1Inventoire fait des biens demorez du decez de feu Symon de Saline costurier jaidiz demorant a Diion et de Marguerite feu sa femme par moy Jehan Prestet clerc jure de la court de la maierie de Diion au proufit d’icelle Marguerite, de Jehannote fille dudit feu Symon femme Perreaul filz Guillaume de Seoran vigneron demorant a Diion et de Belin aussi filz dudit feu Symon absent du pays ou de ceulx qu’il appartiendra le mardi avant Pasques flories l’an mil et IIII^c, presens ad ce ledit Perrel et Jehan de la Roiche sergent et Jehan [détérioré] clerc demorant a Dijon

2Premierement, en l’ovreur devant de la maison dudit feu Symon

3Une arche de foul plate en laquelle sont les biens qui s’ensuiguent :

4Douze linceulx neufs, chascun de II toilles et demie ;

5Item VIII autres petiz linceulx que bons que mauvaiz ;

6Item II nappes contenans VIII aulnes ;

7Item environ III livres de fil de chenove ;

8Item 1 gardon^a de toille ;

9Item une oppelande de mabrey^b retournee fouree de viez connis ;

10Item 1 chandelier de fer ;

11Item unes grans forsses et une aulne de fy mie en 1 esteu de cur ;

12Item III autres viez forsses ;

13Item 1 escrinot de bois ;

14Item une petite archote et une longue quasse de bois ;

15Item pluseurs ciseaulx^a a faire hurllez de robes. [fol. 1v]

En la cusine

161 cromasle, 1 andain, 1 trepier, une grille de fer ;

17Item une coloire, III pos de coyvre^c, II noirs et 1 blan, III quasses, l’une ronde, l’autre grasse et une petite a queuhe, une autre petite quasse ronde, 1 petit chauderon ;

18Item 1 seel a laver, une bassole, 1 soillot ferre, une lampe a VI cornes avec le copot, une dreceure ;

19Item une petite mait a prestir.

En une chambre haulte sur la rue devant

20Une arche plate vuide et une chasere vuide.

En une autre chambre de coste

21Trois viez arches que grant que petites, esquelles il a environ 1 bichot de blef ;

22Item 1 viez serex, 1 clive, une quartroinche, une petite eschielle, 1 bereuchon.

En la chambre ou gisoient les diz mariez

23Ung lit garni de coutre, cussin, II linceulx et une serge persse roye, ensemble le chaalier ;

24Item une chaiere ronde ;

25Item une verge de fer a pendre curtines, ensemble 1 pan de curtine de toille blainche ; [fol. 2]

26Item 1 autre petit lit garni de coutre, cussin, II linceulx et 1 viez coverteur roye, II petiz orilliers de plume et 1 plain de baure ;

27Item II pintes quarrees, une ronde, II pintaz quarrez, IIII plas^d, XVIII escuelles bien petites appellees saussoires, 1 chauvelot quarrer, 1 seel a pourter aigue benoite, tout d’estain ;

28Item II petiz henaps de bruere ;

29Item une malecote a homme de drapt roige fouree de viez connis ;

30Item une robe roige a femme saingle ;

31Item une autre robe a femme de drap tielley ;

32Item une^e arche de chaigne^f en laquelle sont les biens qui s’ensuiguent ;

33Primo trois petiz linceulx, IIII petites nappes, une petite tergeure ;

34Item une^g tache et une couroie de cur ;

35Item 1 petit coffret ferre vuit ;

36Item une autre archote vuide.

Es galeries

371 tenot, une petite table a maingier sus, une petite fourme a seoir sus, II chaieres clouans ;

38Item VI petiz linceulx.

En une chambre basse darriere

39Une grant table de foul, 1 ban tournis de foul, une paire de traiteaulx, une forme a seoir sus, 1 petit cuissin, une courboille de verges a IIII piez ;

40Item 1 cromasle de fer ; [fol. 2v]

41Item une arche plate en laquelle sont les biens qui s’ensuiguent ;

42Item 1 viez mantel de mabre, 1 viez pelisson de lievre, 1 demi linceul ;

43Item une nappe et II tergeures ;

44Item une autre viez arche vuide.

Ou grenerat darriere

45III petiz litoz, c’est assavoir II de queneton et 1 de plume et III cuissins de celle matiere et une mescheant coverture ;

46Item II chauderons, II pos de coyvre, l’un noir, l’autre blan, une quasse ronde et une a queuhe, ung trepier, 1 fessour, 1 soteleur, une coignie, une pioiche, 1 mescheant goix, II viez cotes de fer, une gourgerote, une paire de gantelez et ungs autres depeciez, une cape de bassignet, une taloiche, 1 chapel de Montauban, une taloiche ;

47Item 1 petit bassin a main, une chauderote, une petite quassote a enfent, 1 coverteur roye viez ;

48Item une arche plate vuide ;

49Item une autre arche plate, en laquelle sont les biens qui s’ensuiguent ;

50Primo une oppellande partie de pers et de roige ;

51Item une aiguiere d’estain dont le pie est fondu ;

52Item une viez espee ;

53Item II orilliers ;

54Item environ III XII^nes de socles et une XII^e de torches d’osieres. [fol. 3]

Ou cellier

55Deux queuhes de vin novel roicho^a tres petit vin de Poussot ;

56Item une queuhe ou il a de la despence ;

57Item II poinssenoz de despence ;

58Item 1 tenot, une mait^h, II anthoneurs, une tine, II escuelles roigeures, une arche plate vuide.

59L’an avant dit, le venredi avant Pasques flories en jugement ladicte Marguerite femme feu ledit Symon cognut et confesse avoir euz et receuz les biens compris et contenuz en cest present inventoire et a promis rendre la part et porcion d’iceulx biens aux nommez en l’intitulure de cest inventoire ou a ceulx qui appartiendront, et c’en oblige, etc.

a. Lecture incertaine.- b. Rayé : fo...- c. Rayé : 1 noir...- d. Rayé : XV escuelle.- e. Rayé : aut… - f. Rayé : en laq… - g. Rayé : pet...- h. Rayé : ung.