 28 sy yssy du chastel et vint en la basse court ou il trouva son cheval prest sy monta dessus et s’en party espris d’armes et d’amours en son corrage ; 29 d’un très haultain voloir emprist aler en tous lieux ou guerres, joustes et tournoys se porront trouver et dist en soy qu’il fera tel chose dont on parlera par toutes terres et que meïsmement a Fayel on recordera son hardement. 30 Laquelle chose corne il dist il le fist, et fu dit et rapporté au seigneur et a la dame de Fayel par ceulx qui aux tournoys l’avoient veu en recordant la proesce, beaulté et honnesteté et le bien qu’il avoir fait et faisoit chascun jour en tant que sa bonne renommee courroit par toutes terres. 31 La dame, quy encores n’estoit ferue du dart dont Amour argüe les siens, ouoyt souvent le record qui luy touchoit au cuer, mais moult luy plaisoient les biens que du chastellain ouoyt recorder. 32 Lequel entièrement mettoit cuer et talent de bien servir Amours : toujours se tenoit gay et joly, amoureulx et envoysié sus tous les hommes du monde, dont pour allegier ses doleurs 33 et le grant espoir que amours luy donnoyent de parvenir ad ce que son cuer desiroit, fist une chanson belle et gracieuse, laquelle souventeffoys il chantoit pour soy resconforter et tenir en joye et le mist en ung chant moult gracieux, 34 sy fu tantost sceue et chantee en pluiseurs lieux et tant que la dame de Fayel en fu advertye que par le chastellain avoir esté faitte.

1335 Puis quant la dame seult a la vérité que celuy l’avoit fait quy pour l’amour d’elle avoir eu tant de traveil et de paine, 36 amours luy attenrirent le cuer pour la bonté et valeur qu’elle avoit oÿ dire du chastellain et luy pleut moult de ce que il se dist estre en son service, 37 lequel amours mestrient ne pour refus ne aultre chose ne se peult abstenir qu’il ne voye sa dame quant il la peult veoir ou en appert ou en couvert. 38 Sy advint que ung jour il chevaulchoit par ung matin par ung chemin qui aloit delez Fayel, 39 sy advint ainsy corne a heure du digner il tourna celle part et descendy en la court. 40 Tantost acouru ung varier quy prist son cheval et le mena en l’estable ; Le chastellain ung pou doubteux entra en la sale, ceux de layans luy vindrent a l’encontre sy le bienvingnerent moult humblement. 41 A ceste heure la dame sailly hors de la chambre pour laver aveuc son seigneur. Les serviteurs de layans luy vindrent au devant sy l’amenerent ou les tables estoient mises ; de sa venue furent le seigneur et la dame moult joieulx. 42 Le chastellain, comme celuy quy savoir les honneurs mondains, moult courtoisement salua le seigneur et la dame de Fayel. 43 « Messire Régnault, dist le seigneur, le très bien soyés vous venu ; moult grant joye ay de vostre venue. » Puis dist a sa famé : « Dame, prendés ce chevalier sy lavez ensamble. 44 Je me tieng bien payé quant il luy a pieu a nous venir voir ; ja a grant temps qu’il n’eult homme quy mieulx me pleusist. – Sire, dist la dame, il soit le bien venus. »

1445 Ilz lavèrent les mains puis s’assirent. Des mez ne entremez dont ilz furent servy ne vous veul faire lonc compte ; tout au lonc du disner, en mengant et beuvant le passèrent en belles devises, en fais d’armes et d’amours, de joustes et de tournoys. 46 Le chastellain, a yeulx couvers, regardoit souvent vers sa dame pour laquelle amours luy font estre servant de corps, de cuer et de toute pensee. 47 La dame, d’une maniéré coye et asseuree, jettoit ses yeulx simplement vers le chastellain, car a plain ne l’ozoit regarder pour la doubte de son mary et de ceulx qui devant la table estoient. 48 Puis quant ce vint qu’ilz eurent disné, lez tablez furent ostees : les aulcuns alerent jouer aux tables et aulx eschés, les aultres esbattre en la ville ou bon leur sambla. 49 Lors le seigneur de Fayel vint vers le chastellain et luy dist : « Sire, moult me poise de ce qu’il me convient deppartir de vous, car il m’est necessaire pour ung procés que fort me touche d’aler jusques a Compiengne ; 50 pour quoy je vous prye que sur tout l’amour et l’honneur que me voldryés faire que meshuy ne vous partés d’icy, car d’aler decy jusques a vostre maison il est meshuy trop tart. 51 – A ! sire, dist le chastellain, ja a lonc temps que je ne fus a mon hostel, et pour ce m’est besoing d’y estre pour aulcunes besoingnes que fort me touchent. 52 – Messire Régnault, dist le seigneur de Fayel, voz escusances pour ceste foys n’aront point de lieu, car meshuy ne partirés de cheans. – Sire, respondy le chastellain, les prières que me faittes me sont commandemens : puisqu’il vous plaist, je le feray. 53 – Messire Régnault, je vous remercye ; je vous lairay cheans comme bon amy. Je m’en voys ; vous, demourés ycy aveuc ma femme a laquelle je vous recommande. 54 S’il vous plaist aler jouer ne chassier, chassez et voleryes trouverés assés sans aler guerres loing. » Puis dist a sa femme : « Dame, je vous recommande ce chevalier. » Puis le seigneur s’en party et laissa sa dame et le chevalier ensamble.

1555 Quant le seigneur de Fayel se fu partys du chastel, la dame dist en sousriant au chastellain : « Sire, s’il vous plaist, vous et moy jouerons aux tables pour passer ting pou de temps. Mais se mieulx amez aler dormir, vostre chambre est appareillye. 56 – Madame, quant est du dormir, suys bien contempt de me passer, car joye ne déduit m’est impossible de avoir se par vous non, sy vous prye en grant humilité que de moy veulliés avoir pité et mercy. 57 Car tous les biens du monde sont en vous et quant tant plus en avés, tant suys je plus mat et angoisseux : je suys venus jusques au morir ; mon corps plus souffrir ne peult ne porter le mal que je sens pour vous. 58 En vous est ma vye et ma mort : uzés ent a vostre plaisir ; s’ainsy je muyrs par vous, vous fériés grant pechié puis que en vous est le pooir de l’amender, 59 mais pour Dieu veulliés, madame, avoir pitié et mercy de moy, car entièrement, sans malvaise pensee ne faulseté du tout, je me rengs a vous car en vous est ma santé et ma vye. »

V. Encore des devises que faisoient ensamble le chastellain de Coucy et la dame de Fayel.

161 La dame, qui estoit moult sage, moult doucement et a voix basse dist : « Sire, je ai bien oÿ et entendu vostre pensee et volempté : vous dittes que je vous puis donner santé, 2 mais je m’esbahys moult ou je prenderoye sy grant sens que de faire garir les malades. 3 Vous dittes que je vous fay morir : certainement je ne say comment ce se peult faire, car onques en ma vye n’eulx talent ne volempté de vous faire mal, sy m’esmerveille moult a quel cause tel mal vous peult par moy estre venus. 4 – A ! madame, dist le chevalier, vostre parler soit sauf : le mal que j’en ay me plaist bien, mais saciez que le mal que je sens vient et naist d’amours et de fin desirier, 5 car pour sentir voz amours me demainent amours. – Sire, ce dist la dame, ce n’est pas ma coulpe : s’Amours par sa seignourye vous griefve et fait mal, que puis je mais ? 6 – Certes, madame, il vient de vous. – De moy ? » dist la dame, « Et comment peult ce estre ? Oncques je ne fus en lieu ne en place ou je vous feisse faire mal. 7 – A ! dame, le mal d’Amours est sy soubtil : il meult du cuer et par les yeulx et est contempt par oÿr ; les yeux luy servent de veoir beaulté de dame et corps d’atour quy font au cuer amour nourir. 8 Dame, par oÿr recorder honneur et bien et bel maintieng de dame s’est Amour nourrye en maint cuer et leur fait sentir maint mal et jetter maint souspir. 9 Ces deux raisons ont fait que suys, seray a vous, madame, tant que aray au corps la vye. Car s’ainsy est que amer ne me veulliés, ma volenté sy est telle que assés mieulx aymeroye morir que moy séparer de vous, et s’ainsy estoit que j’en euisse la volempté, sy n’en pourroye je avoir la puissance, 10 car amours luy ont sy fort assys que pour chose du monde n’en porroit estre mis dehors, et pour ce s’il advient que le corps pour l’amour de vous s’en traveille ou fâche chose quy vaille, se vys je en esperance de venir a vostre mercy. »

1711 Quant6 la dame entendy les parolles du chevalier, lesquelles a les oÿr prendoit moult grant plaisir, mais pour tant n’en fist samblant de chiere ne d’amour qu’elle luy volsist faire, ainchois faisoit le refroydye corne celle quy de ses parolles ne tenoit compte, 12 sy respondy au chevalier : « Sire, oncques je ne seulx que ce fu d’amours, encore n’ay je pas volenté de le savoir. » A ceste parolle que la dame dist, le chastellain fu féru jusques au cuer d’un dart d’Amours sy très aspre qu’il ne fu en luy pooir de respondre ung seul mot : tant eult le cuer serré, pensant en luy meismes que mieulx luy vaulsist estre en Babilonne. 13 En soy s’en va fort démentant, soy complaingnant a Amours de la ruidesse qu’elle luy a fait, car quant il cuide avoir amye, de tant plus se treuve eslongyé ; 14 tout le cuer luy fremist et tramble, disant : « Pour coy y pensay oncques ? Amours, en grant esmay m’avés mys et me traveillyés sy treffort que impossible m’est longement vivre, 15 car quant premiers je veys sa beaulté, sa bonté et sa courtoisye, bien cuiday d’elle avoir mercy. En moy ne say prendre conseil ne a quy moy conseillier 16 et aveuc ce me donne grant merveille quant d’une sy belle créature qu’elle est puis avoir eu sy dure response, moy quy loyalment le serfz et ayme. 17 Mais tant y a de malvaises gens en ce pays et ailleurs que d’amours font maint faulx samblant, que les loyaulx pour eulx ne sont congneus : devant les gens sont moult faintifz et faulx, dont c’est mescief et grant doleur a ceulx quy ne veullent que bien. 18 Or voy je bien que pitié se faint de moy aidyer ; bien say pour vérité que se celle que j’ayme loyaulment sçavoit la vérité de mon fait et combien je l’ayme ne en quelle maniéré selon la beaulté, la bonté et bien qui est en elle, 19 elle aroit pitié et compassion de moy. A ! madame, dist le chevalier jettant grans souspirs, le mal que je sens pour vous m’est impossible a le porter ; je meurs se brief n’ay par vous aulcun confort car vous portés ma mort et ma vye ! »

VI. Comment la dame de Fayel promist au chastellain de Coucy de luy donner une manche de soye pour porter au tournoy.

181 Quant la dame entendy le chevalier et ses pitoyables complaintes, elle luy respondy et dist : « Certes, assés me poise de vous quant Amours vous tient en tel desroy. Soyés asseur que de moy jamais ne joÿrés, 2 mais pour vous ung pou adoulcyr, se de moy volés avoir aulcuns joiaulx ou aultre chose que sauve mon honneur je vous puisse donner, je le voldroye bien, 3 soit laz de soye, anel ou manche ou aultre chose que avoir veuilles. Laquelle chose me plaira moult : se par tant povyés estre conforté et aidié, de ce ne serés escondys. 4 Mais ostés vous du tout de penser a moy et n’y ayés quelque espérance que ung seul jour ne heure ne soyés saisys de mon corps, car sur moy tourneroit a grant deshonneur que en nulle maniéré mon cuer s’accordast au vostre, et sy ne porroit telle villonnye souffrir. » 5 Alors le chastellain moult se humillya vers elle et luy dist moult doulcement : « Madame, du don que me offres faire vous remercye humblement. Je suys ja aucques respassez de mez doleurs ; de vous ne veul avoir aultre chose fors tout ce qu’il vous plaira et vendra a plaisir.

196 Madame7, j’ay entendu que vous serés a la feste que a fait publyer et cryer le seigneur de Coucy, la ou j’entenc que pluiseurs chevaliers et dames seront, car entre la Ferre et Vendeul se feront les joustes esquelles y ara pluiseurs gens. 7 – Par ma foi, sire, dist la dame, vous dittes vérité, car hier soir, bien tart, madame de Coucy me manda que je y fusse et que ne laissasse en nulle maniéré de y venir. 8 S’il plaist a Nostre Seigneur, a celle feste ne voldray pas faillir ; moult grant désir ay de veoir les joustes pour la grant assamblee des seigneurs et dames quy y doivent estre : 9 dit m’a esté que le duc de Lembourch et le conte de Flandres et les Hennuyers et grant foison de leur chevalerye y doivent venir, sy ne peult estre que la feste ne soit belle et grande, 10 car il m’a esté dit que par decha en especial de dames et demoiselles on ne vey sy grant assamblee. Et pour ce madame de Coucy mande par tout ce pays dames, demoiselles pour estre acompaingnie et aussy pour rechevoir les seigneurs et dames estranges quy a la feste doivent venir. 11 Certes, il appartient bien que pour les honnourer et festoyer madame de Coucy soit bien acompaignie. – Madame, dist le chastellain, la vérité en dittes, mais se c’estoit vostre plaisir de moy donner manche ridee a las de soye, laquelle je porteroye en mon destre braz, j’espoire que j’en vauldroie mieulx et m’enforceroye de bien faire. 12 – Certes, beau sire, dist la dame, de ce ne serés refusés puis que je le vous ay promys. Or y para que vous ferés : s’ainsy advenoit que par moy volsissiez mieulz et feissiés dont on tenist compte, pour ce n’en vauldroye je pis. 13 – Madame, sachiez de certain que au mieulz que je porray j’en feray ce que a moy sera possible. – Or bien, dist la dame, nous le verrons aux armes et congnoisterons bien ce qu’en ferés. 14 Dieux vous doinst tellement faire que vostre loz et pris en soit exauchiez, et a vostre escu d’or a face d’azur, a ung petit lyon vermeil passant bordé ens ou chantel, vous porra on adviser. – Madame, ad ce que je voy, vous congnoissiés bien les armes que je porte. »

2015 Ainsy corne ilz faisoient leurs devises, le seigneur de layans descendy aux piez dez degrés, car il avoir trouvé homme quy l’avoir fait retourner, mais tout chassant et volant s’en retourna a Fayel et monta en la sale. 16 Le chastellain et la dame luy vindrent a l’encontre ; tout en riant luy dirent : « Sire, avés eu beau déduit en la chasse dont vous venés ? – Sire, dist le seigneur de Fayel, assés avons trouvé, mais pou avons pris. » 17 Lors prindrent l’un l’autre par les mains sy vindrent en la sale ; le soupper fu prest sy s’assirent ; moult noblement furent servys. 18 Quant ilz eurent mengié a leur plaisir, ilz se levèrent de table puis descendirent aval es jardins et la encommenchierent de parler des joustes que faire se devoyent entre La Fere et Vendeul et de pluiseurs aultres besoingnes, puis quant ce vint l’eure, ilz se retraÿrent ou chastel. 19 Le chastellain prist congié du seigneur et de la dame et vient en la chambre quy pour luy estoit ordonnée, sy fu convoyés du seigneur et de la dame jusques a l’uys de sa chambre, et la remercya le seigneur et la dame de Fayel de honneur et bonne chiere que fait luy avoyent.

2120 Ainsy le chastellain s’ala couchier et dormir, mais sachiés que celle nuit son repos ne fu pas grant, car toute la nuit ne fist que penser a sa dame et remirer en son cuer la grant beaulté quy estoit en elle. 21 Quant il luy souvenoit de sa grant beaulté et de la bonté d’elle, tout le cuer et le corps se resjoÿssoit, puis, quant il luy souvenoit de la manche quelle luy avoit promise, 22 sachiés que en luy avoit grant resconfort et espoir de venir en la mercy de celle quy luy avoir donné. Maintz souspirs et maintz regretz fist celle nuit : se au lonc les voloye raconter, la matere en seroit moult longue. 23 Ainsy pensant et tournoiant puis sur ung costé puis sus l’autre, ne fist aultre chose toute la nuit ; puis quant ce vint le matin, droit a l’aube du jour, le chastellain fu tost appareillyés, chaussiés et vestus. Moult joieulx et a belle chiere s’en vint en bas 24 ou il trouva ses chevaulx prest sy monta dessus ; puis quant il fu aulx champs il coella ung petit chappelet vert sy le mist sus son chief puis fist8 une chanson dont l’encommencement est ce :

La doulce voix du rosingnol sauvage9
que nuit et jour tenrir et recointir10
me radoulcist le cuer et rasouage...

2225 Ainsy estoit l’encommenchement de la chanson que le chastellain fist pour l’amour de sa dame, et la fin de la chanson sy estoit :

Chanson, va t’ent pour faire ton message,
la ou je n’oze ne tourner ne guenchir,
car tant redoubte la foie gent vollage
quy en devisent ains qu’il puist advenir
les biens d’Amours. Dieux les puist maleÿr !
A maint amant ont fait mal et dommaige,
mais j’ay de ce moult cruel avantage
car il m’est tout soubz mon gré obeÿr.

2326 Quant le chastellain eult fait le dit et le chant de sa chanson, il ala penser au fait des armes ad venir, et ainsy tout pensant et faisant bonne chiere arriva en son hostel ou guerres n’avoit talent de faire lonc séjour. 27 Car il disoit que ja proece ne se voldra logier en homme parrescheux, mais que tout temps doit avoir très ardant désir d’avoir pris d’armes pour parvenir a la haulte honneur de proece, laquelle chose il ne peult acquérir se il n’y met corps et avoir ; 28 laquelle chose il fist tout son temps, car jamais ne pensoit que a toute honneur et a proece. Moût fort se pena d’estre cointz et jolys et d’estre bien montés et enharneschiés ; tousjours querroit beaulx chevaulx et harnoys, ne luy chailloit que ilz coustassent mais que il en peuist finer. 29 De la chevance qu’il tenoit de son estât on ne trouvoit bacheler ou pays que mieulx se seuist abillier ; fust en joustes ou en tournoys plus frisque ne plus joly ne mieulx seans sus le destrier on ne trouvast en place ou il arivast, et aveuc ce partout ou il venoit entre tous aultres estoit le mieulx venu.

VII. Comment seigneurs et dames vindrent a la feste pour veoir le tournoy entre La Fere et Vendeul.

241 Or vint le jour que les joustes se dévoient faire en la grant prayerie quy est entre La Fere et Vendeul : de tous costés euissiez veu venir et ariver seigneurs et dames, chevaulx et harnas, chars et charios chargiez de lancez et d’escus, de tentes et pavillons pour tendre et drechier en la prayerye pour les seigneurs et dames que la venoient a grant flotte. 2 Les hours furent appareilliés, parés et ordonnés de moult riche tappisserye la ou estoit la dame de Coucy moult noblement acompaignye de chevaliers et dames pour rechepvoir et festoyer les estrangiers ainsy corne ilz venoient. 3 Aveuc la dame de Coucy furent mainte dame de hault nom, moult richement parees et ordonnées ; ausquelles11 il advenoit moult bien de rechepvoir et festoyer les estrangiers. La ariva le conte de Soison bien acompaignié de jonez bacelers.

VIII. De la venue du seigneur de Coucy quy estoit chief de la teste quy se devoit faire.

251 Le seigneur de Coucy par quy la teste estoit encom--menchye vint a La Ferre moult grandement acompaignyés ; apprés vint le duc de Lembourch, acompaignyé de chevaliers et d’escuiers en très grant nombre, puis ariva le seigneur de Florines sy se loga a Vendeul, 2 puis le conte Phelipe de Namur quy amenoit les Hennuyers, pour ce que le conte de Henau estoit ung pou a malayse, par coy il ne povoit tournoyer ne jouster. 3 .xl. chevaliers tant de Henau comme de Namur, moult richement parés et ordonnés, vindrent pour estre a la teste, puis arriva messire Ernoult de Mortaigne, le seigneur de Bevre, messire Phelipe de Ghistelle, et grant foison de seigneurs de Flandres que je ne vous ay pas ycy nommés, 4 mais tant y avoir il n’y avoir celuy quy n’y amenast sa femme ou sa dame ; tant y en vint et ariva que long temps par avant on n’avoit veu la pareille assamblee. 5 Car sachiés que chascun endroit soy firent venir chamberieres et pucelles pour tant qu’il les veissent belles et genres pour venir a la feste pour acompaignier leurs dames et maistresses. 6 Alors de toutes pars arrivèrent Bretons, Poitevins, Franchoys et Gascons, lesquelx ne amenèrent milles dames pour le lonctain pays dont ilz estoient.

267 Quant tous furent venu et arivé le dimenche au soir, le conte de Namur, quy estoit logiés a Vendeul, pria au soupper tous ceulx et celles que la estoient logiés, auquel soupper tous y vindrent. 8 Du beau service quy y fu fait ne vous veul tenir lonc compte, car de tout ce que on povoit finer ne fu riens espargnyé ; la encommencherent jougleours et chanteurs de jouer de leur mestier : chascun endroit soy s’aquitta moult bien ; 9 la furent chevaliers et jones bachelers, dames et demoiselles moult envoysyés, puis quant ce vint qu’ilz eurent souppé, ilz se levèrent de table. 10 Alors encommencherent danses et carolles et tous esbattemens parmy la sale : jamais on ne euist sceu souhaydier plus grant feste, plus belle ne plus plaisant que ad ce jour fu faitte au logis du conte de Namur. 11 Ainsi la plus part de la nuit se passa en joye et en esbattement, mais sachiez que la longe demouree ne anuyoit pas au chastellain, car en celle nuit il se monstra le plus gay et le plus envoysyé de toute la place. 12 Cestoit bien raison, car il veoit devant luy et devant ses yeulx celle pour quy il le faisoit. Et furent la sy grant espace que les heraulx commencherent de crier : 13 « Seigneurs, il est temps de retraire, car sachiés que de matin vous fauldra lever quant au plus fort cuiderés dormir. » Alors sans plus attester vins et espices furent apportées, sy en prindrent chascun endroit soy, sy prindrent congiet et se retraÿ chascun en son logis.

IX. Cy fait mencyon cornent le chastellain de Coticy trouva maniéré de parler a sa dame et de la manche de soye qu’elle luy donna et coment le tournoy encommencha.

271 Le chastellain, quy visoit et ymaginoit en soy la maniéré et comment il porroit venir sy a point que, sans ce que on s’en appercheust, il peuist parler a sa dame, il s’avancha en la presse sy se tyra vers elle et luy dist moult piteusement : 2 « Madame, quand il vous plaira, je voldroye volontiers savoir se j’aray la manche que m’avés promise. » La dame luy respondy et dist : « Chastellain, ce que je vous ay promis, je le vous tenray. » 3 Lors le tyra hors d’une ausmonniere qu’elle avoit a sa chainture et luy dist : « Messire Régnault, je prye a Dieu que tellement puissiés faire que vostre nom soit exauchiés en telle maniéré que voldryés souhaidier. 4 – Madame, Dieux vous veulle oÿr ! Dieux me doinst grâce de tellement faire que voz prières soyent exauchiez, 5 car je doy bien mettre paine et traveil a guerredonner de payer ung tel don, lequel je ne tiengs a petit mais a plus grant que jamais me fust présentés. » 6 Ainsy deppartirent l’un de l’autre. La y avoit assés dames qui s’escrierent en hault : « Dame de Fayel, cy avons fait trop long séjour ; madame de Coucy est ja devant quy atent après nous toutes : il est besoing de nous haster car le jour approche moult fort ! »

287 Alors la dame s’en depparty et le chastellain d’aultre part, sy sachiés que guerres ne furent au lit quant le jour apparu bel et cler ; moult pou dormirent celle nuit, 8 car les heraulx au bien matin encommenchierent de crier pour la chaleur du jour ad venir que chascun s’alast armer et abillier, et que tost s’apprestassent pour oÿr messe et puis monter sus les destriers. 9 Alors de toutes pars chevaliers et escuiers, après la messe oÿe, coururent eulx appareillier, varletz enseller les destriers et escuiers mettre a point les armes et escus de leurs maistres et tout ce quy estoit necessaire pour joustes et tournoys commenchier. 10 La euist on oÿ telle noyse et tel bruit après la messe chantee que a les oÿr ce sambloit une grant ost que pour combatre se joindeist ensamble. Lors euissiez veu dames et damoiselles par grans routtez et compaignies monter sus les hours.

2911 Quant toutes furent es eschaffaulx, sans plus guerrez arrester le duc de Lembourch vint sus les rengz moult noblement acompaignyés ; d’aultre part et a l’encontre de luy vint ung chevalier de noble atour, preu et hardy, vaillant aux armes, que pour lors on nommoit messire Gautier de Sorel, 12 sy se mirent chascun d’eulx a part pour mieulx choisir et adviser l’un l’autre, puis ferirent chevaulx dez espérons ; autant comme ilz peurent courre, les lances baissyes s’en vindrent rencontrer et attaindre par tel force que leurs lances leur froyerent jusques aulx poings. 13 Puis tous deux passèrent oultre, joint comme ung emmerillon, puis reprindrent nouvelles lances sy s’entredonnerent de grans cops. 14 Puis d’aultre part le conte de Namur, moult richement armé et abillyé, la lance sus la cuisse, et regarda devant luy sy choisy venir messire Enguerrand de Coucy, un chevalier fort et puissant, 15 sy se ferirent eulx deux ensamble que les deux lances rompirent par esclas, par tel force et vertu que par la puissance des deux chevaliers et des deux destriers sus quoy ilz seoient que leurs lances rompirent et cassèrent en tant que les esclaz en volèrent au dessus des hours des dames. 16 Alors veissiés heraulx de toutes pars cryer les crys des deux vassaulx, et les dames pareillement en leurs hours des deux beaulx cops encommencherent a faire leurs devises. 17 Apprés que les deux chevaliers eurent parfurny leur poindre, ilz reprindrent nouvelles lances sy s’en vindrent rencontrer de rechief et s’assenerent de telle puissance que tous deux volèrent hors des archons, mais de tant bien leur advint que nulz des deux ne fu blechiés. 18 Ceulx quy estoient delés les12 aidèrent a relever et n’eurent aultre mal sy non d’estre ung petit estonné.

3019 Apprés vint la tierche course quy fu moult belle et bien furnye, dont mainte dame et mainte pucelle encommencherent a parler. Alors le iiie fu messire Joffroy de Lusingnen, de l’autre part messire Jehan de13 ; 20 chascun, le healme en la teste, la lance sus la cuisse, en advisant l’un l’autre les baissèrent, en ferrant cheval des espérons s’entreferirent de sy grans cops et s’attaindirent par tel mesure que tous deux se portèrent par terre par tel force et vertu que leurs lances volèrent en pièces. 21 Mais ce jour plus n’en firent, car tous deux furent blechiés, par coy impossible leur fu d’en plus faire. Se de chascun les biens fays vous voloye raconter ne vous dire les cops que d’une partye et de l’autre furent donnés, trop longuement y porroye mettre.

X. Encores parle du tournoy et comment le chastellain de Coucy faisoit merveilles.

311 Alors se mist avant la VI^e jouste, mais sachiés que celluy le premier venant sus les rengz fu regardé de mainte dame pour la beaulté et la belle apparance quy estoit en luy. 2 Se dire vous voloye sez atours et son houcement, et comment il seoit sur le destrier droit et gent, en son poing la lance grosse et furnye, et au destre bras portoit la blanche manche broudee d’or et de perles ; son escu fu d’or a une barre d’azur a ung petit lyon de geulles passant. 3 Ainsy s’en vint passer par devant le hourt des dames, desquelles il fu moult regardés pour la belle contenance quy estoit en luy. 4 De hardement le cuer luy esprent et Amours qui est sa maistresse, et la promesse et espoir qu’elle luy fera prochainement, c’est de joÿr de sa dame quy de dessus les hours le regardoit moult doulcement. 5 Car desja l’avoient amours sy entrelachié que a luy convint14 du tout ottroyer son cuer. Alors heraulx criant a haulte voix : 6 « Coucy, Coucy au vaillant chevalier, car de France jusques a Romme doit aler le renom de luy ; Coucy au vaillant bacheler, Coucy au chastellain, Coucy ! »

327 Alors yssy hors des rengz le noble conte de Bloys armé et abillié moult richement. Lors les15 deux chevaliers s’enchoisirent, la lance sus la cuisse, l’escu en cantel, 8 puis brochierent chevaulx des espérons quy venoient menant tel friente que la terre trambloit dessoubz eulx, sy rencontrèrent par tel fierté que oncques escu qu’il portassent ne demeura entier. 9 Sy ruidement et puissamment s’assenerent apprés leurs lances rompues que des healmes l’un contre l’autre s’en vindrent hurter sy très fort qu’ilz furent tout estonné, qu’ilz ne savoient s’il estoit jour ou nuitz, puis passèrent oultre pour parfurnyr leur poindre. 10 Adont euissyés oÿ crier heraulx, trompettes et menestrés corner et demener sy grant bruit et telle noise que on n’y oÿst Dieu tonnant, puis les heraulx crioient : 11 « Dames, vous poés veoir et regarder lesquelx le font bien : telz cops sont fais de vaillans bacelers : bien leur doit on donner mandiez, joiaulx et ausmonnieres, leur présenter les savoureurs baisiers et leur promettre de encores mieulx avoir. »

3312 La dame de Fayel oÿt ces parolles dont elle avoit au cuer grant joye, car elle veoit le chastellain en sa présence, sy se sentoit dedens son cuer que plus ne se pooit destourner que il ne convenist qu’elle ne l’amast. 13 Lors les16 deux vassaulx prindrent nouvelles lances, puis a espérons brochans l’un contre l’autre ; le conte de Bloys fery le chastellain par tel fierté que sa lance se rompy en pièces. 14 Mais sachiés que le chastellain ne failly pas : il fery le conte de Bloys ung cop sy merveilleux que il le renversa et ploya jusques sus le cruppe du cheval, 15 sy l’aconsievy sus le healme ung cop sy grant qu’il luy fist voler hors de la teste, mais tantost on luy remist sy s’en retourna chascun a son renc ; 16 puis brochèrent chevaulx des espérons sy s’ataingnirent par tel vertu que tous deux volèrent par terre, sy furent tantost par leurs gens secourus et aydiés a remonter.

3417 La mercy Dieu, il n’y eult nulz d’eulx qui fust blechiés et ainsy pour ceste foys se cessèrent et revindrent aultres, mais créés certainement que heraulx ne se taysoyent mye, 18 ainchoys renouvelloyent leurs crys en démenant sy grant bruit et telle noyse, cryant Coucy au chastellain, qu’il n’y avoit dame ne damoiselle que bien ne l’entendesist. 19 Se dire ne raconter vous voloye les joustes ne les belles courses ad ce jour faittes et achevées par les vaillans chevaliers, assés porroye mettre a le dire. 20 La nuit approcha, sy couvindrent cesser les joustes, sy fut cryé par les heraulx que chascun s’en retournast ; ainsy le firent : les gens du seigneur de Coucy s’en retournèrent a La Fere, et ceulx de dehors a Vendeul ; ainsy se passa le jour. 21 En celle nuit tint court pleniere le duc de Lembourch et donna a soupper aulx dames et demoisellez de sa partye et a tous ceulx et celles quy y voloient venir, 22 et la firent leurs devises de ceulx quy le mieulx avoient fait ; assés y en avoit en la compaignye quy dirent que le lendemain le feroient encore mieulx. 23 Quant ce vint heure de couchier, tous se retraÿrent et alerent en leur logys pour dormir et reposer.

3524 D’aultre17 part a La Fere se faisoit la feste moult grande, et croy que de la pareille mieulx conduite ne de mieulx ordonnée vous ne oÿstes parler. 25 Le chastellain, quelle part il aloit, avoit tousjours le regard sus sa dame, puis quant ce vint apprés soupper, oncques ne cessa d’aler de lieu en aultre jusques ad ce qu’il se peult asseoir auprès d’elle, 26 sy advisa heure de parler, mais la dame ne luy donna le loysir, car elle luy demanda moult bas : 27 « Sire, avés vous le corps blechyé ne malmys en quelque partye, pour ce que hier je vous vey et le conte de Bloys jouster ensamble de cops moult ruides et pesans ? » 28 Le chastellain luy respondy moult simplement : « Madame, blechyés ne suys je pas, mais du mal que je sens pour vous tousjours me plains et m’est impossible d’en garir, se par vous je n’ay brief secours. 29 – Syre, dist la dame, pas ne puis entendre ne savoir quelle garison vous pensés avoir de moy : je vous voy sain, gay et joly, et pour ce n’entendés ja que endroit de moy vous ayez aultre alegement ne secours ; et pour tant comme il me samble vous doit souffir, corne aultreffoys le vous ay dit. »

3630 Alors de toutes pars se levèrent dames et demoiselles quy autour d’eulx estoient, sy couvint qu’ilz se depparteissent et tirèrent leur chemin aveuc les aultres. 31 Apprés le congié prins au seigneur et la dame de Coucy, chascun se retraÿ en son hostel et alerent couchier jusques ce vint le matin que les heraulx alerent avant les rues, criant a haulte voix que chascun s’armast. 32 Alors veissiés chevaliers appareillier et eulx ordonner pour aler a l’eglise oÿr le service divin ; apprés la messe oÿe et qu’ilz orent prins chascun une souppe en vin, ilz s’armèrent et appresterent es deux villes, c’est assavoir a La Fere et a Vendeul. 33 Lors veissiés venir dames et demoiselles par grans troppeaulx et par grans assamblees ; des habillemens et paremens dont elles estoient aournees ne vous veul tenir long compte, car assés est a croire que chascune endroit soy s’efforcha de soy monstrer, 34 en especial la dame de Coucy sus toutes aultres estoit richement habillye, sy tirèrent toutes es hours ainsy et pareillement que le jour devant avoient fait. 35 La encommencherent de sonner trompettes et menestrés a grant force. Le jour estoit cler et net ; chevaliers et bacelers pour le beau temps se resjoÿssoient ; pour eulx armer et habillier, pour plus tost venir en la place se hasterent moult fort sy montèrent tous sus leurs chevaulx.

3736 Le premier quy yssy de La Fere fu messire Jehan de Rosolt, et d’aultre part vint a l’encontre de luy messire Hue de Romeilly paré et aourné de ses armes, puis laissèrent courre les destriers sy se rencontrèrent par tel fierté que leur lances volèrent en pièces. 37 Puis vint apprés le seigneur de Graville, d’autre part le conte de Soisons de quy la renommee estoit grande : ilz laissèrent courre les destriers que tous deux ployèrent jus la cruppe du cheval sy rompirent leurs lances et parfirent leur poindre. 38 Alors, de tous costés, que mieulx mieulx se ferirent dedens l’un l’autre ; a l’assambler qu’ilz firent, demenerent sy grant bruit que d’une grosse liewe on les pooit oÿr pour le grant tombissement des destriers quy marchoyent sus la terre, et aussy des trompettes et menestrés quy menoient grant noise. 39 La s’esprouva moult bien le conte de Montfort, aussy fist le seigneur de Monmorency ; d’aultre part le seigneur de Fayel jousta contre ung chevalier breton, lequel avoit nom Huet de Loyac ; 40 pour l’amour des dames n’y avoit chevalier que a son povoir ne s’efforchast de bien faire pour acquérir proece et renommee.

3841 Alors le chastellain de Coucy et Troyle de Rombercourt, tout par devant les hours des dames, firent trois courses bien assisez, lesquelles les dames moult prisèrent, disans que moult bien l’avoient fait. 42 Alors ariva le seigneur de Coucy et le18 seigneur de Chauvigny d’aultre part. Quant ilz choisirent l’un l’autre, le seigneur de Chauvigny dist en hault : 43 « Sire de Coucy, je vous prye que le chastellain de Coucy me veullyés envoyer, car sur tous hommes je desire son advancement et son bien, et luy voldroye aujourduy tellement acroistre que a tousjours mais en vaulsist mieulx. 44 Car aujourduy je ne say baceler nul, quel qu’il soit, a qui je me volsisse mieulx esprouver ne essayer que a sa personne. » 45 Alors le sire de Coucy, sans plus parler, fist tant qu’il trouva le chastellain et luy dist : « Chastellain, monseigneur de Chauvigny vous mande que a luy venés jouster, car sur tous hommes il vous desire de s’essayer a vous. » 46 Le chastellain respondy au seigneur de Coucy : « Monseigneur, or soit de par Dieu ; je suis prest de vostre volempté faire. » Alors le chastellain se party de la ou il estoit et vint droit devant le hourt des dames ou le seigneur de Chauvigny l’attendoit, 47 sy povés croire et sçavoir certainement qu’en toute l’assamblee n’y avoit homme, com grant qu’il fust, plus bel ne plus richement armé ne houchyé ne mieulx assis sus le cheval ; 48 tant bel faisoit veoir sa maniéré et contenance que dames et demoiselles et toutes gens prendoient plaisir a le regarder.

3949 Quant ilz eurent choisy l’un l’autre, chascun d’eulx se mist en point ; ilz baissierent les lances, les healmes embrunchiés, ferirent les destriers des espérons 50 par tel puissance que a les veoir et oÿr venir sambloit estre ung droit effourdre, sy s’aconsievyrent sus les healmes en telle maniéré qu’ilz en firent saillir le feu. 51 Le chastellain, quy estoit désirant de tout son cuer de faire chose dont sa dame fesist compte, le fery par tel force que il l’estourdy tout et luy fist voler le healme hors de la teste ; 52 d’aultre part le seigneur de Chauvigny luy bailla ung cop sy desmesuré que oncques las ne tresches ne le porent garantir que nettement, sans nulle blecheure, qu’il ne luy emportast le healme en my le champ. 53 Ainsy les deux rades chevaliers, par leurs grans forces, demourerent devant les hours des dames tous deshealmés, esbahis corne s’ilz fussent cheus des nues. 54 Non pourtant passèrent oultre pour parfurnir leur poindre ; ceulx quy la estoient présent les loerent et prisèrent moult, et dirent que jamais plus belle course ilz n’avoient veu faire.

4055 La etiissyés oÿ cryer Coucy et Chauvigny par les heraulx qui la estoient ; dames et pucelles quy estoient sus les hours encommencerent a elles deviser des deux vassaulx et les loerent moult de la belle et forte jouste qu’ilz avoient faitte ; 56 meismement la dame de Fayel de ce qu’elle avoit veu faire au chastellain avoit telle joye et plaisir en son cuer, sans ce que en riens en montrast samblant que la pareille jamais n’avoit eu. 57 Sy sachiés par vérité que le chastellain tousjours avoit regart sus elle par la lumière de son healme et perchevoit assés a sa dame et au samblant qu’elle monstroit que la chose luy plaisoit moult, 58 par quoy le cuer et le corraige s’esleva en luy ; desirans faire mieulx et chose quy luy venist a plaisir, se mist en point pur parfurnir la tierche course. 59 Hz ferirent chevaulx des espérons, sy vindrent l’un contre l’autre, les lances baissyes ; par telle vertu et force s’aconsievyrent que jusques es poingz les lances froyerent en pieches en tant que les esclas volèrent au pardessus du hourt des dames. 60 Le chastellain rechupt ung cop sy merveilleux que son healme luy vola hors du chief, dont en son cuer eult moult grant ire, et dist bien que a l’autre course il fera tant que l’un d’eulx le sentiroit.

XI. Comment le seigneur de Chauvigny jousta a l’encontre du chastellain de Coucy.

411 Le bon chastellain de Coucy fu moult yrés en son cuer de ce que ainsy se veoit deshealmé. Non obstant ce, n’en monstra nul samblant de couroux, mais pensa en son cuer que s’il pooit en nulle maniéré, il feroit a son compaignon la pareille courtoisie qu’il luy avoir fait. 2 Et a vous dire la vérité, pour ce temps le seigneur de Chauvigny estoit le plus renommé du royaulme de France et quy le plus faisoit a craindre. 3 Et meismement ce fu celly quy fist en Surye tant de biaux fais et vaillances pour le temps que le roy Philippe de France et le roy Richart passèrent la mer en Surye. 4 D’aultre part le chastellain de Coucy fu ung moult aigre chevalier, grant et bel, fort et hardy aux armes, mais n’estoit pas sy riche ne sy puissant corne estoit le seigneur de Chauvigny. 5 Non obstant ce, de vaillance et de hardiesse eulx deux ensamble se povoient bien acomparer, le chastellain de Coucy moult désirant faire chose devant sa dame par quoy il en vaulsist de mieulx. 6 Apprés ce qu’il fu rehealmés, il baissa la lance et le seigneur de Chauvigny d’aultre part, sy s’en vindrent l’un contre l’autre ; au ferir dez espérons sy fierement s’aconsievyrent que oncques selle, changle ne poittrail ne se peurent tenir de rompre par la force et puissance des coups des deux chevaliers, mais se portèrent tous deux par terre, chascun sa selle entre ses chambes.

427 De celle jouste qui fu sy forte et sy merveilleuse encommencha le bruit et le parlement sus le hourt des dames et par toute l’asamblee que de demy liewe loing on en povoit oÿr le bruit, tant du son des trompettes et des crys des heraulx quy crioyent en hault Coucy et Chauvigny. 8 Sy vous dy pour vérité que les deux vaillans chevaliers furent sy estonné du cop que eulx deux recheurent qu’il fu longue espace que on cuidoit qu’ilz fuissent mors. 9 La y avoit grant foison vieulx chevaliers et aultres quy beaucop avoient veu du monde et veu maintz tournoys et maintes joustes, mais jamais de plus fortes ne plus dures ilz n’avoient veu : moult s’en esmerveilloient les dames. 10 Assés tost apprés, les deux chevaliers se levèrent ; chascun y estoit acouru pour les aidier a relever, puis les prindrent sy les emmenerent chascun en leur hostel. 11 Sy mal atournés estoient et tant estoné qu’il n’y avoit celluy d’eulx quy se senteist en quel point il estoit et sy ne sçavoient ou ilz estoient. 12 Moult furent plains et regretté des dames et chevaliers, disans l’un a l’autre que jamais plus grant dommage ne fu veu d’avoir perdu deux telz chevaliers, sy preux et tant vaillans aux armes. 13 Car je vous dy que pour l’eure on les comptoit mors et perdus puis, tantost comme ilz furent levé, cheirent pasmé entre les bras de ceulx quy les menoyent ; 14 par quoy les dames quy estoient sur les hours, veans ceste piteuse adventure de deux tant vaillans chevaliers, ne se peurent abstenir de plourer et regretter leur bonne vaillance et proece, disans entre elles que jamais plus grant dommage ne advint de deux sy vaillans chevaliers morir et finer.

4315 Sur toutes celles quy furent la, la dame de Fayel avoit tel doleur en son cuer que jamais en sa vye elle n’eult le pareil, car se bonnement elle euist ozé demonstrer samblant de couroux, son deul euist esté le non pareil des aultres. 16 Mais couvint par le sens d’elle son couroux murdrir et tenir en son cuer, ou elle avoit grant regret de la beaulté, bonté et grant vaillance du chastellain de Coucy, car assez elle pensoit en soy que pour l’amour d’elle il s’estoit ainsy efforchiés de faire chose quy luy venist a plaisir affin de parvenir a sa grâce. 17 Elle demenoit ung deul moult grant, lequel elle n’ozoit monstrer pour l’amour des gens, sy advint, ainsy que de ce deul se demenoit parmy la feste et sus le hourt des dames, 18 vindrent deux escuiers qui leur dirent et affermèrent que les deux chevaliers n’avoient garde de mort : par quoy le deul et le couroux quy estoit en elle se cessa et mua de couroux en joye. A cette heure se départirent de la place et retourna chascun en son logys.

4419 Quant19 la feste fu deffaillye pour la nuit quy les approchoit, le seigneur de Coucy, duquel pour lors estoit sy grant renommee en tourtes terres, avant que les dames descendeissent des hours, les prya toutes de venir soupper en la praierye es tentes et pavillons que estoient la drechiés, 20 et aveuc elles tous ducs, contes et barons, chevaliers et escuiers et tous aultres nobles hommes. Sy y vindrent tous a sa priere, a laquelle jamais n’euissent volu faire refus, car il n’y avoit celuy ne celle quy ne luy desirast faire service. 21 Se dire et raconter vous voloye des més et entremés et aultre jolyetez quy ad ce soupper furent fays, assés y porroye mettre. 22 Heraulx, menestrés, tromppettes, jongleours y jouèrent de leurs mestiers ; de leurs abillemens ne des atours des dames ne vous veul faire grant parlement. Avant ce que elles se levassent de table, y sourvint le chastellain de Coucy : 23 portant son braz a une touaille, vint moult humblement saluer les seigneurs et dames en sousriant et disant : « Mes dames et demoiselles, ainsi va d’armes et d’amours : corne on dist en ung proverbe, pour une joye cent dolours. » 24 Alors n’y ot dame ne damoiselle quy ne commenchast de sousrire, en especial la dame de Fayel quy estoit l’outrepasse de toutes les dames de beaulté, de maintieng et de contenance ; 25 couvertement ad ces parolles luy envoya ses yeulx, messagiers du cuer, lesquelz a grant joye il rechupt, mais, non ingrat, les luy renvoya couvertement comme celluy qui bien l’amoit20.

4526 Alors, de tourtes pars, le soupper acomply, seigneurs et dames se levèrent puis encommencherent les danses et carolles ; menestrés et trompettes et aultres jouans de pluiseurs et divers instrumens encommencherent chascun endroit soy etilx envoisyer et jouer chascun de ce qu’il sçavoit faire pour resbaudir la feste. 27 La veissiés maint chevalier et escuier eulx deviser, les ungz danser et faire feste, les aultres eulx deviser a part quant ilz veoient heure ; 28 sy advint que le chastellain de Coucy, quy ne desiroit aultre chose fors de trouver lieu, place et heure de parler a sa dame, l’advisa que sur luy elle avoir jetté ses yeulx, 29 sy s’approcha tout coyement vers elle ainsy comme celluy quy pensoit a riens, et aussy pour cause que nulz ne pensast qu’il visast a elle de le voloir amer. 30 Il s’approcha et s’assist auprès d’elle, laquelle en le regardant doulcement luy demanda comment il luy estoit. Le chastellain se teult ung pou, puis tout bas en souspirant luy dist : 31 « Madame, il est bien en vous, quant il vous vendra a plaisir, de moy resconforter, car tourte ma santé et ma vye est en vous ; d’aultre médecin que de vous n’ay mestier. »

XII. Cy parle des devises que la dame de Fayel et le chastellain de Coucy firent ensamble de leurs amours.

461 La dame de Fayel moult simplement en basset respondy au chevalier et luy demanda : « Sire, estes vous guerres blechiez ? Il me desplairoit de tout mon cuer se vous avyés chose quy vous peuist nuyre. » 2 II respondy et dist : « Madame, je n’ay blecheure sus mon corps dont il me chaille guerres, fors du cuer quy tant est blechiés, lequel et du mal que je sens jusques a mort n’en puis plus porter se par vous ne suys secourus. 3 – Sire, ce dist la dame, vostre mort ne vouldroye pour riens, mais ainsy me veulle Dieux aidyer, que j’en seroye desplaisant et courouchye plus ou autant en partye que vous meismes quy vous dolez. 4 – Madame, s’il est ainsy corne vous dittes, dont m’ottroyez ma requeste. – Sire, or me dittes quel chose vous volez que je face pour vous, mon honneur sauve. 5 – Madame, les faulx parliers et menchonnyers me font grant doubte, que se ilz apperchevoient que je retournasse autour de vous, a vous et a moy pourroient faire grant destourbier et anuy, mais se par vostre courtoisye vous plaisoit adviser lieu et place ou je peuisse parler a vous 6 et qu’il n’y ait fors vous et moy, affin que nulz n’en sache a parler ne dire chose que a vous et a moy peuist tourner a desplaisir. Se ceste chose ne se fait par ceste maniéré, il m’est impossible de tourner a garison. 7 – A ! sire, ce dist la dame, je ne saroye ne pourroye trouver lieu ou vous peuissiés priveement parler a moy, et pour tant en dedens mardy prochain je adviseray lieu et place ou vous portés venir. 8 Or ay advisé, s’il vous plaist, que mardy au matin prenderés le chemin vers Saint Quentin, puis vous tournerés et prenderés le chemin de Fayel, 9 car monseigneur mon mary a une journée a Sorel quy est auprès d’icy, ou il convient qu’il soit en personne. 10 Et alors vous diray quelle chose j’en porray faire ; aultrement ne saroye trouver personne par quy je le vous peuisse mander, et pour ce couvient que vous venés la parler a moy.

XIII. Cornent les dames portèrent les pris az deux chevaliers, c’est assavoir au chastellain de Coucy, pour le mieulx avoir fait de ceulx dedens, et de dehors au seigneur de Chauvigny.

47I – Madame, dist le chastellain, pour chose qu’il me doye advenir, je ne lairay que ne viengne devers vous. » Alors, tantost apprés, dames, demoiselles se misrent ensamble en conseil pour sçavoir a quy on douroit les pris. 2 La estoient barons et chevaliers et grant foison heraulx aveuc les dames quy de cest affaire se devisoient, sy fu conclud et dit que par dehors le seigneur de21 Chauvigny devoit avoir le pris sur tous aultres, 3 et a celuy quy mieulx l’avoit fait dedens fu jugiés et ottroyés libéralement au chastellain de Coucy. 4 La estoient heraulx assamblés, pourvueus de ce qu’ilz dévoient faire, sy encommencherent la teste parmy la sale. Adont vint la contesse de Soisson moult grandement acompaignye ; sus son poing portoit ung faulcon gentil, 5 sy entra dedens la feste : chacun vey le prys apporter, sy est assés a croire que pour le veoir donner y avoit moult grant presse. 6 La contesse tournoya ung tour ou deux parmy la carole, sy vint devers le chastellain et luy dist : « Chastellain, par le jugement des dames, pour ceulx de dedans le prys vous est adjugiez. 7 – Madame, dist le chevalier, assés en y a quy l’ont fait mieulx de moy ; corne indigne le rechoys de vous, sy remercye les seigneurs et dames et vous, madame, qui le m’aportez. » 8 Apprés, la contesse, sans plus arrester, se depparty de la salle, mais sachiés que les heraulx, pour le bien fait qu’ilz attendoient, vindrent a l’ostel du seigneur de Chauvigny ou il se gisoit dedens sa chambre en ung lit paré, 9 mais tantost le firent lever et appareillier de tous poins ; par layans y avoit grant clarté de torches et de tortins, sy monta la contesse amont et mainte noble dame et damoiselle quy l’acompaignoient.

4810 Elle vint vers le lit sur quoy estoit assis le seigneur de Chauvigny et luy dist : « Sire, chevaliers, dames et damoiselles tout d’un acord ont envoyet le pris de dedens au chastellain de Coucy, 11 et pour le mieulx faisant du dehors vous a esté le prys jugyé, lequel vous présentons : c’est ung faulcon pelerin, le plus bel et le mieulx volant que oncques fust aporté de Candie. » 12 Le seigneur de Chauvigny moult liement et de bon cuer le rechupt, sy en remercya les dames ; puis luy dirent apprés ce que vin et espices furent apportées : « Sire, ce présent prendés en gré, sy pensés de vous tost garir, les beaux fais que on vous a veus faire seront retrait en maint hault lieu. 13 – Sire, dist la dame de Coucy, quy la estoit, Dieux vous doinst bien perseverer, car tous deux l’avés aujourduy bien fait. – Madame, dist le seigneur de Chauvigny, Dieux me doinst grâce de mieulx faire, mais assés en y avoit d’aultres quy mieulx l’avoient fait de moy. » 14 Puis les dames prindrent congiet sy s’en partyrent et alerent chascune en leurs hostelz, mais, avant ce quelles s’en tornassent, s’en alerent aulx danses et caroles, la ou les chevaliers firent cryer (c’est assavoir ceulx de Champaigne et Berry) ung tournoy a Maziere sus Meuze, lequel se devoir faire le XV^e jour ensuivant. 15 De ces nouvelles fu le seigneur de Chauvigny moult resjoÿ, et luy sambla bien que de celle feste il seroit gary de sa jambe, mais corne ung noble chevalier, fist tirer hors de son estable ung moult bel coursier de Puille, 16 lequel il envoya par amours et gentillesse au chastellain de Coucy pour ce que a la jouste le sien avoit esté mort ; le chastellain, comme courtoys, l’en remercya moult humblement.

XIV. Comment le chastellain, apprés les joustes, vint a Fayel voir sa dame.

491 Celle nuit, apprés la feste achevée, seigneurs et dames prindrent congiet l’un a l’autre pour le lendemain partir et chascun retourner en sa contrée, sy sachiés pour vérité que le seigneur de Coucy et la dame donnèrent de beaulx dons et largement aulx chevaliers et dames d’estranges pays : 2 puis prindrent congiet, sy s’en partirent et vindrent chascun en son hostel jusques ce vint le lendemain qu’ilz se levèrent bien matin et s’en retournèrent en leurs marches dont ilz estoient. 3 Et d’aultre part le chastellain n’avoit pas mis en oubly d’estre ou lieu et au jour que sa dame lui avoit dit ; moult luy sourvindrent de pensemens, car une heure luy duroit ung jour et ung jour cent, et ne faisoit que penser, mais bien luy sambloit que jusques au mardy y avoit bien ung an. 4 Quant ce vint au jour que tant avoit désiré, il se mist de piet au chemin, et fist tant qu’il trouva ung bregier ou chemin par dehors Fayel. 5 Le chastellain vint tantost devers luy et luy demanda s’il ne sçavoit point que le22 seigneur fust layans. 6 « Sire, dist celluy, il n’y est pas, mais maintenant y ay laissié madame et sa compaignye sus le pont, et aloit amont en la sale. » 7 Le chastellain vint en la court, sy descendy et mist piet a terre ; tost fu layans qui prist son cheval et emmena en l’estable. Quant la dame percheu le chevalier, elle retourna sus le pont en l’attendant. 8 Le chastellain prist a monter sus le pont et vint vers la dame quy luy tendy la main en luy disant que il fust le bien venu. Le chastellain moult humblement le salua, puis vint prés d’elle et luy dist : 9 « Madame, Dieux vous acroisse honneur et bonté, auquel je prye qu’il vous doinst cuer et volempté d’avoir pitié et mercy de moy. » Elle luy respondy tout en riant que le très bien fust il venu, sy le prist par la senestre main et23 l’emmena en sa chambre tout devisant, sy s’assirent sur le bort d’une couche. 10 Le chastellain le prist moult fort a regarder ; la dame, quy assés apperchevoit le chastellain muer coulleur, luy dist : « Sire, la doleur de vostre bras vous fait elle encores mal ? 11 – Madame, puis que savoir le vous plaist, encores ne suys je pas garis, car au cuer suys sy griefment malades par ce que n’avés pitié de moy que, se par vous ne suys conforté, je ne voy en moy ne ne puis congnoistre qu’il ne me conviengne morir, et nul aultre que vous n’en sera cause. »

XV. De la promesse et resconfort que la dame fist au chastellain de Coucy.

501 Sire, ce dist la dame, ne vous desconfortez en riens car j’apperchoy de vous et congnois que vous m’amés, et sy croy qu’en vous a grant loiaulté et franchisse : se le blasme et deshonneur ne cremoye, assez tost seroye conseillye de vous amer en tout bien et en toute honneur. 2 Mais se tant sages et soubtil estiez d’eschiever ma honte et mon deshonneur, assez tost me vouldroye pener de vous baillier aulcun resconfort, car bien seroye malvaise et dure se a ensyent pour moy vous veoye morir. » 3 Le chastellain, quy oÿ ces parolles, eult moult grant joye en son cuer et dist : « Madame, le dieu de lasus me puist confondre et cravanter se oncques en jour de ma vye eulx envers vous une foie pensee ; sy sachiés pour certain que, en tous lieux, je garderay vostre honneur, s’ainsy est que veulliez faire ma volempté, que de nulz quy vive n’en serés blasmee ne ja a ma cause on n’en dira chose qui tourne a vostre deshonneur. 4 – Sire, ce dist la dame, puis que ainsy est, je suys preste de oÿr ce qu’il vous plaira a dire. – Madame, dist le chastellain, bien se fault garder des faulx mesdisans et envieux, et pour ce nous couvient esgarder aulcun privé lieu et secret que pou de gens sachent, 5 et s’ainsy estoit que euissiés aulcune chamberiere ou damoiselle en quy fyer vous osissiez, quant est a moy, je vous ozeroye bien conseillier de vous descouvrir a elle : ce nous seroit ung grant confort, mais s’elle n’estoit sage et secrete, a vous et a moy en pourrait mescheoir. »

516 La dame respondy et dist : « J’en ay une quy est ma parente et quy long temps a esté aveuc moy. Se c’estoit ores pour ma vye sy m’ozeroye bien fyer en elle, car pluiseurs foys m’a dit grant bien de vous. 7 Elle est sage, soubtille et secrete ; je ne sçay s’elle pense aulcunement ou apperchoit que vous m’amez, car je sçay bien que la manche que je vous donnay, laquelle vous portiez en vostre destre braz aux joustes, elle perchupt, et congneu les offrois qui estoient autour. 8 Jamais d’elle ne feray quelque doubte : elle et moy sommes advisees et pourpensees depuis quatre jours encha la maniéré et comment vous peuissiés ycy venir sans ce que par nulz homme ne femme peuissiés estre recongneus, 9 sy avons advisé ensamble que auprès d’icy a ung petit jardin touchant a ung petit boschet ou auprès est ma garde robe, sy trouverés la ung petit huys ou vous pourrés entrer pour venir vers moy, 10 ja soit ce qu’il y ait grant temps qu’il fu fourcloz : par la souventeffoys aliesmes au bois pour nous debatre et déduire, mais quant a present on n’y va plus ; peu y a de noz maisnyes quy en sachent riens ne la ou il siet. 11 Sire, se promettre me volez sur la foy et honneur de vostre corps que vers moy ne pourchasserez ne ferez chose quy me tourne a deshonneur, je feray tant pour vostre amour que je vous enseigneray l’uisset pour venir parler a moy, et puis et moy ensamble adviserons comment vous vous deverés conduire. » 12 Le chastellain moult humblement remercya la dame et luy promist et jura que se n’est de son gré, que jamais ne luy requerra chose quy luy doye tourner a desplaisir ne a nulle deshonneur, mais « comme vostre amy vous vouldray servir loyaulment en gardant par tout vostre honneur. »

5213 La dame, que moult estoit soubtille et sage de grant mesure, luy fist promettre sa foy que ainsy le feroit, mais de la grant joye qu’il avoit au cuer a grant paine pot parler ne respondre et fu ainsy corne ravy de la grant joye qu’il eult. 14 « Beau sire, ce dist la dame, pour les malvais parliers il nous couvient ouvrer sagement et tellement conduire nostre euvre que les malvaises gens et envieux n’ayent cause de parler sur nous. 15 Or vous diray que vous ferés quant vous voldrés parler a moy : vous yrez droit a Saint Quentin, mais vous passerés et tendrez le chemin que veez cy. 16 Sy faittes tant que ayez ung privé garchon quy ne soit point de vostre hostel, car plus tost s’apperchevroit de vostre affaire que ne feroit ung aultre de quy vous seriez acointe ; 17 mais trop bien luy porrés dire quant vous vendrés par decha que vous amés une myenne chamberiere et avez amé long temps, 18 et affin que sur moy il n’ait nul pensement, sy luy direz et enjoinderés moult fort que, pour chose quy luy adviengne, vostre secret ne soit descouvert. 19 Et luy direz s’elle l’avoit une fois veu, elle luy douroit aulcune chose, et aussy je le diray a elle qu’elle tiengne ceste maniéré, et qu’il luy dye qu’elle vous ayme loyaylment. 20 Elle s’acointera du garchon adfin que par luy elle vous puist mander l’eure et le jour que vendrés parler a moy. Et par ainsy cuidera le garchon que ce soit pour l’amour d’elle et non pour nul aultre : se le faittez, ja nulz n’en sara a parler. 21 – Madame, vous dittez la vérité. Or doncques, madame, puis que ainsy est, vostre conseil voldray du tout croire, et pour ce, madame, je vous prie que me veulliés dire par vostre bon plaisir quant il vous plaira que je viengne vers vous. »

5322 La dame se teult une espace et fu longement sans respondre, puis luy dist : « Sire, ma pensee maintenant vous vouldray escouvrir ; sachiés que j’ay moult grant paour d’encheoir a faire chose dont je soye blasmee ne biffamee vers Dieu ne le monde. Certes, je ne sçay lequel faire : en telz affaires je ne me congnoys. » 23 Alors encommencha ung pou a penser, puis respondy au chastellain : « Sire, il adviengne ce qu’il porra venir, venez, l’uys vous sera deffermés, mais venés sagement et tout seul que nulz ne le sache, sy vous hastés de tost venir ; 24 et s’ainsy est que l’uys ne soit deffermés, sy attendés tant que on y viengne, car nulz ne le deffermera fors moy ou ma chamberiere, mais il advient aulcuneffoys que mon seigneur revient par la que nous ne nous en donnons garde. 25 Car s’il advenoit d’aventure que monseigneur retournast anuit, vous ne pourryés entrer cheans, et pour ce vous convient adviser comment vous le pourryez sçavoir, car pour tout l’or du monde ne pour tout l’amour que j’ay en vous, se mon seigneur y estoit, je ne vous y lairoye entrer. 26 – Et aussy vous feriez folye, madame, de ce avez vous droit, car pour riens quy soit au monde que pour ma volempté acomplir ne voldroye que feissiez chose dont vous deuissiés estre blasmee. 27 Mais je me metteray a l’aventure et y venray, et suys contempt de attendre assés longement : le paine pou me grèvera. – Sire, ce dist la dame, comme il vous plaira. 28 – Madame, je m’en veul aler adfin que je ne donne cause a nul de cheans de malvaisement parler pour vous eschiever de blasme. »

XVI. Des devises que la dame de Fayel faysoit a sa chamberiere touchant ses amours.

541 Le chastellain, moult joieulx et envoisiez, prist congiet de sa dame sy s’en depparty et moult remercya Amours du grant confort et esperance qu’elle luy a promis, sy s’en vint droit a Saint Quentin, et croy que oncques homme ne fu plus joieulx. 2 La dame, d’aultre part, pensoit ad ce qu’elle avoit en couvenent au chevalier. Elle appella sa chamberiere et luy raconta tout le fait ainsy comme il estoit basty entre elle et le chastellain. 3 « Madame, dist la chamberiere, aultre chose n’y sçay fors tant seulement que la chose soit tenue secrete, et sy bien conduitte que nulz fors Dieu ne s’en puist apperchevoir, 4 Sachiés, madame, pour vérité, que j’ameroye mieulx a estre desmembree piece a piece que par moy fuissiez acusee ; non pour tant vous avez eu grant tort de vous sy legierement acorder, 5 sy m’esmerveille moult quy vous a meu de ce faire : vous estes une haulte dame et sy avez a mary ung preu et vaillant chevalier, et sur ce avez fait ung aultre amant. 6 Non pour tant je ne dy mye que une dame ne puist bien avoir en sa grâce ung baceier quy soit honneste et le amer et avoir chier, et s’il avoir aulcun mestier d’avoir ung joyel ou aulcune baguette pour soy parer et jolyer, je ne dys pas que ce ne se peust bien faire. 7 Mais son honneur doit sy bien garder et sy sagement contenir que en lieu privé il ne se treuvent, car je vous dy certainement que privé lieu ont fait maint home hardy. 8 Et non pour quant, puis que ainsy est et que tant vos l’amez, vous en portés faire vostre plisir, et ad ce faire, puis qu’il vous plaist, a mon pooir le cheleray et vous aideray a conduire vostre fait, ne ja de par moy ne serés descouverte. »

559 Quant24 la dame entendy sa chamberiere, elle commencha ung pou a rougir et pensa ung petit aux parolles qu’elle luy avoir dittes et monstrees, sy s’aficha en son cuer que en celle nuit il n’y enteroit. Et lors commencha a dire a sa chamberiere : 10 « Ma doulce soer, sachiez pour vérité quy aroit esleu en ce monde l’un des plus preux et vaillant, plus bel et plus plaisant ne plus gracieux, on ne saroit mieulx avoir choisy que d’estre adrechye au chastellain de Coucy. 11 Oncques de luy jour de ma vye ne oÿ retraire ne dire chose quy ne fust honneste, et sachiez que la grant amour que j’ay mis en luy m’ont fait avoir mainte dure nuit et maint mal sentir, sy n’en sçaroye a quy doloir fors a moy meismes, 12 et ne m’en porroye abstenir pour chastiement ne remonstrance que on m’en seuist dire ; 13 de le amer et chérir en nulle maniéré depporter ne m’en porroye, sy vous prye, ma chiere amye, que ceste besoingne pensés de celer et le tenir secrete. 14 Mais je vous veul dire une chose que j’ay empensé de faire, et pour le mieulx essayer de savoir s’il m’aime autant comme il me monstre les samblans, et je vous en diray la maniéré. 15 Quant il vendra encore nuit pour cuidier entrer en l’uisset du jardin ainsy comme je luy ay dit, il n’y ara femme ne homme que en celle nuit le laisse dedans. 16 Alors cuidera estre trompé, sy en sera tous esbahis et dira que je ne l’ay fait pour aultre chose sy non pour moy truffer de luy. Alors le verrés cesser de cy venir quant ainsy se verra trompé. 17 Et s’il est ainsy qu’il m’aime autant qu’il dist, pourtant ne laissera pas a venir par devers moy, s’il est ainsy comme il en monstre le samblant, et par ainsy le portons essayer. »

XVII. Comment le chastellain de Coucy vint au jour et a l’eure que sa dame luy avoit mis, et comment il trouva l’uisset fermé.

561 Le chastellain quy désirait de tout son cuer25 la nuit advenir, joieulx et envoysy attendy tant que la nuit vint, mais sachiés que ce jour luy dura moult, 2 mais le bon espoir qu’il attendoit avoir celle nuittye et le bien fait de sa dame pour laquelle il avoit eu mainte paine et mainte doleur a porter luy donnoient grant resconfort. 3 Quant la nuit sourvint, laquelle fu moult obscure – dont il fu moult joyeulx, luy tout seul sans compaignye se mist tout coyement a la voye, de paour qu’il ne soit veu ou que on ne sache ou perchoive de son affaire par coy il puist avoir aulcune destourbance. 4 Ainsy comme a la porte clore se mist hors de Saint Quentin ; vestus estoit de divers draps afin que de nulz ne fust appercheus, mais par dessoubz estoit armés afin d’estre plus asseur ou davant aulcun rencontre, ainsy que souvent telz choses adviennent. 5 Celle nuit moult crueuse, il ventoit et plouvoit et cheoit du grésil, fourdre et tempeste sy grant qu’il sambloit que toute la terre deuist fondre en abisme. 6 Il tonnoit et esclistroit, mais pour quelque temps qu’il feist, oncques le chastellain ne s’en doubta, mais luy sambloit que il estoit aussy asseur comme s’il euist esté en une tour ou en ung fort chastel, 7 car Amours, qui estoit aveuc luy en son cuer26 affichié, luy tenoient grant compaignye. Et aussi pour le déduit que celle nuit attendoit avoir de sa dame, tant est venus sus et jus qu’il est venus près de la place, sy se traÿ tout coyement devers le petit boschet, 8 puis regarda et choisy le petit huysset quy estoit assys dedans le mur. Il s’approcha et le senty bien fermé, et se n’y trouva nulluy quy luy ouvrast ne parlast mot, dont il fu moult pensif et mat. 9 Sy s’asist d’encoste l’uys, pensant en soy qu’il est trop tost venus ou que le seigneur de layans estoit revenus ; ne scet que faire ne penser, sy attendy la, espérant que aulcun y venroit. 10 La dame quy l’avoit fait venir vint tout coyement vers l’uisset, en escouttant s’il estoit venus, sy corne celle qui l’amoit tant que oncques femme peult amer homme. 11 Bien l’oÿ plaindre et souspirer et faire maintz piteux regretz ; aulcuns motz entendoit aulcuneffoys des regretz qu’il faisoit pour l’amour d’elle.

XVIII. Comment la dame de Fayel et sa chamberiere27 vindrent escoutter a l’uisset les complaintes du chastellain.

571 Car tout bas il disoit ainsy : « A ! ma très doulce dame, m’avez vous dont mis en oubly ? Loyaulté fault en vostre bonté. Las moy ! Dont vient ce, ne que pense ma dame qu’elle ne me tient ce qu’elle m’a promis ? 2 Il ne pert pas a son samblant qu’elle soit ne malvaise ne faulse. Helas moy ! que pourroye je dire s’elle m’avoit du tout failly ? 3 Je ne sçay que je devenrroye, fors tant que briefment me couvendroit morir, car en moy ne seroit le malporter que je sentyroye. » 4 La dame quy estoit a l’uys luy et sa chamberiere entendirent bien les motz qu’il disoit sy escouttoient toutes deux les complaintes du chastellain. 5 La pucelle, a basse voix, dist a sa dame : « Madame, sachiés pour vérité qu’il vous ayme moult loyaulment : oyez ses piteuses complaintes ; vous veés comment il est a la pluie et au vent ? Helas, madame ! Mettons le dedans sy ferez grant ausmonne. » 6 La dame respondy que ce ne feroit elle pas et dist que celle nuit il n’y enteroit : « Mais oyons encores quelle chose qu’il dyra : s’il est moulliez, c’est pou de chose. 7 Je ne le puis faire trop doloir ne souffrir trop grant mesaise ; s’il a ores paine et enduré la malvaise nuit, bien luy sera guerredonné, car s’il avoit joye sanz paine, il averoit trop bon marchyé de dame. » 8 Le chastellain, quy pas ne sçavoit que s’amye fust sy prés de luy, de heure en aultre se complaignoit du grant mal qu’il seuffre et destraint jusques au cuer. 9 Il dist : « Helas ! je suys trahys ; aulcuns m’ont tourblé vers ma dame. Hellaz ! Et que ay je dit et quy aroit ce esté, car je ne croy que nulz hommes quy soient en ce monde s’en percheust oncques ? 10 Hellaz ! doncques quy serait celluy quy m’aroit grevé, se ce n’est que le seigneur de Fayel soit layans ? 11 Or doncques, puis que aultre chose n’en puis avoir, cest huys sera baisiés, car il peult estre que celle que j’aime tant loyaulment l’a atouchié de ses beaux doitz. » 12 Lors a baisyé l’uys moult doulcement et sy s’est froté a l’encontre. Et puis apprés se rasist, et la fu longue espace soy complaignant et doulousant, et tant que le28 jour apparu, quy le contraigny d’en partir, car plus il n’y oza demourer.

XIX. Comment le chastellain s’en party du jardin, dolant et courouchiez de ce que sa dame luy avoit failly de couvent, et comment il rencontra le seigneur de Fayel.

581 Atant se party le chastellain du boschet, dolant et cuer triste, pensif et morne, et s’en revint a Saint Quentin moulliez em plus et mal atournés, tant qu’il vint et entra en son hostel. 2 Incontinent, sans long séjour, s’en ala couchier pour cuidier dormir, mais il luy estoit impossible pour la merancolye en coy il estoit. 3 Il ne scet que faire ne dire, fors de penser a sa dame faintement qui ne luy avoit pas tenue sa promesse, et luy sambla qu’elle l’avoit fait pour le trttffer, et dist qu’il ne l’aime pas, puis luy revint a mémoire de la manche qu’elle luy donna. 4 Aultre resconfort il n’a a elle fors ce que sa dame luy avoit dit que, se son seigneur retournoit, que il n’enteroit point dedans pour chose quy luy advenist. 5 Il fu moult traveillyé de celle malvaise nuittye, tant qu’il se prist a reposer, et dormy assez bonne matinée, puis se leva, chaussa et vesty, mais oncques n’eult pooir de boyre ne de mengier fors que de penser a sa dame, 6 et disoit en luy meismes qu’il yroit parler a elle, lors se rapensa qu’il vault mieulx de s’en depporter. 7 Ainsy ne scet que faire : amours le tiennent et mainnent en tel maniéré qu’il ne se scet mais conseillier. Alors vindrent ses escuiers devers luy et luy demandèrent comment il lui estoit. 8 Le chastellain se teult ung pou, puis dist a ses escuiers : « Or tost alés, sy tyrés noz chevaulx des estables. » Sy monta a cheval luy et ses gens et s’en party sy se mist a chemin.

599 Sy advint d’aventure, ainsy comme il aloit chevauchant, il encontra le seigneur de Fayel sy saluèrent l’un l’autre ; le seigneur de Fayel luy prya moult estroittement qu’il volsist retourner et venir soupper avec luy. 10 Le chastellain, que moult estoit courtoys, le mercya humblement, sy demanda au seigneur de Fayel : « Sire, par vostre foy, dont venez vous cy endroit ? » Il respondy29 : 11 « Sire, par ma foy je vieng de besoingnier cy auprez, mais je ne fus puis devant hier en ma maison, sy est temps que je y retourne ; pour coy je vous prye sur toute l’amour et courtoisye que me vouldriez faire que veuillez retourner aveuc moy, sy me ferez grant courtoisye. 12 – Sire, ce dist le chastellain, je vous prye qu’il ne vous veulle desplaire : pour l’eure, je ne puis aler aveuc vous, car il me couvient aler en mon hostel, 13 ou ja a grant pieche que je ne fus pour besoingnes quy me touchent moult fort. » Quant le seigneur de Fayel vey qu’il n’en povoit finer, il prindrent congiet l’un de l’autre sy s’en deppartirent.

XX. Des complaintes du chastellain.

601 Quant le chastellain et le seigneur de Fayel se furent deppartys l’un de l’autre, le chastellain s’avisa que sa dame a eu lieu et temps assez, s’elle volsist, de le laissier entrer dedans s’il luy fu venu a plaisir. 2 Moult bas en son cuer se demente et dist : « Laz ! Que je suys chétif, moy quy l’aime, et sy ne m’aime pas, car je cuidoye avoir amye, mais je voy bien que j’ay du tout failly. » 3 Lors se commencha de plaindre et dist : « Je fus bien malheureux quant oncques je y pensay ; a mal heure l’acointay oncques. » 4 Tel deul et tel desconfort demaine que pou s’en fault qu’il ne se ochist, mais Espérance le reconforte en luy disant bien porroit estre que aulcune adventure l’agreve par devers sa dame. 5 En cel estât ou il estoit, ne se pot tenir que tantost ne alast faire une chanson, car tousjours en faisoit selonc le temps et heure que son cuer sentoit son affaire.

XXI. Cy parle comment le chastellain de Coucy s’acoucha au lit, malade, et des devises de la dame de Fayel a sa chamberiere.

611 Quant il eult finee sa chanson, il arriva en son hostel ainsy comme au desrain mot, mais, quelque chanson qu’il ot faitte ne chantee, oncques jour de sa vye il n’eult le cuer plus mesaisyé. 2 Car oncques en tout le jour il ne beu ne menga et n’y avoir nulz de ses gens, tant fust privé de luy, qui luy en ozast parler. Il fist appareillier son lit sy se coucha, et la prist une maladye si grande qu’il en cuida morir. 3 II jut en son lit plus d’un moys, foible, destroit et angoisseux autant corne jamais fu homme. Or vous raconteray ce qu’il advint apprés le retour du chastellain. 4 La dame, qui estoit a l’uisset assise luy et sa chamberiere, se leva sus et revint en sa chambre, sy se coucha en son lit pour soy dormir et reposer, et dist a sa chamberiere tout en gaboys : 5 « Or est moulliez le chastellain ; a l’autrefoys, s’il faisoit que sage, il ne veilleroit pas tant. Certes, il a esté moult a malaise ceste nuit ; che luy a esté ung povre commenchement. Or nous couvient adviser la maniéré et comment doresenavant il ouvera. 6 – Madame, dist la chamberiere, grant pechié et grant vilonnye vous avez fait, de le ainsy avoir laissiet avoir sy male nuittie a la pluye et au vent. Hellas ! Madame, quant il a veu qu’il n’en a peu avoir aultre chose, il a baysié notre petit huysset. » 7 Alors la dame et la damoiselle cessèrent de parler et s’endormirent pour le traveil qu’elles avoient eu du veillier, sy dormirent jusques a midy que le seigneur de Fayel fu venu. 8 Quant il fu descendus, il monta en la sale sy trouva sa femme quy lui vint au devant et luy dist qu’elle avoit esté la nuit mal disposée, et que pour ce avoit esté sy longement couchye. Le seigneur commanda les tables a mettre sy s’assirent au disner.

XXII. Comment le seigneur de Fayel racontoit a sa femme comment il avoit rencontré le chastellain de Coucy.

621 Quant le seigneur et la dame de Fayel furent assys a table, le seigneur dist a sa famé : « Dame, quy pensés vous que j’ay rencontré en mon chemin ? – Sire, je ne sçay ; pour Dieu, dittez le, je vous en prye. 2 – Certes, dame : j’ay encontré ung chevalier, le plus bel et le plus courtoys et le plus débonnaire, le plus preux et hardy aux armes que je congneusse oncques ; moult volemptiers l’euisse amené aveuc moy affin qu’il eust disné aveuc nous. 3 – A ! sire, dist la dame, quy est ce chevalier que vous loez tant ? – Dame, il n’est pas trop estrange : c’est le chastellain de Coucy, quy est moult gentil chevalier. 4 – Sire, ce dist la dame, assez de gens dient qu’il est de bon affaire. – Par Dieu, dame, encores vault il mieulx que je ne dys. » A ytant la dame se retourna a parler d’aultres choses et ainsy le disner se passa, 5 puis quant le disner fu passé et qu’ilz furent levé de table, la dame retourna en sa chambre sy appella sa damoiselle et luy dit : 6 « Avez oÿ quelles nouvelles monseigneur mon mary nous a apportées de celluy quy en son hostel s’en va dolant, triste et couroucyez ? 7 – Dame, dist la damoiselle, que en peult il mais s’il luy anuye ? – Hellas, ce dist la dame, j’en suys couppable et sy ne sçay comment il puist estre rapaisiez. 8 – Dame, ce dist la chamberiere, or pourchassiez et advisez en vous meismes que hastivement il viengne devers vous et luy faittes amendement du traveil et paine que luy avez fait souffrir. 9 – Sy feray je, ce dit elle, mais ja par moy ne sera mandés, viengne s’il veult or en adviengne ce qu’il en peult advenir ! » A ytant ont laissiet leur parlement ; or retornerons a parler du chastellain.

6310 Par cy devant povez avoir oÿ et bien entendu comment ce gentil chevalier, le chastellain de Coucy, s’acoucha au lit, malade pour l’anuy et desplaisir qu’il sentoit en son cuer de ce que sa dame luy avoit ainsy failly de promesse. 11 Lequel devint tant pale et tant descoulouré que festes, joye ne esbattemens ne luy venoyent a plaisir, mais plus le grevoyent et faisoyent contraire que nulle chose au monde. 12 Car riens ne luy povoit venir devant dont il peuist avoir joye fors tristresse et merancolye, mais tousjours pensoit a sa dame qui ainsy l’avoit failly, puis disoit quant il se veoit esseullé a par luy en sa chambre : 13 « Relias, dist il, quy euist pensé que une sy belle dame, tant gente de corps, raemplye de sens et de vertus, volsist aler a l’encontre de sa promesse ? 14 Orres me doy je tenir le plus maleureux, le plus chétif et plus meschant homme que jamais on peuist veoir. » 15 En ce temps que le chastellain de Coucy se gisoit malade, avoit pluiseurs chevaliers et escuiers voisins qui moult soingneusement le venoient viseter en sa maladye, en tant que de son mal les nouvelles en vindrent a Fayel que le chastellain se gisoit maladez jusques au morir.

6416 Quant la dame de Fayel entendy ces nouvelles et qu’elle congneu en soy que par elle tout ce luy procedoit, elle dist30 : « Lasse moy, dolante, que feray quant par moy et a ma coulpe verray morir ung tant gentil chevalier et de sy grant renom, 17 lequel m’amoit de sy bon cuer que je cuide que Tristan et Ysaut de Cornuaille n’amerent tant l’un l’autre ? Certes, bien en deveroye souffrir la mort s’ainsy advenoit que pour moy il morust, fust d’ardoir ou aultrement. » 18 Alors la dame de Fayel, pour le mal de son amy, encommencha moult fort a plourer, et aussy fist la damoiselle, laquelle moult fort l’a confortée et luy dist : 19 « Madame, se vous en prendiés la mort, la chose n’en vauldroit pas mieulx ; j’espoire qu’il ara garison. Et pour che, madame, je vous conseilleroye, pour vous conforter et oublyer ceste doleur qui vous est sourvenue, et a vostre cause, veulliés le laissier passer. 20 Joesdi prochain, a Chauvigny ara une feste moult grande, ou j’ay entendu que seront grant foison chevaliers et dames, et la portés oublyer voz doleurs et toutte merancolye, en attendant que milleures nouvellez vous en viengnent.

6521 – Comment doncques, dist la dame a sa chamberiere, pensez vous que je volsisse aler moy jouer pour faire feste ne prendre aucun déduit ou plaisir ? 22 Qui me deveroit trenchier la teste, sy ne porroy je faire chiere ne leesse jusques a tant que puisse avoir oÿ aultres nouvellez. 23 – Madame, dist la damoiselle, se vous me volez croire, vous yrez la ou je vous dy, puis quant vous serez la venue, trop mieulx demanderés priveement de ses besoingnes, et pourroit estre qu’il n’est ainsy corne l’en vous a dit. 24 Car mensonges ne rapportz on ne doit croire trop legierement ; faittes que soyez preste et vous appareillyés pour demain aler avec les aultres. 25 Madame, faittes ainsy corne je vous dys, car je ne vous conseilleroye chose que bien je ne feisse, s’ainsy estoit que senteisse les maulx que j’espoire que vous sentés. » 26 Tant fist la damoiselle vers sa dame qu’elle crut son conseil, sy fist appareillier tout son fait pour soy partir sans arrester, et fist tant a son mary qu’il fu contempt quelle y alast. 27 Car pour le temps, la coustume sy estoit telle que toutes dames d’onneur aloyent aulx festes et esbatemens, la ou il y avoit seigneurs et dames de pris, et ne leur en eschappoit nulles, et couvenoit que marys le souffrissent s’ilz voulloient estre en paix.

XXIII. Cy parle d’une grant feste et assamblee quy se fist a Chauvigny de chevaliers et de dames ou la dame de Fayel ala.

66I La dame crut sa chamberiere sy s’appresta le bien matin et ne cessa de chevaulchier et errer jusques ad ce qu’elle vint au lieu ou l’assamblee se faisoit. 2 Quant elle fu la arivee, elle trouva assez chevaliers et dames quy le rechurent et firent joye et honneur, mais, pour quelque chose qu’elle veist, il n’estoit en elle de faire feste ne venir chose ou elle presist plaisir, 3 jusques a tant qu’elle porra avoir oÿ nouvelles de son amy, laquelle chose elle desiroit moult sçavoir. 4 La feste fu moult grant et pleniere, et quy dura plus de . VIII, jours entiers, sy advint que ung jour que d’aventure aulcunes grans dames se devisoient ensamble du chastellain de Coucy, 5 sy le plaignoient moult et doulousoient de ce qu’elles avoient oÿ dire qu’il estoit sy griefment malade et sy fort agrevé que on n’y esperoit que la mort. 6 Et disoient ensamble que grant pité et dommages estoit d’un sy bel jone chevalier d’avoir sy tost passé son temps, veu la beaulté, la jonesse et la bonté quy estoit en luy. 7 Assés n’en povoient avoir parlé, assés le plaingnoient et regrettoient en elles ; la avoir une noble dame, laquelle dist que c’estoit son parent et qu’elle le yroit veoir en sa maladye, 8 sy se leva de la place ou elle estoit sy se tourna vers la dame de Fayel et luy dist : 9 « Ma cousine, je vous prye que me prestés ung petit vostre chamberiere, car sachiez que hier mon chariot versa ou chemin, sy fu ma chamberiere blechye en ung bras dont elle ne se peult aidier. 10 – Madame, respondy la dame de Fayel, moult volemptiers vous presteray ma chamberiere, mais que anuit le me renvoyés. – Dame de Fayel31, soyez seure que vous l’arez celle nuit, car de ci jusquez la n’a que troys liewes. »

6711 La dame et la chamberiere se partirent ne oncques ne s’arresterent jusques ad ce qu’elle arrivèrent en la court du chastel ou le chastellain se gisoit très malades, sy descendirent jus de leur charriot, sy montèrent amon en la sale, 12 et vint sy a point a ceste heure que on refaisoit le lit du chastellain, et avoit esté amené en ung vergier pour reprendre ung pou d’ayr nouvel. 13 La vint vers luy l’un de ses escuiers, quy luy dist : « Sire, veez ycy la dame de Hangest, vostre cousine, qui vous vient viseter. » Quant il entendy la venue de la dame, il se leva ung pou sus piez, sy luy vint au devant au mieulx qu’il peult, sy salua la dame et elle luy pareillement. 14 Quant elle le vey tant pale et descoulouré, elle ot pité de luy et luy demanda comment il luy estoit. « – Madame, ainsy comme il plaist a Nostre Seigneur. » Lors la dame le prist par la main, sy s’assirent eulx deux sur ung banc quy estoit au praeil. 15 Quant eulx deux se furent assys, la chamberiere de la dame de Fayel le salua moult humblement, mais oncques chiere ne samblant n’en fist, nient plus que se oncques ne l’euist veue, mais trop bien luy sambla depuis qu’il l’ayt veue aultre part que la. 16 Elle s’assist arriéré d’eulx, en grant pensee par quelle maniéré et par quel guise elle pourroit parler au chastellain ou luy faire aulcun signe qu’il congneust et seuist qui elle estoit, 17 sy se pourpensa et advisa qu’elle escripveroit en ses tablettes ; sy encommencha d’escripre comment sa dame, nuit et jour, demaine une sy grant doleur pour la maladye dont il est ataint ainsy comme on luy a rapporté qu’elle n’en dort ne nuit ne jour, et que volemptiers parleroit a luy s’il y pooit venir. 18 Plus ne peult avant escripre pour ce que la dame de Hangest prendoit congiet au chastellain pour soy partir. La dame, quy estoit de grant pris et noble, pour le resconforter luy dist : 19 « Chastellain, se pour vous povoye faire chose dont vous peuissiez tourner a garison, certainement je le feroye. – Madame, la vostre mercy, j’ay espoir de brief avoir garison, moyennant la grâce de Nostre Seigneur. 20 – Sire, ce dist la dame, Dieux vous en veulle oÿr : moult volemptiers le verroye ; je prye Dieu qu’il vous veulle envoyer joye et santé ! » Puis s’en depparty la dame.

XXIV. Comment le chastellain de Coucy parla a la chamberiere de la dame de Fayel et de ce qu’ilz devisèrent ensamble.

681 Quant la damoiselle vey partir la dame, elle vint vers le chastellain, lequel luy demanda tout en bas se plus demouroit avec sa dame. « – Oÿl, dist elle, mais il n’est pas heure que je peusse parler a vous : je suys ainsy comme ung cheval emprunté a madame vostre cousine ; 2 d’aultre part, je vous salueray madame ma maistresse, qui est pour vous moult courouchye pour la grant maladye en coy vous estes. Maintenant n’ay plus loisir de parler a vous ; tenez la unez tablettes ou par dedens trouverés escript ce que je ne vous puis raconter ne dire. » 3 Le chastellain prist les tablettes, sy s’en depparty la pucelle et s’en ala aveuc la dame avec laquelle elle estoit venue. Le chastellain ne tarda guerres de regarder dedens les tablettes, 4 sy leu ce que la damoiselle y avoit escript, sy en prist tant grant joye au cuer que la couleur, qu’il avoit pale et changie, luy en devint vermeille ; tout se commencha a rehettier sy en mercya Amours parfaittement et de bon cuer. 5 « Helaz, dist il, Amours loyale, comment se pooit il faire que ma dame se fust courouchye devers moy ? Car oncques en jour de la vye je ne meffys vers elle, mais comme loyal et vray amant l’ay servie a mon povoir et serviray tout le temps de ma vye sans jamais a aultre penser. 6 Et doncques, puis que ainsy va, je me leveray de mon lit et vouldray essayer et esprouver se c’est vérité ce que les tables dyent. » Ainsi et en telle maniéré le chastellain se rehetta et fist une moult lye chiere, dont ses gens furent moult joieux et non sans cause, 7 car se ung tel maistre euissent perdu, jamais le pareil n’euissent trouvé, sy en firent layans moult grant feste.

698 Celle nuit moult bien se reposa et dormy tout a son aise ; d’aultre part la dame de Hangest et la damoiselle cheminèrent tant qu’ilz vindrent celle nuit a Chauvigny ou la feste estoit moult grande, 9 puis, quant elle fu descendue, assez de dames et32 demoiselles enquirent et demandèrent du chastellain de Coucy, sy leur respondy et dist qu’il avoit esté moult malades et que a sa chiere on le povoit bien congnoistre. 10 La dame de Fayel, quy moult desiroit la venue de sa chamberiere, quant elle la vey arriver, elle l’appella tantost et le fist seoir emprés elle, 11 puis luy demanda et enquist comment le chastellain le faisoit et s’elle n’avoit point parlé a luy ne comment elle avoit esploittyé, 12 La demoiselle luy raconta tout au lonc ce qu’elle avoit besoingnyé et luy dist : « Madame, sachiez pour vérité que tantost et en briefz jours il sera garys de son mal sy vous vendra veoir. – Or pleuist a Dieu, dist la dame, qu’il fust ainsy comme vous le dittes. 13 – Madame, tenés vous ent pour asseuree : puis qu’il le dit, il le fera. » Ainsy passèrent leurs devisez sy se passa la feste, et vint le jour que chascun s’en retourna en son hostel, car il n’est feste quy ne prengne fin.

XXV. Comment le chastellain s’acointa d’un varier pour faire son mesage.

701 Bien avez oÿ comment le chastellain de Couchy fu moult resconfortés par la damoiselle de sa dame, dont il ot si grant joye depuis qu’il tourna tost a garison ; 2 non ayant oublyé ses désirs, afferma en soy et dist qu’il yroit veoir sa dame et que s’il peult nullement, avant son retour il parlera a elle, sy fist apprester ses chevaulx et dist a ses gens qu’il voloit aler a Saint Quentin, sy firent son commandement. 3 II s’en party de son manoir et vint en peu d’espace descendre a son hostel en la ville de Saint Quentin, ou il fu de l’oste et de l’ostesse recheu a grant joye, en luy demandant quel mal il avoit eu. 4 II leur dist que ce avoit esté ung mal d’aventure qui lui estoit sourvenu et que, Dieu mercy, il s’en sentoit sain et gary ; 5 sy advint que en celuy jour il fist tant et sy priveement qu’il s’acointa d’un varier qui estoit de le ville, auquel il se descouvry 6 et luy dist qu’il estoit amoureux d’une damoiselle qui estoit demourant aveuc la dame de Fayel, luy priant qu’il le33 volsist tenir secret sans le voloir descouvrir a personne du monde, 7 sy couvenoit qu’il venist avec luy jusques auprès de la, en aulcun privé lieu ou il l’attenderoit. 8 « S’ainsy est que tu veulles estre secret et loyal, je te donray tant du myen que tu seras riches homs, mais s’il advenist que mon secret tu volsisses descouvrir par aulcune adventure, je te ochiroye a mes mains ou je te penderoye a ung arbre. »

719 Alors le varlet luy promist et jura sa foy que pour tourment ne mal que on luy peuist faire il ne le descouveroit, mais le chelera et le servira tellement en ceste chose que a tousjours mais porra avoir fiance en luy. 10 Ainsy le promist le varlet au chastellain que desoresenavant il fera ce qu’il luy commandera. « Or doncques, amis, tu voys bien que ma fiance est en toy et que je n’ay eu serviteur a qui je m’en ay ozé descouvrir ; piecha t’ay congneu et advisé. 11 Et pour ce je te commande que tu voyes a Fayel de par moy pour parler a celle damoiselle, qui est chamberiere a la dame, laquelle j’aime tant parfaitement que je ne puis durer ne avoir repos jusques ad ce que j’aye eu nouvelle d’elle. 12 Or va doncques bien tost, sy t’apareille corne ung truant et va a la porte pour demander l’ausmonne, sy enquiers priveement se le seigneur est a l’ostel. 13 Se chose est qu’il y soit, gardes que treuves la maniéré de pooir parler a elle, et luy raconte de par moy la ou je suys ne en quel point je me treuve pour l’amour d’elle. 14 Et se d’aventure la dame estoit présente, ne laisse pas pour tant de parler a elle, mais tu le porras tirer ung pou a part pour luy mieulx raconter ton message. 15 – Sire, ce dist le varlet, n’ayez doubte, je furnyray tellement vostre message et feray sy bien vostre besoingne que en brief temps vous en percheverez, car aultrefoys ay esté en l’ostel et congnoys bien la dame et la damoiselle. »

XXVI. Cy devise comment esploitta34 le varlet que le chastellain envoya a Fayel et de la maniéré qu’il tint.

721 Alors le varlet prist congiet sy se mist a chemin ; tant a couru et esploittié qu’il est venu a Fayel droit a l’eure que on avoit disné. Il vint a la porte et trouva beaucop de truans et de truandes 2 ausquelz il demanda se on n’avoit encore point fait l’ausmonne et se on le ferait guerres tost. Ceulx respondirent que encores n’avoient il riens eu mais que tost on le donroit : 3 « Car nous avons veu maintenant la dame et la chamberiere qui s’en aloyent entre elles jouer et esbattre en ung vergier assez prez d’un petit boschet. Et pour ce nous espérons, puis que la dame a disné, que tantost on donra l’ausmonne. » 4 Quant le varlet entendy que la dame et la chamberiere s’en estoient alé jouer celle part, au plus celeement qu’il peult s’en depparty d’eulx affin que nulz s’en apperchust. 5 Tant ala et tourna qu’il vint vers le boschet et fist tant qu’il trouva la damoiselle quy queroit ung gand que sa dame avoit laissié cheoir. 6 Alors le varlet, quy le vey esseulee, se hasta et vint vers elle, et le salua moult courtoisement, puis tira hors de sa bourse une lettre que le chastellain luy avoit donné au départir, sy les bailla a la damoisele et luy dist : 7 « Ma doulce demoiselle, de par ung que vous devez congnoistre vous fay présent de ces lettres, comme celluy qui seuffre nuit et jour grant tourment et grant paine pour vostre amour ; sy veuillez avoir mercy de luy. »

738 Et les rechupt atout grant joye, puis demanda au varlet quy estoit celluy pour quy il faisoit ce mesage. 9 Le garchon respondy : « Madamoiselle, sachiez que c’est le chastellain de Coucy, lequel en secret m’a compté et dit le grant amour qu’il a en vous. » 10 La damoiselle dist au varlet : « Amis, vous me soyez le bien venus ! », puis luy dist : « Amis, sans faire nul samblant, retornez vers la porte, et la m’attendés jusques ad ce que je soye retournée, sy ne vous soussyez de riens, car on vous tendra bien aise. » 11 Le varlet s’en depparty et s’en ala devers la porte ainsy qu’elle luiy avoit dit. Alors la damoisselle, a ung visage joieux, sans plus attendre couru devers sa dame, quy tout droit s’estoit assise dessoubz ung arbre vert et foellu. 12 Quant elle vey ainsy sa chamberiere approchier, elle pensa que aulcunes joieuses nouvellez luy estoient sourvenues, ou par adventure que c’estoit pour son gand qu’elle avoit trouvé. 13 Quant elle vint auprès de sa dame, elle luy dist : « Madame, sachiez que bonnes nouvellez je vous apporte : veez cy unes lettres, lesquelles m’ont esté envoyés en vostre non, de par le chastellain de Coucy, par ung varlet assez sachant. » 14 La dame prist incontinent les lettres sy recongneu tantost le seel. Elle froissa la chire et encommencha tout au lonc lire le contenu ens es lettres, lesquelles estoient telles corne vous orez.

XXVII. Comment la dame de Fayel rechupt et lisy les lettres que le varlet avoit apportées de par le chastellain de Coucy.

741 « Très vaillant et honnourable dame, celluy quy loyaulment vous aime vous mande plus de cent salutz, vous faisant asçavoir que maint jour et mainte nuittye ay esté pour vous en desconfort, sy prez que jusques au morir. 2 Certainement je sçay que mort fuisse, se n’euist esté espoir et souvenir qui me tenoient et soustenoient en tous temps, et oussy que par vostre pucelle quy m’escripst lettres en sa tablette, lesquellez me furent moult delitables et agréables a les oÿr, car elles me misrent et firent revenir de mort a vye. 3 Sy vous prye en grant humilité que tant vous veullyez humilyer de moy daingnier donner aulcun confort, et que ayez de moy mercy, ou aultrement je ne puis veoir ne congnoistre qu’il ne me conviengne morir. 4 Et pour ce, ma très doulce dame, par vostre doulcheur et courtoysye, me veuillez faire sçavoir par le porteur de cez lettres quant il vous plaira mettre jour et heure que je puisse parler a vous. 5 Car tout mon désir et mon cuer ne pensent jour et nuit fors a vous tant seulement. Or vous doinst Dieux grâce et volenté de moy amer aussy loyaulment comme j’ay fait vous. »

XXVIII. Des devises de la dame de Fayel et de sa chamberiere.

751 Quant la dame de Fayel eult leuue les lettres tout au long et bien entendu le contenu, se tourna vers sa chamberiere et luy dist que les lettres et parolles notoient bien qu’elles estoient dittes et faittes par homme de grant entendement. 2 « Dont, dist la dame, que vous en samble, quelles lettres portons nous envoyer ? Conseillyez moy, je vous en prye. – Madame, vous estes assez sage pour vous sçavoir conseillier, mais non pour tant je dys mye, et oussy je m’en voldroye pas excuser, que ne vous aydasse a conseillier, 3 mais, dame, il y a une chose que je voy et apperchoy : qu’il vous ayme loyaulment ; sy a ja long temps qu’il a mis grant painne pour vous servir a gré 4 et a complaire de tout son pooir ; il a despendu du syen grandement et sy a enduré moult de traveil et de paine pour vous, depuis l’eure que il vous acointa premièrement. 5 Madame, sachiés que honneur et noblesse est en luy, et tant qu’en ce pays par decha il n’y a son pareil. Et pour ce, madame, puis que m’en demandés, 6 je vous conseilleroye loyaulment que desorez mais le tenez pour vostre amy sy le resconfortez, et des maulx qu’il seuffre et a souffert encores maintenant luy veullyez rendre mérité. 7 Et pour ce je conseilleroye que une lettre luy fust envoyé que vous et moy escriprons, laquelle le varlet emportera. 8 Quant est a moy, la lettre suys preste d’escripre, et vous la deviserez, et adviserez en vous quel chose il vous plaira a mander. »

769 Lors la dame luy dist : « La chose yra ainsy comme vous l’avez dit, et me samble proprement que noz choses viennent a souhait ; nous rescripverons ad ce matin pour despechier le message. 10 Or retornons a l’ostel, sy menrez le varlet mengier en ung lieu secret priveement, que nulz ne le sache jusques ad ce que arons escript, se luy donnés aulcun joyel par coy il soit plus privé de vous. 11 – Madame, ce ne feray je pas ; point de joyel ne luy donray, que scevent gardions que espérons valent : ilz ont plus chier l’argent pour aler boire a la taverne ou aler jouer aulx déx, 12 car pas ne scevent que joiaulx valent ; je luy donray . XL. solz dont il ara plus grant joye. – M’amye, dist la dame, encores dittes vous bien. Alés hastivement et faittes ce que avez dit. » 13 Lors sans arrester la damoiselle s’en party et vint vers le garchon, sy l’emmena en l’une des tours, en ung assez privé lieu, 14 sy luy apporta elle meismez a boire et a mengier tant qu’il en eult assez, puis luy donna . XL. solz, dont il fu moult joieux et dist a la damoiselle que35 a tousjours mais il le servirait, et que ses secretz affaires il voldra celer jusques a mort souffrir. 15 Lors la damoiselle luy dist : « Amis, or m’attendés ung pou, je vous voy quérir une lettre escripte de ma main, laquelle vous baillerez a celuy quy vous a cy envoyé. » 16 La demoiselle ferma l’uys sy s’en party et vint vers sa maistresse, qui ja estoit toute apprestee et appareillye pour faire escripre la responce vers son amy, dont la teneur s’ensieult du contenu enz ez lettres.

XXIX. Comment la dame et la chamberiere rescriprent unes lettres a chastellain de Coucy.

771 « Chastellain, mon très chier amy, comme au plus courtoys, sage et preu aux armez, plus de cent foys vous mande salus, corne celle qui son amour vous abandonne, cuer, corps vous donne et a donné ja a moult lonc temps. 2 Mais je cuiday estre sy puissant que a moy ne peuissiez parvenir, dont moult m’a fait palir et taindre ce qu’en mon cuer avoye escript, mais Amours tousjours me renvoyé a vous ; cuer, corps vous donne et abandonne corne a mon vray et leal amy. 3 De cy en avant me couvient penser a vous, sy sachiez que oncques jour de ma vye ne fus tant courouchie ne eulx sy grant destourbier corne je euch quant pour certain on me rapporta nouvelles de vostre maladye. Car je sçay certainement que ceste chose vous precedoit a ma cause, dont je me sens couppable envers vous. 4 Et pour ce le vous ottroye en droit guerredon que jamais plus ne vous couroucheray, mais corne vostre amye seray tousjours doresenavant, pour tant que loyal me soyez, 5 sy vous fay sçavoir que de mardy quy vient en . XV. jours poez venir a l’uisset ou aultreffoys avez esté, car alors monseigneur mon mary doit estre a Paris pour ung procès qui luy est sourvenu. 6 Puis quant vous serés venus a l’uys, vous tasterez dessoubz vers la terre : se vous y trouvez une piere drechye, vostre besoingne sera seure. Car se adont ne le trouvez drechye ce seroit signefiance que mon seigneur seroit a l’ostel, par coy il vous en convendroit retourner ou lieu dont vous seriez party. 7 Plus aultre chose ne vous saroye que mander, fors je dys : a Dieu vous commands. »

XXX. Comment la lettre de la dame fut portée par le varlet au chastellain de Coucy.

781 La lettre fut dittee, close et seelee ; la pucelle sans arrester l’apporta au garchon et luy comanda qu’il la baillast au chastellain, et que sy priveement luy baille que nulz ne s’en puist perchevoir, et que pour chose qui luy en peult advenir il n’en feist mencion a personne. 2 Le varier prist la lettre de la damoiselle et luy promist que ja a homme ne a femme il ne les mousteroit ne bailleroit fors en la main du chastellain, et que bien en feroit la besoingne. 3 Il prist congié et se party de la damoiselle, et s’esploitta tant de cheminer que en pou d’eure il vint devers le chastellain, lequel l’appercheu tantost sy le salua. 4 Le chastellain luy dist : « Amys, viengs cha et me dys comment tu as esploittyé. » Il respondy et dist : « Sire, la mercy Nostre Seigneur, je croy que j’ay assez bien besoingnyé. 5 Je me loe et le doy bien faire, car la notable demoiselle m’a bien aisyé et fait bonne chiere, et au deppartir m’a donné de son argent largement et assez, puis me donna ces lettres, sy regardés dedans quelle chose il y a. »

XXXI. Comment le chastellain de Coucy fu moult joieulx de la lettre que sa dame luy envoya, et comment il gaingna le pris a ung tournoy ou il fist merveilles, et oussy quant il vint a l’uisset du vergier et se n’y entra pas.

791 Quant le chastellain eult pris la lettre que le varier luy bailla, il vint vers une fenestre, il froissa la chire et les lisy tout au long. Quant il les eult veu et leu, jamais ne oncques en sa vye il n’eult a son cuer plus grant joye, sy luy tarde moult que heure et le jour soit venu qu’il puist parler a sa dame, 2 Il fist appeller sa maisnye et commanda de mettre les tables ; le disner fu prest sy s’assist, sy vous dy certainement que ad ce disner il fu sy très envoisiez que sa maysnye a le regarder y prendoient plaisir. 3 Plus de . XX. foys, il regarda et lisy la lettre, puis quant ce vint apprés disner, il commanda sez chevaulx tirer hors de l’estable puis dist au varier, lequel luy avoir apporté les lettres : 4 « Dittes moi ou vous demourés et ou on vous porroit trouver se j’avoye a faire de vous. » Le varlet luy nomma le lieu et la place puis prist congiet sy s’en ala. Lors le chastellain monta a cheval ; joieulx et lyés s’en ala celle nuit gésir en ung sien hostel. 5 Sy advint que, pou de jours apprés, aulcuns chevaliers firent crier ung totirnoy assez prez de Corbye, dont le chastellain fu moult joieulx, comme celluy qui ne tendoit a aultre chose que d’acquérir bruit et renommee, laquelle chose il desiroit sur toute riens ; 6 sy se pourvey et ordonna d’armes et de chevaulx et de tous aultres habillemens qui appartiennent a totirnoy, car amours l’avoient mis en tel ploy qu’il ne desiroit aultre chose, fors de tant faire qu’il feist chose agréable a sa dame. 7 Puis quant il fu prest et le jour venu, il se mist a chemin, garny de tout ce que luy estoit necessaire ; tant chemina que au jour et a heure il vint au tournoy.

808 Ceulx qui le veyrent entrer en la ville s’esmerveillerent assez, pour ce que nagaires avoit esté dehaittiez et moult griefment malades. Quant les heraulx et poursievans le choisirent et congneurent a l’entrer qu’il fist en la ville, il encommencherent moult fort a crier « Coucy au chastellain, Coucy. » 9 II vint descendre en son hostel et se fist armer moult hastivement par ceulx qui estoient aveuc luy ; luy et son cheval furent tout houchyé d’argent sans aultre descongnoissance, 10 car sa volenté estoit telle de ad ce jour faire ung grant fait ; sy sachiez que au plus secrettement que il peult s’en vint au tournoy, car nulz ne s’en donnoit garde qu’il y deuist venir. 11 Adont encommenchierent de venir les bacelers quy dévoient tournoyer, richement houchyé, et de soye maint penon et mainte manche, mainte descongnoissance et mainte enseignes furent celuy jour monstrees, puis, quant tous furent venus en la praierye ou le tournoy se devoit assambler, ilz se partirent l’un de l’autre, et ala chascun ou il sçavoit qu’il devoit estre. 12 Alors se assambla le tournoy, qui fu moult rades au commenchement. La peussiez veoir maint chevaliers et bacelers tournoyer vigoureusement ; moult y perdirent ceux de Champaigne et de Vermendoys, Franchoys, Flamens et Henuyers, mais de Corbye et de Brabant gaingnerent ce qu’ilz voldrent. 13 Mais sachiez que tousjours ilz trouvoyent le chastellain ou millieu d’eulx, qui de ses bras faisoit flaiaulx et du corps englumme tempree : cops d’espee ne le grevoient nient plus que l’englumme le martel ; 14 chascun tiroit apprés luy pour le sachier et tirer jus, mais nient plus que une tour n’avoient pooir de le remuer ne oncques en œluy jour il n’y eult homme qui le peuist tirer par terre. 15 Car pour ses armes qu’il avoir changiez estoit de chascun descongneus, fors quant il estoit assailly : en soy deffendant, crioit « Coucy » ; il frappoit a destre et a senestre, 16 nulz n’estoit quy ses cops ozast attendre. Il deppartoit et rompoit les presses par la force et vertu de ses bras ; oncques en tournoy ne en jouste ne avoir fait de sy grans proeces.

8117 La estoient pluiseurs chevaliers et aultres qui s’arrestoient pour veoir les merveilles qu’il faisoit ; chascun couroit aprez luy. Tant donna de cops et rechupt que son escu fu tous cassés et derompus, et son healme tant mal atournés que grant merveilles estoit a veoir, 18 mais non pour tant ne laissoit a soy deffendre ; tel hu et tel criee faisoient les heraulx sus les rens après luy que de demy liewe on pooit bien oÿr le bruit de la noise qu’ilz demenoient. 19 Les dames estoient sur les hours, quy moult grant paour avoient qu’il ne fust la ochis ne mehaingniés, car tant de cops luy veirent donner et ferir que ung bien vaillant homme ne les euist peu porter ne souffrir. 20 Mais au chastellain n’en challoit : il s’efforchoit de tout son pooir de faire choses dont sa dame seult a parler ; heraulx aloyent criant après luy « Coucy, Coucy au chastellain, Coucy. » Bien se fist congnoistre ad ce jour, sy disoient entr’eulx que oncques a nul jour n’avoient veu chevalier tant souffrir. 21 Ainsy se passa ce tournoy, que oncques de tout le jour il n’y eult homme mieulx faisant. Il revint a son hostel, sy descendy jus du destrier, puis assez tost apprés comme au mieulx faisant de toute la journée par dames et damoiselles luy furent les pris apportez. 22 Sy refirent en celle nuit les chevaliers qui la estoient crier ung tournoy a estre a Meaulx, en Brye, droit au . XV^e. jour ensievant. Ainsy estoit lors de coustume de faire joustes et tournoys pour aux noblez hommes eulx excerciter et aprendre a porter armes. 23 Le chastellain, qui repairiez estoit en son hostel, fu moult joieulx de grant maniéré, car il sçavoit bien et pensoit que sa dame en saroit nouvelles des armes que ce jour avoit fait, ou moult souffry et endura pour l’amour d’elle.

8224 Ainsy le chastellain vivoit en amours, ayant désir qu’il peuist veoir le jour de povoir parler36 a sa dame, puis quant ce vint que la journée et la nuit se passa, le lendemain se mist ou chemin, joieulx et envoisiez, 25 quant il pensoit en soy le jour que tant avoir désiré ou il attendoit mercy de sa dame pour laquelle avoir souffert maint grant traveil, maint anuy et maint desplaisir, mais de ce point ne tenoit compte pour le guerredon qu’il en attendoit. 26 Ainsy le chastellain ung jour s’esjoïssoit et l’autre jour non, pour tant que le jour mettoit sy lonc temps a venir adfin qu’il peuist en secret parler a sa dame ; 27 tant passèrent de jours et de nuitz que le . XV^e. expira et vint la nuit qu elle luy avoit mis, sy s’atourna au mieulx qu’il peult et se mist a chemin vers Saint Quentin, sy descendy en son hostel, puis dist tantost comme il ot souppé que temps estoit de couchier, sy s’en ala en sa chambre et se coucha en son lit affin que chascun s’en alast reposer. 28 Mais sachiez qu’il n’y demeura gaires : de tant corne il y fu luy anuyoit la demeure. Tost et hastivement sailly sus, moult secrètement se vesty et chaussa puis s’en yssy hors de la ville, car pour lors ne se fermoient milles portes, sy se mist a chemin grant aleure ne oneques ne s’aresta jusques ad ce qu’il vint a Fayel 29 et qu’il fu au petit boschet, auprès du jardin ou l’uisset estoit assys. Sy luy advint sy bien que celle nuit estoit moult obscure : il vint vers l’uys sy encommencha moult fort de taster a sçavoir s’il estoit ouvert. 30 Il tasta tant avant et ariere qu’il trouva la pierre qui estoit appoye a l’uys, ainsy comme on luy avoit dit qu’y estoit signefiance que le seigneur n’estoit pas layans. 31 Se il eult joye en son cuer, il n’est pas a demander mais est a croire, car il en eult sy très grant joye que son cuer s’en tresailloit tout, tant que bien luy sambla qu’il estoit la et ou lieu ou il voloit estre.

8332 II s’assist droit a l’encontre de l’uys en attendant bonnes nouvelles. La dame n’avoit talent de dormir, mais dist a sa demoiselle qu’elle s’en alast au jardin et qu’elle escoutast a l’uisset s’il y aroit nul venu, et aussy pour sçavoir et oÿr quel37 chose le chastellain disoit ou caz qu’il y fust venu. 33 La pucelle, au commandement de sa dame et tout bellement et a chelee, s’en vint jusques a l’uisset sy escoutta et congneu que le chastellain y estoit, sy s’en retourna prestement vers sa dame et luy raconta qu’il estoit venus et assis auprès de l’uisset et attendant nouvelles d’elle. 34 « Par ma foy, dist la dame, je suys bien contempte qu’il y soit, car ja maintenant il n’y entera jusques ad ce qu’il soit plus tart et que nous yrons entre nous deux oÿr quel chose il dyra. 35 – A ! madame, dist la chamberiere, que porta il dire maintenant, quant sy grant temps et espace il a souffert pour l’amour de vous maint tourment et maint desplaisir ? Certainement il Guidera, s’ainsy longement le faittes attendre, que encores vous vendiez gaber de luy. 36 – Il ne m’en chault, dist la dame, car ja pour cest heure il n’y entera que la myenuit ne soit venue ; sy se courouche ou anuye, au fort il se rapaisera ! Mais alons, vous et moy, escoutter a l’uys, sy orons de luy qu’il dira ne comment il sera pacient. » 37 Elles deux s’en vindrent tout coyement jusques a l’uys, s’y s’assirent et escoutterent qu’il diroit. Elles oÿrent le chastellain faisant moult de piteux regretz : l’attente et la demouree qu’il faisoit la le mettoient en esperance d’avoir tout perdu, et dist :

8438 « Or suys je bien hors du sens, quant oncques en ma vye je euch oncques pensee ne désir de servir Amours. Lasse moy, ay je souffert tant de doleurs : tout mon esperance ay perdue ! 39 Lasse moy ! Or attendoye mercy ; or voy je bien que je puis bien attendre, car j’ai failly a mon cuidier. Hellas ! Quy ores euist pensé comme une si noble dame corne elle est et que je tieng qu’elle soit m’euist failly de couvenant ? 40 Car quant il me souvient ores de sa beaulté, de son humble regart amoureux, je n’ay membre sus moy que de grant couroux ne tramble. Certes, trop mieulx ayme la mort que la vye. 41 A ! dame, qui euist ores pensé que une telle dame que vous m’eust volu laissier ainsy morir ? Las moy ! Je l’amoye d’un sy bon cuer et aime encores qu’il me seroit impossible de le pooir haÿr. 42 ne penser quelque faulseté vers elle en fait ne en dys ne en parolles ; avant ce me lairoye desmembrer pieche a piece. Ma joye est bien tornee en plours. 43 O quelle joye soloye avoir quant je vivoye en esperance qu’elle aroit mercy de moy, que ores peuisse passer parmy cest huys pourveu que ce fust le plaisir d’elle. Certes, plus en seroye joieulx que se j’avoye gaingnyé tout le monde. »

XXXII. Comment la dame et sa chamberiere escouttoient a l’uisset les complaintes du chastellain de Couchy.

851 Alors la chamberiere dist a sa dame : « Madame, avez oÿ en quel maniéré vostre amy se dolouse pour vous ? Pour Dieu, Madame, usés de pitié, sy luy faittes ouvrir l’uys, car trop de mal luy avés fait souffrir, de griefté et de painne, quy a duré trop longement. Il pert bien a son viaire et a sa couleur certainement – ou je ne congneus oncques homme – qu’il vous sera loyal amant. 2 Non obstant, on ne scet en qui fier, car mesdisans nuit et jour ne font que guerrier et adviser d’avoir aulcune occoision de mesparler sur les amans : on l’a bien veu et sceu par la chastellaine de Vergy, dont la fin d’elle et de son amant fu moult piteuse. 3 Non obstant, je ne le dy pas pour le chastellain, car proece, honneur, sens, beaulté et loyaulté est tout en luy, et aveuc ce, il est tant bel, tant plaisant en dys et en fays qu’il est bien digne d’estre amé. 4 – Il est vérité, ce dist la dame, mais par ma foy je ne sçay que je doy devenir, car j’ay ung seigneur a mon plaisir et sy l’aime de très bonne amour, 5 doncques comment se porroit il faire, mon honneur gardee, de prendre aultre amy que luy ? Sy creez certainement, se mon seigneur le sçavoit, il me pourchasseroit la mort, et a bonne cause. » 6 Ainsy se devisoit la dame a sa chamberiere, mais rien n’y valu, car ele mist honneur ariere pour prendre honte, sy dist a sa chamberiere : 7 « Comment se porroit ce faire ? Je changeroye de honneur a honte, se pour ung aultre je changoye monseigneur mon mary. » En celle pensee estoit la dame dedans le jardin aveuc sa pucelle tenant a sa maisselle sa dextre main, et la amours l’arguoyent moult fort. 8 Sy fu en ce penser grant espace sans ce qu’elle parlast ne deist mot, mais fu ainsy corne s’elle fust morte, mais Amours luy met telle notte en l’oreille et ou chief que a aultre pensee est venue.

XXXIII. Cornent le chastelain se complaignoit d’Amours et comment en la fin la dame le laissa entrer, et de la joye qu’ilz demenerent celle nuit eulx deux ensamble.

861 « Las moy, dist la dame, et quelle chose ay je dit, quant je voy et sçay et qu’il m’a dit et promis de garder mon honneur ? Et avec ce, pour moy a souffert tant de paine que oncques Tristan ne souffry pour Ysau que le chastellain a fait pour moy, du moins ne puis je que de l’amer, 2 car il m’a promis et juré qu’il me sera loyal amy ne ja ne me requerra de mon deshonneur. Et s’ainsy advenoit qu’il fust tant fol de moy requérir mon deshonneur, ne suis je pas celle quy luy peult refuser m’amour et moy excuser devers luy ? 3 Mais encores plus, pour plus parfaittement sçavoir son conseil et oÿr de luy ce qu’il dira, me tyray ung pou plus prés. » 4 Alors s’assist la dame assez prés du seul de l’uisset, comme celle quy amours tenoient en ses las ; d’aultre part le chastellain estoit sy prés d’elle qu’il n’y avoit que l’uys entre deux, et la regrettoit piteusement s’amye, son doulz regart et son maintieng, 5 sy disoit38 que mal l’avoient servy amours de l’avoir ainsy deservy d’amer une sy très haulte dame ou on ne treuve riens que l’amer.

876 « Amer, dist il, las, il n’est pas ainsy ! Dont me vient ores de ce dire ? J’ameroye mieulx morir ores pour elle que le voloir laissier ne abandonner pour une aultre. 7 C’est bien droit et raison, car sa beaulté et bonté m’a mis la volenté ou cuer de le bien amer et servir. 8 Or luy doinst Dieux sy bon conseil qu’elle me veulle deservir la paine et traveil que j’ai eu pour elle honnourer et servir. A ! Dieu ! Quy le pourroit regarder son saul sans retarder ses yeulx ? 9 Pour le grant aise et plaisir que ung homme y prendroit, on deveroit oublyer toute mesaise et tourtes paines et travaulx que on aroit souffert pour elle. 10 Certes, aultre avoir je ne querroye, car, sy m’aït Dieux, se l’avoir du monde m’estoit donné et m’euist abandonné son doulz viaire, pour ung seul baisier je abandonneroye tout l’or et l’argent de ce monde se ainsy estoit qu’il fust myen. 11 Ains chiere dame, je demande trop grant rente, car pas a moy il ne appartient d’avoir une sy noble amye corne vous estes ne tant belle, 12 car vostre beaulté et doulz regard et les vertus qui sont en vous passent la beaulté de toutes aultres dames corne fait la toppasse qui est au dessus d’aultres pierres en vertu et en bonté. Toutes les beaultés des aultres ne se doivent a la vostre comparer. »

8813 Ainsy le chastellain se dementoit a par luy en soy complaignant a Amours, en tant qu’il s’esvanuy, qu’il ne dormoit ne veilloit, mais fu ainsy corne en transse, plain de leesse et de pesance : 14 plain de leesse pour s’amye, que pas ne sçavoit si prés de luy, pesance de ce qu’il ne peult parler a elle. 15 Et dist : A ! dame, qui vous meult ? Certes, j’ay eu assez paine et doleur pour vostre amour jusques a cy, dont j’ai eu petit guerredon. Or Dieux vous doinst tel conseil croire que de moy ayez mercy ! » 16. La pucelle, oyant les piteuses complaintes du chastellain, dist a sa dame : « A ! madame, je vous prye pour Dieu et pour pitié que a ma priere et requeste vous ayez pitié du chastellain ; pour Dieu, soyez contempte que l’uys luy soit ouvert affin que de ses dol lours, quy sont moult grans, puist avoir allegance : je croy que ja ne mefferés s’ainsy le faittez. » 17 Alors la dame luy dist : « Ouvrés, ouvrez, car il a bien acheté et deservy que on ait mercy de luy. » La chamberiere encommencha dire : « Qui est ce la, qui esse qui huche a nostre huys ? » Alors ouvry l’uisset et puis dist : « Chastellain, entrés dedans, car bien avons oÿ les plains et regretz que avez fais. » 18 Le chastellain, a cuer joieulx, entra dedans le jardin sy trouva sa dame seans auprès de l’uys ; elle se leva et le chastellain moult joieusement le vint embrachier. 19 Lors dist la dame au chastellain : « Très doulz amis, comment le faittes vous ? – Madame, puis que je vous voy, je ne puis avoir que tout bien ne il ne me souvient de mal que je euisse oncques : non obstant quelque attente que j’aye fait, sy m’avés vous tenu couvent. 20 Mais, madame, je vous prye, cornent vous est il advenu de m’avoir ainsy fait tant attendre ? – Par ma foy, sire, nous volyemes entendre vostre pensee et ce que vous en diriez pour ce que dedans on ne vous laissoit entrer. 21 Et sy veul bien que vous sçachiés que, se vous euissiés dit une seulle parolle qui m’euist tourné a desplaisir, mais huy n’y fussiez entrés. » 22 Alors, sans plus attester, s’en tournèrent et vindrent en la chambre de la dame ou ilz firent pluiseurs devises eulx deux assys sur une couche. La demoiselle se retraÿ ung pou en sus et s’assist arriéré d’eulx affin que plus priveement se peuissent deviser a leur aise. 23 Alors le chastellain luy commencha a dire la maniéré et comment, le temps et le jour qu’il le39 encommencha de amer, et dist : « Madame, sachiés que ja a bonne espace que j’ay mis cuer, corps et désir de vous servir et complaire, 24 car des la première foys que je vous vey et choisy vostre beaulté, Amours, par son commandement, mist en mon cuer l’adresse de faire de moy vostre amy, et je vous promés sus ma foy que je vous seray secret et loyal. 25 – Chastellain, ce dist la dame, je me veul descouvrir a vous, car amours a ce me contraignent : Amours est de telle nature qu’il couvient faire ce qu’il luy plaist, 26 car elle a monstré sa puissance sur moy et la nuit et le jour et tant et sy souvent que je suis vaincue en telle fachon que je me rengz du tout a luy, ja soit ce que entre elle et moy y ait eu maint estrif et maint tournoyement. 27 Et vous dy que au commenchement que me requistes de mon amour – ainsy me veulle Dieux aidier – je n’avoye oncques eu volenté d’amer homme, ne encores n’y suys sy avant bouttee que se d’aventure je trouvoye en vous faulseté et desloyaulté que mon cuer n’en retraisse, a quelque meschief que j’en deuisse advenir et souffrir. 28 Mais vous m’avez dit que serez tant loyal amy que sur ceste fiance ay désir et volempté de vous amer loyaulment. Et pour ce, sire, pensés de garder nostre honneur et de celer nostre affaire, car se de nostre estât on sçavoit a parler, a tousjours nostre bon temps serait perdu. »

XXXIV. Cy parle de la grant joye que celle nuit les deux amans menèrent.

891 « Madame, dist le chastellain, ja sçavés vous qu’il y a bonne espace que cuer, corps et ame sans retraire ay du tout mis en vous, dont maint grant traveil m’avés fait souffrir. 2 Lequel par vostre grâce m’avez du tout mis en joye, par coy je seroye tenus pour malvays homme, et seroye faulx et desloyal se de tout mon pooir n’acomplissoye vostre volenté, et aimeroye mieulx morir que de faire ou penser chose quy fust encontre vostre honneur. 3 – Certes, ce dist la dame, je croy bien que vers moy serez loyal et secret, sy vous dy bien que en moy trouverés loyale amye, car le pooir n’ay en moy de voloir aler au contraire, car puis que amours le veullent il convient bien y obeÿr. » 4 Ainsy comme vous oez se devisoient les deux amans ensamble en démenant joyeuse vye, ne sentent traveil ne paine que par cy devant avoient eu : les cuers avoient ravis et plain de joye. 5 Lors la damoiselle s’appensa qu’elle avoit laissiet l’uisset deffermé ; tout sans parler ne dire mot s’en vint ou jardin pour fermer l’uys. 6 Elle laissa les deux amans ensamble quy de cuer estoient moult joieulx, lesquelz de riens enrichir ne peuent tant vrayement que de joye l’un de l’autre tous deux ; par acord fu en eulx d’acorder leurs volentez, car la n’y avoit personne qui leur fust contraire. 7 Il plaist bien a l’un ce que l’autre volt : moult lonc temps s’estoient entre amé ; Amours par sa très doulce courtoisye les a celle nuit assamblé ou ilz demenerent leurs déduis, ainsy qu’il pleut a Amours par sa très doulce courtoisye, qui estoit leur maistresse.

908 La pucelle, quy estoit sage et telle qu’il euissent sceu souhaidier, ne se anuya pas de attendre l’eure ainsy comme ung pou devant la journéee, puis revint vers ceulx quy ne pensoient a aultre chose fors de prendre leur soulaz et déduit. 9 Elle arriva sus eulx et leur a dit : « Sire, il est heure que vous vous apprestez : il est sur le point de l’aube du jour apparant. 10 Hastés vous tost de partir de cy affin que nulz yssir ne vous voye de cheans, car se on s’en apperchevoit en riens, nous seriesmes femmes perdues. 11 – Hellas, dist le chastellain, l’eure et espace que j’ay cy esté a esté moult courte ; bien devons haÿr le jour quy sy tost s’est apparu. » Il se leva isnellement sy acola et baisa sa dame sy a prins le congiet d’elle. 12 Mais avant ce qu’il se depparteist, luy a pryé et requis qu’elle luy veulle donner conseil comment il porront estre ensamble pour eulx sollacyer en telle maniéré que nulz n’en sache a parler. 13 Ad ce conseil on appella la damoiselle, car elle estoit sage, soubtille et plaine de bon advis, sy leur dist que la vye qu’ilz mainent et que emprins avoient de mener couvient leurs cuers admesurer allefoys contre leurs voloirs, car le cuer n’entent a aultre chose que d’acomplir sa volenté. 14 « Car on doit tous temps et sy priveement soy contenir que les malvais parliers ne les gens envieux n’en sachent que dire ne reprendre, car amans ont trop de martire et de paine quant ilz scevent qu’ilz sont diffamez. 15 Et pour ce, le milleur conseil et pensee que je puis sçavoir endroit moy, je dys que par cest huysset par ou vous estes entrés ou jardin vous venrés, et s’il vous plaist vous regarderez la maniéré et comment vous y porrez venir sans ce que soiez appercheus, affin et aussy que monseigneur ne soit cheans, car madame en seroit honnye et perdue, et moy j’en seroye destruite.

9116 Sy me suys advisee que j’ay ung mien filleul, lequel j’ay nourry et eslevé, et que pour l’amour de moy il fera volentiers ce que je luy commanderay, car je le congnois estre tel qu’il aymeroit mieulx que les deux yeulx de la teste luy fussent crevez l’un apprés l’autre avant ce qu’il relevast chose que je luy euisse deffendue. 17 Sy luy diray tout pour vérité que je suy amoureuse du chastellain et qu’il m’ayme parfaittement et luy deffenderay que pour morir il ne le dye a personne vivant, et de ce suis bien asseuree que par luy ne par son rapport je n’aray anuy ne desplaisir. 18 Puis quant madame et moy verrons le jour et heure de vous mander priveement, vous manderons par lettres en non de moy escriptes pour les perilz et adventures que le garchon ne les perde, car s’elles parloient de madame et aulcun les trouvast, grant deshonneur seroit pour elle, mais sur moy tourneroy la chose. 19 Et pour ce ne couvient il pas que en riens elles fâchent mencion de madame : trop mieulx en aymeroye estre encoulpee que madame en euist le deshonneur et le blasme. 20 Et pour ce, quant vous venrés a l’uys, tastez tousjours se vous y trouverez la pierre : s’elle n’y estoit, vous retournerés en vostre hostel sans y riens faire de séjour jusques ad ce que y venrés mieulx a point. 21 Or sus, sire ! Levez vous et vous hastés de partir d’icy, car il en est heure et temps, affin que ne soyés ravisés de personne. 22 – Damoiselle, dist le chastellain, je prye Dieu qu’il vous veulle garder, car par ma foy en tout le monde on ne trouveroit la pareille de vous de bien conseillier gens et adrechier. 23 Car se le sens de vous ne fust et vostre sage advis, je fuisse perdu ; a tousjours je suys et seray tout vostre en quelque lieu que je soye. »

9224 Lors prist congiet a la damoiselle sans plus arester, sy chemina tant en pou d’espace qu’il arriva a Saint Quentin avant ce que nulz fust levés ; son lit trouva appareillié par ung sien varlet qui grant temps avoit eu. 25 Car le varlet ne attendoit aultre chose que son retour, mais s’esmerveilloit fort que tant avoit demouré, mais il ne sçavoit pas la cause fors qu’il cuidoit bien qu’il euist aulcune amye en ville, bourgoise ou demoiselle. 26 Le chastellain, sans soy arrester, se coucha en son lit ou il ne dormy guerres, car amours luy donnoient souvenance de la joye et du grant déduit que la nuit passée il avoit eu aveuc sa dame, 27 sy prist a recorder en son cuer le doulz maintien, le doulz parler laquelle il luy samble qu’il voit tousjours devant luy et que en son cuer soit emprientee. 28 Sy en loua amours hautement du présent que sa dame luy avoit fait, car se ce ne fussent amours que ad ce faire l’aiderent a conduire, jamais a sy grant bien ne fust parvenu. 29 Ainsy le chastellain ne peult dormir ne reposer, sy regarda qu’il estoit ja haulte heure sy se leva hastivement et commanda a sa maisnye que ses cevaulx fuissent apprestés. 30 Laquelle chose ilz firent moult diligamment, puis luy amenèrent son cheval, sy monta dessus sy s’en ala vers sa maison, moult joieulx et envoysiez. En son chemin fist une chanson pour la joye qu’il avoit eue et tout pour l’amour de sa dame, sy le chantoit en son chemin, puis ariva en son hostel.

XXXV. Comment le chastellain vint en une feste ou sa dame estoit et de ce qu’il y avint.

931 Quant il fu la venus, toutte joye et esbattement estoient en luy puis que de sa dame luy souvenoit ; de laquelle nous encommencherons de parler et cesserons du chastellain, lequel estoit raemplys de joye plus que oncques mais n’avoit esté. 2 Elle se coucha en son lit sy s’endormy en moult joieuse pensee plus que oncques mais avoit fait ; tant jut en son lit que son mary retourna sy le convint tantost lever ; puis, apprés la messe oÿe, le seigneur et la dame lavèrent leurs mains sy s’assirent au disner. 3 Moult sagement se maintenoit la dame, sy bien que nulz ne s’apperchevoit quelle euist mis son amour a nul autre que a son seigneur, car de plus en plus s’efforchoit de servir son seigneur a gré. 4 Et le chastellain d’aultre part ne pense jour ne nuit que de servir armes et Amours ; en nul lieu ne fait long séjour, car il ne scet loing ne près tournoy, tables reondes ne esbattemens qu’il n’y voist pour trouver adventure, pour exauchier son loz et pris et que la renommee de luy s’espanchast par la terre. 5 Puis quant il estoit revenus en son pays, priveement en luy faisoit sçavoir par le garchon quy luy portoit les lettres le temps et heure de venir, sy sachiez qu’il n’y failloit pas, mais y venoit ainsy comme par cy devant m’avez oÿ recorder ; sy bel et sy cheleement y venoit que oncques de nulz ne fu appercheus. 6 Ainsy comme vous poés oÿr, la dame de Fayel et le chastellain de Coucy demenoient joieuse vye : souvent le tenoit entre ses bras en joye et en soûlas, pendant leur déduit, et tant que il advint que en ung esté une feste se fist en Vermendoys, la ou il y eult grant assemblée de chevaliers et dames. 7 Le temps estoit bel et joieulx, et sy estoit pour lors paix par tout le royaulme : par quoy les gens de tous costés se resjoïssoient ; ilz faisoient festes et assamblees de boires et de mengiers, de danser et de chanter ; la y avoit dames de grant revel, aveuc bacelers plain d’onneur et de courtoisye. 8 En celle assamblee ne failly pas le chastellain, car il sçavoit bien que sa dame n’y fauldroit pas et que desja elle y estoit venue. Moult y avoit de nobles gens richement vestus et parés, puis s’assirent tous au mengier, chevaliers et dames.

XXXVI Cy devise d’une dame quy estoit assise devant le chastellain de Coucy.

941 A ceste feste estoit une dame de Vermendoys, laquelle d’aventure estoit asise devant le chastellain et luy devant elle, et furent servy ensemble. Celle dame fu moult belle, gracieuse et genre autant que dame qui fust en la feste, sy avoir long temps que le chastellain estoit en sa grâce. 2 Elle estoit sage et malcieuse, long temps par avant avoir convoitié d’avoir l’amistyé du chastellain, et pour ce elle s’assist ce jour auprès du chastellain pour veoir se aulcunement le désir et amour qu’elle avoit a luy luy peuist dire et descouvrir affin de parvenir en son amour. 3 Car elle ne sçavoit qu’il euist amye ne aussy oncques elle ne sceult ne n’avoit oÿ parler en lieu ne en place qu’il amast dame ne pucelle, sy s’en merancolyoit assez pour ce que elle le veoit jone, gracieux, faisant chiere lye et le plus joly de la place. 4 Et dist : « Je cuide bien qu’il soit amés d’aulcune dame, mais il est sage et soubtil et secret, par coy il n’est nulz quy s’en puist apperchevoir. » 5 Ainsy pensoit et repensoit celle dame, sy ne menga guerres ne beu ad ce digner, fors de penser s’elle verroit dame ou demoiselle sur quy il jettast son regard. 6 Ainsy furent assys chevaliers, dames et demoiselles l’un decha, l’autre delà, sy advint que la dame de Fayel estoit asise d’une part a une table ou pluiseurs chevaliers estoient. 7 Le chastellain, quy l’avoir veue et choisye, ne se peult abstenir de le regarder en jettant ung pou ses yeulx sus elle, et elle a luy, tant que la dame qui estoit assise devant le chastellain s’en appercheu, par ce qu’en le regardant et en jettant ses yeux vers elle il avoit jette ung souspir, sy luy demanda :

958 « Sire, quel chose avez vous ? – Dame, dist le chastellain, j’ai maintenant sentu ung mal sur le costé d’un point qui me fait moult mal ; sy me prent souvent, puis quant il me vient, il me fait sy grant doleur et telle paine que a grant paine puis je durer. 9 – A ! sire, ce dist la dame qui estoit moult soubtille, y a il guerres que ce mal vous tient ? – Dame, oÿl, plus de . III. ans. – Certes, sire, ce dist la dame, je ne creroye pour riens que d’un tel mal vous deuissiez plaindre, mais je croy bien que pour mieulx couvrir vostre maniéré vous vous sçavés bien faindre. 10 – Dame, dist le chastellain, quel mal volez vous dire que j’aye ? » La dame ne luy respondy plus riens et se prist a deviser d’aultres besoingnes. 11 Celle dame dont je vous parle fu moult joieuse et envoysye, sy encommencha a chanter une chanson pour resjoïr la compaignye, et les aultres pareillement respondoient a sa chanson ; moult richement furent servy a la table. 12 Quant assez eurent beu et mengié, chanté motetz et vireletz, ilz se levèrent du mengier apprés les tables ostees. Quant tous furent levé des tables, la dame de Fayel se leva et prist decha et delà dames et demoiselles par les mains, 13 sy commencha la carole sy se atacherent chevaliers et escuiers de toutes pars, puis encommencha a dire une chanson ; les aultres dames luy respondirent, puis apprés ce qu’elle l’eut finee une aultre commencha. 14 Ainsy s’envoyserent et menèrent joye en celle assamblee de chevaliers et de dames ; long temps par avant la pareille feste on n’avoit veue mieulx conduitte ne mieulx ordonnée. 15 Trois jours dura ceste feste ; maintes devises et maintes gracieuses parolles y furent devisees et dittes par dames et chevaliers ; menestrez de mainte guise y jouoient de leurs mestiers tant bien et sy très doulœment que a les oÿr estoit ung grant plaisir, car tant en y avoit de maniérés que on ne le vous saroit raconter. 16 Maint amant et mainte amye se devisèrent a celle feste ensamble de leurs amours, mais le chastellain en nulle maniéré ne monstra chiere ne samblant a sa dame fors seulement que ce seul souspir qu’il avoit fait le premier jour qu’ilz s’assirent a table, duquel il vaulsist mieulx qu’il s’en fust abstenus.

9617 Pour l’eure, de la feste ne esbattemens ne vous vouldray plus parler, car il n’est feste qu’il ne couviengne deppartir. Dames et chevaliers prindrent congiet l’un de l’autre sy s’en deppartirent et ala chascun en son lieu. 18 La dame de Fayel, elle et sa maysnye, s’en retourna vers sa maison dont elle estoit venue, et d’aultre part le chastellain s’en retourna vers Saint Quentin en démenant tant joieuse chiere ; 19 tant bien se gouverna et maintient envers sa dame et elle vers luy que oncques homme ne femme ne se seult apperchevoir de leur affaire n’en dire chose qui leur tournast a deshoneur en maniéré ne en samblant. 20 Car nulz ne sceut oncques apperchevoir que le chastellain amast dame ne demoiselle l’une plus que l’autre : tant bien et tant sagement s’y contint que de son affaire on n’euist sceu que dire. 21 Mais une trenchant estincelle esprist et embrasa le cuer de la dame devant qui il avoit esté assys au disner le jour de la feste, pensant en elle qu’en nulle maniéré du monde ung sy bel chevalier comme le chastellain de Coucy fust sans amye, 22 et dist a par soy : « Certes, je sçay pour certain qu’il a amye et voy bien que a luy j’ay failly, et que je perderoye mon temps se je y pensoye nullement ne que je y mesisse mon cuer, mais j’ay le cuer en grant esmay et désirant sçavoir qui est la dame ou demoiselle dont il soit amoureux. 23 Certes, j’en mescrois une tant seullement que je veys a l’assamblee desreniere : quant je fus assise devant luy, je luy veys jetter ses yeulx sus une dame que je congnoys assez, et luy fist ung regard attrayant, en le regardant jettant ung souspir, 24 par coy il me donna a y penser, ne jamais ne seray ayse jusques a tant que je saray au vray se c’est a certes ou a gas qu’ilz soient amoureux l’un de l’autre. »

XXXVII. Cy parle de la dame quy envoya par ung sien varier espier le chastellain de Coucy.

971 En moult grant esreur se boutta celle dame de sçavoir et enquerre par quel tour et maniéré elle en pourra sçavoir la vérité, sy s’avisa quelle querroit et feroit tant qu’elle aroit une espye quy guettera le chastellain nuit et jour, 2 sy l’envoyera a Saint Quentin pour ce que le chastellain s’y tenoit souvent, et la il se donra garde et mettera en paine se le chastellain yra ne venra autour de Fayel pour veoir la dame. 3 Et tant yra et vendra autour du chastellain soir et matin que, se il va celle part, il luy en sara tout a dire, combien ne quel temps il y doye mettre. 4 Sy fist tant qu’elle trouva ung garchon auquel elle encharga cest affaire, sy luy donna argent assés pour sa paine et sa despense et luy dist au deppartir et charga expressamment tout son voloir, ainsy comme cy devant l’avez oÿ deviser, 5 et luy dist au départir que, s’il peult tant faire que a la vérité il en apporte les nouvelles, que or et argent luy doura assez. 6 Le varlet, qui estoit soubtil, promist a la dame que ainsy le feroit, sy s’appareilla et vesty en guise d’un paillart 7 et se mist au chemin et ne cessa jusques ad ce qu’il ot trouvé le chastellain, lequel estoit en ung sien ostel assez prés de Saint Quentin, ou il estoit venus pour estre ung pou a séjour. 8 Et le varlet, nuit et jour, a la myenuit et au matin, estoit tousjours a l’aguet sus le chastellain, pour sçavoir et enserchier quel part il yroit ne venroit, 9 ne le chastellain ne se deppartoit ne aloit de lieu a aultre en quelque part que ce fust que le varlet ne fust apprés pour sçavoir et enquerre de luy ; souvent il se muoit d’abis et vestures affin que on ne s’appercheust de luy.

9810 Sy advint que le chastellain vint ung soir a Saint Quentin, sy descendy en son hostel. Assez tost apprés arriva l’espye et se vint logier en l’ostel d’un boulengier quy estoit devant l’ostelerye ou le chastelain estoit logiez, 11 et estoit dessus une loge par ou il pooit adviser et perchevoir tous ceulx quy entroient ou yssoient de l’ostel, sy advint que envers î’anuytyer le mesagier de la chamberiere de la dame de Fayel entra layens et vint vers le chastellain, sy luy bailla unes lettres que la pucelle luy envoyoit et luy dist : 12 « Sire, ma demoiselle vous salue mille foys et vous prye que lysiez cez lettres et que sachiez ce qu’elles devisent : elle vous em prye chierement, et a Dieu, sire, vous commans. » 13 Le chastellain prist les lettres sy le recommanda a Dieu ; il froissa la cire et les lisy tout au long : a les lyre prist grant plaisir sy ne s’en doit on esmerveillier, car on luy mandoit expressamment qu’il fust la celle nuittye et venist a l’uisset ou il avoit acoustumé de venir. 14 De ces nouvelles fu le chastellain moult joieulx, sy fist hastivement appareillier son soupper, pour le désir qu’il avoit de soy partir de la et aler a Fayel. Le soupper fu prest, sy s’assit et demena grant joye pour la bonne nuit qu’il attendoit, puis, apprés ce qu’il eult souppé, il commanda de faire son lit et oussy que chascun s’en alast couchier. 15 Quant heure vint, il entra dans sa chambre sy envoya ses gens couchier Le chastellain, qui n’avoit pas mis en oubly de faire son voyage, s’appresta sy s’en party de l’ostel au plus coyement qu’il pot oncques, 16 mais trop bien avoit dit a celluy qui avoit apporté la lettre qu’il le attendeist jusques au point du jour en aulcun lieu secret, affin qu’il ne fust appercheus de personne. 17 Le paillart quy guettoit apprés luy estoit en son hostel auprez de l’uys monté sus un degré, sy regarda et vey appertement que le chastellain se partoit, car tantost le recongneu.

9918 Tantost et incontinent se mist apprés luy et le sievoit tant qu’il fu yssu hors de la ville, puis quant ce vint qu’il fu yssus hors de la porte, et le chastellain se trouva aulx champs. 19 Le chastellain se prist moult fort a cheminer, et le malvais paillart espye le sievy de loing sy très couvertement qu’il ne s’en appercheu oncques. 20 Et le sievy tant qu’il vint au petit boschet et l’espye apprés luy, sy advisa le petit huysset ou il vey tourner le chastellain, sy pensa bien tantost que aulcune personne y venroit pour le boutter dedans sy s’aresta la tout coy. 21 Le chastellain vint a l’uisset sy s’abaissa et tasta dessoubz l’uys, sy trouva la pierre, laquelle estoit la vraye enseigne. 22 Gaires il n’y arresta que l’uisset ne luy fust ouvert, puis quant il fu entré dedans, il referma l’uys apprés luy et s’en vint ou sa dame estoit, laquelle l’attendoit en sa chambre, sy s’entrefirent moult grant joye de baisier et d’acoler. 23 Sans guerres tenir long compte, celle nuit jurent entre bras ensamble en démenant leur déduit ainsy que bon leur sambla et que acoustumé avoient de faire.

XXXVIII. Comment l’espye que la dame avoit envoyet pour espiier le chastellain ly raconta tout ce qu’il avoit veu et trouvé.

1001 Quant le paillart espye le vey entrer dedens et refermer l’uys, tantost et sans séjour s’en retourna a Saint Quentin, puis le lendemain a l’aube du jour s’en depparty, 2 et chemina tant qu’il vint vers la dame a quy il estoit et le trouva en ung sien chastel, ou elle estoit a celle heure en la sale appoyee a une des fenestres, sy choisi le varlet venir, dont elle eult grant joye. 3 Quant il fu entrés dedens, il salua la dame, et elle luy demanda moult tost quel chose il avoit veu ne trouvé. « Madame, ce dist le garchon, sans vous riens mentir vous raconteray tout au long ce que j’ay trouvé et veu. » 4 II luy raconta comment il avoit sieu le chastellain jusques a ung huiset et le vey entrer dedans et refermer apprés luy, sy entra dedans le chastel de Fayel. 5 « Mais le retour du chastellain je n’ay pas volu attendre, affin que ces nouvelles vous seuissiez plus tost. – Or va, ce dist la dame, j’en sçay assez ; plus n’en quiers de sçavoir. » 6 Elle luy donna de l’argent sy s’en party, mais avant son partement, la dame lui charga fort que ceste chose il tenist bien secrete. 7 II luy promist que ainsy le feroit et que pour morir il ne le vouldroit decheler. Du garchon vous lairons ester et retournerons a la dame quy luy avoir envoyé.

XXXIX. Comment le seigneur de Fayel vint en l’ostel40 de l’envieuse dame et comment elle luy raconta tout a lonc les amours du chastellain de Coucy et de la dame de Fayel sa femme.

101I Quant la dame sceult les nouvelles que le varlet luy avoit apportées, a pou que le cuer ne luy creva, tant estoit courouchie et dolante que plus n’en pooit ; 2 puis dist que oncques sy priveement homme ne mena tel vye ne sy secrètement comme il le maine, car oncques personne de ce pays ne s’en peult apperchevoir 3 « et a la vérité dire il sont bien assamblé, car la dame est belle, sage, bonne et honnourable et par raison amesuree, et d’aultre part le chastellain a sy grant renommee de sens, de proece et de vaillance que par decha n’est chevalier quy le passe. 4 II est bel, humble et courtoys ; maint mal et maint anuy et mainte grief paine j’ai porté pour l’amour de luy, mais, quoy qu’il m’en doye advenir, 5 je metteray paine que je me vengeray d’eulx deux, se je dévoyé tout perdre et tout gaster, et ne me chault a qui il en peuist desplaire, 6 car au plus tost que je pourray le diray au seigneur de Fayel. » Sy pensa en elle qu’elle attendera temps et heure que la chose venra bien a point pour luy dyre. 7 En elle n’avoit jeu ne risee, et fu plus d’un moys en ce pourpos, sentant en son cuer jalouzie, angoisse et destresse que moult luy duroit et anuyoit le cuer de ce que plus tost ne se povoit descouvrir de dire et raconter au seigneur de Fayel la chose ainsy comme elle aloit.

1028 Sy advint que ung jour, ainsy comme d’aventure, le seigneur de Fayel vint en l’ostel de celle qui tant haioit les deux amans, et avec luy estoit le seigneur de layans, sy fu recheus le seigneur de Fayel en grant joye et leesse du seigneur et de la dame. 9 Le soupper fu prest sy s’assirent, mais la dame, qui pensoit a aultre chose, menga assez petitement, car elle pensoit tousjours la maniéré et comment elle pourroit dire ce qu’elle avoir sus le cuer. 10 Le seigneur de Fayel, quy estoit assis auprez d’elle, luy dist : « Et comment, madame ? Ne ferez vous aultre chiere ? » Sy luy dist tout bas : « A quel chose pensés vous maintenant ? Je suys bien courouchiez de ce que je ne vous voy faire aultre chiere ; 11 dittez le moi s’il vous plaist, car se je vous sçavoie conseillier, moult volontiers je le feroye. – A ! sire, ce dist la dame, je ne vouldroye pour riens que vous seuissiez mon desplaisir ne ce qu’il m’anuye sy fort. 12 Car, sire, se le vous disoye, il vous poroit anuyer, et pour che mais huy je ne vous diray chose ou vous puissiez prendre desplaisir ; j’aime mieulx que ung aultre le vous dye que moy, sy vous prye que pour le présent il vous souffisse de ne plus41 enquerre ne sçavoir. 13 – Dame, ce dist le seigneur de Fayel, pour le présent je n’en parleray plus mais feray vostre volenté. » Sy se teult pour ceste foys et parla d’aultre chose, et pensa bien qu’il le saroit assez a temps avant qu’il se parte de l’ostel. 14 Le soupper fu moult bel et gent et sy furent tous moult bien servys et firent bonne chiere, puis apprés le soupper les tables furent levees sy se prindrent ensamble a deviser de pluiseurs choses.

10315 Sy advint que apprés le soupper le seigneur de layans s’en ala par sa maison parler a ses gens pour aulcuns de ses affaires et laissa sa femme aveuc le seigneur de Fayel ; lequel n’estoit pas a son aise, mais desiroit sçavoir de ce que la dame luy avoir dit, sy dist a la dame : 16 « Madame, je vous pry, sus lingnage et par droit amistié et sus le plaisir que jamais me vouldriés faire et que faire je vous pourroye se m’en requerriés, car par lingnage je y suis tenus, 17 qu’il vous plaise a moy voloir dire la vérité de ce que vous me disiez orez, moy estant assis a la table emprez vous ; encores de rechief vous prye que ne me veuilles celer riens, en especial de chose quy me puist tourner a dommage ne deshonneur. 18 – A ! sire, ce dist la dame, pour ceste foys vous en veulliés déporter ! – Dame, je vous prye, soit mal ou bien, ma joye ou mon contraire, je vous prie que m’en dittes la vérité. 19 – Sire, ce dist la dame, puis qu’il vous plaist et que sy fort me pressés le sçavoir, je le vous diray sans riens mentir, et me poise de ce qu’il couvient que je le vous dye, 20 non obstant je vouldroye qu’il me fu cousté cent livres et que del anuy et desplaisir que vous en arez a l’oÿr vous fuissiez quitte, et ameroye trop mieulx que le seuissiés par aultruy que de par moy. 21 Ores puis qu’il fault qu’il soit, je le vous diray, car je l’ay sceu par ung mien vray amy et certain que le chastellain de Coucy, quy est ung chevalier preu et hardy aulx armes et de grant renommee, et ma belle cousine la dame de Fayel, vostre femme, s’ayment et ont amé long temps 22 et se jouent a leur volenté, car il n’est nulz qui les en destourbe ; et vous dy, sire que celuy qui le me raconta l’a fait de sy prez guettier qu’il scet de vérité comment la chose va. »

10423 Le seigneur de Fayel oyant les parlers de la dame et les malvaises nouvelles qu’elle luy raconte luy font le cuer sy estraint et sy effraé, tant courouchié et plain d’yre qu’il dist a la dame : 24 « Je ne pourroye croire que ceste parolle fust véritable ne que ma femme se deignast meffaire, car je croy certainement que de milleur ne plus sage Dieu n’en fourma nulle qu’elle n’en soit une : jamais ne penserait a telle follye que vous me racontés cy endroit ; 25 d’aultre part je congnoys le chastellain de Coucy pour ung chevalier tant franc, tant bon et sy débonnaire que pour morir il ne voldroit pourchassier mon deshonneur ne ma honte. Et pour ce, madame, jamais ceste chose ne voldray croire jusques ad ce que j’en aray veu plus grant expérience. »

XL. Comment le seigneur de Fayel, moult pensif et merancolieux, retourna en sa maison.

1051 Quant la dame entendy que le seigneur de Fayel ne le voloit croire nullement, elle luy dist : « Sire, je vous diray la maniéré ne comment vous le portés sçavoir. 2 Quant vous serez retournés en vostre hostel, ne faittes chiere ne samblant en nulle maniéré que soyez de rien adverty et vous maintenez ainsy que soliez faire, 3 mais dirés que pour aulcunes choses qui vous sont sourvenues il vous couvendra aler dehors et que vous y pensés demourer . xii. jours ou . xv.. 4 Sy y alés sy priveement que ung varlet seulement avec vous ; vous vous partirés de vostre hostel et yrés en aulcun manoir ou vous vous tenrés priveement sans vous deppartir de la : par jour pourrés dormir et reposer, et par nuit vous et vostre homme ferez le guet. 5 Sy yrez chascun jour en ung petit boschet quy est assez prés de vostre maison, et la auprès a un petit jardin ou il y a ung huysset, sy ne vous bougiez et y guetterez soingneusement, et je vous dy pour vérité que vous y trouverés ce que je vous dy ou cas que la vérité en veuillez attaindre. – Dame, ce dist le seigneur de Fayel, j’en feray telle diligense que j’en saray la vérité. » 6 Alors se teurent et ne parlèrent plus pour ceulx de layans qui sourvindrent sus eulx, sy est bien a croire que le seigneur de Fayel fu a ceste heure bien pensif, dolant et courouchiez des nouvelles qu’il a oÿes par la dame de layans, sy en desiroit moult d’en sçavoir la vérité.

1067 L’eure vint, et prist congiet du seigneur et de la dame et s’en ala couchier en son lit, mais sachiés que de dormir il n’avoit nulle volenté, car nullement il ne peult croire que sa femme euist talent ne volenté de penser ad ce que on luy a dit d’elle, 8 car oncques depuis qu’il l’espousa il n’apperceu d’elle aultre chose que on ne doye veoir en une femme d’onneur, sy ne scet que croire ne quelle chose faire. 9 Moult fort l’a boutté celle dame en merancolye pour le rapport qu’elle luy avoir fait de sa femme ; moult fort prist a penser sur ce qu’il avoit oÿ d’elle, sy s’endormy en ce penser jusques ce vint l’aube du jour qu’il se leva, chaussa et vesty. 10 Quant il fu prest et appareilliez et ses chevaulx tirez hors des estables, il prist congiet du seigneur et de la dame sy s’en party en grant volenté de sçavoir et attaindre la vérité de ce que la dame luy avoit dit.

10711 Tant s’esploitta qu’il vint en sa maison ou il fu bien recheus et festoyés de la dame de Fayel sa femme : elle luy vint a l’encontre pour le bienviengnier. 12 Le seigneur ne luy fist ne monstra samblant de chose qu’il euist oÿ dire, mais luy monstra amour et fist bonne chiere comme il avoit de coustume, 13 et fu la avec elle sejournans jusques a trois jours tant qu’il vey l’eure et l’occasion de dire qu’il l’en couvenoit partir et aler dehors pour une besoingne quy luy touchoit grandement et dist a sa femme : 14 « Dame, avec moy ne menray que ung seul varier pour eschiever plus grans despens, car le voyage ne sera pas sy brief ; il sera plus de . VIII. jours avant que je retourne par decha, 15 car avec le prochés que j’ay encommenchié, m’est besoing d’estre a ung traittyé de mariage, pour ung homme qui m’est prochain parent. 16 – Sire, ce dist la dame, sachiés que m’esmerveille assés qui vous meult tant d’aler cha et la : jamais vous n’arestez cheans a séjour ! – Dame, dist le seigneur de Fayel, je ne puis delaissier mes besoingnes a pourchassier42, car nulz ne les peult sy bien faire comme je fay puis que je y suis en personne. »

XLI. Comment le seigneur de Fayel et son escuyer s’en partirent pour espiier le chastelain de Coucy.

1081 Ainsy comme vous oez, le seigneur de Fayel et sa dame de femme se devisoient. Apprés ce qu’ilz eurent devisé et disné, ilz se levèrent de table. 2 Le seigneur et la dame se prindrent a deviser, a rire et a jouer ainsy comme par avant ilz avoient acoustumé de faire, sans faire samblant a sa femme qu’il se doubtast d’elle ne tant ne quant. 3 Non obstant il se prist bien garde de l’uisset, et luy fu advis que nouvellement il avoit esté ouvert, sy luy despleut moult, car lonc temps y avoit qu’il ne l’avoit esté. 4 Non obstant ce, il n’en fist samblant sy se party ung joesdy bien matin, sans tenir voye ne sentier ; pou s’en fault que le cuer ne luy deppart du grant yre et couroux qui estoient en luy. 5 Il avoit ung sien escuier moult privé et son parent, auquel il s’ala descouvrir et dire toute sa besoingne, et comment il essayera pour sçavoir se la chose est telle comme on luy avoit dit. 6 L’escuier, quy estoit sage, courtoys et très secret et bien advisé, ayant entendu son seigneur, luy a respondu et dit que celle chose il ne creroit jamais, 7 car par tout le pays de Vermendoys, autant loing comme il se peult estendre, il n’y a dame ne damoyselle de plus belle vye ne ou moins ait d’envye et d’orgoil :

1098 « Mais, sire, pour vous oster de souspechon, je vous loeroye bien que sans arrester vous faittes tant que sçachiez pour vérité s’il est ainsy que le chastellain y viengne. » 9 Le seigneur respondy et dist : « Or bien, et quant je le sçaray, et que se je le treuve, et qu’en porray je faire ? Je vous prye que m’en conseilliez. 10 – Sire, ce respondy l’escuier, je vous conseilleroye, se j’estoye en vostre point, que la première foys que vous en percheveryez vous n’en feissiez chiere ne samblant, 11 tant que vous fuissiez bien adverty en quelle maniéré ne en quel estât il vient ou se il amaine aveuc luy gens d’armes garnis de basions deffensables ou se il y vient seul sans armeure. 12 Puis quant il s’en yra, ne vous amonstrez de riens a luy car, quelque affaire qui luy puist sourvenir, il ne laira point qu’il n’y retourne les aultres nuitz ; 13 vous vous pourrez haster affin que soyez prest et prés de l’uisset, et je seray entour le boys tantost que le verray : il y a ung sentier par lequel je vous venray au devant, sy l’adevancheray avant ce qu’il puist venir a l’uisset. 14 Et s’ainsy est que puissiez avant luy entrer dedans l’uys, vous ne dirés mot. D’aultre part, se madame vient pour ouvrir l’uys, alors sarés vous de certain que la chose sera telle comme on le vous a dit. 15 Alors verrés madame moult esbahye, car il y ara bien raison, mais non pour tant, se le chastellain y vient, laissiez le entrer dedans, et par ainsy comme on prent le poisson a l’aync tous deux les atrapperez.

11016 S’ainsy le faitez, ce sera pour le milleur, comme il me samble. Et illec les pourrés tous deux blasmer de leur meffait, car ilz seront tant esbahy qu’il ne saront quel tour prendre. 17 Et aussy je venray la, sy me laissiez entrer dedans l’uisset : le chastellain est moult fort et vigoureux, sy est sa renommee grande d’estre preu et hardy sus tous hommes. 18 La pourrez oÿr quel chose il voldra dire, et comment il s’en deffendera et excusera. Puis quant vous verrez qu’il sera en vostre dangier et qu’il ne porra yssir dehors, gardés vous bien sur toute riens que ne l’ochiez nullement, 19 car, sire, vous sçavez comment il est de grant lingnage, et seroit ung moult grant meschief et ung grant dangier et peril pour vous. 20 Et aveuc ce sçavez bien que de son corps il est43 tant vaillant que homme peult estre. Les chemins pour entrer en guerre sont grans et larges, mais les yssues en sont estroittes : on doibt bien penser avant ce que on se boutte en guerre. »

XLII. De la responce que le seigneur de Fayel fist a son escuier.

1111 Quant le seigneur de Fayel entendy son escuier, il luy respondy et dist qu’il le conseilloit moult bien et dist: 2 « Je creray vostre conseil, mais il nous couvient estre en aulcun privé lieu cy autour ou par jour nous puissons estre, affin que nulz ne nous y sache ne voye, car nostre affaire nous couvient sagement conduire, affin que a nostre emprinse nous ne faisons nulle faulte. 3 – Sire, ce dist l’escuier, je sçay a une lieue prés d’icy ung hoste nouvellement venu en ung manoir assez hors du chemin; il ne congnoist ne vous ne moy. 4 Je feray tant envers luy qu’il nous herbergera volentiers en son hostel, et la nous tentons toute jour secrètement en une chambre. Je sçay tous les estres de layans; il y a une moult belle chambre qui a son44 regart sus ung beau preau assez loingz de gens, ou bien et seurement45 nous povons estre. »

XLIII. Comment le seigneur de Fayel et son escuier se vindrent logier en ung hostel, lequel estoit hors du chemin.

1121 Alors le seigneur, oyant son escuier parler, luy dist : « Or le faisons ainsy que nous l’avons devisé ! » Ilz chevauchierent celle part et vindrent en cel hostel ou ilz descendirent de leurs chevaulx, puis appelèrent leur hoste a part et luy dirent : 2 « Beaulx hostes, nous vous prions que nous veuillez mettre en une chambre, la plus secrete qui soit cheans, car nous sommes en guerre d’amis, sy avons esté chassyé plus de l’espace d’une liewe. 3 Nous sommes en guerre mortele ; pour coy, biaulx hostes, nous vous prions qu’il vous plaise de nous celer et mettre en lieu ou on ne sache a parler de nous, et ne le dittes a personne qui vive. » 4 Quant l’oste les entendy, il leur promist et jura loyaulment qu’il ne les accuseroit ne diroit a nulluy qu’il les euist veu, et qu’il les aideroit a garder comme loyal homme doit faire ses hostes. 5 L’oste les mena en la chambre, sy leur fist apporter pain, char et vin et tout ce qu’iiz voldrent demander pour eulx et pour leurs chevaulx. Or retournerons a la dame de Fayel.

XLIV. Comment la dame de Fayel rescript au chastellain qu’il venist vers elle.

1131 Quant la dame vey son seigneur estre party luy et son escuier, elle dist a sa chamberiere qu’elle envoiast quérir le chastellain par le garchon. La damoiselle envoya quérir le garchon, lequel vint incontinent vers la demoiselle ; elle luy bailla unes lettres et luy prya que sanz arester il lez portast au chastellain. 2 Le varlet fu prest et habille pour acomplir le commandement de la demoiselle, prist les lettres sy s’en depparty hastivement et ne fina de cheminer jusquez ad ce qu’il eult trouvé le chastellain sy luy bailla les lettres. 3 Quant il vey le varlet, il le congneu tantost il prist les lettres qui luy estoient envoyées, sy regarda dedans et trouva en escript que sa dame luy mandoit que sans arrest il venist vers elle au plus tost comme il pourroit. 4 Quant il eult leu les lettres, il tressailloit tous de joye des bonnes nouvelles que sa dame luy mandoit ; il ne les mist pas en oubly mais s’appareilla hastivement pour obeÿr et complaire a sa dame. 5 Sy sçachiez pour vérité qu’il ne sçavoit pas la traÿson que la malvaise dame et envieuse avoit pourchassyé a luy et a sa dame. 6 II se mist au chemin au plus hastivement qu’il peult sans avoir doubte de nulluy. Nous nous cesserons ung pou a parler du chastellain qui s’est mis au chemin, et parlerons ung pou du seigneur de Fayel.

XLV. Cy parle comment le seigneur de Fayel et son escuier agaitterent tant qu’ilz veyrent le chastellain de Coucy entrer ou vergier par l’uisset pour aller voir sa dame.

1141 Quant le seigneur de Fayel et son escuier furent venu en l’ostel ainsy comme vous avez oÿ, ilz furent la tout le jour, puis quant ce vint au soir et par nuit, ilz firent le guet et se misrent en voye pour aguettier le chastellain. 2 Ce fu ung vendredy par nuit, mais riens ne trouvèrent, et pareillement, le samedy ensuivant, ilz guettèrent comme ilz avoient fait la nuit devant, mais oncques ne oÿrent ne veyrent personne, 3 dont le seigneur de Fayel fu moult joieux46, et luy sambla que la dame quy luy avoir dit les males paroles de sa femme luy avoir fait entendre malvaisez bourdes. Non obstant ce, se dist il qu’il y guettera encores une nuit, ou deux ou crois au besoing. 4 Son escuier luy disoit souvent : « Sire, se j’estoye comme de vous, je me partiroye d’icy et me osteroye hors de ceste souspechon, et ne creez en nulle manière47 que jamais madame volsist pourchassier envers vous une sy grant deshonneur et traÿson, 5 mais celle dame quy le vous a compté et mis cest esreur l’a fait pour l’envye qu’elle a sur elle. Pour Dieu, sire, je vous prye que ne vous traveilliez plus de cy attendre ne muser. 6 Que male estrinne doinst Dieux a celle qui telles nouvelles vous a dittes, quant une telle vilonnye a mis sus a une sy noble dame et tant bonne comme est madame vostre femme. »

1157 Ainsy l’escuier confortoit son seigneur, sy s’en retournerent vers leur hostel eulx deux ensamble, ou ilz se tindrent tout le jour jusques a l’autre vespree que oncques riens ne veyrent ne trouvèrent, dont moult joieulx furent tous deux. 8 Puis quant ce vint le lundy au soir qu’ilz retornerent faire le guet comme ilz avoient de coustume, en celle nuit le chastellain ne s’oublya pas de venir vers sa dame, 9 mais sachiez que point n’estoit desarmés, car tousjours puis qu’il aloit dehors, fust de nuit ou de jour, il n’estoit point sans armeures. 10 II vint vers le boschet ou le seigneur de Fayel et son escuier estoient embuschiet ; ilz veyrent venir le chastellain, lequel ne se donnoit garde d’eulx en nulle maniere. 11 II vint vers l’uys et tasta en baz, sy trouva la pierre quy estoit la vraye enseigne, dont il fu moult joieulx ; il vint a l’uisset sy hurta ung petit cop, sy n’y arresta guerez que tantost l’uys ne fust ouvert. 12 Le seigneur de Fayel et son escuier le veyrent bien appertement, car ilz n’estoient pas guerrez loing, sy veyrent que tantost comme il fu entrés dedans, l’uys fu refermé après luy, 13 et sceurent bien et veyrent que le chastellain s’en ala vers la dame, lequel ne s’en prendoit garde, mais cuidoit estre priveement avec sa dame ainsy comme il avoir acoustumé. 14 Aussy pareillement la dame n’en sçavoit riens, laquelle vint vers son amy et le baisa et acola en leur chambre ou ilz estoient en gran plaisir, eulx devisant en soulas et en joye corne aultrefoys avoient acoustumé de faire, cuidans que nulz ne soit quy les puist nuyre ne grever.

11615 D’aultre part le seigneur de Fayel fu moult dolant, tristre et courouchiez, se jamais oncques homme l’avoit esté, car il y avoir bien cause, et dist a son escuier : 16 « Las moy ! Corne je suys villainement et deshonnestement decheus, car je cuide qu’en tout le monde il ne soit ung homme plus meschant ne plus maleureulx48 ! » Sy dist a son escuier qu’il l’avoit malvaisement conseillyé de ce qu’il n’avoit couru sus au chastellain a son venir, avant ce qu’il entrast en l’uisset : 17 « Pour riens ne tenroye que ne alaisse huchier a l’uysset pour veoir et sçavoir se je pourroye entrer dedans. – A ! sire, ce dist l’escuier, gardés que ce ne faittes ; vous gasteryez trestout, et la cause je le vous diray : 18 il ysceroit dehors par devant puis apprés vous nyeroit le fait, et trouveroient aulcune escusance et feroient tant par leurs parolles que nous ariesmez assés a faire de non plus en parler pour garder vostre honneur, ja soit ce que nous l’avons veu a l’oel entrer dedans. 19 Et d’aultre part, sire, il est souvent advenu que ung baceler repaire aulcuneffoys autour d’une dame sans y penser mal ne villonnye, mais malvaise gens et envieulx sont tousjours prest et appareilliez de dire mal sus ceulx quy ne pensent que a toute honneur. 20 Et ne creroye pour or du monde que le chastellain, qui est tant gentil chevalier, volsist penser ne dire ou faire vilonnye ne deshonneur en vostre hostel, en especial a madame vostre femme. 21 D’aultre part, bien pourroit estre que la demoiselle de vostre hostel, qui est chamberiere a madame, le pourroit bien amer par amours, car elle est belle, gente, et sage et attrayant sus toutes les femmes que je congneus oncques. » 22 Tant parla l’escuier au seigneur qu’ilz retournèrent a leur hostel s’y s’en alerent couchier et reposer, mais dit bien que toutes les nuitz il guettera et fera tant qu’il le puist atrapper et approuver le fait sur luy. « Sire, ce dist l’escuier, de ce dire avez bien raison. »

XLVI. Comment le chastellain de Coucy se depparty de sa dame, laquelle le convoya jusques a l’uisset du jardin.

1171 Or nous convient retourner aulx deux amans qui estoient ensamble, faisant leurs deduitz ainsy comme ilz avoient acousttimé de faire, puis quant ce vint vers l’aube du jour, le chastellain se leva sy prist congiet, mais la dame le convoya jusques a l’uisset et luy dist que le joedy au soir il revenist vers elle. 2 Il s’en party moult lyez et joieulx et ne s’arresta de cheminer jusques ad ce qu’il vint a Saint Quentin en son hostel : d’aultre part le seigneur de Fayel, luy et son escuier, faisoient le guet toutes les nuitz. 3 Or vint le jour que le49 chastellain desiroit moult fort de retourner vers s’amye, mais, avant ce qu’il se partesist s’arma très bien a la couverte comme il avoit acoustumé de faire. 11 se party hors de son hostel et se mist au chemin pour venir a l’uisset. 4 Le seigneur de Fayel et son escuier l’apperchurent tantost venir. Alors le seigneur de Fayel moult hastivement s’avancha et vint a l’uisset ou il toucha ung petit cop ; a celle heure y estoit la demoiselle quy luy ouvry l’uys, cuidant que ce fust le chastellain. 5 Sy advint que en celle nuit la chose vint sy a point que la dame de Fayel se gisoit malade : a ceste cause y vint la demoiselle. Quant le seigneur de Fayel fu dedans, la demoiselle referma l’uys, car elle cuidoit bien que ce fust le chastellain qui fust entré dedans, 6 mais tantost apprés le chastellain vint a l’uisset sy y hurta tout bellement, puis quant le seigneur l’oÿ, au plus tost qu’il peult luy ouvry l’uys. 7 Le chastellain entra dedans, que oncques ne se donna garde du seigneur pour le grant oscurté qu’il faisoit celle nuit ; d’aultre part la damoiselle fu moult effraee de ce qu’elle vey la deux hommes, sy congneu appertement que sa dame estoit dechupte, puis dist ainsy comme une femme esbahye : 8 « Vray Dieux ! Quelz gens sont ce ycy entrés ? » Alors le seigneur de Fayel dist : « A ! chastellain, vostre desloyalté ne se peult desoresmais couvrir, laquelle a couvé longement ; il convient que l’un de nous en muyre ! » 9 La dame, qui estoit en sa chambre, congneu la voix de son seigneur sy fu moult durement esbahye ; hastivement se coucha en son lit ainsy comme se de ce ne seuist nulle chose. 10 Alors le seigneur s’escrya moult hault apprés sa maisnye et leur dist : « Or sus ! Or sus ! » Tant crya qu’il esveilla tous ceulx de layans. 11 Alors le chastellain moult sagement luy dist : « Sire, ad ce faire acquerrés grant diffame et deshonneur, et sans raison, et pour ce vous prye que attendés ung petit, affin que celle que coulpes n’y a n’y acquière blasme ne deshonneur. » 12 Or dist le seigneur : « Chastellain, quant est du blasme, je sçay certainement que pour femme du monde vous n’estes ycy venus sy non pour ma femme. 13 – A ! sire, dist le chastellain, vous povez dire vos volentés en l’yre ou je vous voy, mais que je suis prest et appareilliez de respondre a tous ceulx et celles quy luy voldroient porter deshonneur et blasme, 14 car oncquez jour de ma vye ne fus en volenté de luy requerre de l’amer ne faire chose quy luy deuist tourner a deshonneur ne au vostre ; je ne parlay a vostre femme. 15 Mais trop bien vous veul je dire, puis qu’il convient que le sachiés, que la damoiselle quy la sert ay amee ja a long temps passé ; assez en poez veoir la maniéré par ce qu’elle est venue vers moy toute esseulee sans compaignye, 16 et croy certainement, et sy le sçay pour vérité, que vostre femme n’en sceult oncques a parler. Et pour ce, sire, je vous prye que sus elle ne ayez aulcun mal pensement ne dire chose quy ne soit véritable, car vous feriez grant pechié se de ce le voliez mescroire. »

XLVII. Cy fait mencion des haultains parolles que le seigneur de Fayel eult au chastellain de Coucy.

1181 La dame de Fayel, quy estoit en sa chambre en grant destresse de cuer, povoit assez oÿr ce que le chastellain disoit, et pour ce moult secrètement se leva de son lit et vint fermer et verrillier l’uys de sa chambre au lés devers la garde robe. 2 D’aultre part le seigneur de Fayel ne sçavoit que dire ou penser quant il ooit sy bel et sy courtoisement parler le chastellain, sy regarda en soy que sa femme n’y estoit pas ; non obstant ce, ainsy comme par couroux, il dist : 3 « Chastellain, ces excusances ne vous peuent en riens valoir, car je sçay bien certainement que voz amours sont assises aultre part que en celle demoiselle, mais vous le faittes pour vous couvrir. » 4 Sy advint que en ce point comme il parloit au chastellain, son escuier vint a l’uisset, sy le mist tantost dedans et puis referma l’uys apprés luy. La y avoir moult grant lumière d’une torche que ung varier y avoit apportée. 5 Quant l’escuier fu entrés dedans et qu’il vey le chastellain, il luy dist : « Sire, il me poise moult de ce que je vous voy cy en ce point. – Amis, ce dist le chastellain, pour coy en avez paour ? Car sachiez de vérité que je n’ay doubte ne paour de vostre seigneur ne de vous que bien ne me puisse deffendre par droit se entendre le volez. 6 Ja y a long temps passé que j’ay amé ceste demoiselle ; au plus secrètement que j’ay peu ne sceu suys venus vers elle. Or est advenu que aulcuns malvais rapporteurs ont dit a vostre maistre que pour aultre chose je y suis venus, 7 dont je oze bien dire qu’il a tort de voloir croire que ce soit pour sa femme, et suys prest de faire tel serment qu’il voldra demander pour moy escondire affin d’oster50 sa femme de tous blasmes et luy oussy quy le mescroit. 8 Non pour tant que je le face pour chose que j’aye paour de luy, mais pour raison que luy et moy soyons en paix, que oncques vers sa femme ne pensay villonnye ne traÿson. »

1199 Alors la demoiselle quy estoit la présent, moult tourblee et couroucye de la chose advenue, passa avant et dist : « Sire, vous dittes vérité, car pluiseurs foys estes venus et alés en ceste place, et vendrez encorez s’il vous plaist ou cy ou ailleurs en quelque part que je soye, car de vous amer ne puis avoir blasme. 10 Sy n’est besoing que monseigneur s’en tourble aulcunement : s’il luy desplaist ou vient au contraire, il me donne congiet ; quant est a moy, je sçaray bien ou aler, sy n’est besoing qu’il en mescroye madame. 11 Car de mon fait, le plus celeement que j’ay peu faire, me suis gardee qu’elle n’en a rien sceu, car je sçay assez que tantost comme elle en ora parler, tost et hastivement me donra congiet. » 12 La dame, qui estoit en sa chambre, entendy bien et oÿ les parolles, sy se leva moult effreement, sy appella sa maysnye en criant moult hault et leur dist : « Or sus ! Sus ! Quelz gens sont ceulx que j’ay oÿ cy environ ? 13 Je ne sçay se ce sont larons ou murdriers qui soyent a ceste heure venu pour faire ou pour commettre auîcun larchin en la maison de cheans. Or sus ! Tost chascun prengne lumière et garnise de bastons deffensables ! » 14 Alors l’escuier, oyant le desroy de la dedans, vint hastivement vers la chambre de sa dame, lequel il trouva fermé et verrillyé, puis dist au seigneur : 15 « Sire, vous povez voir et croire certainement que de ce fait madame ne scet riens ; grant tort avez et faittes pechié de ainsy le mescroire. Certes, se aulcunes nouvelles en sont de ces manierez que en avez fait et faittes, encorez serés blasmez s’ainsy est que la chose en viengne a congnoissance, 16 car vous trouverés la chambre bien fermee et verrillye, sy est madame couchye en son lit tant effraee51 qu’il n’est nulz qui le vous sache dire. »

12017 L’escuier vint devers l’uys de la chambre et luy dist : « Madame, ne vous bougyés ! – A ! mon ami, ce dist la dame a l’escuier, je vous prye que me veuillez dire quel chose il y a cheans advenu. – Madame, dist l’escuier, monseigneur et moy avons trouvé messire Régnault de Coucy en ce vergier, ou il est entré par l’uisset qui sault aulx champs par devers le petit boschet. » 18 La dame moult effraeement luy dist : « Ce ne pourroye je croire : il luy serait impossible d’y entrer, car il y a ja grant temps et espace que monseigneur mon mary et moy n’y fusmes, ne oncques depuis il ne fu ouvert ne deffermé ; et pour ce il ne peult estre qu’il soit cheans entrés. 19 – Certes, madame, dist l’escuier, ce que je vous dy est vérité : il est entré cheans par l’uisset, et pour ce je vous conseille que tost et hastivement vous venez la bas car monseigneur veut courir sus au chastellain. » 20 Alors la dame, sans plus arrester, ouvry les huys de sa chambre, apprés ce qu’elle se fu vestue et appareillye, et vint avec l’escuier au lieu ou sy fort se debatoient de parolles. Quant le seigneur vey sa femme estre venue, il luy dist : 21 « Dame, j’avoye bon droit et sy n’estoit pas sans cause que je vous aguettoye pour sçavoir a la vérité le mal qui est en vous. 22 Le chastellain, quy par tant de foys est venus pour vous veoir, est retenus, ne il ne luy est possible de soy partir que premièrement ne me soye vengyé de luy, et aussy feray je de vous quy ung sy grant deshonneur m’avez pourchassié. »

12123 Alors la dame se prist moult fort a plourer ; son seigneur luy dist : « Le plourer ne vous y vault, car lundy desrain passé je le veys venir et entrer cheans par l’uisset du jardin. 24 – A ! sire, ce dist la dame tout en plourant, ne créés nullement que jamais euisse eu le courage ne la volenté de vous faire une telle desloyaulté ne traÿson, 25 car j’ameroye mieulx a morir que une telle traÿson me fust advenue de vous faire ne pourchassier une telle folye ne chose qui vous tournast a desplaisir, 26 ne oncques jour de ma vye ne parlay au chastellain d’amours qui touchassent a vostre honneur ne au mien, ne oncques n’euch voloir ne penser d’amer aultre que vous depuis que je vous ay eu a mary. 27 Ja Dieu ne place que celle volenté me viengne ! Ce n’est pas grant courtoysye au chastellain de nous pourchassier une sy grant blasme ne telle villonnye, car ceulx qui en oront nouvelles penseront que ce soit pour moy et a ma cause. 28 Certainement je luy en sçay malvais gré, et encores pieur la moytié a Yzabel, qui maine une telle vye et sy deshonneste car, ainsy me veulle Dieux aidier, je n’en sçavoie riens, ne en tout ce pays je ne cuidoye femme qui moins deuist amer homme pour priere ne sermon que on luy sceuist faire. 29 – Voire, dame, ce dist le seigneur, de ce que vous dittes me donne grant merveilles ; je ne sçay que penser ne dire ne que ce veult estre, car je vous och par vostre beau parler vous escondire que au présent je n’en sçay que faire, dont je suis moult esbahys ; sy le me couvient souffrir pour cest heure, mais je m’en deliveray sy en ferai la place belle.

12230 Chastellain, aler vous en couvient, sy emmenrez Yzabel avec vous, car jamais une seulle nuit ne demoura en mon hostel. – A ! sire, dist l’escuier, se croire volez mon conseil, elle ne s’en yra point ainsy, car ce seroit trop grant diffame et villonnye de le ainsy maintenant bouter hors de vostre hostel ; 31 vous sçavez qu’elle est noble femme et parente prochaine a madame, car se ainsy le volez envoyer, on en sara partout a parler, laquelle chose, se ainsy le voliés faire, vous tourneroit a très grant blasme. 32 Elle seroit moult avilee et en cherroit en une très grant deshonneur, et aussy ariez vous s’ainsy le faisiez widier, 33 mais se volez croire mon conseil sans ce qu’il viengne de vous ne affin qu’il n’en soit nulles paroles, vous le renvoyerés dedans . VIII. jours en son pays, sy ferés bien, 34 et ainsy honneur d’elle et de vostre hostel sera gardé, car cheans plus ne peult demeurer puis que la chose va ainsy ; par ceste maniéré luy garderés son honneur, et ainsy s’en pourra partir par amours et par courtoisye. 35 Le seigneur respondy a l’escuier : « Je creray vostre conseil a ceste foys et veul qu’il soit ainsy comme vous l’avez dit. Et vous, chastellain, tout maintenant me jurez que oncquez jour de vostre vye blasme ne deshonneur vers moy ne vers ma femme ne pourchassastes, mal ne villonnye ne jamais ne ferez, et oussy que pour elle ne venistes oncques ycy. 36 – Sire, ce dist le chastellain, je vous prometz par ma foy et le jure tout ainsy que le me requerrés, mais je vous prye moult chierement que a madame vostre femme n’en veuillez sçavoir nul malvais gré, 37 car oncques en ma vye a elle ne parlay de tel chose ne d’aultre oussy quy vous tournas ! a deshonneur, car sur ma foy vous avez eu tort de luy avoir mis ce grant blasme dessus. »

12338 Alors52 dist le seigneur de Fayel : « Encores ne sçay je pas en quelle maniéré je me pourray chevir, car de tant plus y pense, mains y puis trouver de bien. Or vous en alés sans plus faire séjour car trop y avez esté, sy m’en desplaist moult fort. » 39 L’escuier ala ouvrir l’uys ; le chastellain, sans dire mot, se depparty ne oncques ne prist congié a personne, moult dolant et courouchiés plus que jamais n’avoit esté. 40 L’escuier du seigneur de Fayel s’en ala avec luy et luy dist qu’il ne le lairoit ainsy aler seul, et qu’il le convoyeroit jusques ad ce qu’il fust a Saint Quentin ou aultre part ou il vorra aler. 41 Le chastellain, qui estoit moult sage, se prist a deviser a l’escuier quy avoit nom Gobert, auquel il fist tant par belles et doulces parolles qu’il sceult dont ces nouvelles estoient venues avant. 42 Gobert luy raconta tout au lonc comment une dame, laquelle il luy nomma, avoit dit au seigneur de Fayel ces parolles, puis luy raconta comment luy et le seigneur53 guettèrent a l’uys pour le trouver par . III. ou . IIII. nuitz, et comment il le veyrent venir et entrer en l’uisset du jardin. 43 Quant le chastellain entendy les parolles de Gobert et qu’il sceult le rapport que par envye et malvaistyé ceste dame avoit fait au seigneur de Fayel, laquelle il congnoissoit moult bien, il54 fu joieulx de ce qu’il le sçavoit, 44 puis dist a Gobert : « Amis, je vous prie que retournés vers le seigneur vostre maistre, et luy dittes de par moy que je luy mande, s’il fait quelque anuy ou desplaisir a sa femme pour ceste cause et je le puisse sçavoir en nulle maniéré, il soit certain que je luy seray le plus grant anemy qu’il eult oncques, et luy feray telle guerre qu’il n’ara maison sy forte ou je ne le sache bien trouver, 45 et du despit qu’il m’en a fait me desplaist moult grandement, mais pour le présent le me couvient passer et souffrir ce blasme pour la cause que je ne veul pas diffamer ne faire blasme a sa femme. 46 Sy creez, Gobert, certainement que ce a esté grant tort et sans nul tiltre de raison, et pour ce je luy conseilleroye qu’il se ostast de ceste merancolye car de son corps ou a aulcun de son lignage en pourroit bien mescheoir, car s’il veult avoit la guerre a moy, il la trouvera toute preste. »

XLVIII. Comment Gobert dist au chastellain et nomma celle qui les avoit racusé, dont il fu moult joieulx quant il en sceult la vérité.

1241 « A ! sire, dist Gobert l’escuier du seigneur de Fayel, de guerre encommenchier n’en vint oncques bien, mais se je puis, je feray tant devers luy de parolles ou aultrement que je l’appaiseray s’il me veult croire. 2 Et vous prye, sire, que ne me sachiés nul malvais gré de ce que j’ay esté aveuc luy, car je ne le feys que pour tout bien et aussy pour mal eschiever. 3 – Gobert, ce dist le chastellain, je ne vous en sçay point de malvais gré, mais se de moy avyez a faire aulcune chose, je feroye pour vous comme se vous estiés mon parent. – Sire, ce dist Gobert, je vous en remercye. » 4 Puis prist congiet et s’en depparty, et s’en retourna a Fayel vers son seigneur, 5 lequel il trouva encores moult courouchiez envers sa dame et sa maysnye, et n’y eult celuy par layans, dame, chamberiere, varlet ne meschine, a quy il ne tenchast, et n’estoit nulz quy le peuist appaisier.

1256 Gobert vint la et luy dist moult courtoysement : « Sire, appaisiez vous : laide chose est de ainsy tenchier. Rapaisiez vostre yre, car c’est sans cause et sans raison, sy vous aies meshuy couchier car vous avez grant tort de vous ainsy demener. » 7 Tant fist Gobert et sermonna que le seigneur ne tencha plus, mais non pour tant ne le peult oster hors de jalousye ou il demoura tant qu’il vesquy, car en nulle maniéré du monde on ne luy sçavoit faire entendre – et aussy il ne le povoit croire – que le chastellain fust la venus fors tant seulement pour l’amour de sa femme, 8 mais il advisa en soy comment de ce fait il porra ouvrer, sy pensa qu’il se tairoit une espace et n’en monsteroit plus riens de samblant comme se la chose n’estoit pas advenue, sy se coucha emprés sa femme a cuer tristre et dolant. 9 D’aultre part Gobert son escuier luy dist et raconta ce que le chastellain luy avoit dit, par coy il eult au cuer sy grant yre qu’il dist que s’il pooit tenir le chastellain comme nagaire il avoit tenu, jamais n’en eschapperoit vif, 10 mais oncques il n’en monstra samblant, sy advisa se en nulle maniéré il le porroit attrapper encores une foys sy se repenty moult de ce que ainsy luy estoit eschappés. 11 Sy advint que trois jours apprés il commanda a sa femme qu’elle donnast congié a sa chamberiere, apprés ala partout serchier et regarder autout de sa maison ; 12 sy a estouppé toutes les alees et venues par ou on pourrait layans entrer, et sy fist condampner l’uisset par ou le chastellain estoit venus.

12613 La dame de Fayel, qui estoit moult dolante et courouchye, pensa assés a son fait ne comment desoresenavant elle pourra chevir, car elle veoit bien que jamais son seigneur ne serait a paix de cuer, 14 sy s’esmerveilla moult en soy dont povoit venir ceste traÿson, car elle congnoissoit et sçavoit bien que son mary de la en avant sera moult jaloux et convoiteux de sçavoir la vérité de ceste chose. 15 Sy s’appensa que desoresmais il convient qu’elle euvre sagement, et qu’elle se maintiengne en tel maniéré que son mary ne s’en apperchoive ne que en elle ait nul couroux, sy ne monstra nul samblant de Yzabel sa chamberiere, qui s’en estoit alee, qu’elle en fust en nulle maniéré courouchye. 16 Mais sachiez que, avant ce qu’elle s’en alast, en la presence de son seigneur elle la tencha moult laydement et l’acoella de paroles qu’il sambloit qu’elle deuist marvoyer, sy lui dist : « Se vous ne fuissiez et vostre malvais gouvernement, la noize ne fust pas cheans comme elle y est. Or vous en alez sy vous partes de cy, car jamais plus ne vous veul veoir. » 17 Quant le seigneur en vey la maniéré que la dame tenchoit ainsy sa chamberiere, il ne sceult que penser, mais sachiés quant elles estoient elles deux ensamble, maintz pleurs et maintz regretz elles faisoient pour le bon temps qu’elles avoient passé et eu grant espasse ; moult leur estoit mal advenu que ainsy les couvenoit deppartir. 18 La dame, tout en plourant, remercya moult sa chamberiere de ce que pour l’amour d’elle et pour couvrir son honneur elle avoir souffert une sy grant blasme, et que oncques demoiselle n’avoit souffert de laidure ne deshonneur qu’elle avoit fait pour l’amour d’elle.

12719 « Madame, dist Yzabel, il n’est chose en ce monde55 pour vous complaire et servir que volentiers je ne feisse ; ne me chault guerres se je m’en voy hors de cheans : je verray souvent le chastellain, et regarderons ensamble a56 la maniéré et comment il pourra venir parler a vous. 20 Mais pensés de vous bien garder affin que sousprise ne soyez de monseigneur, car certes il advisera et soubtillera en soy et guettera tant qu’il vous tenra en ses las se bien ne vous en gardés, 21 mais s’ainsy advenoit que vous peuissiés attraire Gobert a vostre cordelle, ce vous seroit une belle adventure, car monseigneur ne croit cheans aultre homme que luy, car jamais ne penserait qu’il feist chose qui lui despleust. 22 Et pour ce je vous loe que mettés paine de tant faire a Gobert que du tout il soit tournés a vous, sy vous prie que ainsy le fâchiez. » Puis prist congiet et dist : « Madame, a Dieu vous command ; je m’en voys affin que on ne nous guette ne escoutte. » 23 Puis prist congiet a tous ceulx de layans, lesquelz furent moult courouchiez de son deppartement sy amaissent trop mieulx sa demeure que son deppartement, car chascun, petis et grans, par layans l’amoyent. 24 Sy prist conclusion d’aler tout droit vers le chastellain, lequel estoit dolant et courouchiez, mais il n’en moustroit nul samblant, 25 sy se maintint moult sagement : a nulluy ne se complaignoit ne racontoit son fait, sy afferma bien en son cuer que jamais ne sera aise jusques il ara vengié sa dame du deshonneur que avoit pourchassyé 1a dame, laquelle par malvaise envye a esté cause de eslongier 1a compaignie de luy et de sa dame, laquelle moult priveement il a amee longue espace. 26 Moult longuement fu en son lit, ainsy pensant a la chose advenue pour adviser tour et maniéré de soy vengier syl peult nullement.

12827 Il fu en son lit assez tart ou il ne reposa guerres, puis se leva et ata oÿr messe sy s’en revint disner, puis quant ce vint apprés disner, il se mist a chemin, car moult luy anuyoit le séjour, car par jour et par nuit ne faisoit que penser au desplaisir quy luy est sourvenu et a sa dame pareillement, 28 mais grant esperance a en la haulte puissance d’Amours qui luy disoit qu’il ne se esbahist pas et que encores joÿra de sa dame qui est la chose quy le tient le plus en joye et en lyesse. 29 En ce penser amours l’ennorterent de voloir faire une chanson en despit de tous mesdisans, sy le fist et luy bailla chant tout tel qui luy vint a plaisir. 30 Ainsy le chastellain fist et chanta la chanson servant a ses amours quy luy donnoient grant confort. Apprés ce qu’il eult finee sa chanson, il arriva en son hostel en pensant en son cuer la maniéré et comment il porta parler a sa dame, 31 mais il couvient qu’il s’en depporte, dont il a au cuer grant doleur jusques ad ce qu’il verra le point de trouver aulcune occasion de le voir et parler a elle. 32 Puis luy revient a mémoire du grant desplaisir que leur a fait celle malvaise dame et envieuse, et luy sambla que s’il ne scet trouver tour ne maniéré de soy vengier d’elle, on le deveroit tenir pour fol et pour niche ; sy advise souvent en soy la maniéré et comment il en pourra venir a chief qu’il se puist vengier d’elle.

12933 Tant a pensé nuit et jour qu’il s’avisa de le prier par amours et luy requérir que de luy elle veulle faire son chevalier ; tant ententieument le priera et luy dira tant de parolles qu’elle luy ottroyera son amour, car celle dame dont je vous parle s’estoit essayée de long temps qu’elle peust devenir s’amye. 34 En ce pensement que je vous dy estoit le chastellain, lequel s’y arresta du tout ; il fist apprester son affaire pour esploittier sa besoingne pour prochainement aler devers celle darne pour honnestement prendre vengance d’elle. 35 Ad ce jour se devoir faire unes joustes ou il devoir avoir grant foison chevaliers et dames, sy couvenoit qu’il passast au plus prez du chastel ou celle dame demouroit, sy dist en soy que au passer il le yroit voir. 36 Il fist apprester ses chevaulx et ses armes telle comme il appartenoit a la jouste, puis se mist au chemin et chevaulcha jusques a la vespree et choisy le manoir ou celle dame estoit demourans. 37 Quant il approcha l’ostel, il commanda a son varlet qu’il s’en alast devant et que la il deschargast son sommier, laquelle chose il fist, et y vint sy a point et a l’eure que le seigneur de layans s’en estoit deppartys. 38 A ceste eure la dame estoit enmy la court, quy avoit convoyé son mary, lequel avec pluiseurs chevaliers qui passoient par la s’en estoit alés a la jouste, car il estoit chevalier de bon affaire et qui volontiers se trouvoit es lieux ou tous bons chevaliers se dévoient trouver.

XLIX. Cy parle comment le chastellain de Coucy vint vers la dame qui l’avoit racusé de ses amours.

1301 Quant la dame vey le sommier, elle appelle le varlet et luy demanda a qui il estoit. « Madame, dist le varlet, je suis au chastellain de Coucy qui m’envoye cheans pour ce qu’il est meshuy trop tart de passer oultre. Et pour ce, madame, s’il le vous plaist meshuy herbergier, vous luy ferés grant courtoysye. 2 – Amis, ce dist la dame, il me plaist moult bien : de sa venue suis moult joieuse ; il me soit le très bien venus ! Or me dittes, amys, est il guerres loingz d’icy ? – Nenil, madame, veez le cy ou il vient. » 3 Alors la dame, sans plus arrester, encommencha a huchier sa maysnye et leur commanda que le soupper fust appresté tost et hastivement, et leur dist qu’elle voloit festoyer le chastellain. 4 A cest heure, ainsy comme la dame se devisoit a sa maysnye, le chastellain entra layans sy salua moult57 courtoysement la dame, laquelle luy vint a l’encontre et luy rendy moult humblement son salut, puis luy dist tout en riant : 5 « Chastellain, je suis bien joieuse de ce que la nuit est sy tost venue, car s’il fust jour vous ne fuissiez pas cy venus : pluiseurs foys y avez passé que oncques ne entrastes cheans pour ce que de nous veoir vous estoit bien pou. 6 – Dame, ce dist le chastellain, sachiez pour vérité que des que je partys de mon hostel, sy avoye je prins ma conclusion de vous venir voir et viseter. » Tout en parlant entrèrent en ung prayel, sy poés croire et sçavoir certainement que moult bien luy souvenoit de sa dame, mais de ce oncques samblant n’en monstra.

1317 La table fu mise au prayel sy s’assirent et furent servy moult largement. Ainsy comme la a table estoient assis, le chastellain encommencha moult fort a penser, et tant que la dame s’en appercheu : en le regardant luy sambla tant bel et gracieux que le pareil chevalier elle ne congnoissoit en toute la contrée, sy luy dist tout en riant : 8 « Sire, n’y pensez plus, car se Dieu plaist, vous Tarez ! Je croy bien que ce sont amours que ailleurs que cy vous font penser. – Madame, quant est au penser, la vérité en dittes, car amours me tiennent nuit et jour ; que ores pleuist a Dieu que seuissiez mez maulx et que ou party ou je les sens vous les sentissiez comme moy. »

L. Cy fait mencion des devises que le chastellain de Coucy fist a la dame, laquelle il hayoit sur toutes femmes.

1321 La dame tout en riant luy respondy : « Beau sire, il ne seroit pas bien affreant de les sentir, car je sçay pour vérité j’en bateroye le buisson et que aultres que moy aroyent les oisillons quy en sauldroient. » 2 Puis quant ilz eurent mengié a loisir, eulx deux s’en vindrent seoir en ung preau sus l’erbe verde. La maysnye de layans s’en alerent, ly ungz decha, l’autre delà, sy les laissèrent devisant ensamble. 3- Le chastellain, quy désir avoit de commenchier son emprinse, pour y parvenir encommencha de parler et luy dist : « Madame, selon ce que je vous ay öy maintenant, vous pensés ou cuidiez que je soye amy a dame ou a demoiselle, 4 mais je vous jure sus l’ame de moy que vous estes celle sans aultre que le plus lonc temps ay amee sans en monstrer guerres de samblant, pour ce que oncques ne me suis peu trouver en lieu ou mieulx le vous euisse peu dire que je fay maintenant, car tout entièrement, je suis vostre et seray toute ma vye. 5 A moy ! chastellain, dist la dame, et comment cuidiez vous estre tant secret que je ne sache la place et le lieu et celle que vous amés tant ? Certes, nous le sçavons moult bien par l’uisset, que, s’il sçavoit parler, il tesmoingneroit que je vous dy vérité. »

1336 Quant le chastellain entendy la dame, la couleur luy mua ung pou, mais non pour tant son pourpos ne s’en mua oncques, mais dist : « A ! madame, vous dirés ce qu’il vous plaira puis que c’est vostre volenté, mais oncques jour de ma vye je n’euch amour a dame ne a demoiselle dont on deuist tenir parolles, 7 se ce n’estoit d’aulcune chamberiere quy n’est pas chose dont on doye tenir compte. 8 D’aultre part, ma dame, aussy je vous tieng tant advisee que pas ne cuideriez que a telles amours je me meisse, et que bien ne meisse ma paine d’amer en plus hault lieu, et vous promés par ma foy que oncques en ma vye a aultre que * a vous je n’entendy a amer.

LI. Comment le chastellain de Couchy fist tant a la dame qu’elle luy acorda son amour, dont elle fist moult grant folye.

1341 Alors le chastellain luy prya moult humblement qu’elle luy vaulsist donner aulcun joiel que pour l’amour d’elle il peuist porter a la jouste, et dist : « Madame, s’ainsy le faittes je le tenray moult chier sy en pourray beaucop mieulx valoir. » 2 La dame, qui estoit soubtille, advisa se aulcunement le chastellain le faisoit par fainte priere ; 3 puis d’aultre part luy estoit advis que jamais ainsy ne le prieroit que d’elle il volsist prendre ne avoir aulcun joyel s’il ne l’amoit et oussy il ne l’ozeroit prendre fors de celle meismes de laquelle il seroit amés. 4 « Sire, ce dist la dame, demandez ce qu’il vous plaist, et vous l’arez moult volentiers. Je vous donray ung queuvrechief moult bel garny d’or tout autour, et par dessus sont grosses perles assises, 5 mais ce sera par tel sy que vous me baillerés vostre foy, que pour l’amour de moy vous le porterés et que ja ne le changerez pour aultre. 6 – Madame, se Dieux me doinst joye et je soye haittiez, aultre que celuy que me baillerez je ne porteray, sy ay fiance en amours que a tousjours mais j’en vauldray mieulx en vaillance et en proece. »

1357 Se leurs devises au lonc vous voloye raconter, assez y pourroye mettre, mais la deppartye et le congié d’eulx fu telle que, tout ce que le chastellain requist, elle luy promist et ottroya de faire. 8 Le chastellain fu58 moult joieulx de sa responce, espérant de tellement esploittier qu’il parvenra a son emprinse et de luy rendre le tort fait que par son malvaix et envieux parler elle a59 commis par devers sa dame et amye, qui a ceste cause en languist nuit et jour. 9 Alors sans plus parler se deppartirent. Le chastellain prist congiet de la dame et elle a luy, et s’en ala couchier en sa chambre qui lui estoit appareillye, mais sachiez que celle nuit il reposa bien pou. 10 II se leva le matin bien tempre et fist partir ceulx qui luy portoient son harnoys et habillemens, sy les envoya devant prendre logis au lieu ou les joustes se dévoient faire, ou de toutes partyes dames et chevaliers venoient. Desquelz a présent vous lairons et dirons de la dame de Fayel.

LII. Comment la dame de Fayel descouvry le60 secret de ses amours a Gobert l’escuier de son mary, et de leurs devises.

1361 Quant la dame de Fayel vey sa chamberiere estre deppartye de luy, en soy avoir grant couroux et tant de desplaisirs que a grant paine le povoit porter : en nulle chose qu’elle voye ne peult prendre ne avoir plaisir, 2 sy s’avisa quelle chose elle porroit faire, ou s’elle en parlerait a Gobert l’escuier de son mary, et luy sambla que a le foys on pert assés de soy tayre, 3 sy dist que, s’elle peult nullement, qu’elle l’attraira et fera tant que de luy elle sara par couvertes parolles s’elle se pourra fyer en luy. 4 Et s’ainsy est qu’elle le voise estre secret envers elle, moult volentiers s’y descouveroit et luy raconteroit sa besoingne : de ce fait on ne se doit pas esmerveiller s’elle avoit désir de ce faire, car amours ad ce le conseilloient. 5 Ainsy en grant estrif estoit la dame en son cuer et en sa pensee, sy advint en brief espace que elle se trouva en ung jardin ou elle vey Gobert qui s’aloit esbatant, sy vint vers luy et l’appella. 6 Sy s’encommencha de bourder a luy, et luy demanda tout en riant en luy priant qu’il luy volsist dire comment l’autre jour a l’uisset du jardin ilz avoient aguettié le chastellain et Yzabel ne la cause ne pour coy61 ilz emprindrent ceste chose a faire.

1377 « Madame, ce dist Gobert, je vous jure sus ma foy que de tous les chevaliers de ce pays le chastellain est le mieulx amé de toutes gens pour la grant largesse de luy. 8 Il a beaulté et bonté et est chevalier preu et hardy aux armez, sy sachiez, madame, que je l’aime chierement, sy luy feroye moult volentiers plaisir autant ou plus comme a monseigneur a qui je suis. 9 Je l’ay servy maint jour et sy ay eu beaucop de ses deniers, sy sachiez pour vérité ce que monseigneur aguettoit sus luy, il le faisoit pour vous, 10 car je sçay certainement qu’il vous a amé ja y a longue espace ; a moy ne vous y vault riens celer, car piecha en suis avertis. 11 Et sy le sçay certainemen, mais j’aime tant le chevalier que, avant que je luy pourchassase son mal, je me lairoye desmembrer piece a pieche, et aussy il y paru bien l’autre jour, 12 car se je n’y eusse le main tenue il luy fust mescheu, dont ce euist esté grant meschief et grant dommage se ung chevalier tant adrechiez fust mort par celle mescheance. 13 Se Dieux me veult aidier et je puis, je parleray bien brief a luy et m’en acointeray tellement que la besoingne de vous deux je pourray aidier a avanchier, 14 et pour ce, dame, a briefz motz ne me celés en riens, car je suis et seray celuy qui tenray la chose secrete entre vous et le chastellain.

13815 – A ! Gobert, ce dist la dame, quelle chose esse que tu dis ? Je ne sçay se tu veulz essayer ; je te prye que de ce ne me veulles plus parler, 16 car oncques a aultre que a mon mary je ne pensay ne amay aultre homme que luy, car il est celuy quy me doibt plaire, c’est bien raison, et quant est du chastellain, ne m’en parlés plus, car en nulle maniéré je ne le vouldroye amer ne mon cuer ne s’y pourrait mettre, car maintenant on ne peult demener amours corne on soloit. 17 Je ne veul pas dire que le chastellain ne soit preu et sage et chevalier de grant pris, mais il m’est advis qu’il62 s’empire trop, sy sachiez, Gobert, que la dame qui veult faire chose qui soit contraire a son mary n’est pas bien advisee. 18 – Dame ce dist Gobert, de nulle chose que j’ay dit je ne sçay riens fors tant seulement que j’ay souventeffoys pensé que le chastellain ne fust jamais tant de foys venus en cest hostel pour Yzabel vostre chamberiere, et oussy il euist fait grant folye d’y avoir venu pour l’amour d’elle ; de ce suis je certains. 19 Au fort, puis que ainsy est que ne le me volez descouvrir, souffrir le me couvient. Car je sçay bien pour certain qui vous acusa devers monseigneur, par quoy il fist le guet sus vous et sus le chastellain, mais je ne le vous diray pas puis que riens ne me volés congnoistre. 20 – A ! Gobert, biaux doulx amis, dittes le moy, je vous em prie ! – Par ma foy, ce dist Gobert, vous n’en sarés riens se vous ne m’avés en couvent de moy congnoistre la vérité. » Alors la dame luy afferma et promist, comme celle quy estoit convoiteuse de tout sçavoir dont ceste chose estoit venue.

13921 Alors Gobert luy raconta tout de chief en chief comment celle dame l’avoit accusée et qu’elle l’avoit envoyer guettier « pour sçavoir la vérité du chastellain et de vous ». La dame de Fayel, qui ne se peult taire pour le couroux ou ele estoit, dist : « Celle quy a semé ces parolles se peult bien cesser et taire, car sus ele y a assez parler, mais quant a présent je n’en feray samblant. 22 – Madame, ce dist Gobert, or vous ay je dit tout ce que voliez sçavoir ; ores doncques me dittes vérité et me congnoissiez comment la chose en va, et je vous prometz loyalment que je le cheleray et tenray secret ; de ce soyez toute asseuree. 23 – Gobert, ce dist la dame, se vous me trahissiez vous n’y gaingnerez guerres. – Dame, ce dist Gobert, j’aimeroye mieulx estre ochis et mis par pieches que par moy vous fuissiez rraÿe, 24 car s’ainsy estoit que voulsisse faire, sy ne l’ozeroie je entreprendre. A63 Dieu ne place que telle chose me adviengne, car je sçay de vérité que le chastellain me ochiroit a ses deux mains. » 25 Alors la dame prist la foy de Gobert et le fist jurer et promettre qu’il luy celeroit son secret, et que la en avant, que tout ce qu’il porta faire, il luy aidera en toutes maniérés et sy avant comme il pourra. 26 Quant Gobert eult juret et promis a la dame qu’il tenroit la chose secrette et que jusques a mort rechepvoir il ne le diroit a personne, quant la dame64 eult oÿ Gobert, tout au plus couvertement qu’elle peult luy raconta la besoingne d’elle et du chastellain, et tant qu’il entendy assés le fait, 27 Puis Gobert de rechief luy jura et promist par sa foy que de la en avant il fera tant et trouvera que par bonne maniéré et raison il mettera leur fait en bon terme, et dist :

14028 « Madame, se bon vous samble, je vous conseilleroye que de cy en avant vous me rihotez et tenchiez et ne cessez nuit et jour de moy blasmer devers monseigneur et me monstrés en toutes fâchons de moy haÿr plus que homme du monde. 29 Et en ce faisant je trouveray moyen et maniéré devers monseigneur qu’il me donra congiet, et vous meismes luy en prierés assez, car en nulle maniéré je ne vouldroye plus demeurer cheans. 30 Car je voy bien que de cy en avant entre vous deux ne sera que tenchons et noisez, car je voy assés et congnoys que monseigneur s’est boutés en jalozie sy avant que jamais hors n’en ystera, 31 et que de cy en avant il ne se deppartira de sa maison, mais demoura cheans sans plus aler aulx joustes ne tournoys ainsy comme il souloit faire, et toujours demoura en doubte. 32 Et pour ceste cause aray mieulx cause de prendre congié de luy : veez cy la saison et le temps qui approche que joustes et tournois se font, sy ay eu tousjours de coustume de sievyr les tournoys et les joustes, les assamblees des chevaliers. 33 Car pour riens je n’y demouroye plus avec luy, et avec ce luy diray encores aultre chose : que je n’ozeroie aler demourer avec le chastellain, lequel par pluiseurs foys m’en a pryé, 34 mais de doubte de courouchier monseigneur, je luy diray que je n’y ay ozé aler pour ly, car c’est le chevalier en ce pays qui plus souvent et volentiers sieult les joustes et les tournois. 35 Et par ainsy, madame, il me samble et sera vérité qu’il sera assez contempt que je voise demourer aveuc le chastellain, pour ce qu’il cuidera que je luy face sçavoir le convenant de tout le fait de vous et du chastellain. 36 Et avec ce cuidera certainement que, se je le sçavoie, incontinent luy feroye sçavoir et que pour riens je ne luy vouldroye celer.

14137 – Par ma foy, Gobert, ce dist la dame, vous m’avés offert a faire beaucop pour moy, quy me samble une bien grant chose ; grant confort et grant leesse m’avez mis au cuer et osté de merancolye, car s’ainsy la chose estoit achevée, ce serait ung moult grant eur, 38 et je vous prometz par ma foy que a tousjours mais je seray vostre et vous feray beaucop de biens, car des maintenant il me samble que nostre désir soit a moittié fait. – Dame, ce dist Gobert, ne vous esbahissiez : ad ce faire metteray tout mon entente. » 39 La dame, prendant plaisir aulx promesses et parolles que luy a dit Gobert, vint a son coffre et prist une ausmonniere, sy l’emplist toute plaine d’argent puis le donna a Gobert en luy disant : 40 « Très doulz amis, prendés en gré pour ceste foys, sy soyez certain que a tousjours mais vous tiengs et tenray comme mon vray secret amy, et vous feray tant de biens que par raison serez contempt de moy. » 41 Gobert fist ung pou le dangereux de prendre l’argent qu’elle luy presentoit, mais touteffoys il le prist sy en remercya la dame moult humblement, puis luy dist : 42 « Madame, le plus brief que je pourray m’en yray vers le chastellain et n’aresteray jusques ad ce que je l’aye trouvé et parlé a luy, car je sçay bien temprement il doit avoir unes joustes ou j’ay bien empensé de le trouver, 43 s’ainsy estoit que me volsissiez donner aulcunes enseignes par quoy il se puist apperchevoir que je sache vostre fait et la besoingne ainsy comme elle va. »

14244 La dame, congnoissant qu’il disoit vérité, sans plus attendre luy bailla chose laquelle le chastellain congnoissoit assez. Ainsy entre eulx deux la dame et Gobert se devisèrent, 45 mais ilz n’eurent plus loisir ne espace de plus dire, pour ce que le seigneur de Fayel estoit retournés a l’ostel et venoit de soy jouer et esbatre autour de sa maison. 46 Tantost comme Gobert l’appercheu, il vint vers luy sy le sievy pour trouver maniéré comment il se peuist partir de luy et a son bon gré, sy avint qu’il fut layans . VIII. jours avant ce qu’il peuist trouver la maniéré. 47 Durant ce temps, la dame pour parvenir a son intencion ne cessoit soir et matin et toute jour, pour tant qu’elle veist Gobert, qu’elle ne le tenchat et rihotast. 48 Quant Gobert en vey le point et eure et que, par le samblant qu’elle faisoit devant les gens, il povoit avoir certaine occasion de prendre congiet et soy partir, sy vint a son seigneur et luy compta la maniéré et comment la dame, nuit et jour ne cessoit de rihoter et tenchier : 49 « Et pour ce, monseigneur, je n’ay cuer ne volenté de plus demourer avec vous, car il me seroit imposible de demourer ne servir en lieu ou je fusse ainsy souvent tenchiez. 50 D’aultre part, monseigneur, j’ay regardé que vous n’alez plus aulx joustes ne tournois et que vous estes de tous arrestés cheans, car se je ne sievoye les chevaliers qui vont aux tournois et joustes, j’aroye pou de pourfit d’estre avec. »

14351 Tant prya Gobert au seigneur qu’il luy dist qu’il estoit contempt qu’il s’en alast, et que point ne le voldroit destourber de son pourfit, sy luy dist : 52 « Gobert, vous m’avez bien servy et pour ce, quant ce vendra a l’ariere saison et qu’il ne se fera nulles festes pour jouster ne tournoyer, retournés cheans tout l’iver. 53 – Monseigneur, je vous remercye du bien et de l’onneur que vous me offrés. » Il prist congiet de luy, puis se ravisa et retourne arriéré vers luy et luy dist : 54 « Sire, je me suys advisés que s’il advenoit ainsy que je me trouvasse en lieu ou en place ou le chastellain fust, et que se d’aventure il n’avoit point de serviteur pour le servir aux joustes et tournois, je vouldroye bien sçavoir de vous se vous en seriez mal contempt se je le servoye. 55 Car aultrement pour riens je ne le serviroye, sy croyés que jamais ne vouldroye faire ne entreprendre chose qui vous tornast a desplaisir ; je le dis pour ce que l’autre jour vous eustes parolles et estrif ensamble. 56 – Gobert, ce dist le seigneur, s’il advenoit que il vous requerust, je suis bien contempt que vous le servés, car plus volentiers on prent ung homme de son pays que on ne fait un estrangier. 57 Servez le hardiement, ja mal gré ne vous en sçaray ; s’ainsy est que soyez avec luy, je vous prye que secrettement vous enquerrés et sachiez se il est ainsy qu’il ait fait chose qui puist avoir tourné a mon deshonneur ne a celluy de ma femme dont avant hier nous euissmes sy grant parolles. 58 – Sire, ce dist Gobert, creez certainement que c’est une des choses du monde que je desire plus sçavoir. » Alors Gobert prist congiet du seigneur sy s’en ala couchier jusques ce vint le matin qu’il se leva et s’en party et mist au chemin, 59 sy s’esploitta tant de chevaulchier qu’il vint ou lieu et en la place ou la feste se faisoit, et desja les joustes estoient encomencyes, et vint sy a point qu’il vey le chastellain venir au parc.

14460 Gobert, tantost comme il le vey, il le congneu, et vey que sus son heaulme il avoit ung blanc queuvrechief que nouvellement luy avoit esté donné. Alors Gobert vint celle part sy s’efforcha de le servir comme celuy qui estoit usagié de ce faire, 61 Le chastellain couru trois lances, lesquelles il brisa en pièces en telle maniéré que les esclas en volèrent contremont ; doncques, pour abregier nostre compte, le chastellain s’esprouva tellement en celle jouste que le pris luy en fu donné pour tout le mieulx faisant et pour le plus fort jousteur de la place. 62 Quant les joustes furent faillyes, chascun se retraÿ en son hostel, puis quant ce vint a la vespree et qu’ilz eurent tous souppé, ilz encommencerent de faire feste et de danser ; apprés, quant ce vint que heure fu d’aler couchier, chascun se retraÿ en son logis. 63 Ilz se couchèrent et reposèrent jusques a l’endemain au matin qu’ilz se levèrent et alerent oÿr la messe, sy advint ainsy comme le chastellain s’en retournoit et qu’il deult partir du moustier, il encontra Gobert qui le salua moult haultement. 64 Le chastellain l’acola et embracha, et luy dist par grant amour : « Amis, vous venrez en mon hostel, sy disnerés avec moy. – Sire, ce dist Gobert, je suis celuy qui suis prest a vous servir et obeÿr. »

14565 Quant ilz furent entré en l’ostel, le chastellain prist Gobert et le mena vers une fenestre, et la Gobert s’acointa de luy, sy dist au chastellain qu’il avoit parlé a sa dame et que Yzabel s’en estoit alee, sy luy raconta la maniéré et comment il s’en estoit deppartys. 66 Lors le chastellain sceult et congneu que Gobert savoit leur affaire, sy luy promist de luy donner largement du syen et luy promist que encores mieulx le fera. Gobert luy promist et jura qu’il65 luy sera secret et loyal et que du tout en tout il celera tout leur affaire, 67 puis raconta au chastellain comment sa dame a fait depuis la nuit et qu’il fu trouvé a l’uisset et comment il fu guettiez de son seigneur et aussy comment ele scet le nom de celle qui les a accusé, 68 par coy la dame a esté tant couroucye que depuis elle ne se peult rapaisier : « sy luy fait plus mal pour vous que pour elle meismes, ainsy comme elle le m’a raconté. » 69 Le chastellain luy dist : « Gobert, mon amy, ne vous chault, car se je puis nullement je feray qu’elle en sera bien brief vengie. » Sy raconta a Gobert comment il avoir requis a celle dame d’avoir son amour, et aussy comment il pourchassera tour et maniéré pour parvenir a son emprinse que son voloir soit acomply en quelque maniéré qu’il le doye faire. 70 Gobert, oyant le chastellain de la maniéré et comment il se vouldra vengier d’elle et acomplir son desirier, Gobert, moult joieux luy respondy : « De le faire ainsy comme vous le dittes Dieux vous en doinst le povoir comme la volenté y est. »

14671 Le chastellain luy conta tout au long ainsy comme il l’entendoit de faire, sy adviserent tous deux ensamble que a son retour il retourneroit par la pour parler a elle, et qu’il luy feroit sy grant samblant de le voloir amer qu’en brief terme la dame luy assigneroit jour et place pour parler a luy en secret. 72 « Gobert, ce dist le chastellain, créés certainement que tantost de ce faire elle sera conseillye, car je congnoys et voy a sa maniéré qu’elle sera preste de ce faire, et qu’en brief temps elle sera preste d’acomplir mon voloir. 73 S’ainsy advient que je le puisse attraire a ma volenté faire, je le vous feray sçavoir assez a point, puis nous deux adviserons comment nous en pourrons chevir affin de povoir parvenir a nostre emprinse. 74 Gobert, vous yrés en mon hostel ou je vous feray sçavoir toutes nouvelles. Et quant est a moy, je m’en voy par devers elle pour oÿr ce qu’elle dira, car en ce monde n’est chose nulle que plus je desire que de venir a chief de ceste besoingne. » Sy prindrent congiet l’un de l’autre, c’est assavoir le chastellain et Gobert.

LIII. Comment le chastellain de Coucy vint devers la dame et de ce dont ilz se devisèrent ensamble.

1471 Le chastellain, désirant acomplir sa volenté apprés ce que Gobert se fu partys de luy, chevaulcha tant qu’il vint ou lieu et place ou celle dame estoit, laquelle il hayoit de tout son cuer. 2 Il estoit ja tart et estoit temps de herbegier, car le chastellain sçavoit et estoit adverty que le mary de celle dame n’estoit point en son hostel ; il vint layans sy descendy en la court. 3 Quant la dame en fu advertye, de sa venue elle fu moult joieuse, sy luy vint au devant pour le festoyer ainsi comme bien le sçavoit faire. Le soupper fu prest, sy s’assirent, beurent et mengerent a leur aise sy furent moult bien servy de tout ce que alors on pooit finer, puis quant ce vint apprés soupper, ilz se levèrent de table. 4 La dame le prist par la main et luy dist : « Sire, je fus hier moult joieuse des nouvelles que je oÿ dire de vous, et me fu dit que pour le mieulx faisant de tous ceulx quy la estoient le pris vous avoir esté donné, dont je fu moult joieuse. 5 – Madame, dist le chastellain, se j’en ay eu le renom et que le pris m’en soit donné pour le mieulx faisant, il vient de vous et non66 d’aultre. 6 Car le queuvrechief que n’a gaires me donnastes et avec ce vostre amour me contraingnirent de tant faire que en seuissiez a parler, 7 car trop pour vous je ne pourroie faire quant de vostre grâce il vous a pieu me retenir pour vostre chevalier, et pour ce je conseille que desores mais vous et moy nous tenons en joye et déduit et en grant soûlas.

1488 – Sire, ce dist la dame, de ceste besoingne conduire couvient ouvrer par grant sens, affin que nulz n’y sache a reprendre ne dire chose de nous deux quy ne soit licite ne honneste, et aussy que par nulle maniéré mon mary en sache a parler. 9 Et pour ce, il seroit bon que nous regardons ensamble comment nous portons tant faire que luy ne aultre ne s’en puist apperchevoir et que ne donnons cause a nulluy d’en parler. 10 – Madame, dist le chastellain, quant est de ma part j’en ouveray tellement que nulz fors vous et moy n’en saront dire que tout bien, mais je vous prye que me dittes la place et le lieu secret ou il vous samblera le milleur que nous nous trouvons ensamble, 11 mais je vous prye d’une chose : que ce soit en lieu ou nulz homs ne puist approchier ne apperchevoir nostre fait. Et pour ce, madame, je vous supplye humblement que ceste moye requeste me veuillez ottroyer. 12 – Sire, ce dist la dame, il n’est en moy de le povoir vous refuser, car la grant amour que j’ay mis en vous me contraingnent de ce faire, 13 Sire, dont, pour parvenir a noz volentez, il y a cy prés ung petit boschet en lieu desert et sauvage ou il n’y a voye ne chemin par quoy nous ayons doubte que sur nous y sourviengne personne, et pour ce faire et acomplir, je vous loeroye que fuissyez lundy au soir en ung manoir qui est assez prés, ou il ne demeure personne. 14 Le lieu et place est encloz de jardins quy sont moult beaulx et plaisans a regarder ; la me pourrés attendre, car quant ce venra la vespree, je trouveray moyen et maniéré d’estre par devers vous, car adont je sçay de certain monseigneur mon mary ne sera pas cheans, 15 – Dame, ce dist la chastellain, sans plus parler il sera fait comme l’avons devisé ; il est ja tart, je preng congiet de vous. » La dame, tout en sousriant et en basset luy dist : « Amis, a Dieu soyez vous commandés. »

LIV. Cy devise d’un herault qui vint a Fayel et de ce qu’il dist, et des complaintes de la dame.

1491 Quant eulx deux eurent prins congiet ensamble, le chastellain s’en depparty et vint en la chambre quy luy estoit ordonnée, sy se coucha et dormy jusques au matin qu’il se leva, se chaussa et vesty, sy se depparty et se mist au chemin, et ne cessa de chevaulchier jusques il vint en sa maison. 2 D’eulx vous lairay le parler et verrons a la dame de Fayel, qui n’estoit pas a sa plaisance des chosez quy ainsy nouvellement estoient advenues, 3 car oncques depuis son mary ne se depparty de layans, pour quelque besoingne quy luy sourvenist : pour la doubte qu’il avoir de sa femme ne s’en voloit partir. 4 Car de plus en plus yre, tristresse et jalousye multeplyoient chascun jour en luy, non obstant qu’il ne veist que tout bien et toute honneur. 5 D’aultre part, elle le servoit et honouroit, et se traveille de le povoir oster hors de la fantasye ou il s’estoit bouttez, mais, quelque chose que sache faire, elle ne le peult oster de cest esreur. 6 Sy advint que ung jour ung herault entra la dedans, qui rapporta nouvelles que de la ou il venoit avoit eu une feste moult belle et grande. Alors le seigneur de Fayel luy demanda quy avoit esté celuy qui mieulx l’avoit fait. 7 « Sire, sachiez certainement que le chastellain de Coucy, lequel pour ce jour avoit sus son healme une moult belle ghimpe garnye et bien bordee d’or et de perles (pas ne sçay ne aussy ne quiers sçavoir se dame ou pucelle luy avoit donnée)...67, 8 mais, sire, je vous oze bien dire – et aussy chascun le disoit – que oncques on n’avoit veu en joustes ne en tournoys faire de sy grant merveilles, car certainement, sire, il n’estoit nulz quy peuist durer a luy, 9 sy m’esmerveille moult de ce que vous ne vous estes trouvé en celle feste, car de la pareille ne mieulx conduite vous ne verrés jamais. – Amis, ce dist le seigneur de Fayel, il m’est sourvenu aulcuns affaires par coy je n’y ay peu aler ne moy eslongier d’icy. »

15010 Ainsy se devisèrent ensamblé de pluiseurs choses jusques ce vint heure de couchier, et ainsy se deppartirent, car pas ne plaisoit au seigneur qu’il parlast plus du chastellain. 11 Quant ilz furent couchié, assez est notoire que la dame n’estoit pas a son aise quant elle avoit oÿ ainsy nouvelles de son amy, sy ne s’endormy pas de grant temps fors de penser comment son mary estoit entrés en jalouzie, puis moult fort s’encommencha de plaindre, disant : 12 « Las moy ! Que m’est il advenu ? A malle heure fus oncques nee quant ainsy je suis engingnye de ce que je cuiday avoir trouvé ung leal amy ! 13 Or voy je bien qu’il couvient qu’il ait acointanche aultre part vers aulcune dame dont il s’est acointiés, quant il a porté a ceste feste une sy riche enseigne sus son healme. 14 Or voy je bien, moy quy le cuidoie trouver vray et loyal amant, que le contraire est vérité, mais l’ay trouvé desloial puis qu’il a fait nouvelle amye, et est pour ce qu’il a veu qu’il n’a peu sy tost parler a moy. 15 Las ! Je le tenoye pour mon amy ! Lasse moy ! En quy averay je fiance ? S’ainsy fust qu’il n’amast aultre que moy, jamais telz joiaux ne portast ne voulsist porter. 16 Las moy ! Qui cuidast que en nulle maniéré que jamais il me deuist faillir, veu le grant amour qu’il me monstroit ? Je ne pensoye aultruy amer que luy, qui estait tout mon déduit. Or voy je bien et sçay de vérité qu’il me couvendra morir de deul. » 17 Ainsy et en telle maniéré la dame de Fayel se dementoit moult fort, qui n’estoit pas sans grant destresse. De la dame de Fayel vous lairay ung pou le parler jusques ad ce que il soit heure de y retourner.

LV. Comment le chastellain de Coucy se venga de la male dame envyeuse.

1511 Assés avez oÿ par cy devant comment Gobert se party du chastellain. Lequel, apprés ce qu’il se fu deppartis, sachant le lieu et place ou se tenoit Yzabel la chamberiere, vint vers elle et l’amena avec luy. Sy l’amena ou lieu et place ou le chastellain avoir dit a Gobert qu’ilz venissent eulx deux ensamble et ainsy le firent. 2 A laquelle Gobert raconta toute la maniéré et comment le chastellain se vouldra vengier de la malvaise dame qui ainsy l’avoir acusé, dont Yzabel fu moult lye quant ces maniérés de faire elle oÿ raconter a Gobert. 3 Le chastellain, sachant la ou ilz estoient eulx deux, vint ou lieu et place ou ilz estoient tous deux. Il vint vers Yzabel, sy l’acola et embracha, et le baisa en luy disant : 4 « Ma très doulce amye, comment vous va ? De vostre venue suis tant joieulx que plus ne puis estre, car vous estes celle qui premièrement m’avez moustré l’amour que je doy avoir a vous, sy sachiez que pour les plaisirs que m’avez fais par pkiiseurs foys je me donne et ottroye a vous. 5 Or vous veul dire ma volenté et tout ce que j’ay intention de faire, non obstant que je cuide assez que Gobert vous ait advertye comment ne en quelle maniéré j’ay intencion de me voloir vengier de celle dame par laquelle tant de desplaisirs me sont sourvenus. 6 Doncques, pour luy faire despit, me vouldray mettre en paine, affin qu’elle sache et apperchoyve que c’est de biffamer aultruy, sy vous diray la maniéré comment.

1527 Quant ce vendra que la nuit sera venue, pour plus faire despit a celle dame, vous venrez en ung viel manoir ou jadis il y eult ung jardin moult bel et delitable. 8 Auprès de celle vielle maison y a ung petit boschet ou la vous vous tenrez le plus secrètement que pourrés faire, sy verrez comment ne en quelle maniéré je me vouldray conduire. 9 Puis, quant vous verrez que je seray comme pour venir jusques au fait, vous passerés tous deux oultre, et sy très prés qu’elle vous voye et apperchoive, 10 dont elle ara en son cuer grant anuy, car elle cuidera certainement qu’il y ait beaucop de gens aultres que vous quy Payent veue et que pluiseurs soient repuus et muchiez dedans le boys pour veoir et adviser la contenance de nous deux. 11 Sy faittes la chose et conduissiez en telle maniéré que ne soyez congneus et passerez oultre ; et vous, Yzabel, soyez vestue en guise d’omme, 12 affin qu’elle ne cuide que soyez la venue avec nul home pour prendre vostre soûlas, ainsy comme homme et femme ont acoustumé de faire ensamble. – Sire, respondirent Gobert et Yzabel, la chose nous samble moult bien ainsy estre faitte, sy le ferons tout ainsy comme vous l’avez dit. » 13 Ilz se appresterent et vindrent ou lieu et place ou la dame luy avoit dit qu’elle vendrait, auquel lieu elle vint sans guerres atargier toute seule sans compaignye, car sy secrètement s’estoit partye de son hostel que oncques homme de sa maison ne s’en appercheu. 14 Le chastellain vint a l’encontre d’elle, sy l’embracha puis le prist par la main sy le mena vers le lieu au plus prés qu’il peult, la ou il sentoit que Gobert et Yzabel estoient.

15315 Quant la dame se vey en ce lieu, elle dist au chastellain : « Sire, ce est68 ung droit souhait de soy trouver avec s’amye en ung sy beau lieu qui est semé d’erbes et de fleurs. 16 Or nous seons bas tout par amours et démenons la vye telle que amant et amye sont tenu de faire. 17 Car quant est a moy, je suys icy venue pour vous complaire et de tout abandonner pour acomplir voz desiriers. » Ainsy comme vous oez, celle dame se mist en point estât comme la chose le requerroit. 18 Et furent une espace devisant ensamble et tant qu’il ne tenoit que au chastellain que sans contredit et sans dangier il euist acomply son voloir, ainsy comme amant est tenu de faire a s’amye, 19 mais oncques pour l’amour de celle qu’il amoit sy parfaittement ne luy vault faire chose aultre comme s’il euist fait a sa seur ou sa propre mere, mais se leva par grant yre et luy dist : 20 « Dame, or regardés : ad ce que je voy et apperchoy, il ne demeure pas en vous que vostre mary ne soit cous ; malvaise foy luy volez porter. Et pour tant je vous advise que jamais ne veuillez mesdire de celle ou il y a mains a dire qu’il n’y a en vous. 21 Or très foie musarde ! Que le mal feu te puist ardoir, quy cuidiez que je soye avec vous ainsy comme amis doit estre avec s’amye ! Certes vous ne le valés pas, 22 mais sachiez que je vous ay mis en ce point affin que la dame sus laquelle vous avez mis a tort et sans cause blasme et deshonneur soit vengye de vous : elle est bonne et vous y avés failly. »

15423 Droit a ces parolles que le chastellain luy disoit, Gobert et Yzabel, quy bien l’avoyent entendu, passèrent oultre et rappasserent, adfin que celle dame cuidast qu’il y euist beaucop de gens qui les euissent veu. 24 Puis quant elle les vey, oncques jour de sa vye ne fu plus dolante ne oncques ne peult dire ung seul mot, tant fu esprise d’yre et de couroux, cuidans que pluiseurs gens euissent veu tout leur affaire, et dist : 25 « Lasse moy, dolante ! Or suis je bien traÿe, a tousjours mais suis deshonnoureema honte ne ma vergongne ne pourray couvrir, car tant de gens l’ont veu que par tout on en sara a parler !. » 26 Puis : « A ! faulx et malvais chastellain, comme ung villain avés ouvré, et comme ung traittre et desloial chevalier. Hellas ! Or suis je deshonnouree, ne jamais jour de ma vye ne m’ozeray voir au monde ! 27 – Dame, ce dist le chastellain, voz malvaises et enuieuses parolles que vous avez dittes et semees sur aultruy, qui vaut mieulx que vous ne faittes, vous ont donné ce que par droit vous avez deservy. Alés, dame, sy pensez une aultre foys de mesdire ne parler sus aultruy. » 28 La dame69, moult raemplye et moult couroucye de grant couroux, sans plus dire ung seul mot, la teste baissye corne celle quy estoit honteuse, s’en retourna hastivement vers son hostel, ayant grant paour en soy d’estre veue ne appercheue, 29 et luy samble que se auL cune nouvelle en estoit, elle ne sçaroit trouver nulles excusances. Assez encommencha de penser en soy, clamant : « Lasse et dolante, que m’est il advenu ! » 30 Ainsy celle dame, comme vous oez, se dementoit, maldissant heure que ce luy estoit advenu : dommage estoit quant une telle dame comme elle fu s’estoit mesprinse de dire ne mesparler sur aultruy, car elle estoit tant belle que de beaulté se povoit bien comparer a la dame de Fayel. 31 Laquelle, se ce meschief ne luy fust advenu, de beaulté, de ricesse et de lignage et de tout ce que en dame doit et peult appartenir la dame de Fayel ne l’euist peu passer. Son deul et son couroux demena sy celeement qu’il ne fu nulz quy s’en donnast garde.

LVI. Cy devise comment le chastellain de Coucy se depparty de Gobert et d’Yzabel, et comment Gobert fist tant qu’il parla a la dame de Fayel et luy conta comment la dame avoir esté punye.

1551 Quant le chastellain de Coucy eult achevé son emprinse, luy, Gobert et Yzabel se deppartirent de ce lieu en démenant la plus grant joye du monde. Il dist : « Gobert, vous remenrez ceste demoiselle ; vous avez bien veu se j’ay rendu a celle dame ce qu’elle avoir deservy. 2 Alés vous ent entre vous deux : au plus tost que je pourray, je parleray a vous. Et quant vous arez loisir et heure de povoir parler a la dame de Fayel, 3 sy luy direz que je me recommande a elle et luy raconterez tout au long tout ce que vous avés veu, sy croy qu elle en sera moult joieuse. – Sire, ce dist Gobert au plus tost que pourray je parleray a elle, sy feray vostre message. » 4 Ainsy se deppartirent du chastellain, lequel s’en ala tout droit en sa maison. Gobert convoya Yzabel, puis prist son chemin sy s’en ala a Fayel, ou le seigneur le rechupt et luy fist bonne chiere, 5 mais la dame ne luy monstra chiere ne samblant, fors la plus malvaise chiere dont elle se povoit adviser, en monstrant samblant que de sa venue elle ne tenoit compte. 6 Ainsy la dame se maintenoit sagement, affin que son seigneur ne s’appercheust qu’elle euist eu nulles parolles ne acointances en privé a Gobert, 7 mais desiroit sur toute riens le sçavoir qui avoir donné au chastellain la ghimpe qu’il portoit sus son healme aux joustes desrainement passées, ou Gobert avoit esté et dont le chastellain avoit eu le pris ; moult desire de le sçavoir et de parler a Gobert en privé.

1568 Sy advint que en briefz jours apprés, Gobert vey la dame tourte seule ; il advisa son point que le seigneur s’estoit alé jouer dehors en sa maison environ une lieu de la. 9 Quant Gobert et elle se trouvèrent ensamble, alors encommencha Gobert a conter de la maniéré et comment elle estoit vengie de la dame par laquelle tant de maulx leur estoient sourvenu, 10 sy luy raconta du queuvrechief et la cause pour coy il le70 prinst d’elle le jour qu’il71 le porta aux joustes sus son healme, puis luy raconta tout au long la maniéré comment celle dame vint en la vielle maison, et du jardin ou la dame s’en vint vers le chastellain et des maniérés qu’ilz tindrent eulx deux, 11 et oussy comment luy et Yzabel estoient repuus et muchiés en ung boschet au plus prés d’eulx, ou ilz les povoient veoir et oÿr tout a plain, et comment ilz passèrent et rappasserent par devant eulx, affin que la dame seuist pour certain que son fait fust descouvert et que pluiseurs gens l’euissent veu. 12 « Puis quant elle nous appercheu, oncques femme ne fu plus honteuse, sy en dist comme une femme foursenee au chastellain tant de injures et de parolles, ausquellez il respondy bien que c’estoit guerredon qu’il luy appartenoit, ainsy que a tort et a malvaise cause elle avoit dit et controuvé faulses bourdes a l’encontre de vous, 13 sy sachiez, dame, que a l’eure que pasames devant eulx en alant et venant, nous faisiesmes remouvoir les branches et les feulles et mener sy grant bruit que a nous oÿr venir il povoit sambler a la dame que nous fussiens grant foison gens, dont elle fu moult esbahye, 14 car jamais tant comme elle vive elle ne s’ozera trouver en feste ne en assamblee, car elle Guidera pour vérité que chascun sache a parler de son fait.

15715 Encores de rechief, quant le chastellain vey qu’elle se deppartoit, il luy dist : « Dame, il vous vaulsist mieulx que vous euissiez mors vostre langue quant elle pronuncha ne dit villonnye sur celle quy endroit soy vault mieulx cent foys que vous ne faittes, 16 car en elle est tout bien, sens et raison, mais vous estes une folle musarde ; je vous ay amenee a l’escole dont a tousjours serez blasmee. » 17 « Madame, ce dist Gobert, que vous peult il sambler ? Le chastellain n’en a il pas ouvré comme ung homme sage et bien loial envers vous, quant ainsy il vous a vengié de celle que tant de desplaisir vous a fait et a moy oussy ? 18 – Certes, Gobert ce dist la dame, jamais ne oÿ parler de chose dont je fusse plus joieuse, sy vous prie tant comme je puis que vous et moy advisons ensamble la maniéré et comment je pourray veoir et parler a mon amy. 19 Car trop je le desire a veoir, mais une chose y a que monseigneur va pou dehors s’il n’y a moult grant affaire, non obstant que je sçay pour certain qu’il72 luy est necessaire d’aler a une journée qui luy touche moult grandement, et sy sara dedens briefz jours. 20 – Certes, ce dist Gobert, s’ainsy est que monseigneur voist dehors, je vous amenray le chastellain, mais je le feray mettre en tel point que nulz ne le sara congnoistre : je le feray lyer et bender par le chief d’un queuvrechief par tel fachon que nulz du monde ne le sara congnoistre, 21 et il dira, et aussy feray je, qu’il est mon parent et qu’il a esté blechiés au tournoy, sy le feray couchier en ung lit pour reposer. 22 Car je sçay bien certainement qu’il n’y ara cheans homme quy voist ou dye au contraire de ce que vouldray faire, puis quant la sera couchiez, vous pourrés venir devers luy et parler de voz affaires. 23 – Certainement, Gobert, ce dist la dame, oncques en ma vye milleur conseil je ne vey donner a personne, car ainsy sera fait comme vous l’avez dit. » Or retournerons a parler du chastellain et lairons a parler pour le présent de Gobert et de la dame de Fayel.

LVII. Comment le chastellain de Coucy vint tout desguisés devers sa dame et jurent ensamble celle nuit.

1581 Quant le chastellain se fu deppartys de Gobert et de Yzabel, il fu tant joieulx et sy contempt de ce qu’il s’estoit ainsy vengiés de celle dame, qu’il en fu ainsy comme tout gary et respassés du grant couroux en coy il estoit par avant, sy ne luy eschappoient festes, joustez ne tournoys ou il n’alast et dont il n’en rapportast le pris. 2 D’aultre part, quant il se trouvoit seul, il pensoit nuit et jour a la joye que sa dame povoit avoir, quant par Gobert elle ara sceu comment il a gouvernée la dame par laquelle ilz avoient ainsy esté eslongié de leurs amours, et dist : 3 « J’ay grant espoir que en aulcune maniéré ma dame trouvera place que je puisse parler a elle. » En tel espoir et attente le chastellain se resjoïssoit ; non obstant il ne scet pas en quelle maniéré ce pourroit estre qu’il peuist retourner vers elle, sy aloit pensant souvent nuit et jour. 4 Or advint que ung pou apprés Gobert retourna vers luy, et luy conta toute la vérité de l’emprise que sa dame et luy avoient trouvé, le jour et l’eure qu’il pourra venir ou sa dame sera. 5 « Et pour ce, sire, ce dist Gobert, il convendra que d’un queuvrechief vous faittes bender et loyer vostre chief, en telle maniéré qu’il ne soit nulz qui vous sache congnoistre, sy vous habillerés de robe que n’arés aultre foys porté et venrés tout droit a l’ostel ; 6 je priray tant a ceulx de la maison et leur diray que vous aves esté blechiez a la jouste et sy estes mon parent, par coy tantost on vous delivera chambre en laquelle vous pourrés estre ung jour ou deux. Et vous dy que, tantost que le seigneur s’en sera deppartis et alés en ses affaires, on le me fera sçavoir. »

1597 Ainsy firent leurs devises Gobert et le chastellain, sy advint que nouvelles leur vindrent que le73 seigneur s’en estoit partis. Ilz appareillèrent leurs besoingnes, puis le chastellain se vesty et chaussa en guise d’escuier, et s’apointa ainsy comme Gobert et luy avoient devisé ensamble, en telle maniéré que nulz ne l’euist jamais sceu congnoistre. 8 Tant s’esploitterent sans faire séjour qu’ilz arrivèrent a Fayel ; luy et Gobert entrèrent par la porte. Quant ceulx de layans veyrent Gobert entrer en la porte, il n’y eult celuy qu’il ne luy feist bonne chiere. 9 Alors Gobert lez prya moult chierement que l’escuier qui estoit avec luy il volsissent mener en une chambre ou il se peuist reposer, et qu’il estoit moult traveilliez et fort blechiez au chief d’un cop de lance qu’il avoir eu en ung tournoy. 10 « Aultreffoys m’a esté bien séant en aulcuns de mes affaires ou il me trouva une foys. Et pour ce, du bien fait a mon povoir luy vouldray rendre le guerredon. » 11 La n’y eult celuy d’eulx qui ne deist : « Gobert, pour l’amour de vous, on fera de luy ce que on pourra faire. » Lors l’emmenerent en une chambre, sy le couchèrent en ung lit et fermèrent fenestres et gordinez. 12 Gobert fist widier chascun hors de la chambre sy luy aida a le concilier, sy leur dist a tous mais huy il ne voloit soupper et que plus luy estoit du reposer. 13 Ainsy se partirent tous de la chambre, et puis Gobert tyra l’uys et dist a ceulx de layans que son compaignon reposoit, puis demanda : 14 « Ou est monseigneur ; est il pas cheans ? » On luy dist qu’il estoit ung pou alé dehors, et aussy que madame avoit esté dehaittye plus de deux jours.

16015 Gobert vint en la chambre sy salua la dame moult haultement, laquelle, quant elle perchupt Gobert, elle se leva hastivement sy fu de sa venue moult joieuse ; elle luy vint a l’encontre et luy demanda devant ceulx qui la estoient s’ils venoient du tournoy, et lesquelz le avoient le mieulx fait. 16 Alors Gobert luy fist la ung grant compte dont ceulx de layens furent moult joieulx a le oÿr, et aussy quant ceulx de layans veyrent que la dame luy avoit fait milleure chiere qu’elle n’avoit aultreffoys fait, car Gobert estoit layans moult fort amez. 17 Puis apprés, quant chascun ot oÿ le compte et que Gobert vey l’eure et le point de parler a la dame, il se descouvry a elle et luy dist comment le chastellain estoit gisans en une chambre layans et de la maniéré qu’il avoit tenu au venir. 18 Lors Gobert et elle se devisèrent qu’on feroit haster le soupper et que chascun s’en yroit dormir, puis quant ce venroit qu’elle sentirait l’eure de venir vers son amy et que chascun par layans serait endormy, au plus secrètement qu’elle pourrait venroit en la chambre ou il se gisoit. 19 Laquelle chose quant elle vey heure estre venue s’appresta sans soy mettre en oubly et vint vers le chastellain, lequel incontinent se leva du lit et vint moult joieusement vers elle. D’aultre part moult lyement elle le rechupt et luy dist : « Vostre blecheure, s’il vous plaist, j’enprenderay a garir. » 20 Lors sans faire longe parolle ilz firent tout ainsy comme il appartient a faire d’amy et amye, et ainsy comme aultreffoys ilz avoient acoustumé de faire. 21 En démenant leurs deduitz, racontoient l’un a l’autre chascun de son adventure et les maulx qu’ilz avoient souffert, laquelle chose leur tourna a grant déduit puis qu’ilz se treuvent ensamble, 22 puis le chastelain raconta la paine et le traveil et le soussy qu’il avoit eu de trouver maniéré et comment il s’estoit vengiez de la très envyeuse dame qui ainsy les avoit descouverz. 23 Riens n’y laissèrent de raconter l’un a l’autre les meschiefz et paines qu’ilz avoient eu depuis l’eure qu’il avoit esté trouvé à l’uisset au jardin, 24 sy lui raconta la dame le grant desplaisir qu’elle avoit eu de ce que on luy avoit rapporté que, au tournoy que n’a gaires s’estoit fait, il avoit porté ung nouvel queuvrechief bordé et garny de riches perles. 25 « Et creez certainement que alors je vous tingz pour faulx et desloyal chevalier de moy avoir delaissye pour une aultre, mais quant il me fu dit et que Gobert m’eult racompté la maniéré et comment vous nous avez vengié de celle dame envieuse, je mis tous mes maulx en oubliance. »

16126 Ainsy demenerent leur déduit celle nuit et tant que le jour approcha, dont le chastellain dist a sa dame que moult forment luy anuyoit quant il couvenoit que sy tost se depparteist d’elle, sy luy dist : 27 « Madame, je vous prye que advisons ensamble le maniéré et comment je pourray revenir pour parler a vous, car je crains félons et mesdisans que par orgoel et envye nous ont fait souffrir maint meschief, 28 en tant que du tout vostre mary s’est bouttés en jalouzie dont jamais n’ystera dehors. Je sçay certainement que nuit et jour il fait guettier aprez vous, et pour ce nous fault sagement adviser a nostre besoingne, 29 sy vauldra mieulx ung pou dissimuler et refraindre de noz volentés acomplir. Non obstant que je le feray a grant paine, mais il vault mieulx que nous deux refraindons noz volentés que plus grant mal nous en venist, jusques ad ce que nous voyons l’eure que nous pourrons parler ensamble. 30 – Sire, ce dist la dame, ce conseil me samble assez bon, sy le couvient faire : je m’y acorde, mais bien sommes tenu a Gobert du bon conseil et de la maniéré qu’il a tenue. » 31 Ainsy passèrent celle nuit joieusement ensamble, sy dist le chastellain a son deppartement : « Madame, quant est de Gobert, il n’ara pas perdu sa paine. 32 – Sire, dist la dame, par Gobert vous feray savoir toutes nouvelles, car trop mieulx il sara trouver la maniéré que vous et moy ne ferons. »

16233 Ainsy eulx deux se devisèrent de leurs affaires ; lors la dame prist congié et s’en tourna en sa chambre avant ce que nulz ne fust levé par layans. 34 Gobert a celle heure ne dormoit pas et sçavoit assez l’eure qu’il devoir aler devers le chastellain ; il y vint sy entra en la chambre, laquelle le chastellain avoit deffermee, car il sçavoit bien qu’il ne demouroit guerres. 35 Il entra en la chambre sy luy donna le bonjour et le aida a appareillier et le mettre au point ouquel il estoit quant il entra layans, sy s’en deppartirent au plus secrètement comme ilz peurent. 36 Gobert le reconvoya jusques en son hostel, tout devisant de leurs affaires. D’eulx vous lairay a compter et aussy de la dame de Fayel, qui estoit couchye en son lit apprés ce qu’elle ot eue la bonne nuittye.

LVIII. Comment la dame de Fayel envoya vers le chastellain, et de ce qu’il remanda a sa dame.

1631 Or parlerons du seigneur de Fayel, lequel dedans deux jours apprez entra en sa maison ou il n’avoit guerrez de joye pour la grant jalouzie en coy il estoit entrés, car il demenoit la plus male vye a sa femme, qu’elle ne scet dire ne faire chose qui luy viengne a plaisir. 2 Mainte rampronne luy faisoit, car son maltalent en batre ne ferir ne luy ozoit monstrer a cause du grant lignage dont elle estoit yssue, sy l’en couvenoit passer a quelque meschief que ce fust. 3 Non pour tant, quelque mal ne meschief qu’il luy deist, la dame se contenoit sy bel et sy sagement avec luy, et sy doulcement luy respondoit que, volsist ou non, il se contentoit d’elle, et tant que une foys le seigneur luy dist : 4 « Dame, il me couvient temprement faire ung voyage, lequel j’ay promis piecha d’aler, a Saint Mort des Fossez, sy couvendra que venés avec moy, 5 car ce ne seroit pas raison que vous demourissiez derrière, puis que c’est pour aler en lieu de devocion, sy est mon intencion de partir le lendemain de la Toussaint. 6 – Sire, ce dist la dame, vostre volenté est la mienne : je suis preste et appareillye de faire vostre volenté, mais, sire, il me samble que c’est bien brief, car je n’aroye pas temps assez de faire appareillier mon chariot ne mes besoingnes pour aler sy loingz ; d’aultre part ma chamberiere est dehaittye. 7 – Dame, dist le seigneur, n’en soyez en soussy : j’ay cheans bonne haguenee, vous monterez dessus sy ne menrons que deux serviteurs avec nous pour plus simplement aler et aussy a moins de despence ; nous ne ferons pas long séjour : il n’y a guerres de cy jusques la, mais que nous soyons hors de cy nulz ne sera quy nous congnoisse. »

1648 De ce voiage laissèrent le parler, mais sachiez que la dame, quant ce vint a la nuit, entra en une grant pensee, en advisant en elle comment et par quelle maniéré elle pourra esploittier 9 et tant faire qu’elle parle au chastellain, et comment elle luy puist faire sçavoir ce que son mary avoit empris de faire. 10 Sy fist tant la dame de Fayel qu’elle eult le messagier par lequel sa chamberiere avoit acoustumé envoyer au chastellain faire ses mesages, par lequel elle manda au chastellain que son seigneur devoit aler dehors en pèlerinage et encore luy dist : 11 « Mon amy, dittes luy qu’il treuve tour et maniéré de povoir parler a moy, car nullement il ne luy est possible de plus venir a Fayel pour parler a moy, pour ce que mon mary jour et nuit ne fait que guerrier sur luy et sur moy. – Dame, ce dist le varier, je feray bien vostre mesage. » 12 Il s’en party et fist telle diligence qu’il vint au chastellain et luy dist tout ce que la dame luy mandoit. Le chastellain, ayant oÿ par le varlet le commandement de sa dame, 13 pensa en pluiseurs et diversez maniérés comment il pouroit aler ou boschet ou au jardin sy secrètement que nulz ne s’en puist apperchevoir et que la elle venist parler a luy toute seule se faire le povoit.

16514 Assez y pensa pour ce faire, mais la doubte qu’il avoit du seigneur qu’il ne le seuist ou appercheust luy faisoit repenser aultre chose, 15 et s’avisa que ou chemin par ou le seigneur et la dame de Fayel dévoient passer avoit ung molin la ou couroit une riviere, laquelle il couvenoit passer, 16 sy luy sambla que pour or ou pour argent ou aultre chose il ferait tant au maunyer qu’il s’en ferait acointes, et que la dedans le molin il se pourra muchier et esconser, affin qu’il ne soit appercheus de nul homme. 17 Ceste emprinse et advis il manda a sa dame par le secret messagier, et qu’elle face tant vers son mary, par une maniéré ou par ung aultre au jour qu’elle luy mandoit, qu’elle fust deliberee de venir ad ce molin. 18 Quant il eult chargié son message au varlet et luy dit tout son secret, il vint a Fayel et parla a la dame au plus secrètement qu’il peult, sy luy dist ce que le chastellain luy mandoit.

LIX. Comment la dame de Fayel se laissa cheoir ou gué auprès du molin adfin d’avoir cause de parler a son amy.

1661 Quant la dame de Fayel entendy le message, le grant désir qu’elle avoir en elle de voloir achever la requeste de son amy trouva la maniéré comment elle le pourrait complaire et achever son désir. 2 Le jour vint qu’elle et son seigneur dévoient partir eulx quatre tant seulement, c’est assavoir eulx deux le seigneur et la dame et deux variés dont l’un menoit le sommier qui portoit leurs robes et l’autre chevaulchoit avec eulx. Dont pour chevaulchier plus simplement se partirent de Fayel, sy ne firent ad ce jour guerres grant journée. 3 La dame, quy ne pensoit a aultre chose fors de achever son intencion pour complaire a son amy, 4 dist au varier quy portoit leurs baghes qu’il s’en alast tousjours devant pour appareillier leurs chambres et a mengier, car elle disoit qu’elle avoit fain. 5 Le varlet hastivement se party par le commandement de son seigneur et de sa dame, puis le seigneur et sa femme alerent aprez et tant qu’ilz approchèrent le molin duquel la dame avoir esté advertye et l’approcha, sy luy sambla celuy que on luy avoit dit. 6 Le seigneur et son escuier entrèrent premièrement dedans le guey sy abeuvrerent leurs chevaulx, puis brocha oultre et s’en ala devant ainsy comme il luy estoit commandé. 7 Puis apprés ce, la dame entra dedans sy lascha la resne ; le cheval s’abaissa pour boire. Lors la dame, sans plus mot dire, se laissa cheoir de plain vol dedans le guey ou elle souffr grant froidure, et avec avoit celle nuit fort gresillié.

1678 Leur escuier, que pas n’estoit encores loing, retourna moult hastivement, sy vey sa dame toute moullye. La dame, quy souffrait grant froidure, appella le maunier et luy demanda se layans n’avoit point de feu. Le maunyer luy respondy que non. 9 « Amis, ce dist la dame, a il cheans lit ou couche ou je me puisse couchier et moy desvestir tous mez draps ? Car aultres draps que ceulx que j’ay vestu me convient faire apporter ; d’aultre part je moroye avant de froit et de mesaise que devant vous je me despoullasse. 10 – Madame, dist le maunyer, certes je vous aideroye volentiers ; puis que ainsy est que volez estre seule, alés en ma chambre, la trouverez vous mon lit, non pas qu’il soit tel comme a vous appartient. 11 Despoulliez vos draps frés sy vous y couchiés : assez arez couverture pour vous couvrir et tenir tant que ayez fait venir voz robes. » Le maunyer luy ouvry l’uys, sy entra la dame dedans, quy clôt l’uys apprés elle et le ferma moult fort, puis le varier dist a son seigneur : 12 « Sire, partons nous d’icy sans faire long séjour jusques ad ce que nous soyons venus a l’ostel, car voz chevaulx seront morfondus de froit se nous ne les couvrons ou chevaulchons, 13 puis quant la serons venus, je prenderay des robes pour madame sy les rapporteray hastivement vers elle, mais premiers yray couvrir son cheval, affin qu’il ne se morfonde. » 14 Le seigneur luy respondy et dist qu’il disoit bien. « Alons, sy nous délivrons de tost partir jusques ad ce que venrons en la ville. » Mais premiers dist a la dame qu’elle ne se bougast jusques ad ce que son escuier fust venus, qui luy apporterait robes aultres pour vestir.

16815 Ilz s’en deppartirent et ne s’aresterent de chevaulchier jusques ilz vindrent en la ville, mais sachiez que la dame estoit en soulaz et grant joye entre les bras de son amy, 16 lequel le remercya moult, luy disant qu’elle avoir fait ung tour d’amye de ce que ainsy avoit trouvé la maniéré de se laissier cheoir dedans le guey : 17 « Madame, tant avez fait pour moy que le guerredon ne vous saroye jamais rendre ne ce que vous avez deservy, quant pour moy avez eu telle froydure. 18 – Mon amy, ce sont amours par lesquelles j’ay eu mes dolours garyes ; puis que vous tiengz entre mes bras, aultre paradis ne vouldroye a Dieu requerre. » 19 Baisiers et acolers ne furent pas de refus, car oncques amy ne amye ne demenerent vye sy plaisant comme firent le chevalier et la dame ; et vous dy de vérité depuis prime jusques a midy ilz furent couchié ensamble avant ce que le varier fust revenu, lequel luy apporta nouveaulx draps. 20 Le varier vint a l’uys de la chambre sy y hurta ung petit. La dame se leva tantost, sy ouvry et prist ses robes, puis referma l’uys et luy dist : « Attendez ung pou la dehors : je seray tantost preste et appareillye pour aler avec vous. » 21 Quant elle fu preste, elle yssy de la chambre, ayant a son amy prins congiet. Sa haguenee fu apprestee, elle monta dessus puis s’en partirent et ne cessèrent jusques ilz furent venus en leur hostel ou elle descendy, et la trouva son seigneur quy l’attendoit pour mengier et reposer.

16922 Quant74 le chastellain, quy estoit au molin en la chambre, vey heure et point de soy partir, il prist congiet au maunier et luy donna argent tant qu’il fu bien contempté et payez du plaisir qu’il luy avoit fait en luy priant que son fait luy veulle tenir secret, laquelle chose il luy promist de faire, sy s’en depparty le chastellain moult joieulx et envoisyez. 23 D’aultre part le seigneur et la dame de Fayel se deppartirent de la ville ou ilz estoient logié, en eulx esploittant tellement qu’ilz firent et parfirent leur voiage puis retournèrent en leur hostel, 24 mais non pour tant que le mary de la dame ne délaissa point la grant jalouzie et les malvaises pensees qu’il avoit sus sa femme, mais tousjours le reprochoit et lesdengoit moult villainement. 25 Et elle paciamment le souffrait sans monstrer samblant de couroux, et encores pis l’encommencha de mener malvaise vye, quant il sceult que Gobert et Yzabel estoient les principaulx quy conduisoient l’euvre du chastellain. Pas je ne saroye dire ne penser quy avoir esté celuy ou celle que leur secret avoit descouvert. 26 Dont le seigneur de Fayel sachant cez besoingnes, sa jalouzie luy encommencha a doubler, sy ne finoit de penser nuit ne jour comment il s’en pourra prendre garde, et comment il s’en pourra vengier, 27 sy s’appensa que il feroit entendant a sa femme et en feroit les samblans de se voloir croisier pour aler oultre mer et qu’il menroit sa femme avec luy, sy pensa bien que s’ainsy le faisoit que le chastellain ne demouroit pas derrière et qu’il se croiserait pareillement pour l’amour de sa dame. 28 Car tant sçavoit et congnoissoit le hardement du chastellain et la vaillance qui estoit en luy qu’il ne lairoit en nulle maniéré qu’il ne se croisast et passast la mer 29 et sy sçavoit bien de certain que, s’il estoit croisiez pour passer, que pour chose qui luy deuist advenir il ne ramperait son entreprinse ne ce qu’il avoit promis, et par ainsy, s’il estoit hors du pays, il aroit son cuer appaysié. 30 Ainsy pensoit nuit et jour, sans soy descouvrir ne dire sa pensee a nulle personne, sy advint que il fu bien deux mois que oncques ne tencha ne rihotta sa femme, mais de jour en jour par samblant luy monstroit grant amistié, faisant samblant le temps passé avoir du tout oublyé et ce quy estoit advenu.

LX. Comment le seigneur de Fayel fist entendant a sa femme qu’il se voloit croisier pour aler Oultre Mer.

1701 Une foys advint que le seigneur et la dame de Fayel se gisoient en leurs litz par samblant moult amoureusement, et comme ilz fussent ainsy ensamble couchiez, se prist a deviser moult doulcement et dist a sa femme : 2 « Dame, il y a grant espace que j’ay eu en volenté, et encores suys je en ce pourpos, de faire ung grant peleringnage, le plus bel voyage et le plus saint que jamais homme puist faire pour sauver son ame. 3 – Sire, en quel voyage vouldryés vous aler ? – M’amye, ce dist le seigneur de Fayel, mon intencion sy est de passer oultre la mer sy y ventés avec moy, car pluiseurs chevaliers et dames se sont croysié pour y aler, 4 et pour ce vous et moy yrons pour amender noz pechiez et aussy pour acquerre les pardons. Et pour ce je vous demande quelle sera vostre volenté, sy m’en dittes vostre intencion et se vous ventés avec moy. » 5 La dame, qui estoit moult sage, fu lors moult esbahye, car elle congneut assez que ce dont son mary luy parloit n’estoit pour aultre chose fors de le voloir eslongnier de son amy ; non pour tant moult amyablement respondy a son seigneur et luy dist : 6 « Sire, or voy je bien que vous me monstres grant amour et grant honneur, car c’est la chose au monde que je desiroye le plus, d’avoir fait ung sy saint voyage que vous volés emprendre, 7 la ou tant de seigneurs et bonnes dames sont alé pour espannir leurs pechiez. Certainement, se vous m’y menez, toutte la paine et dilligence que je pourray, ce sera de vous servir a mon povoir. » Mais quoy qu’elle deist, sy pensoit elle aultre part.

1718 Le seigneur, apprés ce que long temps se furent devisé, se leva de son lit, et le dame demoura couchie en moult grant pensement, sy encommencha moult fort a plourer, 9 et tant fu esbahye de ce voloir souldain qui estoit advenu a son mary qu’elle ne scet qu’elle en doit dire, mais faisoit samblant pour dechepvoir son mary qu’elle ait volenté de passer oultre la mer et luy tenir compaignie. 10 D’aultre part se prist a resconforter, pensant en elle meismes que, quant elle pourra sçavoir le partement de son mary, elle se fera malade, 11 et que son mary le lairoi derrière s’il veoit qu’elle le fust, et que non pour tant il ne lairoit point a parfurnir son voyage, de paour que on ne le tournast a couardise. 12 Ainsy la dame nuit et jour pensoit et advisoit comment ne en quelle maniéré le chastellain le pourroit sçavoir, sy pensa que tous merchiers portans leurs paniers a leur col peuent aler et venir par tout, en especial es grans hostelz pour monstrer leur denrees. 13 Sy luy sambla que se son amy venoit en ceste fachon, mais qu’il fust bien déguisez, nulz ne s’en prenderoit garde. Tantost elle escripvy unes lettres, sy prist ung secret message et luy dist qu’il ne cessast de cheminer jusques ad ce que qu’il euist trouvé Gobert et qu’il lui baillast ceste lettre. 14 Le varlet, prest et abille de faire le commandement de la dame, s’en party de Fayel, et fist telle dilligence qu’il trouva Gobert, qui a cest heure estoit devers le chastellain qui moult fu joieulx quant il vey le messagier de sa dame. 15 II dist a Gobert qu’il avoit nouvelles et que sa dame luy mandoit qu’il alast vers elle. « Sire, ce dist Gobert, puis que ainsy est, vous yrez. » Puis Gobert appella le varlet sy luy demanda : 16 « Amis, que fait madame ? – Sire, ce dist celuy, quant je me party d’elle, je le laissay en bonne santé, sy me commanda au partir expressamment que vous querusse tant que vous euisse trouvé. 17 Veez cy unes lettres de laquelle elle vous prye que le plus brief que pourrés luy en fâchiez responce, affin qu’elle me croye quant je seray venus vers elle et diray75 que je vous ay trouvé et parlé a vous. »

17218 Lors Gobert les bailla au chastellain et dist au messagier : « Amis, tu dis bien : tantost t’en sera faitte responce affin qu’elle sache que tu nous ayes trouvé. » Le chastellain froissa la chire sy ouvry la lettre et se donna grant merveillez de ce qu’il trouva dedans. 19 « Sire, ce dist le varlet, je vous prye que de la responce faire vous vous hastés, car madame me commanda que guerres ne feisse long séjour. » 20 Le chastellain hastivement prist ancre et papier sy escripvy sa volenté, sy dot la lettre et seella et les donna au messagier, luy disant : 21 « Amis, tu porteras ces lettres et les bailleras a madame, sy te prye que tu penses de tost esploittier affin que tu puissiés venir a Fayel, sy me recommanderas a la dame sy luy diras que sans faillir de ce qu’elle m’a rescript ne feray nulle faulte. » 22 Le messagier prist congiet du chastellain et de Gobert sy ne fina d’aller jusques il vint a Fayel, mais pour ce qu’il vey le seigneur en la sale il ne se vault pas amonstrer, et se mist derrière ung huys 23 tant que le seigneur se party hors du chastel et descendy en la basse court ou il trouva son cheval, sy monta dessus pour aler dehors pour ung sien affaire quy luy touchoit moult en fait de procès.

17324 Quant le messagier appercheu et vey le seigneur estre party de layans, il vint vers la dame et s’approcha d’elle, sy luy bailla la lettre, sy paya et contenta moult bien le messagier, puis se party et prist congiet d’elle. 25 La dame, très desirans de sçavoir le contenu de la lettre, vint en sa chambre, sy entra en sa garde robe et lisy la lettre tout au long ; ce qu’elle y trouva luy plaisoit moult, car elle voit bien et congnoit que sa besoingne a esté furnye. 26 Assez tost apprés revint le seigneur de Fayel en sa maison, lequel dist a sa femme : « Dame, le temps et saison approche que je desire le plus, c’est d’acomplir mon voiage que j’ay long temps a et grant espace voé et promis, 27 sy nous couvient croisier et suys moult joieulx de ce que de vostre gré et volenté et oussy pour l’amour de moy acompaignier me venrez tenir compaignye en ce voiage, sy arez le pardon avec moy. 28 Mais avant ce, il me couvient aler jusques a Peronne en Vermendoys pour une plesdoirye dont je doy avoir la sentence pour ma cousine quy est demourant cheans, laquelle journée servira mardy, sy est raison que par lignage je luy ayde. 29 – Sire, ce dist la dame, vous ferez grant bien et ausmonne, car elle est coye et bonne femme, sy est raison que vous l’aidiez en tous ses affaires. » Ainsy le seigneur se devisoit a sa dame, lequel ala a sa journée. Or cesserons a parler du seigneur jusques heure soit de y retourner.

LXI. Comment le chastellain vint a Fayel parler a sa dame en guise d’un merchier.

1741 Quant le chastellain de Coucy vey le jour approchier de aler devers sa dame, il se pourvey de tout ce qu’il luy fu besoing, de panyer et robe de merchier, groz soulers, houchette de gros gris et un viez chappel deschiré qu’il mist sus son chief, puis, le panyer a son col et le petit bourdon ferré a soustenir son panyer quant besoings luy sera de ce faire, 2 il changa et taint son viayre et sy bien le deffigura que jamais nulz ne l’euist sceu apperchevoir ne congnoistre. Puis prise congiet sy s’en ala et se mist a chemin vers Fayel, très desirans qu’il puist veoir sa dame, et prioit qu’il venist sy a point que le seigneur ne fust retournés en son hostel. 3 II chemina tant qu’il fu heure de nonne et percheu la tour de Fayel, laquelle il enclina moult doulcement, piteusement disans : « La dedans est mon désir enclos. Or me doinst Dieux et face ceste grâce que en ceste nuit je puisse veoir ma dame ! » 4 Sy advint ainsy comme il aloit pensant qu’il choisy le seigneur de Fayel, qui chevaulchoit tout droit le chemin de Saint Quentin, lequel en nulle maniéré il ne povoit destourner, car il estoit sy prés de luy qu’il couvenoit qu’il encontrast76 le seigneur de Fayel qui moult hault la salua en passant et dit : 5 « Merchier, veez la Fayel devant toi ! J’espoire que tu ayez aulcun joyel : il les te fault moustrer a la dame et aulx femmes de layans, quy par aventure les verront volentiers sy en achateront ou du moins te donront a disner s’elles ne achattent aulcune chose. » 6 Le chastellain tout en basset luy rendy son salut et dist qu’il yroit celle part ; a le veoir et oÿr parler sambloit estre moult traveilliés d’aler. Il passa sans plus dire mot et ne cessa d’aler sy vint en la porte.

1757 II entra dedans, car il la trouva toute ample ouverte, et la dame qui seoit sus le pont le regarda venir sy le recongnut a grant paine, car elle n’y pensoit en nulle maniéré, mais elle s’avisa de la lettre qu’elle avoit escripte au chastellain. 8 Lors s’approcha de luy et luy demanda tout en riant : « Merchier, dont venez vous, beau sire ? Vous estes sages et bien aprins de venir sy bien a point, car cheans y a pou de gens qui sachent vostre non ne quy vous estes, 9 car monseigneur s’en est alés hors de cheans pour ung adjournement quy luy a esté fait pour une sienne cousine qu’il tient cheans pour moy garder, laquelle il a emmenee avec luy, et je suys cy demouree toute seulle, qui vous vient bien a point, car la maysnye de cheans est enbesongnye par my la court. 10 Or montons vous et moy lassus ; de vostre venue suis moult joieuse. » Sy l’emmena droit en sa chambre ou ilz ont tous leurs desiriers, et la pourra veoir les joiaulx qu’il portoit et choisir et prendre a son plaisir. 11 Le merchier, sans plus arester, mist jus de son col son panyer, sy prist sa dame entre ses bras. La sont baisiers donnés et rendus, en démenant la vye amoureuse, puis s’assirent l’un emprés l’autre, ou ilz parloient de leurs adventures, 12 en racontant tous leurs meschiefz et des maulx qu’ilz avoient passés, dont a ceste heure ilz estoient rappaisiez et ne leur en souvenoit plus fors de faire bonne chiere. 13 Lors luy prist la dame a dire et conter comment son seigneur avoit emprins le voyage d’Oultre Mer et que a toutes fins il la voloit emmener aveuc luy, dont elle a au cuer sy grant destresse que du grant anuy et couroux qu’elle en prent ne peult dormir ne reposer.

LXII. Des devises que le chastellain faisoit a sa dame.

1761 Quant le chastellain entendy parler sa dame, il luy dist : « Madame, ne vous chaille, car je vous dy certainement que, se je puis en nulle maniéré, je adviseray que, tantost apprez que serez partye, je me croiseray affin que souvent vous puisse veoir, car a mon cuer aroye trop grant angoisse se souvent je ne vous veoye. » 2 Ainsy se devisèrent et parlèrent ensamble, puis adviserent eulx deux la maniéré et comment pour celle nuit il pourroit layans demourer sans estre appercheus ne advisés de personne, 3 sy conclurent ensamble que droit a l’eure que layans seroient endormy, au plus coyement qu’il porroit venroit en la chambre de la dame, comme par pluiseurs foys avoit fait. 4 Sy advint que les gens de layans, qui estoient aie aulx champs pour les labourages de layans, varletz, meschines et ouvriers, pour le lait temps qu’il faisoit s’en retournèrent a l’ostel, 5 et trouvèrent la dame qui retournoit et advisoit les denrees de ce mersier, joiaulx et bagues et aultres choses, sy en achetterent et barghingnerent assez ce que les choses valoient. 6 II leur sçavoit bien vendre comme celuy qui estoit instruit par celluy quy luy avoit monstré, affin que on ne pensast que ce fust ung marchant affaityé, 7 puis quant il vey qu’il n’y avoit nul ne milles par layans quy barghingnast sa desree, il reploya sa marchandisse et retoursa et mist a point son fardel, puis dist devant eulx tous : 8 « A Dieux ! Qui me peult avoir meu d’avoir tant demeuré ? Il est ja près de la nuit, et sy pleut et vente merveilleusement. Aimy, Dieux ! aimy, comment se pourra il faire que mais huy je puisse venir a mon logeys ou j’avoye intencion d’osteler ?

1779 La y ot ung varier qui luy dist : « Mon amy, il vous est impossible de vous mais huy partir d’ici, car je croy que vostre demeure ne desplaira pas a madame ne a personne qui soit cheans. » 10 La dame, quy guerres n’estoit loing, dist a l’un de ses serviteurs qu’il deist ad ce marchant estrange que pour ceste nuit il ne partiroit point. 11 Le marchant, prest et abille de respondre a la dame, luy dist : « A ! gentille dame, de ceste courtoisye Dieux vous veulle savoir gré ! » 12 La dame ne se peult abstenir, quant elle le vey sy humblement respondre, qu’elle n’encommenchast de rire, puis se devisèrent de pluiseurs choses tant qu’il fu eure de soupper que la dame s’assist a table ; puis vint ung varlet vers le merchier et luy dist : 13 « Amis, alés laver voz mains, sy soupperez. – A ! mon ami, ce dist le merchier, j’ay telle doleur en la teste qu’il me seroit impossible de mengier ne de boire, car se aulcunement je le faisoye il m’en seroit de pis, 14 car il y a plus de . VIII. jours que je ne fus en santé ainsy comme je souloye estre, mais s’il vous plaisoit tant faire pour moy et qu’il ne vous tournast a desplaisir, je prenderoye plus en gré d’aler couchier pour dormir que je ne feroye de mengier. » 15 La dame, qui estoit a table, l’entr’oÿ parler sy luy dist : « Amis, vous mengerés ung pou, sy en vauldrés mieulx et reposerez a vostre aise. – A ! madame, pour Dieu mercy, meshuy je ne mengeray, car s’aucunement je mengoye, de cy a trois jours m’en seroit pis. Et pour ce vous supplye humblement que soyez contempte. »

17816 Lors la dame commanda que hastivement on feist son lit, et le merchier, qui ne desiroit aultre chose, s’enclina moult humblement devant la dame sy s’en ala en la chambre quy luy estoit appareillye, ou par samblant faisoit le malade, 17 mais de cuer lyet et joieulx pour le soulas et déduit qu’il attendoit avoir celle nuit (d’avoir sa dame entre ses bras) luy anuyoit fort que sy longement on seoir a table, et euist bien volu, se il fust possible, que chascun fust couchiez et endormis. 18 Et d’aultre part la dame ne desiroit aultre chose : pour couvrir son fait le plus couvertement qu’elle peult se contint celle vespree. 19 Apprés ce qu’elle vey que sa maysnye estoit assegresye, et chascun par layans ne desiroit aultre chose for aler couchier et reposer, elle se retraÿ en sa chambre ainsy comme elle avoir acoustumé et s’en ala couchier en son lit. 20 Puis quant ce vint que le chastellain, quy estoit a l’uys de la chambre, oÿ et appercheu que ceulx de layans estoient endormis, il se party de sa chambre moult coyement et passa par my la salle, 21 sy vint en la chambre de sa dame ou il fu moult doulcement recheus, car a cest heure jamais ne fust endormye pour le plaisir et soulas qu’elle esperoit avoir de son amy. 22 Eulx deux se couchèrent ou lit a grant soûlas et déduit, joieuse vye menant ainsy corne amy et amye ont acoustumé de faire. Que vous feroye je long compte ? Entre bras furent toutte la nuit, et n’y avoir celuy d’eulx qui n’olt desplaisir en son cuer de ce que sy tost la nuit estoit passée. 23 Puis quant ce vint le jour, il baisa sa dame et prist congiet d’elle, sy s’en vint couchier en sa chambre jusques ad ce qu’il vey le jour cler apparoir qu’il se leva et chaussa et vesty sa houche et son chappel, 24 et mist son fardel a son col, prist le bourdon en sa main et prist congiet au premier qu’il trouva en la court, et s’en ala son chemin tant qu’il fu hors du chastel.

17925 Tant chemina qu’il vint ou lieu ou Gobert l’attendoit ainsy comme il luy avoit commandé ; il osta ses draps et son panier et se revesty et vint en son hostel ou il se vesty et appareilla. 26 Puis quant l’eure vint, il monta a cheval et en cheminant raconta a Gobert tout ce que sa dame luy avoit compté, et comment le seigneur de Fayel avoit prins la croisye pour passer la mer et qu’il avoit intencion de mener sa dame avec luy ou saint voyage d’Oultre Mer. 27 « Sire, ce dist Gobert, puis que ainsy est, se j’estoye comme vous je me croiseroye et yroye au saint voyage, car la pourriez mieulx joÿr d’elle et le veoir plus souvent que ne faittes ycy. 28 Or ay je entendu que le preu et hardy roy Richart d’Engleterre a fait crier de tourtes pars en son royaume ung moult grant tournoy, et Duquel chascun pourra venir a son plaisir, car de France, de Vermendoys y ara pluiseurs chevaliers, sy passerez aveuc eulx sy yrés en leur compaignye. 29 Mais je vous conseille que ne fâchiez samblant nullement que doyez prendre la croix jusques ad ce que le tournoy sera finé, car tantost qu’il sera fait et passé ainsy comme j’ay entendu, il fera preschier et publyer la croisye, et la luy meismes se croisera et maint chevalier avec luy. 30 Adont pourrés prendre la croix comme il m’est advis, et par ce ne pourra apperchevoir nulz sur quelle intencion vous le faittes. 31 – Amis, ce dist le chastellain, je creray vostre conseil quy me samble estre bon et raisonnable, sy appresteray ma besoingne et feray tellement que je seray prest. » Ainsy se devisèrent ensamble le chastellain et Gobert son escuier.

LXIII. Comment le chastellain gaigna le tournoy a Windesore en Engletere et se croisa pour passer la mer avec et en la compaignie du roy Richard.

1801 Ne demeura guerres de temps que chevaliers et escuiers de pluiseurs marches s’appresterent et misrent a point pour passer la mer pour aler en Engleterre au lieu de Windesore ou le tournoy se devoit faire. 2 II vindrent a Calais, laquelle estoit alors franchoise, sy y passèrent pluiseurs, les aultres a Boulongne et aultre part ou bon leur sambla. 3 Tant firent que a vent et a voile leur bateaux arrivèrent a Douvres, sy montèrent a cheval et passèrent et vindrent a Windesore ou ilz trouvèrent le roy Richart a grant chevalerye. 4 La commencha le tournoy grant et fier ; moult eurent a souffrir les Anglois, car du royalme de France et d’aultre part estoient venus toute fleur de chevalerye, lesquelz au mieulx qu’ilz peurent se deffendirent grandement, mais en fin, par la force des estrangiers furent tous reboutez. 5 Le tournoy failly sy ala chascun en son hostel, mais le roy Richart, quy alors estoit miroir et patron de chevalerye, plain d’onneur et de hardiesse, enquist et demanda pour le mieulx faisant ; 6 sy fu dit et trouvé par rapport de chevaliers et dames et par heraulx notables que le chastellain de Coucy devoit avoir le pris pour la journée, sy luy fu apportés. 7 Par quoy ce noble roy Richart prya et requist instamment au chastellain qu’il vaulsist estre de sa maisnye et pluiseurs aultres chevaliers qui luy acorderent. 8 La furent . VIII. jours tout plainnement en grant joye et déduit, mais sachiez avant leur partement le roy Richart, lequel pour le temps on tenoit pour le plus large prince qui fust rengnant sur terre, tint court moult grande et pleniere, sy donna de moult grans dons a ceulx ausquelz il luy sambloit estre affreant.

LXIV. Comment le roy Richard d’Engleterre se croisa pour aler Oultre Mer.

1811 Puis quant ce vint le tournoy et la feste acomplye, le roy Richard fist venir ung cardinal grant clerc, lequel apprés ce que tournoys et esbatemens furent failly, et que encores les estrangiers, meismement ceulx du pays, furent la tout assamblé, 2 fist ung prescement grant et notable sus le fait de la croisye, ou tellement esploitta qu’il y eult peu de nobles hommes, tant du pays d’Engleterre comme des estrangiers qui estoient venus a la feste, 3 tant par les belles parolles devottes par le noble cardinal a eulx remonstrees, que la plus part de ceulx que la estoient prindrent la croisye pour le passage d’Oultre Mer. 4 Meismement le roy Richard, pour donner example aux aultres et les inciter ad ce faire, fu le premier qui prist la croix ; puis après luy maint chevalier de France et d’Engleterre, de Vermendoys et pluiseurs aultres pays prindrent ad ce jour la croisye, 5 promettant au roy Richart le servir et acompaignier tout le voiage durant, ja soit ce que le roy Philippe de France se depparty le premier pour aler ou saint voyage. 6 Quant les chevaliers decha la mer eurent emprins prendre la croisye, le chastellain de Coucy le prist comme les aultres, dont le roy Richard fu moult joieulx pour la bonne renommee et vaillance qui estoient en luy.

1827 Alors tous, chevaliers et escuiers estranges, s’en deppartirent, ayant prins congiet au roy Richard passèrent la mer et vint chascun en son hostel, 8 ainsy comme en tel cas ilz dévoient faire pour passer et aler en ung sy saint voyage, dont la renommee fu sy grande en France et en Picardie, et en Vermendoys que d’aultre chose on ne ooit parler, 9 sy s’appresterent tous ceulx quy aler y dévoient et misrent en point pour partir, dont la voix fu moult grande par tous pays et contrées, meismement en Vermendoys pour le chastellain de Coucy qui s’estoit croisiez avec les aultres. 10 Sy advint que ung jour sourvint a Fayel ung vieil menestrel qui avoir esté au tournoy en Engleterre, lequel le seigneur amoit chierement, car il avoit de coustume de les volentiers veoir en son temps et leur donnoit du sien comme les seigneurs avoient de coustume77. 11 A celle heure que le menestrel y arriva, le seigneur estoit assis a table, sy enquist et demanda au menestrel de ses nouvelles, tant d’Engleterre, d’Irlande et d’Escoche comme du tournoy qui s’estoit fait a Windesore et de ceulx quy y avoient esté. 12 « Sire, ce dist le menestrel, quant est du tournoy les gens de par decha et especial les gens de Vermendois sus tous aultres nacions pour toute la journée emportèrent le renom, et sus tous aultres chevaliers, le pris pour le mieulx faisant fu donné au chastellain de Coucy, 13 puis apprés ce que le tournoy fu fait et acomply, le roy Richart fist venir ung cardinal, lequel prescha moult haultement la croisye, et voerent tous de passer la mer au service du roy Richard, lequel sus tous les aultres fu moult joieulx de ce que le chastellain de Coucy prist la croisye, promettant au roy le servir en ce voyage. » 14 Quant la dame de Fayel entendy ceste parolle, elle se leva moult hastivement et dist a son mary : « Sire, puis que tant de gens y veullent aler, je feray venir le curé ce ceste ville et luy demanderay la croix. 15 – Dame, ce dist le78 seigneur de Fayel, ne vous hastez de vous sy tost croisier ; depuis ung moys en cha me suis trouvé et sentu sy foible que impossible me seroit de povoir aler en ung sy lontain voiage : nullement n’en pourroye endurer la paine, mais pour ma conscience dechargier y envoyeray de mon argent. »

LXV. Cy parle du couroux que eult la dame de Fayel quant elle fu advertye que son amy avoit pris la croix pour passer Oultre Mer.

1831 Quant la dame de Fayel entendy son seigneur, elle fu moult courouchye et desplaisant en son cuer, mais oncques samblant n’en monstra a son mary, sy le porta et couvry en son cuer comme très sage dame et soubtille qu’elle estoit et dist a son mary : « Sire, vostre plaisir soit fait. » 2 Puis assez tost apprés que la dame se fu deppartye de luy, vint en sa chambre ou elle encommencha moult fort a plourer, sy demenoit une doleur sy grande que a le veoir estoit une grant pitié. 3 Moult se plaindoit et desconfortoit, et disoit : « Las moy ! O mon doulz amy ! Or voy je bien que je suis perdue ne jamais vous et moy ne nous verrons, car j’apperchoy assez par la soubtilleté de mon mary que par sa grant jalouzie il nous a séparez et traÿs. 4 Certes, bien doy estre esbahye quant par decha me couvendra demeurer, et le demeurant de ma vie vivre en doleur, pleurs et lamentations ! Las moy ! Jamais de vous n’aray nouvelles quant vous serés oultre la mer, sy ne seray de nulz confortée. 5 O Dieux ! Quelle dure departye ! Je voy et sy congnois que de mort ne puis eschapper en nulle maniéré du monde, et tout par le mal engien de mon mary, quant il me fist entendant que luy et moy passeriesmez la mer affin de vous esmouvoir et faire croisier comme les aultres. 6 Il me moustroit moult bel samblant pour moy essayer, mais certes il pensoit aultre chose. Lasse moy ! Pour coy ne m’estoye appercheue de son malice ? 7 Certainement, se j’euisse bien congneu sa malvaistyé et traÿson, je y euisse mis tel remede que pas n’euissiemmes esté traÿ. 8 Las moy ! Mon amy, or suys je cause de vous mettre a la voye de partir hors de ce pays ! Ainsy ay je mis paine a vous tromper et traÿr. » 9 Lors se tourmente et destort ses poingz comme celle quy n’a confort de personne a quy elle se puist complaindre ne doulouser. Se la doleur, les complaintes, les regretz quelle faisoit vous vouloye au lonc raconter, trop y pourroye mettre. 10 Non obstant, comme celle qui estoit sage, se refraingny ung pou en soy pour esperance qui luy promettoit que, se son amy passoit oultre mer, qu’il retourneroit par decha au plus tost qu’il pourroit. 11 Sy encommencha de penser la maniéré et comment elle peuist faire savoir a son amy ces dolereuses nouvelles, sy advisa de voloir escripre unes lettres au chastellain pour luy faire sçavoir tout le fait ainsy comme il luy estoit advenu, 12 sy fist tant et trouva maniéré que par son secret varlet envoya lettres au chastellain esquelle estoit contenu tout l’affaire tout ainsy que la chose estoit advenue.

LXVI. Cy devise comment la dame de Fayel manda quérir le chastellain de Coucy par son secret messagier.

1841 Quant le chastellain eult recheu les lettres et veu tout ce qui estoit dedans, oncques en sa vye ne fu en79 sy grant destresse de cuer, car quant il eult veu et leu tout au long, il n’est nulz quy vous seusist raconter les piteux regretz qu’il faisoit de ce qu’il couvenoit que ses amours fussent ainsy eslongies. 2 II ne sçavoit en luy que penser de la grant doleur qu’il sentoit ; il en perdoit contenance et maniéré, pou s’en failloit qu’il n’entrast en desespoir, et veoit clerement qu’il avoir failly a son espoir. 3 Car il cuidoit bien veoir et parler a sa dame plus souvent que piecha n’avoit fait. « Helas, dist il, or voy je bien que par envye je suis decheus et traÿs malvaisement. 4 Las moy ! Bien doy estre esbahys ! Il me convient ainsy eslongier celle que tant ay amé et aime encores, 5 sy m’est impossible de demourer par decha mais me convient passer la mer avec les aultres qui sont croisyés, car s’ainsy advenoit que je demourasse derrière, on dirait que che serait pour l’amour d’elle. 6 D’aultre part, son mary l’aguetteroit de sy prés qu’il ne serait en elle de povoir parler a moy. Or voy je bien qu’en nulle maniéré, se je ne veul mon deshonneur et d’elle aussy pareillement, il couvient bien que je passe oultre. »

1857 Tost et hastivement a mandé Gobert son escuier, auquel il raconta tout au long la chose ainsy comme elle estoit advenue. 8 « Sire, ce dist Gobert, souffrés vous et vous abstenez de demener telle doleur. Lors quant serez acquittez et que arez acomply ce saint voyage ou j’espoire que vous ferés telle chose par coy vous acquerras sy grant renommée que par toutes terres vostre nom sera exauchiez ainsy comme je l’espoire 9 (vous alés ou service de Nostre Seigneur quy vous rendera a cent doubles la paine et traveil que pour le servir vous ferés), puis quant la arez esté une espace et arez fait chose qui vous puist tourner a honneur, lors pourrons retourner par decha. 10 – Gobert, dist le chastellain, vostre conseil est bon et leal, sy le feray a mon pooir et le creray, car oncques homme ne fu mieulx conseillié que j’ay esté de vous. 11 Or n’y a fors d’aviser la maniera et comment je puisse parler a elle, car n’a gaires qu’elle me fist sçavoir que pour ung procès qu’il ont, son mary s’en doit aler brief a Parys, et avec ce elle a fait asçavoir a Yzabel qu’elle soit a Fayel quant la seroye venus. 12 – Sire, ce dist Gobert, quant la serés venus, vous et elle et Yzabel parlerés ensamble de tous voz affaires, sy volons que vous en partés tost, car il m’a esté dit que le seigneur de Fayel est partys, et sera anuit au giste a Peronne. »

LXVII. Comment le chastellain et la dame de Fayel se devisèrent ensamble de leurs amours et du couroux qu’ilz eurent de leur deppartement.

1861 Quant le chastellain et Gobert se furent devisé ensamble, le chastellain, qui moult desiroit l’alee, s’appresta et vesty une cotte, longue devant, courte derrière et deschiree aux costés, puis prist ung chappelet tout pelé et s’appareilla en telle maniéré qu’il n’euist esté nulz qui l’euist sceu congnoistre. 2 Gobert encommencha a rire quant il le vey ainsy atiré, puis prist en sa main ung baston sur quoy il s’appoioit et faisoit le meschant, sy commanda Gobert a Dieu et s’en party. 3 Et chemina tant que il approcha Fayel, puis quant il vint vers la porte tout baissant et appoyant sus son baston, en tastant decha et dela, faisant samblant qu’il fu aveugle, 4 il entra dedens la porte sy trouva la dame et sa chamberiere séant sur ung siégé qui estoit assez prez de la sale, mais sachiez que aussy tost comme la dame l’appercheu elle le recongneu, et aussy fist la chamberiere ; oncques ne se peurent tenir de sousrire. 5 La dame dist a sa chamberiere : « Prendés ce povre aveugle par la main sy l’emmenez la dessus, et faittes samblant de luy voloir donner a mengier ; je vous sievray ung pou de loing. » 6 Comme elle le dit, il fu fait : Yzabel le mena tout parmy la sale que oncques ne trouva ne vey personne, sy l’emmena tout droit en la chambre de sa dame. 7 Le chastellain se lancha dedans, puis Yzabel retourna arriéré vers sa maistresse, et luy dist tout en basset qu’elle venist hardiement vers le chastellain et qu’elle ne trouveroit personne ou chemin.

1878 Lors la dame, tout le pas, faisant samblant ainsy comme se ce ne fust riens, vint en sa chambre ou elle trouva son amy, lequel s’estoit ja despoullyé de ses malvais draps et avoit vestu une robe verde de samyt, sy avoit chaint une chainture que sa dame luy avoit donné ; puis s’embracherent et baiserent assés de foys. 9 Lors la dame le prist par la main, sy s’assirent eulx deux sus une couche, puis elle luy commencha a recorder tout le fait ainsy comme il aloit et du grant anuy en quoy elle estoit : tout luy raconta de chief en chief tout ainsy et par la maniéré que son mary avoit trouvé. 10 Quant le chastellain entendy la dame, il luy dist que oncques en sa vye plus grant desplaisir il n’eult au cuer quant premièrement il en eult oÿ les nouvelles. 11 « Car quant je vey par voz lettres et appercheus qu’il couvenoit que la deppartye de nous deux se fesist une espace de temps, je n’euch oncques depuis joye ne soulas en moy. » 12 Puis s’entrebaiserent et acolerent. « A ! dame, dist le chastellain, ceste deppartye me fait grant doleur ; le terme approche qu’il le me couvient faire, mais sachiez certainement en quel part que je soye mon cuer est vostre, car nullement je ne pourroye avoir joye ne plaisir fors de penser jour et nuit a vous et d’avoir tous jours en mémoire que encores je vous verray et joïray de vous, c’est la chose en coy je me conforteray le plus. 13 Ce confort ne me fauldra jamais ne pareillement cest espoir se l’un de nous deux ne trespasse dedens le temps que je deveray partir. D’aultre part, vous promés et ay en couvent que a dame ne a damoiselle, tant soit belle ne advenant, n’atoucheray de ma bouche ne y querray amours aulcune fors a vous tant seulement. »

LXVIII. Cy fait mencion des complaintes des deux amans et du deppartement du chastellain de Coucy.

1881 Quant la dame entendy le chastellain, les larmes luy vindrent aux yeux sy luy dist : « Amis, je vous prometz sus mon ame : jamais n’aray au cuer joye jusques ad ce que je vous revenray, et sy vous dy que, quant d’icy vous partirés, vous80 emporterés mon cuer avec vous. 2 C’est bien raison que ainsy soit, car il est vostre et non pas myen, mais je croy certainement que impossible me sera de vivre sans vous, puis que de vous seray eslongie. 3 Las moy ! Et quel perte quant de vous seray eslongie ! Car avec vous avoye soûlas et déduit et joye soir et matinee. 4 Lasse moy ! Qu’estes vous devenus, quant il couvient que je vous perde ? Tout le cuer m’en fremist et tramble sy fort que guerres n’en fault que je ne muyre. » 5 Lors sans plus dire mot de la grant angoisse qu’elle souffroit, se pasma sus la couche que oncques ung seul mot ne peult parler, dont le chastellain fu moult dolant, tristre, mat, esbahys de ce qu’il veoit souffrir a s’amye une telle angoisse, 6 sy le prist entre ses bras comme angoisseux et tristre en cuer de ce qu’il veoit sa dame en tel point ; en la baisant moult estroittement l’a acolee.

1897 II la tenoit entre ses bras, que oncques ne se mua non plus que s’elle fust morte, puis luy dist : « Ma très doulce amye, je vous prye que vous vous confortés et sy vous cessez de plourer, ou a cop me verrés yssir hors de mon sens. 8 Car quant je vous voy entre mes bras ainsy pasmee, le cuer m’ochist et met a mort. Confortés vous, ma doulce amye, je vous prye que plus ne plourez et reprendés confort en vous. » 9 Puis quant elle revint et qu’elle peult parler, elle dist, ainsy comme toute esperdue : « Las moy, amys, que devenray je, quant ainsy vous aray perdu ? Je n’y voy atiltre remede fors que la mort, que je desire qu’elle viengne vers moy et me prengne, car puis que vous et moy serons eslongiet, ung seul jour je ne veul plus vivre. 10 – A ! madame, ce dist Yzabel, ce congiet ycy n’est pas trop plaisant, mais vous deveriez fort pener de resconforter vostre amy, car tant plus vous verra tristre, et plus le metterés en desespoir. 11 Par ma foy, dame, vous avez tort de ainsy vous doulouser et plaindre ; pour Dieu, prendés advis de vostre amy resconforter, prendés en vous talent et cuer de luy faire bonne chiere ! 12 A ! Yzabel, dist la dame, comment se pourrait il faire de povoir faire bonne chiere, quant au cuer j’ay telle doleur et sy grant contraire que quant je verray mon amy aler hors de ce pays et que je oray dire qu’il sera passé oultre mer, de plus y pense, tant plus me desconforte ? » 13 Lors luy dist le chastellain : « Amye, ne vous despaisiez, car plus tost que vous ne cuidiez seray retournez par decha la mer, et sy vous tenray le couvent et promesse que je vous ay faitte que jamais n’ameray aultre que vous tant que vous et moy arons la vye ou corps.

19014 – Or doncques, amis, puis que ainsy est, je vous veul donner, se vous le voulez garder pour l’amour de moy, une chose que long temps ay gardee et amee bien chierement : ce sont des cheveux de mon chief, lesquelz je copperay pour l’amour de vous. 15 – A ! madame, dist le chastellain, je vous prye que de ce faire vous depportés et ne les veuillez copper pour l’amour de moy. » 16 Elle luy dist : « Sire, sur tant que vous m’amés, je veul que les portés avec vous et mon cuer pareillement, cas se sans mort souffrir je le vous povoye baillier, vous l’enporteriez avec vous. » 17 Alors et incontinent, la dame prist unes forces sy en coppa une partye de ses biaux cheveux, qui estoient tant beaux que pour lors on euist peu porter ne veu a femme, puis les envolepa et mist en une pieche de cendal sy les bailla a son amy. 18 Il les prist et luy dist : « Madame, moult chierement les garderay toute ma vye pour l’amour de vous. » La fu deux jours avec sa dame, sans y avoir guerres de soûlas, pour ce que tous jours avoient souvenance qu’il leur couvenoit deppartir l’un de l’autre. 19 Puis quant ce vint l’eure et qu’il couvenoit que la deppartye se feist, a pleurs et doleurs et tristresse de cuer prindrent congiet l’un de l’autre. Puis le chastellain s’en party le très bien matin, sans ce qu’il fust appercheus d’omme ne de femme. 20 Et se mist a chemin tant qu’il vint en son hostel, ou il trouva Gobert auquel il se devisa de ses affaires et de son partement, car desja maint chevaliers et escuiers s’estoient deppartis avec le roy Philippe de France, lequel estoit ja vers Palerne en Sesille, et le roy Richart a Marseille, la ou il faisoit appareillier sa navire. 21 Puis quant ilz eurent tout leur fait appareillié et eulx mis en point pour ung tel voiage acomplir, se party de son hostel luy meisme et ne cessa de chevaulchier jusques ad ce qu’il vint a Marseille ou il trouva le roy Richart.

LXIX. Cy devise comment le roy Richart vint au siégé devant Acre et d’une rencontre qu’il eult contre les Sarazins dont il eult la victore, et des vaillances du chastellain de Coucy.

1911 Quant le chastellain fu la arrivés, il vint vers le roy Richard qui luy fist grant chiere et le rechupt moult lyement, puis quant la navire fu toutte apprestee, le roy entra en mer atout sa chevalerye. 2 Car avant ce qu’il se partesist, le roy Philippe de France s’estoit partis et estoit devant Acre, la ou il avoit mis le siégé. 3 Quant le roy d’Engleterre et ses mariniers veyrent que le vent estoit bon, ilz firent voille et se misrent tous en mer, sy passa par Cypre et le conquist, car pour lors y avoit ung roy qui luy cuida jouer d’un faulx tour, 4 sy le prist et mist a subjection, puis fist chargier grant foison navirez de pain, de chars, de vins et de touttes pourveances et vivres. 5 Sy s’en ala devant Acre (dont toutte l’ost de France et d’Engleterre fu rasasyee) sy fu le roy Richart d’Engleterre recheu a grant joye du roy de France et de tous ses barons, car le roy et les Franchoys avoient bien mestier d’un tel secours, tant de gens corne de vivres. 6 Quant la furent tous arrivez, ilz se logèrent en tentes et pavillons et en loges qu’ilz firent. Tous se logèrent autour de la ville sy l’assegerent de tous costés, tant par mer comme par terre ; 7 maint assault y lyvrerent et mainte escarmuche, et d’aultre part ceulx de dedans y firent mainte saillye.

1928 Quant la furent une espace de temps au siégé, le roy Richart ne se peult abstenir de chevaulchier en pays et quérir adventures, car tout son désir estoit de pourchassier et faire tant que de luy fust mémoire, et que par sa grant proece il fust craint et doubté de ses anemis. 9 Sy advint qu’en ceste chevaulchie il rencontra les Sarazins sy se combaty a eulx et fist tant par sa proesce, par la vaillance de luy et de ses gens qu’il obtint la victore et furent les Sarazins desconfys. 10 Sy sachiés pour vérité que en celle journée le chastellain de Coucy se monstra bon chevalier, car il ochist de sa main maint Sarazin a grant doleur, car il81 luy souvenoit de sa dame, pour l’amour de laquelle et en la ramembrance d’elle il portoit les tresches de ses beaux cheveux qu’elle luy avoir donné au deppartir, 11 et la fist tant par sa proesce qu’il n’avoit Sarazin sy hardy qui l’ozast approchier, et que tous le congnoissoient et le nommoyent par tout le vaillant chevalier aulx tresches.

LXX. D’une saillye que fist le chastellain de Coucy sur les Sarazins avec pluiseurs chevaliers et escuiers englois, ou il rechupt une grant playe dont en la fin il en mourut.

1931 Apprés celle bataille, advint que le roy englois retourna vers Acre atout moult grant conquest d’or et d’argent et de prisonniers ; mainte course, maint assault et mainte escarmuche le roy Richart et ses gens firent ou pays de Surie, ou le chastellain de Coucy fist maint grant fait d’armes. 2 Et tant fist par sa haulte proece que au desseure de tous aultres chevaliers eult82 loz et pris de vaillance et proece : il fu au prendre Escalone, Cesare, Jaffé et aultres pluiseurs places. Deux ans furent a séjour en terre de Sarazins, ou mainte belle appertise d’armes furent faittes et achevées. 3 Sy advint que ung jour le roy Richard d’Engleterre s’estoit retrais en ung chastel, luy et une partye de ses gens, pour séjourner une espace de temps, sy advint que, eulx estant la, grant foison de Sarazins vindrent courir devant la place. 4 Alors le chastellain de Coucy et pluiseurs chevaliers et escuiers avec luy yssirent hors du chastel sy se ferirent entre les Sarazins sy en ochirent tant et mehaignerent qu’ilz furent tous desconfis et les misrent en chasse, et noz gens apprés les sievyrent moult aigrement ochiant et abatant.5 Sy advint, ainsy comme ilz se furent retrais, qu’il y ot ung Sarazin, lequel tira sus le chastellain ung quarel tout envenymé sy ataint le chastellain sus le costé plus d’une palme de parfont ; tant fort et tant grant fu le cop qu’il rechupt qu’il cheÿ pasmé jus du destrier. 6 Alors ung chascun s’aresta et descendirent et prindrent le chastellain et s’en retournèrent, sy le rapportèrent ou chastel ou le roy Richart estoit, qui moult fu dolant de ceste nouvelle.

1947 Tantost et incontinent, sans plus attendre, luy meismes en personne vint veoir le chastellain, moult dolant et courouchiés de sa mesadvenue, manda tantost sans plus attendre ses myres et leur fist viseter la playe qui estoit moult parfonde, 8 sy en tirèrent dehors le quarel qui estoit ou costé bien avant, puis lavèrent la playe d’yawe fresche et dirent au roy que pour ceste bleschure il n’aroit doubte de mort, et que dedens . XL. jours ilz le renderoient sain et gary. 9 Mais ilz n’eurent pas l’entendement que le quarel fust envenymés, par coy ilz faillirent ad ce qu’ilz orent dit au roy, car par le quarel dont il fu féru sa plaie fu mourable, car nulz fors Dieu tant seulement ne l’en porroit garir. 10 Sy fu grant espace de temps en languissant qu’il ne se povoit ravoir ne pour chose que les mires sceuissent faire : il ne peult oncques recouvrer de santé, mais tousjours estoit languissant, en ayant le viaire pale et descoulouré ; son corps et ses membres luy defailloient. 11 Le chastellain, qui congnoissoit assés que de ceste maladye jamais ne seroit garis, appella Gobert, qui moult estoit courouchiés et tristre en cuer du mal qu’il veoit souffrir au chastellain son maistre : moult fort le pleure et regrette souvent. 12 D’aultre part le chastellain faisoit ses complaintez a Gobert et luy dist que le désir qu’il avoit de voir sa dame luy faisoit plus de mal que la doleur qu’il sentoit de sa playe, et ne luy challoit fors qu’il la peuist veoir avant ce qu’il morust. 13 Sy dist a Gobert que au plus tost qu’il porra vouldra repasser la mer pour soy retourner en son pays, afin que plus tost il puist avoir santé. Et luy sambloit, comme il luy estoit advis, que plus tost il trouverait garison s’ainsy estoit qu’il fust en son pays et qu’il peuist avoir aulcun confort de sa dame et le veoir une seule foys qu’il en seroit du tout asouffys. 14 Sy commanda a Gobert de soy donner garde pour savoir et enquerre se nulz seroit en toute l’armee du roy de France et du roy Richard d’Engleterre, qui fust prest sur nef ou sur galee pour repasser la mer, qu’il se vouldroit mettre en leur compaignye. 15 Car bien luy sambloit que jamais il n’aroit santé, tant qu’il fust en Surye, pour les ayrs et les chaleurs quy y sont moult grandes. Tant s’esploitta Gobert de faire dilligence et tant enquist qu’il sceult a la vérité que ung cardinal devoir entrer en mer sur une grosse galee.

19516 Dont le chastellain fu moult joieux quant Gobert luy rapporta ces nouvelles ; il vint vers le roy Richart sy prist congiet de luy et de tous les barons, lesquelz furent moult courouchiez de son deppartement. 17 Le roy Richard, qui pour lors estoit larges, courtois sus tous les princes du monde, luy donna de moult beaulx dons et luy dist : « Messire Régnault de Coucy, il me desplaist moult de vostre mal, sy vous couvient avoir pascience puis que c’est le plaisir de Nostre Seigneur. 18 – Sire, ce dist le chastellain, des grans biens, honneur et courtoisie que fait m’avés vous remercye humblement. » Puis prist congiet du roy sy s’en party, dont beaucop de barons et chevaliers furent moult dolant, mais ilz veoient bien qu’il avoit raison de ce faire. 19 Sy s’en depparty le chastellain sy entra en la galee avec le cardinal et pluiseurs aultres qui estoient en sa compaignye sy entrèrent en mer : les voilles furent levés et le vent bon et frech, lequel tantost les eslonga des terres.

LXXI. Cy devise comment le chastellain se complaignoit piteusement, et d’unes lettres qu’il fist escripre pour envoyer a sa dame, et de ce qu’il ordonna a Gobert son escuier.

1961 Quant ilz furent esquippé en mer, le chastellain se resjoÿ moult pour ce qu’il luy sambloit que en brief il verroit sa dame, pour laquelle veoir il avoir grant fiance de tourner a garison, 2 Non obstant ce riens ne luy valoir, car tous les jours aloit en empirant : plus vivoit et plus avoir de mal, et tel83 qu’il ne le peult plus soustenir ne porter. 3 Veant et congnoissant en luy que tout son pooir et force avoit perdu sans recouvrier, le convint aliter et gésir au lit, 4 et s’appercheu en soy meismes qu’il lui estoit impossible d’eschapper de mort et que sa vye seroit de courte duree, tant bien luy advint que en celle meisme journée arrivèrent au port a Brandis, et la fu portés en ung hostel d’un moult notable bourgoys, et la fu mis en ung lieu moult bien paré et ordonné. 5 Puis quant la fu venus, couchiez et assegregiez, il appella Gobert et luy dist, en luy priant et commandant moult doulcement, que pour l’amour de Dieu et de luy il veulle faire ce qu’il luy commandera, et luy dist : 6 « Amis, sur tous les plaisirs et services que faire me vouldriés, je vous requiers et prie que tantost et sans delay que l’ame me sera deppartye du corps, vous me faittes ouvrir, et prendez mon cuer et l’appareilliez et atournez en telle maniéré et fachon que par delà le puissiez porter. » 7 Gobert, a cuer tristre et dolant, luy ottroya sa requeste et de faire son commandement ainsy comme il le diroit, sy luy promist tout en plourant, comme celuy qui avoit telle84 doleur et telle tristresse au cuer que a paine se pooit soustenir sur piés.

1978 Lors le chastellain, apprés ce que Gobert luy eult fait85 ceste promesse, envoya quérir ung coffret quy estoit en son sommier, dont il avoit la clef, sy l’ouvry et en tyra dehors ung joyel qu’il avoit moult chier. 9 C’estoient les tresches des cheveulx de sa dame, lesquelles souvent il veoit et regardoit pour l’amour d’elle, et dist : 10 « O quel don, quel trezor et quelle ricesse ma seulle dame me donna au deppartir ! Helas ! La mort départira nostre amour ! » Puis commanda a Gobert qu’il feist finance d’un clerc pour luy escripre unes lettres. Gobert fist dilligence sy luy en amena ung. 11 Le chastellain le devisa et dist en telle maniéré : « A vous, madame, a qui j’ay été vray et loial amant et vostre serviteur en tous lieux jusques a la fin de ma vye, vous mande plus de mille foys salutz comme cellui qui jamais plus ne vous verra. 12 Et vous fay bien asçavoir que jour et nuit ay esté vostre chevalier et vostre servant loyal et entier depuis l’eure que je partis de vous, dont je suis moult au cuer dolant de ce que je voys et congnoys que jamais plus ne vous verray. 13 D’aultre part, pour ce que je croy et sçay de vérité que j’ay emporté vostre cuer avec moy le jour que partys de vous de Fayel, et que le bel joyel me donnastes de voz beaux cheveulx reluisans (lesquelx j’ay gardé moult précieusement depuis l’eure et le jour que le présent m’en fu par vous fait), sy vous envoyé mon cuer, lequel est ores vostre sy est droit et raison que l’ayez. 14 Et pour ce, ma très chiere dame, soyez certaine et seure que oncques a nul jour nul vray amant ne moru et ne mora de cuer plus triste ne couroucyés que je muyrs ne en tel desconfort, pour ce que je ne puis parler a vous avant ce que je muyre. 15 O très belle dame et souveraine, qui passés de beaulté toutes femmes, la milleure entre les milleures, sourondant de toutes honneurs et des biens, sage sur toutes aultres femmez, trezor et ricesse, et de pitié doulce fontaine raemplye de tous biens, très haulte, gente et noble dame sur toutes aultres vertueuse ! 16 Or suys je dolant et plus que dire ne escripre ne vous sçaroie, quant vous jamais ne me verrés ne je vous ainsy corne je souloye. Hellas ! Or m’est toute joye faillye ! Or voy je bien qu’il me convient morir et que autrement il ne peult estre. 17 Je prie au Dieu omnypotent qu’il ait pitié et mercy de mon ame et quelle puist venir a sauvement, et sy luy prye humblement a mains jointes que, quant de ce siecle vous partirés, vostre ame puist parvenir a salvacion par compaignie avec la myenne. Ainsy le veulle Dieux ottroyer ! »

LXXII. Cy fait mencion de la mort du chastellain de Coucy et de ce qu’il ordonna a Gobert son escuier appres sa mort.

198I Quant le chastellain ot finee sa lettre, laquelle a grant paine il peult achever pour le cuer qui luy amortissoit moult fort, avant ce qu’elle fust parfinee, il se pasma par pluiseurs foys, sy le scella tout en plourant, puis jetta son seel en la mer par une fenestre qui estoit en sa chambre. 2 Sy appella Gobert et ung varlet qui estoit aveuc luy, et la moult doulcement parla a eulx et leur dist : 3 « Mes amys, je sçay et congnois86 en moy qu’il m’est impossible de plus vivre, car je sens ma mort qui m’aproche fort. Et pour ce,87 avant ce que je muyre je veul que tous deux me promettes de vostre foy en la mienne que tantost apprés ce que seray mort, ainsy comme j’ay devisé a Gobert, vous me faittes ouvrir sy en prendés et tyrés hors mon cuer. 4 Puis quant dehors l’arez trait, vous prenderés ces tresches et les lettres pareillement que veez ycy, sy mettés tout dedens ce coffret, puis tantost apprés ce que seray mis en terre vous parterés et yrez droit a Fayel. 5 Et la cause pour coy vous deux vous ay fait jurer est pour ce que, se l’un de vous deux moroit au chemin, que l’autre feist le message, mais s’il advient que Dieux veulle que tous deux puissiez venir ou pays sans nul destourbier, je veul que Gobert face ce mesage. 6 Or vous diray que vous ferés : vous me saluerez ma dame, laquelle de mon mal sera moult destourbee pour la grant amour qu’elle avoir en moy, sy la resconfortez le mieulx et plus doulcement que vous pourrés, 7 car aultrement ne peult estre ; puisque c’est le plaisir de Nostre Seigneur, a grant deul faire ne peult pourfiter, car pour ce luy seroit impossible de me ravoir en vye. 8 Ce petit coffret que vous veez luy presenterés de par moy et luy direz que je luy renvoyé ses tresches, et le cuer de moy qui fu sien des la première foys que je la veys, 9 sy est raison et droit que elle l’ait devers elle, affin que plus souvent luy souviengne de moy et qu’elle veulle prier a Dieu qu’il ait pitié de mon ame. »

19910 Lors se pasma moult angoisseusement tant que sa face luy est palye et tainte comme se l’ame se fust partye de son corps, sy cuiderent certainement que a ceste pasmoison l’ame se fust partye ; 11 ilz luy misrent du pain a la bouche sy en revint ung pou a luy et luy souvint de sa dame, laquelle moult piteusement encommencha de regretter, et dist : « Ma dame, vostre loyal amy couvient orez en droit venir a fin. » Puis dist : 12 « Adieu, Amours ! Très doulce amye, de vous je prengs congiet ; jamais nul jour ne vous verray. Lasse moy ! Pour coy ne puis durer pour vous servir et souffrir le mal que m’a donné la mort ? » 13 Ainsy le chastellain, en tirant a sa fin, se complaignoit piteusement a Amours de la mort qui le faisoit séparer de sa dame. 14 Lors ne peult plus parler pour la mort qui sy fort l’appressoit : son beau viaire, taint et apalis de la grant angoisse qu’il souffroit au cuer se tressailly tous, et fu long temps qu’il ne parla. Puis, quant il fu revenus a luy, il joingny ses mains en regardant vers le ciel et dist : 15 « Beaux sire Dieux, ayez pitié et miséricorde de moy, de mes pechiés me veulliés faire pardon, sy aiez mercy de moy ! » Lors appella Gobert et luy dist que tantost et sans delay il euist le prestre pour soy confesser. 16 Alors Gobert, sans faire long séjour, vint devers le cardinal avec lequel ilz estoient venus, sy luy pria et requist humblement qu’il luy peusist venir devers son seigneur pour le confesser et adrechier.

20017 Le cardinal moult humblement vint vers luy sy le confessa et ordonna et luy bailla tous ses sacremens et luy dist : « Amis, ne faittes nulle double que vostre ame ne soit sauvee, 18 car tout ce mal que vous souffres vous sera tourné a penitance pour ce que vous morés au service de Jhesu Crist. Amis, tenés vous en la foy et y soyez ferme : je croy et sçay certainement que vostre ame sera sauvee. » 19 Lors l’alaine luy encommencha de faillir, et dist a moult grant paine : « Gobert, saluez moy ma dame. » Alors l’ame, sans plus mot dire, luy depparty du corps. 20 Quant Gobert vey qu’il estoit oultre, il se prist moult fort a desconforter, ses poings encommencha de tordre et a tirer ses cheveulx, plaignant et regrettant son maistre, honneur, le sens, la noblesse, la proece et la haulte chevalerye quy en luy avoient esté. 21 D’aultre part, son aultre serviteur avec Gobert se lamentoit moult piteusement de la mort qui leur avoir tolu leur seigneur. » A ! Dieux, ce dist Gobert, en quel lieu que je me treuve, jamais en mon cuer n’aray joye ! » 22 Ainsy eulx ensamble demenerent ung merveilleux deul et sy très grant que ceulx qui la estoient partissoient a leur larmes, et ne se peurent abstenir de larmoyer pour la pitié qu’ilz avoient d’eulx, et aussy pour l’amour du bon chevalier.

20123 Lors Gobert et son compaignon, pour acomplir la promesse et la foy qu’ilz avoient promise a leur seigneur, s’appareillèrent de ouvrir le corps sy en tirèrent le cuer et l’enbausumerent et atournerent ainsy comme il le couvenoit faire pour l’emporter avec eulx, et le misrent en ung petit coffret bien envolepé en ung samit avec les tresches qu’il renvoioit a sa dame. 24 Puis ordonnèrent et misrent le corps a point sy le portèrent en l’eglise, et fu le service fait moult hault et notablement, et pour plus faire d’onneur au corps pour la vaillance qui avoit esté en luy, le cardinal chanta la messe. 25 Apprés le service fait et acomply, fu portés en terre et mis en ung sarcus moult noblement a l’eglise de Brandis, Dieux luy face mercy a l’ame ! Apprés le service fait et acomply, Gobert et son compaignon s’en deppartirent aprez ce qu’ilz eurent donné aulx povres ce que leur seigneur avoit ordonné. 26 Puis eulx deux tristre et dolant de cuer, plourant moult amerement, s’en départirent de Brandis sy se misrent a chemin pour retourner en leur pays. Quant ilz furent ainsy comme a trois liewes près de Fayel, le varlet s’en departy et Gobert s’en tourna celle part.

LXXIII. Cy devise comment le seigneur de Fayel rencontra Gobert et de la grant paour qu’il ly fist.

2021 Quant Gobert se fu deppartis de son compaignon et qu’il fu environ a trois liewes de Fayel, il se loga en ting hostel tout coyement, ou il séjourna et attendy qu’il fust heure et saison d’aler compter son message. 2 Il prist une faulse voye foraine ou bien pou de gens avoient acoustumé d’aler, affin qu’il ne fust veus ne appercheus de nulle personne, 3 en laquelle par pluiseurs foys il avoit esté avec le chasteliain son maistre, et cuida aler sy secrètement qu’il ne fust appercheus de personne, mais gaires ne failly que de son corps il ne luy mescheist grandement. 4 Sy advint que en celle rue estroitte, ainsy comme par adventure, le seigneur de Fayel sourvint sur luy que oncques Gobert ne s’en prist garde, car le chemin estoit sy estroit que en nulle maniéré Gobert ne se povoit destourner. 5 Quant Gobert le vey, il le recongneu tantost, sy poés croire qu’il en eult grant paour et non sans cause, car pluiseurs foys on avoit dit et raconté au seigneur de Fayel que Gobert estoit celuy proprement qui aidoit a conduire l’œuvre de sa femme et du chastellain. 6 Quant le seigneur le choisy, il le congneu et luy demanda comment il estoit tant hardy ne ozé de venir ne approchier sa maison : « Toy qui m’as tant fait de deshonneur et ton maistre pareillement : tu as esté celuy qui a porté les messages et les lettres et encores y viengz tu maintenant. 7 Saches que tu es arrivé a malvais port : jamais d’icy ne m’eschapperas que je ne te pende a mes deux mains, et ne fust tant seulement que pour courouchier ton seigneur, par lequel j’ay eu tant de desplaisirs. Et pour ce me vengeray de toy puis que je te tiengs, sy vengeray mon yre et mon couroux sur toy. »

2038 Quant Gobert oÿ parler le seigneur de Fayel, sachiés qu’il eult grant paour et fraieur88 au cuer ; moult humblement, a cuer tristre et mary, luy dist : « Sire, jamais jour de ma vye ne vous pourchassay blasme ne deshonneur, car par vostre congiet et license je passay la mer avec le chastellain. 9 S’ainsy estoit qu’il amast madame, vous sçavés que la coulpe n’en est pas mienne, et pour ce, sire, non obstant que je soy ung pouvre serviteur, sy suis je yssus de vostre lignage, et m’avez tousjours tenu pour vostre povre parent. » 10 Le seigneur oÿ Gobert parler sy humblement qu’il fu rafermés de son courage, sy luy dist : « Dont viengz tu ores ne ou vas tu ? Se tu ne me congnois vérité, jamais plus bel jour tu ne verras, mais te feray pendre incontinent. Dy moy tost sans arrester ou est le chastellain. Est il par decha la mer ? Dy le moy tost ! 11 – Sire, ce dist Gobert, il est trespassés de ce siecle et est en terres a Brandis. Je m’en retourne en ma maison ; jamais apprés luy ne serviray homme a quelque meschief que doye vivre, et pour ce, sire, laissiez moy ester sans moy faire nul desplaisir. 12 Car vous feriez grant pechiet et sy ne feriez pas vostre honneur, pour vengier vostre maltalent, de moy faire aulcun mal ne vous pourriez guerres avanchier, car se par vous estoie mort ou affolé, a tousjours mais vous seroit retourné a reproce. Pour Dieu, laissiez moy aler sans moy donner empeschement. » 13 – Gobert, ce dist le89 seigneur de Fayel, pour vos piteux parlers ne m’eschapperés pas ainsy ! Or tost faittes et sy vous despoulliés incontinent sans arrester, sy verray ce que vous portés sur vous. Car se tu portes aulcune chose qui soit a mon desplaisir et deshonneur, jamais d’icy n’eschapperas ; se je n’y treuve chose qui me doye desplaire, quittement t’en lairay aler. » 14 Quant Gobert l’oÿ ainsy parler et user de telz manaches, tout le corps et membres luy tramblerent, sy se mist a genoux et luy dist : « Sire, je vous cry mercy ; s’il vous plaist, vous me orez parler, 15 et je vous conteray la vérité de chief en chief, mais que de mon corps ne me faittes injure ne villonnye. » Le seigneur luy promist que se la vérité luy contoit il ne luy ferait ne dirait chose qui luy deuist desplaire.

LXXIV. Comment Gobert bailla le coffret au seigneur de Fayel, ou estoit le cuer du chastellain de Coucy aveuc les tresches, et comment le seigneur le fist appareillier par son queux pour le faire mengier a sa femme.

2041 Quant Gobert entendy que le seigneur de Fayel l’aseura et promist sa foy de non luy faire aulcun mal, il luy dist : « Sire, le chastellain fu navrez a mort ou pays de Surye, en une saillie qu’il fist sur les Sarazins : il fu navrés ens ou90 costé d’un quarel d’arbaleste qui estoit fort envenymé, 2 dont il ne trouva myre qui l’en seuist garir, sy luy sambla mais que il peult passer mer, que tantost il tourneroit a garison. 3 II monta sur la mer au port d’Acre avec ung noble cardinal ; il fu portez91 jusques a Brandis sur une moult grosse galee, et s’acoucha malade au lit que a grant paine le peuismes amener jusques a Brandis ou il rendy l’ame et la est encores. Dieux luy face vray mercy ! 4 Mais avant ce qu’il alast a fin, il m’ordonna que tantost qu’il seroit mort luy tirasse le cuer du ventre, puis le meisse en ung coffret qu’il me bailla avec unes tresches des cheveux de madame qu’elle luy avoit donné avant ce qu’il se parteist de ce pays. 5 Apprés fist escripre unes lettres, lesquelles sont ens ou coffret que j’ay sur moy, et me fist promettre avant sa mort que tout droit moy retourné par decha le aporteroye a madame, moy priant que de par luy le volsisse saluer, en lui priant que son ame volsist avoir pour recommandée et prier pour luy. »

2056 Gobert mist sa main en son sain sy en tyra le coffret et dist au seigneur : « Sire, veez la le meisme coffret ouquel vous trouverés ce que j’ay dit. » 7 Alors le seigneur, en grant leesse de cuer le rechupt et ne vault pas attendre que la clef lui fust baillye, mais le rompy incontinent sy regarda dedans et trouva la lettre, le cuer et les tresches ainsy comme Gobert luy avoit dit. 8 Il ouvry la lettre et lisy tout au long, puis le reploya ainsy comme elle estoit, en telle maniéré que on ne s’en savoit appercevoir qu’elle euist esté ouverte ; tout le cuer luy ouvry de joye, il appella Gobert et luy dist : 9 « Gobert, il t’est bien venu selon l’aventure, car je te promés par ma foy que se je n’euisse plus cremu Dieu que le monde, jamais plus beau jour tu n’euissez veu. 10 Va tost incontinent sy wide ma terre que jamais ne te voye. Car je te jure Dieu et sur ma foy que se jamais t’y povoye trouver, je te penderoye a mes deux mains avant ce que tu ne le fuisses. » 11 Alors s’en depparty Gobert, moult dolant et a cuer tristre de ce qu’il luy estoit advenu, et d’aultre part le seigneur moult joieulx s’en retourna a son hostel de Fayel dont il estoit partis. 12 Quant il fu la venus, il appella son quisynier et luy dist que sans plus arester alast aprester le soupper, puis luy dist : 13 « Tieng, preng ce cuer ycy, et gardes que tu en face tellement qu’il ne soit viande plus chiere ne milleure ne plus dilicieuse a mengier, 14 mais garde bien sur ta vye que nulz n’en soit servis fors ma femme tant seulement, et au demeurant gardes que tu tiengnes chascun bien aise ; 15 mais encores derechief je te deffens que nulz, quel qu’il soit, ne soit servis de ce que je te baille fors ma femme tant seulement. 16 – Sire, ce dist le queux, je feray tout ce que m’avez commandé sans y faire faulte quoy qu’il en doye advenir, puis que ainsy le volez. » Alors le queux se party de son seigneur sy appareilla le soupper sy très bien que piecha n’avoient esté plus aise ne plus plentureusement servy comme ilz furent ad ce soupper.

LXXV. Comment le seigneur de Fayel fist mengier a sa femme le cuer du chastellain de Coucy son amy.

2061 Quant le soupper fu apprestés, ilz lavèrent et s’assirent a table ; le seigneur, qui moult estoit joieulx, fist lors la milleure chiere que jamais nulz homs peuist faire, dont la dame et ceulx de layans se resjoÿrent. 2 Puis quant ilz furent assis a table, les més furent apportés ainsy comme le seigneur l’avoit ordonné a son quisynier : le seigneur fu servy et puis la dame sy soubtillement que nulz ne s’en euist sceu apperchevoir, 3 car tout d’une couleur et d’une meisme sause le brouet dont l’assiette fu faitte estoient assés sambiables, fors tant que dedens l’escuielle de la dame le cuer de son amy estoit dehachié tant menuement et sy bien asavouré de chucre et de sinamomme que jamais la dame, a son samblant92 ne a son goust, elle n’avoit mengié milleure viande. 4 La dame moult volentiers et en grant apetit menga celle viande, et dist que oncques en sa vye ne menga de mielleur mes ne plus savoureux, sy manda quérir le quisinier et luy dist : 5 « Or beau sire, vous avez ja long temps et grant espace demouré cheans et ne vous avez servy oncques en vostre vye de pareil més, sy vous prie que d’icy en avant plus souvent nous en veuiliez appointiez Doubtez vous les despens ? Y a il chose qui soit tant chiere que aulcune foys n’en puissons avoir ? »

LXXVI. Comment la dame de Fayel apprés ce qu’elle eult mengiet le cuer de son amy elle morut.

2071 Quant le seigneur de Fayel entendy sa femme ainsy loer ceste viande dont elle avoit esté servye, il luy dist : « Dame, ne soyez esmerveillie s’elle est bonne, car pour or ne pour argent on ne pourroit recouvrer la pareille en nul pays quy fust au monde. 2 – Sire, ce dist la dame, je vous prye que me dittes comment ceste viande a nom93. – Dame, ce dist le seigneur, or ne vous effrayez de riens, car je vous prometz par ma foy que en celle viande que vous avez mengié estoit la chose que oncques jour de vostre vye amastes le mieulx, 3 sy croyez certainement que vous avez mengyé le propre cuer du chastellain de Coucy, ne nulz de cheans fors vous n’en a gousté94 ne mengiet ne nulle aultre personne n’en a esté servye, 4 pour ce que tant qu’il vesquy vous l’amastes plus que homme vivant, dont j’ay eu en mon cuer maint desplaisir et grant destresse depuis l’eure que je l’ay sceu jusques au jour d’uy, et mainte male nuit en ay souffert. 5 Mais ores maintenant, la mercy Dieu, j’en suys au deseure, et pour ce que ung pou de vous et de luy je me puisse vengier, vous ay fait mengier son propre cuer. » 6 Quant la dame entendy son seigneur, et comment il affermoit le chastellain estre mort et qu’elle avoit mengié son cuer, elle devint moult effraee, mais comme une très sage dame et asseuree luy dist : 7 « Sire, je ne pourroie croire que ce que vous dittes soit véritable, car ja y a deux ans passés qu’il ne fu en ce pays, depuis l’eure et le jour qu’il passa la mer avec les aultres chevaliers. »

2088 Alors le seigneur appela ung sien varlet de chambre et luy dist : « Va tost appertement, sy m’apportés sans arester ung petit coffret ferré d’argent quy est sus le drechoir en ma chambre, sy luy monsteray appertement que je luy dis vérité. » 9 Le varlet, prest et habille a faire le commandement de son seigneur, vint en la chambre et prist le coffret, sy le bailla a son seigneur. 10 Il le prist, sy l’ouvry et le moustra a sa dame, puis prist la lettre sy l’ouvry et leu tout au long a sa femme, puis apprés luy monstra le seel et luy dist : « Dame, ne congnoissiés vous pas que ce sont les armes du chastellain de Coucy ? » 11 II luy bailla les lettres a tenir en sa main, puis luy dist de rechief : « Dame, creez certainement que ad ce soupper vous avez mengié le cuer du chastellain. 12 – Sire, ce dist la dame moult humblement, ce poise moy, mais puis qu’il est ainsy, je vous prometz par ma foy que jamais a nul jour je ne mengeray d’aultre morsel, 13 car en nulle maniéré je ne pourroye trouver viande sy gentil ne sy noble : trop m’anuye de plus vivre en ce monde, car apprés telle viande avoir mengié, me seroit impossible de plus vivre. A ! mort, veullés moy oster hors de ceste vye doloureuse ! » 14 Lors la dame, a ceste parolle, tout adontee s’abaissa sur la table, car telle doleur avoit au cuer que en membre ne en corps qu’elle eult n’avoit force de soy soustenir, et fu la ainsy corne morte.

20915 Lors la maysnye de layans prindrent et emportèrent la dame, sy la couchèrent sus son lit, ou en grant destresse de cuer gisoit pasmee tout a l’enverse : tant estoit pale et descoulouree et sy attainte de doleur que a grant painne on l’euist sceu congnoistre fors ceulx tant seulement de layans. 16 Puis quant elle peult revenir a soy, elle jetta ung souspir, disant : « Vray Dieu, que m’est il advenu ? Bien me doy plaindre et doulouser quant ainsy j’ay perdu mon amy, le plus bel et le plus loyal et plus preu de tous les chevaliers de France et de Vermendoys ! 17 Hellas moy ! C’est ce qui m’affole le cuer, car par moy et par ma folye je fys tant vers luy qu’il prist la croix pour passer la mer : c’est ce que plus me fait doloir. 18 Et quel desconfort et quelle tristresse m’est maintenant sourvenue ! Mon esperance et mon confort estoit en luy en attendant que par decha il deuist revenir, mais puis que je sçay la vérité qu’il est mort, il me seroit impossible de plus vivre, ne oussy pour riens je ne le vouldroie, car jamais joye ne leesse ne pourroye avoir au cuer. 19 O quel doleur et pitoiable présent il m’a envoyé ! Bien m’a monstré que le cuer estoit mien et le mien devoir estre a luy, sy luy vouldray monstrer, car pour l’amour de luy vouldray morir sans jamais plus ung seul jour vivre. »

21020 De rechief la dame se pasma, puis quant elle revint a luy, sy encommencha de regretter son chier amy en detorgant ses poings, en soy esgratinant et esrachant ses beaux cheveux de son chief, 21 que du grant deul et meschief qu’elle sentoit95, la mort qui l’approchoit fort luy fist taindre et amortir sa belle face coulouree, et tant souffroit grant martire que les yeulx luy tournèrent ou chief et ses levres encommencherent fort a noirchir. 22 Sy ne demoura guerres apprés que, en cryant a Dieu mercy, mains jointes et aulx yeulx plain de larmes, rendy son ame a Dieu, auquel on doit prier que d’elle il veulle avoir mercy. 23 Ainsy fina la dame de Fayel pour l’amour de son amy le chastellain de Coucy, a quy Dieux veulle pardonner ses meffais. Ainsy va d’armes et d’amours : contre une joye cent dolours.

21124 Quant96 son mary le seigneur de Fayel ot veu l’affaire, il devint moult esbahy, tant dolant et courouchiés de la chose advenue de ce que tant soudainement estoit morte qu’il s’en repentoit moult, mais ce fu a tart de fermer l’estable quant le cheval est eschappé. 25 D’aultre part sur toutes choses il avoir paour des amis de sa femme pour ce qu’elle estoit de grant lingnage au regard de luy, sy pensa bien en soy qu’il luy metteroient sus et le voudraient encoulper de sa mort, apprés ce que la dame fu trespassee. 26 II lui fist faire son service moult honnourablement, puis le fist mettre en terre ainsy comme il appertenoit a une telle dame, sy ne demoura guerres de temps apprés la mort de la dame que les amis et parens d’elle euissent ochis le seigneur de Fayel, 27 mais il trouva ses maniérés de s’appaisier a eulx et fist telle dilligense qu’ilz furent d’acord ensamble, sy fu contraint de passer la mer par amendise, ou fu l’espasse de deux ans. 28 Puis retourna en son hostel ou oncques depuis il n’eult joye, mais ne vesquy guerres de temps apprés ce qu’il fu retournez et moru, car oncques puis le fait advenu il n’eult joye ne leesse. Cy prent fin le livre du chastellain de Coucy et de la dame de Fayel.

212Explicit