1Inventoire fait par moy Jehan Prestet jure de la court de la maierie de Diion du commandement de honorable homme et saige Ayme de Bretenere clerc maieur de la ville et commune de Diion a la requeste de Guillemot de Chailley clerc notaire de la court de Lengres tuteur et curateur de Berthelomote moindre d’ans fille de feu Jehan Barbier de Chailley du corps de Jehannote de Bretigney jaidis sa femme des biens demorez du decez de feu^a ladicte Jehannote mere d’icelle Berthelomote au proufit d’icelle Berthelomote^b comme son heritiere et plux prouchainement, lesquelx biens ont este prisiez et tauxez par Jehan Perrin de Diion ayent cognoissance ad ce et par serement, le jeudi apres la feste de Toussains l’an mil IIII^c et huit, presens ledit tuteur et curateur, messire Guillaume de Polaingey prestre, Guillemin Ramey clerc demorant a Lengres, Martin d’Ostun tixerand, sa femme et autres en la maniere qui s’ensuit

Premerement

2Ung cromasle^c, 1 trepier, une paire d’andains, une grille, une anceote, une haste et une paulote, tout de fer, prisiez : 1 escu ;

3Item III chauderons, c’est assavoir ung grant et 1 petit prisiez : X gros ;

4Item une quasse grasse d’arain ferree de fer, une petite paelle a queuhe et une bassole prisiez : V gros ;

5Item 1 soillot ferre, ung mortier de pierre^d, une corde puiseure prisiez et 1 viez sofflot prisiez : III gros ;

6Item 1 bassin a laver prisie : VI gros ;

7Item 1 petit pot de coyvre reboitie prisie : II gros demi ;

8Item 1 petit seelot de coyvre a laver, une petite lampe garnie de copot, une petite quassote a queuhe, une dreceure, ung petit pot de coyvre blanc et 1 chandelier de coyvre avec une chaaine de fer a pendre ledit seel prisiez : 1 franc ;

9Item III plas, c’est assavoir 1 grant et II petiz et XVI escuelles, tout d’estain pesans XIIII livres, la livre prisiee 1 gros ; pour ce : XIIII gros ;

10Item V pintes rondes, 1 pintat quarrer et une aiguiere, tout d’estain pesans XX livres, la livre prisiee 1 gros ; pour ce : XX gros ;

11Item une pinte ronde^e, 1 seellot a metre aigue benoite, 1 gobelet de morte matiere et II saleres d’estain rondes, tout prisie : IIII gros ; [fol. 1v]

12Item II crampons, 1 berroul, III goux, une ratoire, 1 fraitiz, 1 meschaant grapin, tout de fer et 1 foret prisiez : VI blans ;

13Item deux coutres^f, deux cussins de plume, une serge roye, IIII orilliers et une viez coutrepointe prisiez : V frans ;

14Item VI nappes contenans XX aulnes, l’aulne prisiee l’une parmi l’autre X deniers ; pour ce : X gros ;

15Item III tergeures contenans X aulnes, l’aulne prisiee IIII deniers ; pour ce : II gros ;

16Item VI linceulx chascun de II toilles et demie presiez : 1 escu ;

17Item V linceulx chascun de deux toilles que ledit tuteur et curateur tient pour veuz et sont en buee prisiez : VII gros demi ;

18Item ungs aumaires ferrez fermans a clef, une arche, une table a IIII piez, ung chaalier de lit, III petites viez fourmes a seoir sus^g, une mait a prestir et une table de sapin, tout prisie : II frans demi ;

19Item 1 pain de curtine vert et 1 viez linceul qui fait ciel prisiez : III gros ;

20Item une petite archote, 1 ferrot, 1 sac ou il a environ une cartrainche de poix et 1 petit quevelot ou il a environ une cartrainche de farine, tout prisie^h : V gros ;

21Item une arche plate fermant presiee : X gros ;

22Item 1 cartaul de blef prisie : V gros ;

23Item 1 pie de bois a metre 1 bassin dessus, 1 tenot a fere buee, une petite saloire, 1 petit poinssenot et 1 poul de fagoz prisiez : VI gros ;

24Item unes petites paternostres d’embre et V heneulx et verges d’argent, tout prisie : V gros ;

25Item unes letres receues soubz le seel de la court de Lengres Perrin Menjot le lundi apres la feste de Sainte Katherine Virge l’an mil IIII^c et trois contenans que Villemot dit le Lambelet de Fonchanges vend a Jehan de Chailley chapuiz demorant a Diion une vaiche sur poil brun pour le pris de deux florins, laquelle vaiche ledit Villemot retient dudit Jehan a moitie croix, etc., sur leⁱ chaste^j desdiz deux florins et pour demi cartaul de froment de frutaige.

26<Somme> : XXII frans III gros demi. [fol. 2]

27L’an de grace mil IIII^c et huit le venredi avant la feste Saint Martin IX^e de novembre ledit tuteur et curateur^k a confessez avoir euz et receuz les biens compriz en cest inventoire, lesquelx ont la valeur et prisie d’iceulx. Il a promis rendre a ladicte moindre quant elle sera eaigie ou a ceulx qu’il appartiendra quant temps sera et requis en sera, etc., ou a ceulx qu’il appartiendra, etc. Plege : Jehan Firey chapuiz demorant a Diion, etc., oblige chascun pour le tout, etc. et en vuillent estre contrains^l par toutes cours d’eglise et seculeres, etc., aux preiudices, etc. Testes : Jehan Gueniot procureur de la ville, Perrel le Cordelier, Monnot Barney et autres, etc.508

a. Rayé : Je… - b. Rayé : heri… - c. Rayé : de fe… - d. Rayé : et.- e. Rayé : de mor… - f. Rayé : de plume.- g. Rayé : et.- h. tout prisie répété deux fois, la seconde sous la forme abrégée : tout prisie.- i. Rayé : dit.- j. Sic.- k. Rayé : q… - l. Rayé : ainsin.