1Inventoire fait par moy Jehan Prestet clerc jure de la court de la maierie de Diion du commandement de monseigneur le maieur dudit lieu des biens demorez du decez de feu Jehan de Tonneurre serrurier demorant a Diion trespasse par nuyt et cheut en un cellier par cas de fortune ce lundi darrenier passe au prouffit des hoirs d’icelli feu Jehan de Tonneurre ou de ceulx qu’il appartiendra le mardi suiguant avant la Saint Anthonne l’an mil et IIII^c, presens Jehan de Saulx sergent de monseigneur, Jehan de Toux coutellier, Henry Girard sergent de la ville, Estienne Perrot alias Malcourrant comme procureur de la ville, Jehannot Richard et aultres

En la forge qui est en l’ovreur devant

2Une grosse enclume, ensemble la plote et les soffloz ;

3Item ung coffre ferre tout plain de utis de fevre et denrees qui seroyent bien longs a speciffier et a inventorier, qui demeurent seelle, etc. ;

4Item une aultre enclume ;

5Item ung auge de pierre blainche ;

6Item une petite fourme, une corde puiseure et ung taublier paint ;

7Item IIII pierres garnies de bocles de fer a peser avec les belances de bois garnies de cordes.

En la cusine

8Item ung cromasle, II andains petiz, II paulotes de fer, l’une grant, l’autre petite ; [fol. 1v]

9Item deux pos de coyvre blans, l’un grant, l’autre petit ;

10Item ung petit chauderon, deux petites paelles blainches, ung petit bassin a laver, une paelle grasse, une aultre petite quasse blainche a quehue, une bassole, une coloire d’arain, deux soilloz ferrez ;

11Item XII escuelles, IIII plaz d’estain signez a la clef, deux pintes reondes, II pintaz et deux chauveaulx d’estain, excepte l’un qui est de morte matiere ;

12Item IIII chandelliers de fer ;

13Item une lampe de coyvre a IIII cornes et 1 copot de fer ;

14Item une viez arche vuide, une table, deux traicteaulx, une fourme a seoir sus ;

15Item ung petit lit garni de coutre, cussin et une viez coutrepointe qui est dessoubz les degres en ladicte cusine ;

16Item une viez quehue vuide.

En la court darriere

17Deux forges, l’une garnie d’une enclume grosse, une paire de soffloz, l’autre d’une bigorne, une paire de soffloz, ensamble les plotes, IIII bans viez a limer, une ressote, une cloyere, ung marteaul rompu, deux chevilles de fer ; [fol. 2]

18Item deux mourtiers de pierre ;

19Itme une tine et une bassole viez.

En l’estable

20Une mait a prestir, une seviere ;

21Item ung cheval roige que l’en a mene a Lengres.

Ou cellier

22Une quehue de vin dont l’en boit ;

23Item deux quehues vuides, ungs polains de bois, ung tegnot, une petite archote, ung anthonneur, ung foirot et II viez chazeres.

24En la chambre haulte ou gisoit ledit feu Jehan de Tonneure

25Ung lit garni de coutre, cussin, linceulx, ung coverteur roige, 1 oreillier, ung crevechief, deux pans de curtines de toille persse, deux verges de fer ;

26Item deux espees, ung bac de faucon, 1 badelaire ;

27Item deux andains de fer ;

28Item une oppellande roige fourree de connis ;

29Item une viez oppellande de vert double de futaine ;

30Item une viez panne^a d’aigneaulx noirs. [fol. 2v]

Le mercredi suiguant

31Item XIIII^c de fer neuf pesans [blanc] ;

32Item II^c de fer commencie a ovrer et trait en verges pour treilliz de fenestres ;

33Item ung godot de blanc a femme ;

34Item ung viez mantel de drap appelle cainnet ;

35Item une robe de violot a femme fourree de connis ;

36Item ung godot de vert viez a femme ;

37Item ung viez ainchelin de pers double de roige et 1 pourpoint de futaine ;

38Item ung oreillier de plume ;

39Item une polie a tendre une aubelestre ;

40Item une quantite de roingneures de fer en ung beruchon et aultre viez ferremente ;

41Item une chaiere ronde et une fourme a seoir sus ;

42Item une arche de chaigne estant aux piez dudit lit, en laquelle il a XIII linceulx chascun de II toilles ;

43Item III nappes contenans X aulnes et une tergeure contenant III aulnes.

44En une chambre de coste celle avant dicte qui est sur la rue devant [fol. 3]

45Item une arche ban en maniere de ban tournis ferre ouquel il a environ 1 bichot de froment ;

46Item une table de sappin, une grant ais de chaigne ;

47Item une beslonge plaine d’avene ;

48Item ung coffre non ferre plain d’avene, lequel l’en dit estre avec ung aultre petit non ferre a monseigneur de Maalam ;

49Item deux aultres petiz coffrez non ferrez ;

50Item une aultre beslonge plaine d’avene ;

51Item III sacz ou il a environ demi quartal de faves, demi quartal de poix et demi quartal avene ;

52Item deux viez bans a limer ;

53Item ung serex a serisier, 1 livraul, deux trepiers et ung clive ;

54Item une quartroinche ferree ;

55Item ung seel a laver mains qui pant a une cheene^b ;

56Item ung benaston, ung feust de quartroinche ou il a de la ferremente et ungs fers de gauffres.

En une aultre chambre de coste

57Deux petiz lis garnis de coutres, cussins de plume et ung coverteur de mabre ; [fol. 3v]

58Item une arche estant aux piez de l’un des diz lis, en laquelle sont les biens qui s’ensuiguent, c’est assavoir pluseurs letres en papier et en parchemin ;

59Item une petite coutelesse garnie d’argent, une sienture ferree de plomb, ungs escapins dorez, ung coffrot quarre et aultres quassotes de bois et deux viez taches vuides, laquelle arche demeure seellee ;

60Item ung coffrot long ou il a grant quantite de cloux neuf ;

61Item ung petit coffrot ou il a unes brides, ung seel que l’on dit estre en gaiges et est a la femme feu Jehannin Sertet et aultres menues choses ;

62Item environ XV aulnes de toille persse ;

63Item une petite archote, en laquelle il a VII touailles viez contenans XIX aulnes ;

64Item IIII viez tergeures contenans X aulnes ;

65Item III paires de menges a femme, les unes persses, les aultres vers, les aultres de violot, ung peu de drap roige et unes patrenostres de verre estans en ung penier de verges ;

66Item une aultre petite archote ou il a environ deux livres de filley de chenove ;

67Item ung petit coffrot quarre senz ferrure ou il a des letres viez ; [fol. 4]

68Item deux viez polioz royez de fil ;

69Item ung ban a limer, 1 coffrot long ferre vuit ;

70Item deux beruchons ;

71Item ung benaston plain de ferremente ;

72Item ung petit poinssenot qui est plux de la moitie plain de cloux ;

73Item ung aultre poinsson ou il a une quantite de cloux ; par terre, unes bouges viez et une lance.

74Item une tache et une sienture de cur, une courte dague botee par dedens ladicte tache, laquelle tache fut trouvee audit feu Tonneure quant il fut trespasse, laquelle a este reverchie, present Jehan de Saulx sergent de monseigneur et Othenin Gurry et a este trouve en icelle IIII clef, une botoille d’argent a mectre triacle, VIII gros, XII deniers, obole, ung blanc des viez blans de V deniers, une boursse de mailles d’aubeurgeon, duquel argent les jurez berbiers de Diion qui viseterent ledit Tonneure quant il fut mort, etc., ont eu V solz pour leur droit.362

a. Rayé : noi… - b. Le scribe a hésité sur la terminaison.