Les inventaires après décès de la ville de Dijon à la fin du Moyen Âge (1390-1459). Tome I (1390-1408)
|1404
67.417 Jehan Chauchar418 [sans lieu] 1404, août
Texte intégral
- 417 A.D. Côte-d’Or B II 356/1, C 12 – 3, n° 29.
- 418 La graphie du patronyme fait difficulté : le scribe, tout au long du document, semble hésiter entre(...)
1Inventoire de heritaiges messire Jehan Chauchar de Diion presbre
L’an mil CCCC et quatre, le lundi appres la Saint Bartholomiet furent visitees les maysons messire Jeham Chauchat par Jacob le Gardillet de Diion vineron et par Theri le Chaynoteta esleux du commandement du mayre, emsamble Jacob le Cournuet de Diion recreveour
2Premerement les unes maysoms d’aysanne de coste les maysons es heirs Guiot Chauchar em desolaciom de channates et de toiz et les cheminesb em la plux grant partiee destourchiees et desmantelees et il faut channates nevelier et requevir tout a neuf ;
3Item la maysom em laquelle ledit messire Jeham demore em bom estat de coverture ;
4Item la maysom nove coverte dec layve des deux premex rams devant em bom estat ;
5Em ladicte maysom darres laquelle est coverte d’aisanne, les dictz toiz d’aisanne il faut resfrieter et retourchier les dues cheminee de la chambre darres et remanteler ;
6Item faut les seulesd desux selex des dues chambres devant tarer d’argent ;
7Item il faut huit useries esquelles il n’ay ne gom ne bellales ne autres ferrures ;
8Item il faut quatre fenestres cloans et les ferrures et une finestre corrant de coste ; [fol. 1v]
9Item la petite maysom au devant du cultil toute coverte de layve et il pleut tout du long et du large et la faut recrevir tout du long ;
10Item la maysom darres, c’est a savor les grenex desux l’esmay em bom estaut de coverture ;
11Item le toit dessus le treul il covient recovire.
Ci appres s’anseuguent les vignes dudit messire Jehan visitees em partie le macredi appres la saintf Bartholomier par lesdis Jacob et Therry, emsamble Guill<aum>e le
12Gondret clousier dudit messire Jeham et plusseurs autres vinerons
13Premerement unes peces de vigne contenant environ demi journaul ou finaige de Diion ou lieu dit em Monte Vigne, lesquelles dues peces Jehanno Clanim de Diion fait au tiers et sont em bom estat de fassom et poray havor es dictes duees peces pour le maistre et pour le parceue sur le tout environ cinq meulx de vim ;
14Ou dit finaige ou lieu dit es Boroiches 1 journaul [et] demi que fait Perreno le Pent de Diion au tiers ; sunt em bom estat de faisom et pouray havor environ dues quehes de vim sur le tout ;
15Ou dit lieu 1 journaul et demi que fait au tiers Emdriet de Bone et est em tres mavaul estat de toutes faisons et il poray havor environ une quehee de vim sur le tout ; [fol. 2]
16Oug dit finaige ou lieu dit ou mes de Lorrey environ cinq quarties de vigne que fait au tiers Guillemin Levier de Choiz demorant a Diion et est em bom estat de faisom et il porray havor environ trois queuhes de vim ;
17Ou dit finaige ou lieu dit em Gremot environ dyme journaul que faith Perreno le Pent au tiers, ouquel demi journaul il hay deffaut du fessaut, descolle et desboichier et il poray havor environ ung meul de vim sur le tout ;
18Oudit finaige ou lieu dit en Mardot, environ deux journaul demi que fait au quars Perrenote femme Guillaume Baulaires laquelle, em laquelle il hay faute de tart reffuiti, descoler et desboichier, em laquelle poray havor environ deux meux et demi de vim sur le tout ;
19Oudit finaige ou lieu dit em Tezar environ cinq quartex que fait Girardet d’Orgney au tiers et est bien faicte de toux ce coulx, em laquelle il poray haver trois meux de vim ou environ sur le tout ;
20Oudit finaige ou lieu dit em Tezart, environ sept quartex de deser que fait messire Jeham, em laquellle il poray havor deux setex de vim sur [blanc] ;
21Oudit finaige environ 1 journaul et demi que fait Desinot Gauleri au tiers faute du tart reffautj du darier cops et descoler et despoichier et il poray havor pour le maistre et pour lui environk deux meul de vim sur le tout ;
22Ou dit lieu 1 journaul demi de deser que fait messire Jeham et il poray haver environ quatre setex ; [fol. 2v]
23Ou lieu dit es plantes de la fim alias em Longboyaul, une pece vigne contenant environ cinq quartex, laquelle fait messire Jeham que n’est faicte que de deux coulx de fesseaut, em laquelle il peut havor six setex de vim.
Jovis post festum Sancti Bartholomei
24Ou lieu dit em Cham Coignot oudit finaige de Diion, environ troiz journaulx desser que nugusl ne fait et de long temps il est em dessert ;
25Oudit finaige, ou lieu dit em la Botoilore, environ troiz quartex vigne bien faicte de toux cez coulx, laquelle fait Guillaume li Gendrez au tiers, em laquelle il poray havorm une queuhee de vim pour tout tant pour le maistre comme pour ledit Guillaume ;
26Oudit finaige de Diion ou lieu dit ou Trambleaul, environ deux journaulx de deser que fait messire Jeham et n’est que fesoree d’ung cop, em laquelle il poray havor troiz setex de vim ;
27Oudit finaige ou lieu dit en Petit Chant Regnault, environ cinq quartiex em bom estat et bien faicte de toux cez cops que fait au tiers Perreno le Croyset, em laquelle il poray avor deuhees queuhees de vim sur le tout ;
28Oudit finaige ou lieu dit au Sauxi de Poylley, environ sept quartex desert et de lom temps, em laquelle michiel ; [fol. 3]
29Oudit finaige darrez Tailley ou lieu dit a Lesbreneouf, ung quarte vigne maul faicte par la mang messire Jeham, em laquelle il poray aver quatre setex vim ;
30Oudit finaige, ou lieu dit em Argenteres, environ troiz journaulx desser es quel il [horay] deux setex de vim.
Ci appres s’anseuguent les terres de Courcelles em Maul Vaulx, de Senecey, de Chevegney Saint Sauveour, de Cutigney devisies es diz Jacob et Therry Esleux dessus nommes par la boiche de Jeham Guemot de Courcelles em Maul Vaulx demorant a Cenery, liquelx hay estat pluseurs avis governeux des dictes terres pour le temps que li diz messire Jeham et Mathey estient em bone prosperitet et on prims les dix esleux le sarement dudit Jeham Guemot qui recognentroit veritet des diz heritaiges. Et ont estey les diz jurez sur les diz heritaiges
31Premerement les terres de Courcelles : quatre journaulx em la Cornee empres Regnaul june. Item ou Molet empres ledit Regnaul : III journaulx. Item oudit lieu : deux journaulx empres messire Demoingeot Griffom. Item V journaulx em la Croysoite empres la vie commune. Item troiz quartex em la dois empres les Courderes. Item em la Cornee de Maulx Vaulx : huit journaulx empres les hors Jeham Bone. Item troiz quartex au Botenier enpres les hors Goullot. Item III journaulx es Crois de Liche sur le chemim commom. Item deux journaulx em Cham Ferramt empres messire Demoingeot Griffom. Item oudit lieu 1 journaul empers le dessus dit. Item oudit lieu 1 journaul empres le dessus dit. Item 1 autre journaul empres le dessus dit. Item au Boisom d’Alois III quartex empres les hors Jeham Bone. Item ou viez de Courcelles demi journal empres Jehamn le Gamot. Item em Charmes demi journaul empres messire Jeham de Vianne. Item en la Misote ung journaul empres Guiot Avaule char. [fol. 3v] Item oudit lieu II journaulx empres Terriot le Chamois. Item em Cham Chonusete IIII journaulx empres Hugues le Roigolet. Item ou Courtour Saint Saveour em la fim de Chevegney troiz journaulx contors de pluseurs terres. Item em Cheneres 1 journaul empres messire de Vianne. Item oudit lieu 1 journaul empres Terriot le Chamois. Item oudit lieu 1 journaul empres le dessus dit. Item oudit lieu 1 journaul empres le dessus dit. Item oudit lieu 1 journaul empres Perreno Petit. Item oudit lieu V quartex empres Hugues le Roigellet. Item oudit lieu quatre journaulx empres les Gauderes. Item oudit lieu 1 journaul empres Terriot le Chamois. Item oudit lieu 1 journaul empres la femme Goillart de Cutigney. Item oudit lieu II journaulx empreso Terriot le Chamois. Item oudit lieu V quartex empres le dessus dit. Item em la Pissoie 1 journaul emppres le dessus dit. Item a la fontene d’Oisseaulx III quartex empres les hors Garnier Griffon. Item em Partenoge le quars de troiz quartex de prey em la fim de Cenecey et part a Jaquob le Boillet et es hors au Purriet. Item troiz faulx de prey de Villeres empres la Rousere. Item dues faulx demi em la fim de Chevegney empres Poussaul. Et les diz prey sunt pris suz le terrier de messire Jeham et ledit Gamot n’am scet que les prey de Chevegney, lequel Laminrande le prant chascun par sa force et fait vandre herbe ;
32Item autres terres tant a Courcelles comme a Cenecyp. A la Croisiote : IX quartex empres la terre Jeham la Berne. Item III quartex ou Ranery empres Regnaul Ayme. Item III journaulx es Montams empres ledit Regnaul. Item oudit lieu 1 journaul empres ledit Regnaul. Item V quartex es petis Montaux empres les relegieux de Saint Esteve. Item ean la fim de Milley es Montaulx : 1 journaul empres Symone le Pitolet. Item 1 journaul em ladicte fim ou lieu dit em la Boysere empres les terres de la Boyssere. Item 1 journaul em la fim de Cenecy es pieces rouses empres la fille Perrim d’Esparnay. Item oudit lieu deux journaulx empres les relegieux de Saint Esteve. Item em la Baraude : II journaulx empres les dessus diz. Item oudit lieu 1 journaul emppres les dessus diz. Item oudit lieu 1 journaul empres les dessus dis. [fol. 4] Item V journaulx ou prey Maul Froy empres Girar de Lenayse. Item em places : II journaulx empres les relegieux de Saint Esteve. Item oudit lieu 1 journaal empres le dessus dit Girar. Item en chemim de Cutigney : 1 journaul empres la fille Perrim d’Esparnay. Item 1 journaul em Allonse empres Saint Esteve. Item a L’orme Goterot Martim : III journaulx empres la vie commune. Item es arbues sur l’estam : II journaulx empres ces de La Chappellote. Item oudit lieu 1 journaul empres Girar de Lenaisse. Item es Sanotes : demi journaul empres Hugues le Rogolet. Item oudit lieu 1 journaul demi empres les relegieux de Saint Esteve. Item em predem : II journaulx empres la fille Perrim d’Esparnay. Item ou cour de la Loubiere : II journaulx empres le pasquier. Item oudit lieu 1 journaul empres Terriot de Chamoiz. Item em Chenaulx : quatre journaulx empres Hugues le Roigollet. Item em Barannes : V journaulx empres ledit Hugues. Item audit lieu 1 journaul et demi empres la terre de Saint Saulvem. Item 1 journaul a Lanbepam emtre monseigneur de Saint Esteve et le hors Moigro chapey. Item 1 journaul em la Fronote emtre monseigneur de Saint Esteve et le chemin commun. Item IIII journaulx avec monseigneur de Saint Esteve ean Ysclave. Item III journaulx em Annoiche de coste Perrim Felemoiz et monsseigneur de Saint Esteve. Item demi journaul emq Yselaire de coste Saint Esteve et les hors Monin Fourcaul. Item VII journaulx em Yselaire emtre monseigneur de Saint Esteve et l’iglise de Cutigney. Item troiz quartex em la Lonnere empres les hors Moingim Chapey d’une part et Lobereaul d’autre. Item sep journaulx em Laubepim de coste les Perrim Felemois et le chemin commom. Item III soytures de prey vez Lamprey.
33Ces heritaiges si dessus escrips sunt troves ou pappier de monsseigneur Jeham et sunt estes devisses a Jeham le Gamot dessusr nomme et a Guillaume le Guediet clausier de l’oster, liquelx Jeham juriet par som sarement que il sunt tous em charmes. Sunt estas les diz jurez sur les diz heritaiges, lesquelx jurez les hont treves em charme comme il dit.
Essetets ces que s’ansuguent, lesquelx om labore
34Premerement IIII journaul de la Cournee de Maul Vaulx que fait dit Chevalier de Courcelles em Maul Vaulx par ung quartaul blef. Item troiz quartex em la dois que fait Girar Chevalier. Item demi journaul dessus les bies ;
35Item ou finaige de Senecey environ V quartex que tiemt Jeham Pateullent de Courtacunse ; [fol. 4v]
36Item troiz journaulx que tiemt Girat Gamot. Item demi journaul que tient Jacobte Litizene de Milley. Item environ troiz journaulx quay relever novallement Vieno Barot rantier Jeham Bourgoisse. Item a Chevegney Saint Sauveor environ troiz soytures de prey que tient a force l’amiraude ;
37Tous les autres heritaiges sunt em Charme.
Ci appres s’anseuguent les terres ou finaige de Diion visitees par les diz esleux pece appres autre et par Guillaume le Gendret clousier monsseigneur Jeham
38Premerement 1 journaul que fait Guillaume le Gendret assis ou finaige de Diion, de coste Saint Martim ;
39Oudit finaige, ou lieu dit em Germon : II journaulx charme ;
40Oudit finaige, ou lieu dit en Long boiz : 1 journaul charme ;
41Oudit lieu troiz journaulx terre bien faicte que tient Jeham le Roy follim ;
42Oudit lieu 1 journaul que tient Ode d’Aignay et bien cultivee ;
43Oudit finaige daries la Melaidiere : 1 journaul que tient Poimsot le Chareton, terre bien faicte ;
44Oudit lieu environ troiz journaulx charme ;
45Oudit finaige daries Tulley environ cinq quartex bien faicte que tient Nicolas Challot ;
46Oudit finaige, ou lieu dit a la Croiz Blainche : environ quatre journaulx charme ; [fol. 5]
47Oudit finaige, pres de la Columbere d’Eschennaves : environ huit journaulx charme et de long temps ;
48Oudit finaige, ou lieu dit a la Forter alias la fontene au Bonot : environ quatre journaulx charme ;
49Oudit finaige, de coste la grange de la Nohee : 1 journaul charme ;
50Oudit lieu, une pece contenant environ troiz journaulx charme ;
51Oudit lieu II journaulx charme ;
52Oudit lieu em duee peces, environ troiz journaulx charme ;
53Oudit lieu em une piece, environ quatre journalx charme ;
54Oudit finaige environ troiz journaulx charme daries Eschennaves charme.
55Les commis ont raporte par leurs seremens qu’ilz ont este veoir et visiter lesdiz heritages et qu’ilz les ont trouver en l’estat que cy dessus sont escrips le XIe de septembre mil CCCC et quatre.
56Les salaires desdiz commis ont este tauxez par monseigneur le maiere avec leurs despens a eulx faiz par lesdiz messire Lyenart a dix huit gros ledit jour.
a. Rayé : et jure.- b. Rayé : toute.- c. Rayé : perrere.- d. Rayé : du.- e. Rayé : tout a neuf.- f. Rayé : Barthololo… - g. Rayé : lieu.- h. que fait répété deux fois.- i. Rayé : decos… - j. Rayé : de tr… - k. Rayé : ung.- l. Rayé : de.- m. Rayé : troiz meulx de vim.- n. Rayé : Le Gamot.- o. Rayé : le.- p. La transition entre Cenecy et A la Croisiote est incompréhensible en l’état.- q. Rayé : Yse… - r. Rayé : escript.- s. Lecture incertaine.
Notes
417 A.D. Côte-d’Or B II 356/1, C 12 – 3, n° 29.
418 La graphie du patronyme fait difficulté : le scribe, tout au long du document, semble hésiter entre Chauchar et Chauchat. La lecture de l’ensemble, toutefois, est incertaine.
© Presses universitaires du Midi, 2017