Version classiqueVersion mobile

Les inventaires après décès de la ville de Dijon à la fin du Moyen Âge (1390-1459). Tome I (1390-1408)

 | 
Guilhem Ferrand

1403

57. Feu Guiot Droyn Dijon 1403, janvier (n. st.)386

Texte intégral

  • 386 A.D. Côte-d’Or B II 356/1, C 12 – 3, n° 18.
    Analysé dans Cent maisons médiévales, n ° 54, p. 322-323(...)

1Inventoire fait par moy Humbert Thierry de Diion clerc des biens demores du deceps de feu Guiot Droyn de Diion au proufit de Guiote feu sa femme et de ceulx qu’il appartiendra le semadi avans la feste de Saint Vincent mil IIIIc et deux, presens messire Estienne Dampilley prestre, Perrenot le clerc, Jehan Malcourrant et Jehan de Verranges vigneron et autres

Primo, en la cusine

2II paelles blainches, IIII pos de covre, c’est assavoir II grans et ung petit, ung chauderon d’arain et une paelle grasse d’arain ;

3Item ung seel a laver mains, ensemble ung bassin ;

4Item 1 bassin a barbier, une grille de fer et une petite quassote d’arain ;

5Item ung soillot a puisier, une bassole, ensemble la corde a puisier ;

6Item une lanterne ;

7Item 1 trepiera brisie, une aste de fer ;

8Item II mortiers, l’un de mole et l’autre de pierre, ensemble 1 pestot ;

9Item une XIIe d’escuelles, ensemble II plas, tout d’estain ;

10Item III pintes, 1 pintat quarre et une aiguiere, tout d’estain ;

11Item une lampe de covre, ensamble le copot ;

12Item 1 cromasle de fer, ensemble II chandeliers et une platine de fer painte en la parois ;

13Item 1 ban tournis, une table a IIII pies, ung petit bainchot, ung autre petit banc a seoir sus et une autre petite forme ;

14Item II chaeresb cloans a seoir sus ;

15Item II petites ais qui font matherot ;

16Item ung petit andain de fer ;

17Item II grans pos de coivre et une paelle blainche qui sont chies monseigneur Michiel chappellain de Saint Philibert en gaige pour les messes du trespasse pour III frans comme a relate ladicte Guiote ; [fol. 1v]

18Item une arche ou il a une petite bande de fer qui fait la fermure ;

19Item une meschant sauliere de bois a mectre scey ;

20Item une pierre qui fait soillierc ;

21Item 1 barrot de bois, ensemble une coinchoted et ung grais de bois ;

22Item environ une XIIe de tailleurs de bois.

En une chambre qui est sur la fosse

23Ung banc tournis, une table a II mechant traiteaulx, ensemble une forme a seoir sus ;

24Item ung meschant matherot a mectre pos et ungse viez aumaires fermans ;

25Item III hanas de bruyere ;

26Item une meschantf touaille contenant III aulnes ;

27Item une autre touaille de chenove neufve contenant III aulnes ;

28Item une autre neufve de chenove contenant IIII aulnes ;

29Item II tergeures de chenove contenans VI aulnes ;

30Item XV linceulx de chenove que bons que mauvais, chascun de II toilles ;

31Itemg une viez besasses ;

32Item une meschant botoille de cuir vies percie et depecie. [fol. 2]

En une chambre qui est sur la rue devant

33Ung lit de plume, ensemble le cuissin et une viez coutrepointe ;

34Itemh une viez serge roye ;

35Itemi II archesj, l’une ferree et l’autre non ;

36Item ung cuveaul de bois ou il a ung pou de plume ;

37Item une forces, II estries, II croichos, une bloque de tine, une faucille et II bastons de fer ;

38Item ung seel d’estain a mettre eau benoite ;

39Item II cofineaulxk de verges et ung meschant panier de verges ;

40Item une meschant tine ouquel a des pois ;

41Item 1 clive ;

42Item 1 manteaul de pers, une robe de pers a pointesl, une autre robe de gris a pointes et ung chaperon de violot ;

43Item unes chauces de pers ;

44Item une chassere a mettre fromaiges ;

45Item une quartrainche ferree et une viez benaste.

En une chambre hault dessus la rue

46Quatrem lis, c’est assavoir 1 de plume et les autres de quenetons garnis de cuissins et de coutrepointes ;

47Item II arches de chaigne ; [fol. 2v]

48Item II formes a seoir sus.

En une chambren haulte dessus la fosse

49Une arche de chaigne.

En l’estable

50Les rateliers et maingeures du long d’icelle ; Item IIII ais de chaigne.

Ou cellier

51Deux tables de chaigne a mettre sur trateaulx ;

52Item en une queuhe, environ demi meu de vin ;

53Item IIo petites cuves rondes ;

54Item une beslonge, III ais de chaigne ;

55Item unes meschant tarquoises et 1 forot de fer ;

56Item ung bacon saule ;

57Item IIII queuhes vuydes, II poinceons vuiz chascun d’un muy ;

58Item ung petit poinceon tenant III setiers ou il a environ ung setier de vergius ;

59Item II tines et une sauleure petite a sauler char ;

60Item II petis poinceons chascun de II setiers ;

61Item une queuhe plaine de despence ;

62Item ung tenot a faire buee ;

63Item une meschant chaiere depecie ;

64Item II mais a prestir, 1 esculer et ung viez soillot ferre ; [fol. 3]

65Item II arches dont l’une est depecie ;

66Item 1 traiteaul et 1 barrot de bois ;

67Item demie dozenep de torches d’oseres ;

68Item IIII dozenes de socles de meullot ;

69Item une ais de chaigne sur laquelle l’on met le pain ;

70Item II queuhes de vin que Regnaudot de Jaley dit estre siennes.

Dessus la fosse

71Deuxq poinceon d’un muyr ;

72Item XIII paniers a mectre poisson ;

73Item une beslonge a porter poisson ;

74Item une eschierle et V meschans benastons.

Le jeudi jour de Saint Pol

75Fut poichee la fosse qui est oudit hostel, en laquelle fut trove VII petites quarpes et VI lancerons tauxes par Martin le poulaillier et Marguerite femme Amiot Roidots aiens cognoissance ad ce et par serement : XVI gros. [fol. 3v]

76L’an de grace mil IIIIc et trois, le lundi apres la feste de la Magdelene, a jure et afferme par son serement Perrenot de Champdevers que feu Guiot Drohin de Diion estoit son cosin garmaint a cause deu feu Jehan de Champdevers jaidis pere dudit Perrenot qui fut frere germains de la mere dudit feu Guiot Droyn et lui compete et appartient la succession et eschoite d’icellui Guiot comme son plux prouchain. Et ainsin le deposent Jehannote femme feu Pierre Boilleaul de Diion eaigie de environ LX ans et Marie sa suer qui fut femme Pierre Jehan de Diion eaigie de environ L ans et en rendent cause pour ce que feu Nicole jaidis femme dudit feu Jehan de Champdevers et mere dudit Perrenot estoit leur suer germene et estoit ledit Guiot cosin dudit Perrenot et ainsin les ont veuz tenir et repute communement et telx estoient il et ont pluseurs fois veu ledit Jehan de Champdevers, ladicte Nicole leur seur et ledit feu Guiot Droyn et n’y savent point de si prouchain parant ne d’aussi prouchain hoir comme ledit Perrenot. Guiot le Berbotet de Talent depose que par pluseurs fois et de pieca il a veu ledit Guiot Droyn qui tenoit et appelloit ledit Perrenot de Champdevers son cosin et son heritier et aucune fois quant ledit Perrenot le demandoit de l’argent il li disoit prenre de mes gaiges car je n’ay point d’argent. Guiote femme dudit feu Guiot Droyn dit par son serement que par pluseurs fois durant le mariaige d’elle et dudit feu Guiot jaidis son mary elle li a oy dire que ledit Perrenot de Champdevers estoit son cosin et son hoir et que lesdiz feu Jehan de Champdevers et la mere dudit Guiot estoient frere et suer et oultre qu’elle ne scet pas qu’il y ait si prouchain ne aussi prouchain comme ledit Perrenot de Champdevers. [fol. 4] Veue la deposicion des tesmoings cy devant escrips et le serement dudit Perrenot, la main est levee des biens dudit feu Guiot et sont delivrez audit Perrenot en tant comme il l’en appartient parmi ce que Guiot Berbotet de Talent demeure plege envers la justice de rendre la [détérioré] qui compete audit Perrenot es diz biens et qu’il emportera a sa part ou X frans d’or pour icelle part. Ou cas que li viendroit avant hoir plux prouchain ou aussi prouchain comme li qui auroit droit es diz biens et ainsin le promet ledit Perrenot de Champdevers, oblige, etc. Testes les dictes femmes, Humbert Thierry et Jehannot de Moolain homme de la Baixere, die predicta.

a. Rayé : une a… - b. Rayé : a s… - c. a : foillier. C’est pourtant bien soillier qu’il faut lire.- d. Lecture incertaine.- e. Rayé : autre.- f. Rayé : vie… - g. Rayé : II bes… - h. Rayé : ung coverteur de pers.- i. Rayé : une.- j. Rayé : ferree.- k. Rayé : neuf.- l. Rayé : et.- m. Dessous, rayé : Trois.- n. Rayé : darriere.- o. Rayé : cuv… - p. Rayé : de.- q. Dessous, rayé : Ung.- r. Ligne suivante, rayé : Une beslonge.- s. Rayé : par serement.- t. Rayé : frere de feu.- u. Rayé : son.

Notes

386 A.D. Côte-d’Or B II 356/1, C 12 – 3, n° 18.
Analysé dans Cent maisons médiévales, n ° 54, p. 322-323.

© Presses universitaires du Midi, 2017

Licence OpenEdition Books

Rechercher dans OpenEdition Search

Vous allez être redirigé vers OpenEdition Search