1Inventoire fait par moy Jehan Prestet jure de la court de la maierie de Diion a la requeste de honorable homme et saige maistre Imbert de Fleurey licencie en lois procureur de monseigneur le jeudi avant Noel mil IIII^c et huit des biens meubles de feu Jehan Tarlevey maistre de l’ospital de Saint Jaques a Diion et de Lorote feu sa femme, pour ce que dit que aucun ne se fait hoir d’icelli feu Jehan au proufit de mondit seigneur et de ceulx qu’il appartiendra, presens^a ledit procureur, Jehan filz dudit feu Tarlevey, Hugues Tarlevey, Jehan Poinceot et autres

En la maison ou gisent les povres

2Premierement VII lis garnis de coutre, cussins^b, linceulx de VI coutrepointes^b viez et ung viez coverteur de pers ;

3Item deux autres^c coutres de plume, II cussins et II viez coutrepointes, ensemble les chaalis des diz lis ;

4Item 1 ferret de fer, 1 cromasle et ung grant chauderon ;

5Item 1 tenot de pierre a fere buee ;

6Item une arche de foul qui est seellee.

En la cusine

7Ung cromasle, III andains, III trepiers, unes mohotes, une paulote, une cuillier, une grille, deux^d haste, une chievre, ungs creuchos^e, III grapins, tout de fer ;

8Item une chauderote, 1 chauderon^d, deux escramoires, deux dreceurs, une quasse grasse^f, deux petites paelles a queuhe, une^g coloire, une bassole ;

9Item 1 petit pot de coyvre, 1 petit seel a laver, II chandeliers de coyvre, 1 chandelier de fer ;

10Item une pinte ronde, II pintas reonds, II aiguieres, l’une quarree et l’autre ronde, IIII escuelles, II plas petiz, II saleres d’estain ;

11Item une lampe de coyvre a VI verres avec le copot ;

12Item une tine ferree, II mourtiers de meule ;

13Item^h deux viez trappes d’arain ;

14Item ungs aumaires ferrez, une table a IIII piez qui se ferme desoubz, ungⁱ ban a seoir sus, une petite table a IIII piez, 1 soflot, III sales a seoir sus ;

15Item III petites cloichetes metal ;

16Item IIII henpas^j de bruere dont l’un est grant et y a ung petit clou d’argent ;

17Item II nappes et III tergeures. [fol. 1v]

Ou solier dessus

18Une arche ou il a environ une quartrainche de chenevei ;

19Item 1 lit garni de coutre, cussin, II linceulx, 1 coverteur de pers, 1 autre de roige roie et une viez coutrepointe, ensemble le^k chaalier ;

20Item II chasses de bois, l’une painte ;

21Item II conthaneurs de bois, 1 barrot de bois ;

22Item II petiz poinssenoz, en l’un desquelx il a du verju et en l’autre du vin aigre ;

23Item V pos de sextier de terre, III botoilles de terre a metre huille ;

24Item une tine de sapin, une viez table de sapin et une de chaigne ;

25Item une cuve a baingnier, ensemble la chappelle, une eschielle ;

26Item une chesiere, 1 ban et environ demi millier d’aissanne ;

27Item IX linceulx chascun de II toilles et 1 fleurey.

28En la chambre dudit feu Jehan Tarlevey et de ladicte Lorote

29Ung lit garni de coutre, cussin de plume, de II linceulx, chascun de III toilles, une coutrepointe et une viez serge verde et roige, ensemble le chaalier ;

30Item III linceulx^l chascun de III toilles ;

31Item V linceulx chascun de II toilles ;

32Item VII nappes et V tergeures ;

33Item V orilliers, II petiz cussenez ovrez, l’un de drap de [blanc], l’autre de drap de soie ou il a de la lavande ;

34Item IIII^m henaps de bruere et 1 caillier et 1 demi brisie ;

35Item 1 seel d’estain a pluseurs quarres ;

36Item 1 reliquiaire de loton qui est en ung esteu de cuir ;

37Item une tache de cur ou il a ung pigne de bois ;

38Item une arche de foul ou il a partie des biens dessus diz ;

39Item IIII autre arches vuides que grans que petites, une chaiere ronde, II chaieres clouans, une table a IIII piez ; [fol. 2]

40Item IIⁿ botoilles de cuir, une bassole, II fessours, II pioiches, une coingnie, une lampe a IIII cornes, ensemble le copot ;

41Item IIII quarreaulx a seoir sus ;

42Item ung livraul ;

43Item une haiche, une jusarme, 1 espie, II viez copes de bassignet ;

44Item 1 ciel paint^o dessus ledit lit ;

45Item II escrinoz ;

46Item 1 serex, 1 clive, 1 tablier^p paint ;

47Item une lanterne de bois.

Ou cellier desoubz

Ung poinceon de vin d’un meul, II autres chascun de demi meul ; Item ung^q henap de bruere ou il a de l’argent ;

Item 1 autre poinsson de demi meul ou il a un poul de vin ;

Item III poinceons de despence ;

Item 1 poinceon vuit ;

Item 1 anthoneur de bois, unes touailes, II forez, 1 petit martelot ; Item une viez arche de foul.

En la chappelle

481 auter de bois, IIII ymaiges de bois^r, l’une de Nostre Dame, l’autre de saint Pierre, l’autre de saint Paul et l’autre de saint Jaques ;

491 petit chandelier de coyvre, V draps de toille pains de sains et saintes ;

50Item une arche plate ferree en laquelle il a pluseurs reliques et letres et est seellee ladicte arche ;

51Item deux sarges, l’une roige et l’autre roye ;

52Item une autre arche de foul ;

53Item une petite archote ou il a ung vestement d’aute, c’est assavoir aube a IIII estoles, manuples, touailles d’autel^s, corporaulx, II champnetes^t d’estain, une paitene^t, unes Eaudes ou il a des messes et servises, etc. ; [fol. 2v]

54Item ung grant seel de coyvre a metre aigue benoite ;

55Item une cloiche ;

56Item un serex, II petites quassotes a queuhe ;

57Item une viez lanterne.

En une autre maison de coste l’ospital

58Deux grans cuves, une table a IIII piez, une autre table, deux^d eschielle, une chaiere ronde, II champnetes^t ;

59Item V petiz poinssenoz, 1 autre poinceon d’un meul, une tine ;

60Item 1 monceaul de bois viez esquarrer et une quantite de lates ;

61Item une arche de foul a friete ou il a ung poul d’euvre serisies et une paire d’esperons.

Ou celier desoubz ladicte maison

62V queuhes relies et IIII poinceons vuiz, III rondotes, une beslonge, 1 tenot a fere buee, une seviere ;

63Item environ et^j deux^u milliers d’aissanne.

En la court vers le puiz

Une corde puiseure.

a. Rayé : Jehan a filz.- b. Rayé : et.- c. Rayé : li...- d. Rayé : une.- e. Rayé : tout de fer / 1 grapin.- f. Rayé : une petite.- g. Rayé : coe… - h. Rayé : une viez.- i. Rayé : illisible.- j. Sic.- k. Rayé : chali… - l. Rayé : de trois.- m. Rayé : bruer… - n. Rayé : p… - o. Rayé : desoubz ledit.- p. Rayé : pai… - q. Rayé : hanat… - r. Rayé : de.- s. Rayé : II ch… - t. Lecture incertaine.- u. Dessous, rayé : II.