77. [La Grande Pasquote] [sans lieu] 1405, 8 août

1Inventoire des biens meubles estans en l’ostel de la grant Pasquote fait par moy Jehan Poissenot, etc., le VIII^e d’aoust mil CCCC et V, presens Noel du Mesnil, Perrenot le gantier et Jehan Bon Amy boursier

Primo, ou chas dudit hostel

2Une XII^ne d’escuelles, demie XII^ne de saulcieres, deux plas, deux salieres, une aiguere, ung pintat, deux pintes, une ronde et une quarree d’estain ;

3Item deux chauderons, ung petit et ung moyen, deux paelles d’arain rondes, une petite et une moyenne, 1 petite quasse ronde a quehue, 1 coleure, une bassole, 1 petite cassote grasse d’arain, 1 escremeure ;

4Item 1 mortier et deux pestos ;

5Item ung petit pot blan de coyvre, 1 chandelier de coyvre brisie, 1 chandelier de fer, 1 autre chandelier de bois ferre ;

6Item II carreaul de pluseurs draps ;

7Item environ XII escuelles de bois que grans que petites, une XII^nes de taillours ;

8Item 1 soillot ferre, une corde poisoure ;

9Item ung crosmaille, 1 treppier, 1 grille, 1 grappin, 1 ansote a pos de terre, 1 haste de fer ;

10Item ung sofflot ;

11Item environ une charrettee de bois a hardoir, une eschiele, ung buffot a maingier sur, 1 autre petit buffot, IIII selles a seoir sur ;

12Item deux petis arches en l’une desquel a deux pos ou il a de la tainture ; en l’autre n’a riens ;

13Item quatre peaulx de moutons toinctes en roige ;

14Item une touoille et deux tergeures et une besace, 1 eschevoul ou il a ung po de fil.

En la chambre dudit hostel

15Primo ung lit garny de coustre, coussin de plume et deux linceulx et une serge roye ; [fol. 1v]

16Item une harche de chaigne ferree en laquelle a plusieurs biens et laquelle est seellee ;

17Item III petis cuvelos plains de tantures ;

18Item ung paisson, 1 fer^a a parer peaulx ;

19Item une taloiche, 1 pique de Flandres ;

20Item une lanterne ;

21Item une hopelande noire, une paire de chausses roiges et ung chapperon roige a homme ;

22Item une robe de blanc a femme ;

23Item ung plat a prendre ras, 1 forme a seoir sur.

a. Rayé : appelle.