Versión clásicaVersión móvil

Les inventaires après décès de la ville de Dijon à la fin du Moyen Âge (1390-1459). Tome I (1390-1408)

 | 
Guilhem Ferrand

1400

43. Feu Guillemot Girard, clerc Dijon 1400, juillet325

Texto completo

Fragment 1

  • 325 L’inventaire est composé de deux fragments constitués chacun d’un petit cahier, sans qu’il soit pos (...)

1Inventoire fait des biens demorez du decez de feu [détérioré] clerc jaidiz coadiuteura du tabellion de Diion pour [détérioré] de Bourgoingne par moy Jehan Prestet clerc jure de la court de [détérioré] de Diion du commandement de monseigneur le maire dudit lieu et [détérioré] de Bietri jaidiz suer dudit Villemot et d’autres parans et amis [détérioré] feu Villemot au proufit de Perrenote feu sa femme et de Hugues moindre de aige filz et heritier seul pour le tout dudit feu Villemot son pere du corps d’icelle Perrenote le [détérioré] jour du mois de juillet et es autres jours suiguans l’an mil quatre cens, presens Estienne [détérioré] procureur de ladicte ville, Perrenot Bertheaul de Faverney, Villemot le Pourpoins, les dessus nommez et autres, lesquelx biens ont este prisiez et tauxez par Euvrart le Flamenc fripier, Jehan Perrin chauderonnier demorans a Diion ayens cognaissance ad ce et par serement en la maniere qui s’ensuit

Ou chas de la maison ou demoroit ledit feu Guillemot

2bDeux cromasles, deux andains, une paulote, 1 rouhaule, unes mohotesc, ung trepier, une haste, une grille, 1 grapin, ungs traienneaulxd a peschier, tout de fer, tout presie : II florins ;

3Item IX pos de coyvre que grans que petize et 1 seel a laver mains presiez : IIII fransf X gros ;

4Item 1 chauderon grant, 1 petit, II paelles rondes, 1 bassin a laver, une quassote a queuhe, une escramoire, une coloire, une dreceure, une paelle blainche a queuhe et une quasse grasse, tout presie : III frans 1 gros ;

5Item II mourtiers de meule, 1 de pierre, ensemble les pestoz presiez : III gros ;

6Item 1 soillot et une bassole presiez : VI blans ;

  • 326 Bas du folio : Somme : X frans 1 gros.

7Item une rondote, une salere et 1 sofflot, tout presie : VI blans326 ; [fol. 1v]

8[détérioré] grans plas, II moyens, IIII autres petiz, XIIII escuelles, une petite, II symarres quarrees, II pintes quarrees, V pintes rondes, IIII pintaz et III aiguieres pesans LXXVI livres, la livre presiee 1 gros ; vaillent : VI frans IIII gros ;

9Item une table a IIII piez, III fourmes a seoir sus, une arche plate presiees : X gros ;

10Item X aulnes et demie de grosse toille presiees : V gros ;

11Item II escuelles de morte matiere, ung pintat d’estain et 1 plat d’estain depeciez presiez : III gros demi ;

12Item VIII livres de chenove cerisie presiees : VI blans ;

13Item II viez toies de coutres et de cussins presiees : II gros.

En la chambre ou gisoit ledit feu Villemot

14Ung lit garni de coutre, cussin, ung coverteur de drapt violot, III pans de curtinesg, 1 ciel, 1 dociel de toille persee, II verges de fer, ensemble le chaalier dudit lit avec IIII orilliers presiez : X frans

15Item ung autre petit lit garni de coutre, cussin et une coutrepointe presie : II frans ;

16Item ungs aumaires ferrez a IIII enchatres presiez : IIII frans ;

  • 327 Marge gauche : La grant arche et petite et les II chaieres sont Perrenote.

17Item IIII arches, c’est assavoir II grans, II petites, II chaieres [détérioré], tout presie : II frans demi327 ;

18Item II polioz, une viez coutrepointe et ung tres viez coverteur presiez : X gros ;

  • 328 Bas du folio : Somme : XXXI frans demi [dessous, rayé : X gros].

19Item 1 mantel soingle de violot brun, une oppellande de mabre fourree d’aigneaux noirs, une autre oppellande double de violot et de vert, 1 viez giponh et une fourrure de saie roige, tout presie : IIII frans.328 [fol. 2]

Inventoire fait des letres trouvees en l’ostel dudit feu Villemot le mardi apres la Magdelaine l’an que dessus, presens ledit Estienne Perrot, Perrenot Bertheaul, Guillaume le Pont, Villemot le pourpointier, ladicte Perrenote et autres

20Cense. Premierement unes letres seellees du seel de la court monseigneur le duc donnees l’an mil IIIc IIIIxx et quatre, le second jour de novembre, contenans que Guillemin de Montet vigneron demorant a Diion retient a cense annuel de Jehan Girard de Diion receveur une grange assise a Diion, en la rue es Soillex, pour le pris chascun an de LXVI solz et VIII deniers tournois ;

21Terres a Ouges. Item unes autres letres seellees dudit seel donnees l’an mil CCC IIIIxx et XIII le Xe jour d’aoust contenans que Odot dit le Grant Odot d’Ouges et Hugues son filz retiennent a cense perpetuelle de Guillemot Girard de Diion clerc une piece de terre contenant environ 1 journaul et demi assise ou finaige d’Ouges ou lieu dit au chemin de Cisteaux parmi paiant chascun an demi quartaul froment ;

22Idem. Item unes letres seellees dudit seel donnees l’an mil CCC IIIIxx et trois le IIIIe jour de jung contenans que Girard le Seurrot d’Ouges retient a cense perpetuelle dudit Jehan Girard une piece de terre contenant environ III quartiers assise ou finaige d’Ouges ou lieu dit au Pertuz ponier parmi paiant chascun an demi quartaul froment ;

  • 329 Marge gauche : X solz de cense perduz et soient veues les letres pour recovre a l’eritaige.

23Item unes letres seellees dudit seel donnees l’an mil CCC IIIIxx et VII, le XIe jour d’octobre, contenans que Hugues le Braisseret de Diion vigneron fait savoir que comme Jehannot le Perchet d’Auxonne demorant a Diion eust acquis de Lambert dit Hogier de Dinan Follin une piece de vigne assise ou finaige de Diion en Mannes, laquelle vigne estoit chargie de XX solz de cense deuz chascun an audit Jehan Girard, auquel Jehan ledit Lambert les avoit venduz, ainsi est que ledit Hugues Perrin X frans que lediti Jehannot le Perchet lui a bailliez. Il est tenuz de paier les diz X solz audit Jehan Girard et les li assigne sur une piece de vigne contenant environ 1 journaul assise ou finaige de Diion es Granges329 ; [fol. 2v]

24Heritaige. Item unes letres receues soubz le seel de la court de Lengres donnees le lundi apres le diemenche que l’on chante en Sainte Eglise « Reminiscere » mil III IIIIxx et VIII, contenans que Symon le Germenet bourgois de Diion vend perpetuelment a Guillemot Girard de Diion clerc sa porcion et part d’un mex que ledit Symon avoit acquis de Perrenote qui fut femme Jehan Massinot de Nulley assis a Diion, dehors les murs, en la rue de la Magdaleine pour le pris de XVIII gros ;

25Heritaige. Acquestz. Item unes letres seellees du seel de la court monseigneur le ducj donnees l’an mil IIIc IIIIxx et XVI le XVIIe jour d’aoust contenans que Perrenot de Precigney fevre demorant a Diion et Annote sa femme vendent perpetuelment audit Guillemot Girard une chambre appellee chas, ensemble une petite place darrieres ledit chas que ilz avoient en une maison assise a Diion en rue Neufve. Item letrage pourr le porche devant pour le pris de XXI frans ;

26Heritaige. Item unes letres seellees dudit seel donnees l’an mil CCC LVI ou mois de novembre contenans que Juhanne femme Laurent Laspre de Diion vend perpetuelment a Jehan Girard de Diion recreveur une maison assise a Diion en rue Neufve pour le pris de XX florins ;

27Heritaige. Item unes letres seellees dudit seel donnees l’an mil IIIc LXXII le XIXe jour de juillet contenans que messire Nicolas Perrot de Diion prestre baille en emphiteote a cense perpetuelle audit Jehan Girard une grange, ensemble une masere de coste et le mez darriere assise es feurs bours de Diion en la rue es Soillex pour le pris chascun an de XXIIII gros tournois d’argent ;

28Heritaiges. Item 1 vidimus seelle duk dit seel donne l’an mil CCC LXIIII le XXVIe jour de fevrey faisant mencion de pluseurs heritaiges que Jehan le Courderet de Diion clerc avoit acquis de venerables personnes doien et chapitre de la Chappelle monseigneur le duc, lesquelx ledit Jehan Girard a acquis de lui ;

29Heritaige. Item unes letres seellees dudit seel donnees l’an mil CCC LXI le XIe jour de juing contenans que Henry dit li Trelex d’Ouges vend perpetuelment audit Jehan Girard une piece de terre contenant environ V quartiers assise ou finaige d’Ouges, ou lieu dit ou Revoul, pour le pris de XIIII florins.

a. Rayé : illisible.- b. Rayé : Ung.- c. Sic.- d. Dessous, rayé : traie… À la suite, rayé : de fer.- e. Rayé : presiez.- f. Rayé : demi.- g. Rayé : de.- h. Rayé : tout presie.- i. Rayé : Jehan Girard li a bailliez.- j. Rayé : contenans.- k. Rayé : seel.

Fragment 2

30Heritaige. Item unes letres seellees dudit seel donnees l’an mil CCC IIIIxx et XV le XXe jour de may contenans que Jehannot le Soonaiz d’Ouges [détérioré] perpetuelment audit Guillemot Girard une piece de terre ensemmencie [détérioré] contenant environ demi journaul assise ou finaige d’Ouges ou lieu [détérioré] pour le pris de II frans demi ;

31Heritaige. Item unes autres letres seellees dudit seel donnees l’an mil CCC LXXI le semadi apres la feste de Saint Martin contenans que Odote fille feu Clerambau Quarrey d’Ouges vend perpetuelment audit Jehan Girard une piece de terre contenant III quartiers assise ou finaige d’Ouges en Champ Roux pour le pris de LXV solz ;

32Heritaige. Item unes letres seellees dudit seel donnees l’an mil IIIc LXXI, le Ve jour de mars, contenans que Perrenot de Villers les Pos vend audit Jehan Girard deux pieces de terre assises ou finaige d’Ouges contenans environ deux journaulx, l’une ou lieu dit en la Charrere et l’autre en Champ Clux pour le pris de dix frans ;

33Heritaige. Item unes letres seellees dudit seel donnees l’an mil CCC LVI, le XVIe jour de juing contenans que Guillaume le Gruez de Diion filz Estienne le Gruet vend perpetuelment audit Jehan Girard une piece de terre contenant III journaulx assise ou finaige de Diion en Chemin Levey decay Eschevannes pour le pris de L florins ;

34Heritaige. Item unes letres seellees dudit seel donnees l’an mil CCC LXI, le XVIIIe jour de fevrier contenans que Jehan de Bonne Encontre escuier vend perpetuelment audit Jehan Girard une piece de terre contenant environ IX quartiers assise ou finaige d’Ouges ou lieu dit es Craiz pour le pris de XX florins ;

35Heritaige. Item unes letres seellees dudit seel donnees l’an mil CCC LX, le XXIIe jour de mars contenans que Jehan le Blanc d’Ouges vend perpetuelment audit Jehan Girard deux pieces de terre contenans V quartiers assises ou finaige d’Ouges, l’une en Champ Clux contenant III quartiers, la seconde au lieu dit en Renot contenant demi journaul pour le pris de XX florins ;

36Heritaige. Item unes letres seellees dudit seel donnees l’an mil CCC LXXIIII, le penultieme jour de juillet contenans que Hugues le Fourneres d’Ouges et Jehannote sa femme vend perpetuelment audit Jehan Girard une piece de terre contenant environ deux journaulx et III quartiers assise ou finaige d’Ouges ou lieu dit en Reno pour le pris de XIX frans ; [fol. 1v]

37Heritaige. Item unes letres seellees dudit seel donnees l’an mil CCC LXIII le second jour de may contenans que Juhannete femme feu Perrol le Lourderet de Diion et Perrenot ses filz vend perpetuelment audit Jehan Girard quatre pieces de terre contenans environ IIII journaulx et demi et demi quartier assises ou finaige d’Ouges en pluseurs lieuxa. Item une piece de vigne contenant environ 1 quartier assise ou finaige de Diion en Champ Chardon pour le pris de XXXVIII florins ;

38Heritaige. Item unes letres seellees dudit seel donnees l’an mil CCC LXI, le premier jour de decembre contenans que Perrenot Gourfault de Chenoves et Jehan filz Hugues Aumaire dudit lieu vend perpetuelment audit Jehan Girard quatre pieces de terre assises ou finaige d’Ouges en pluseurs lieux pour le pris de XXVIII florins ;

39Heritaige. Item unes letres seellees dudit seel donnees l’an mil CCC LX, le XIXe jour d’avril contenans que Jehannote femme maistre Colin de Rains vend perpetuelment audit Jehan Girard une piece de terre contenant environ deux journaulx et demi ou lieu dit en Renot pour le pris de XXIIII florins ;

40Heritaige. Item unes letres seellees dudit seel donnees l’an mil CCC LXI, le XIIIe jour d’avril contenans que Perreaul filz feu Jehan le Blanc d’Ouges vend perpetuelment audit Jehan Girard une piece de terre contenant environ demi journaul assis ou finaige d’Ouges ou lieu dit a la Charrere pour le pris de VI florins ;

41Heritaige. Item unes letres seellees dudit seel donnees l’an mil CCC LXXII, le IIIIe jour d’avril contenans que messire Jehan le Roingniez de Diion prestre vend perpetuelment audit Jehan Girard une piece de terre contenant 1 journaul assise ou finaige d’Ouges en la Charrere pour le pris de VI frans d’or ;

42Heritaige. Item unes letres seellees dudit seel donnees l’an mil CCC LXI, le XVIIIe jour d’avril contenans que Andrie dit Chaucheterre vend perpetuelment audit Jehan Girard une piece de terre contenant ung journaul a perche assise ou finaige d’Ouges ou lieu dit au Chanon du Paquerot pour le pris de IX florins ; [fol. 2]

43heritaige. Item unes letres seellees dudit seel donnees l’an mil CCC LXIII, le XXVIIe jour du mois d’octobre contenans queb Jehan et Colin freres enfens de feu Odot Portier de Diion vend perpetuelment audit Jehan Girard une piece de terre contenant 1 journaul assise ou finaige d’Ouges ou lieu dit en Champ Clux pour le pris de VII florins ;

44Heritaige. Item unes letres seellees dudit seel donnees l’an mil CCC LXVIII, le XIIIe jour de janvier contenans que Guillemote femme feu Pierre Griffon de Diion vend perpetuelment audit Jehan Girard trois pieces de terre contenans sept journaulx et 1 quartier assises ou finaige d’Ouges en pluseurs lieux pour le pris de XLII florins ;

  • 330 Marge gauche : Elle est Bietri, c’est assavoir celle de Esbasoiz.

45Heritaige. Item unes letres seellees dudit seel donnees l’an mil CCC LXXII, le XVIIe jour de jung contenans que Arnoul Millere de Diion fournierc vend perpetuelment audit Jehan Girard deux pieces de terre assises ou finaige de Diion, l’une en Esbasois et l’autre en Chemin Levey pour le pris de IX frans d’or330 ;

46Heritaige. Item unes letres seellees des seelx de doien et chappitre de la Chappelle monseigneur le duc a Diion donnees l’an mil CCC LXXVI, le XVIIe jour d’avril contenans que les diz doien et chapitre baillent a cense perpetuel audit Jehan Girard une piece de terre contenant demi journaul assise ou finaige de Diion en Chemin Levey pour le pris chascun an de II gros de cense ;

47Heritaige. Item unes letres seellees du seel de la court monseigneur le Duc donnees l’an mil CCC LXV, le XIIe jour de janvier contenans Viart de Mirecourt demorant a Diion vend perpetuelment audit Jehan Girard, deux pieces de terre assises ou finaige de Diion, l’une en Chemin Levey et contient V quartiers et l’autre ou lieu dit en Poussot pour le pris de XXV florinsd ; [fol. 2v]

48Heritaige / acquest. Item unes letres seellees dudit seel donnees l’an mil CCC IIIIxx et XIIII, le XIIe jour d’octobre contenant que Lore niepce de feu Odot de Besancon vend perpetuelment a Guillemot Girard de Diion ung petit mez assis hors des murs de Diion devant la porte neufve pour le pris de 1 franc ;

49Heritaige. Item unes letres seellees dudit seel donnees l’an mil CCC LXXII le darrenier jour de janvier contenans que Perrenot Matherot baillie par tiltre d’eschange audit Jehan Girard deux mez, l’un assis en la rue es Offrois et l’autre en la rue es Noiroz ;

50Heritaige. Item unes letres seellees dudit seel donnees l’an mil CCC LXVII, le XXe jour de may contenans que Hugote femme feu Vienot le Rougenet vend perpetuelment audit Jehan Girard ung mez ainssin comme il se comporte assis devant la porte neufve pour le pris de IIII florins ;

51Heritaige. Item unes letres seellees due seel du doien de la Chappelle monseigneur le Duc a Diion donnees le diemenche jour de la feste de Saint George l’an mil CCC LXVIII contenans que ledit doien baillie a cense en emphiteote audit Jehan Girard ung mez contenant une perche assis pres de la porte neufve pour le pris de III gros chascun an ;

52Heritaige. Item unes letres seellees dudit seel de la court de monseigneur le duc donnees l’an mil CCC LXXI, le XVIIe jour de decembre contenans que Jehan de Beaune vendf perpetuelment audit Jehan Girard ung mez assis es feurs bours de Saint Michiel en la rue es Noiroz pour le pris de VII frans demi ;

53Heritaige. Item unes letres seellees dudit seel donnees l’an mil CCC LXXII, le mardi apres la Sainte Lucie virge contenans que Jehan de Charey demorant a Diion vend audit Jehan Girard ung mez assis a Diion en la rue es Noiroz pour le pris de IIII frans ;

54Heritaige. Item unes letres seellees dudit seel donnees l’an mil CCC LXVI, le XXVIIe jour de fevrier contenans que Jehan le Grans demorant a Diion receveur vend perpetuelment audit Jehan Girard deux mez assis defeurs la porte neufve pour le pris de IIII florins ;

55Heritaige et est assigne sur Perrenote. Item unes letres seellees dudit seel donnees l’ang mil CCC LXV, le XXIXe jour d’octobre contenans que Jehan Demoingeot [fol. 3] de Diion demorant a Tard la Ville vend perpetuelment a Jehan Girard de Diion une piece de vigne contenant LXVIII perches assise ou finaige de Diion ou lieu dit en Champ Chardon pour le pris de IX florins ;

56Heritaige et est assigne surh Champ Chardon. Item unes letres seellees dudit seel donnees l’an mil CCC LXXV, le XIIIe jour d’octobre contenans que Jehan le Vertueux bourgois de Diion et Hugues le Vertueux ses freres baillent et transportent audit Jehan Girard la tierce partie d’une piece de vigne contenant environ III journaulx et demi assise ou finaige de Diion en Champ Chardon. Item une autre piece de vigne contenant deux journaulx assise oudit finaige ou lieu dit en Pissevin et une autre piece de vigne assise sur Oisse pour certains moyens contenus es dictes letres ;

57Heritaige et est assigne sur Champ Chardon. Item unes letres seellees dudit seel donnees l’an mil CCC LXV, le XIe jour de decembre contenans que Nicolas Chiere et Mabeline sa femme vendent perpetuelment a Jehan Girard de Diion receveur deux pieces de vigne assises ou finaige de Diion l’une en Champ Chardon contenant 1 journaul et l’autre es Bouroiches contenant demi journaul pour le pris de XLIII florins ;

58Heritaige. Item unes letres seellees dudit seel donnees l’an mil CCC LXIII, le VIIe jour d’avril contenans que Constantin Lorgeot de Diion frepier vend perpetuelment audit Jehan Girard une piece de vigne contenant environ demi journaul assise ou finaige de Diion en la Josemote pour le pris de XXI florins ;

59Heritaige / acquest. Item unes letres seellees du seel de Chastellet de Paris donnees le jeudi XIIe jour de decembre l’an mil CCC IIIIxx et dix huit contenans que maistre Guillaume de Celsoy licencie en lois conseillier du roy nostre seigneur et damoiselle Perrenote sa femme fille feui Guillaume de Quetigney jaidiz bourgois de Diion vendent perpetuelment a Guillemot Girard de Diion et a Perrenote sa femme deux pieces de vigne contenans deux journaulx trois quartiers et le quart d’un quartier a perche assise ou finaige de Diion en Becy pour le pris de VIIxx et X livres tournois. [fol. 3v]

60Le jeudi apres la Saint Pierre entrant aoust, presens les avant diz

  • 331 Marge gauche : [détérioré] pour ce que l’en n’a peu garentir audit Perrin [rayé : li] l’eritaige do(...)

61Debte. Item unes letres seellees du seel de la court monseigneur le duc donnees l’an mil CCC IIIIxx XIX, le IXe jour de septembre contenans que Perrin Lobereaul de Cutigney demorant a Diion doit a Guillemot Girard dix frans d’or331 ;

62Bestes. Item unes letres seellees dudit seel donnees l’an mil CCC IIIIxx et XVI, le VIe jour de may contenans que Hugot Garney de Merliens retient dudit Guillemot une vaiche a lait grivelle, ensemble son suiguant masle, soubz le chastel de III frans et demi et pour le fruitaige demi quartaul froment ;

63Debte. Item unes letres seellees du petit seel de ladicte court donnees l’an mil CCC IIIIxx et XII, le lundi jour de Sainte Katherine contenans que Jehan Morisot de Tard doit audit Guillemot XIII gros et 1 quartaul froment ;

64Debte. Item unes letres receues soubz le seel de la court de Lengres donnees l’an mil CCC IIIIxx et XII, le diemenche apres « Reminiscere » contenans que Jehan Noise de Verranges doit audit Guillemot XIIII quartroinches de froment II frans d’or et IIII gros dont il a paie comme il appert par le papier dudit Villemot et au dos de la letre le blef et VIII gros de reste : II florins. [fol. 4]

Item s’ensuient certaines debtes et autres choses contenues en 1 papier dudit Villemot qui se commance « Ce sont ceulx qui tiennentc, etc. », ou milieu d’icellui « Thiebaut

65le Verlotet » et en la fin « a Brenier de Cheveigneyj plege », etc.

66Guillaume Richard doit audit feu Villemot de compte fait : VI quartroinches de blef ;

  • 332 Marge gauche : L’en dit qu’il a paie.

67Le Penny de Tard doit V quartaulz froment332 ;

  • 333 Marge gauche : Bestes.

68Hugues le Gassot de Verranges tient dudit Guillemot deux vaiches a lait et une genisse de deux ans ou chastel de V frans et pour chascune vaiche demi quartaul froment et en sont letres de duc333 ;

69Ledit Hugues tient dudit Villemot une vaiche, ensemble son veaul genisse qui tenoit dudit Guillemot Hugues filz le Rouhier pour le chastel de II frans et demi quartaul froment de frutaige ;

70Hugot Garney de Merliens doit de compte fait : VI gros ;

  • 334 Marge gauche : Il est mort et n’en tient riens.

71Hugues filz Laurent de Fleurey tient dudit Guillemot III chiez de bestes, c’est assavoir une vaiche, une genisse et 1 petit armaul ou chastel de III frans X grosk et demi quartaul froment334 ;

72Girard le Seurot doit VI quartroinches de blef ;

73Hugues filz au grant Odot d’Ouges a retenu a cense dudit Guillemot 1 journaul et demi de terre pour demi quartaul de froment chascun an, dont il doit de reste demi quartaul ;

74Thiebaut le Verlotet doit de compte : III frans VII blans ;

75Item doit : X gros ;

76Sur quoy il al faites IIII journees ;

77Guillemin de Montot tient a cense dudit Guillemot la moitie d’une grange et mex assis en rue chaude pour II florins chascun an, dont il doit de compte fait : V florins ;

78Jehan Garnier doit de compte fait d’une maison qu’il tient a louaige dudit Guillemot une maison assise es feurs bours de Saint Pierre, de coste la grange Symon le Germenet : 1 franc ; [fol. 4v]

79Michelot de Pontoillier sa femme [blanc] et sa femme doivent audit feu Villemot du louhier d’une grange assise en rue chaude que tenoit de lui Oudelot et sa femme : III frans ;

80Guillaume Chenily doit pour 1 somier de bois : 1 florin ;

81Girard Chevalier de Cheveigney doit : 1 quartaul de blef ;

82Marrtin Berrouhier dudit lieu et sa femme : 1 quartaul de blef ;

83Euvrart Chevalier une emine et 1 quartaul de blef ;

84Brenier de Cheveigney 1 quartaul de blef, pleges Gandeaul, son filz et Perrenot Petit ;

85Item ay 1 papier long chiez ledit Guillemot qui fait mencion comment Bietri sa suer li ay faite quittance et des terres, vignes, maisons et censes de feu Jehan Girardm jaidis pere dudit feu Villemot et de ladicte Bietrisn aussi, lesquelles choses sont inventorees cy devant es letres ;

86Item relate ladicte Perrenote que Guillaume Richardot tonnellier doit a elle et a son filz huit poinssons neufo.

87Au jourduy ladicte Perrenote femme dudit feu Guillemot a este interrogiee et par serement donne sur Sains Euvangilles de Dieu par moy Jehan Prestet clerc jure de la court de la maierie de Diion, en la presence de Jehan Taloneaul curateur du dessus nomme moindre de aigep de son consentement et des dessus nommez Perrenot Bertheaul, Villemot le Pourpointier et Guillaume le Peut se elle avoit ou savoit aucuns autres biens quelxconques que ceulx qui sont comprins en cest present inventoire, laquelle a jure que non. Cest fait le XIe jour d’aoust, l’an mil IIIIc.

88Baillie la cure au curateur. [fol. 5]

89L’an mil IIIIc, le XIe jour d’aoust, en la presence de honorable personne maistre Jehan Juliot clerc licencie en lois lieutenant de honorable homme et saige Millot de Lery maieur de Diion, Jehan de Saulx espicier, Perrenot Bertheaul, Clement Reolin clerc, Bietri suer de feu Villemot Girard et autres a cogneu et confesse Perrenote femme dudit feu Villemot avoir euz et receuz les biens comprins en cest present inventoire et a promis par son serement, etc., et soubz l’obligacion, etc., de randre audit Hugues son filz moindre, etc., sa porcion des diz biens ou la valeur et prisie d’iceux, etc., quant il sera eaigie, etc., ou a ceulx qu’il appartiendra quant temps sera, etc. Plege : Villemot le Pourpointier de Diion son frere obligie, etc., et en veullent estre contrains par la court de la maierie, etc., et par toutes autres, etc.

a. Rayé : Item [illisible].- b. Rayé : Colin.- c. Lecture incertaine.- d. Lignes suivantes, rayé : Item unes letres seellees dudit seel donnees l’an mil CCC LXXIIII, le VIe jour d’aoust contenans que Eustasse fille feu Guillaume Bourgeoise bourgois de Diion vend perpetuelment audit Jehan Girard une piece de vigne en desert contenant environ III quartiers assise ou finaige de Diion en Esbasois alias en l’Estroiguete pour le pris de XVIII gros. Item unes letres seellees dudit seel donnees l’an mil CCC LXXII, le XXIIIIe jour de fevrier contenans que Hugues filz feu Andrie de Buxe jaidiz maire de Saint Appolonie vend perpetuelment audit Jehan Girard deux pieces de vigne en desert assises ou finaige de Diion en Esbasois. Marge gauche : Non tenot mes sa suer.- e. Rayé : sel.- f. Rayé : ven… - g. l’an répété deux fois.- h. Rayé : Jehan.- i. Rayé : maistre.- j. Rayé : bb.- k. Rayé : demi.- l. Rayé : paie.- m. Rayé : pere.- n. dudit Villemot corrigé en de ladicte Bietris.- o. Ligne suivante, rayé : Item.- p. Rayé : et.

Notas

325 L’inventaire est composé de deux fragments constitués chacun d’un petit cahier, sans qu’il soit possible de dire s’il manque ou non un folio ou plusieurs à l’ensemble. A priori, toutefois, l’essentiel est conservé.
Fragment 1 : A.D. Côte-d’Or B II 356/1, C 12 – 3, n° 4.
Fragment 2 : A.D. Côte-d’Or B II 356/1, C 12 – 3, n° 7. Marge : 11 aout 1400.

326 Bas du folio : Somme : X frans 1 gros.

327 Marge gauche : La grant arche et petite et les II chaieres sont Perrenote.

328 Bas du folio : Somme : XXXI frans demi [dessous, rayé : X gros].

329 Marge gauche : X solz de cense perduz et soient veues les letres pour recovre a l’eritaige.

330 Marge gauche : Elle est Bietri, c’est assavoir celle de Esbasoiz.

331 Marge gauche : [détérioré] pour ce que l’en n’a peu garentir audit Perrin [rayé : li] l’eritaige dont il devoit le debte, l’en li rabat XX gros.

332 Marge gauche : L’en dit qu’il a paie.

333 Marge gauche : Bestes.

334 Marge gauche : Il est mort et n’en tient riens.

Salvo indicación contraria, el texto y otros elementos (ilustraciones, archivos adicionales importados) se puede utilizar bajo licencia OpenEdition Books License.

Buscar en OpenEdition Search

Se le redirigirá a OpenEdition Search