1Inventoire fait par moy Jehan Prestet clerc jure de la court de la maierie de Diion de la moitie des biens meubles demorez du decez [détérioré] Le Breton d’Ahuit clerc jaidiz demorant a Diion advenuz en partaige a Jehan moindre de aige filz et hoir seul et pour le tout dudit feu Hugot du corps de Seranhat feu sa femme avec icelle Seranhat, a la requeste de Jehan Chiere curateur dudit moindre et de pluseurs des parens et amis chascun d’icelli moindre nommez [détérioré] et du consentement de ladicte Seronhet, le lundi apres la feste de la Translacion saint Martin du mois de juillet a deux heures apres medi ou environ et es autres jours et heures ensuiguans l’an mil quatre cens, presens les dis curateur, Seranhat^a, Hugues dit Quarrer, Jaquot le Breton, parans des diz moindres, Jehan Tagoneaul dit le Beaul, Jehan le Pelier et pluseurs autres, lesquelx biens ont este presiez en la presence et du consentement des dessus nommez curateur et autres par Euvrart le fripier ayent cognoissance ad ce et par serement en la maniere qui s’ensuit

Premerement

2Une table et une fourme a seoir sus presiees : VII gros ;

3Item une viez arche de foul presiee : VII blans ;

4Item 1 cromasle de fer presie : VI blans ;

5Item une arche plate de foul, deux escrins de chaigne petiz ferrez, 1 petit buffot a IIII piez, III petites fourmes a seoir sus, une paire de traiteaux, une tournoire, une sale a III piez, II viez aiz, une chaiere clouant, une paule, 1 ban, une courboille, une quartroinche de verges, tout presie : II frans demi ;

6Item 1 penier de verges ouquel il a 1 petit henap de madre, II brueres et 1 henap de saulce, presiez : III gros demi ;

7Item 1 flacon de fer blan presie : II gros ;

8Item une symarre ronde, une pinte quarree, III pintes rondes, 1 pintat quarrer, 1 pintat reond, 1^b chauvelot reond, II grans plas, III petiz, XII escuelles d’estain, une salere ronde, 1 gobelot, un gardenappe et 1 seellot a porter aigue benoite tout pesant XLIIII livres, la livre presie 1 gros ; vaillent : III frans VIII gros ; [fol. 1v]

9Item 1 soillot, une corde puiseure, 1 anthoneur ou il a une ainche de fer, 1 meschant couteaul, 1 viez barrour, 1 forot brisie, 1 penier, 1 tamis, tout presie : III gros ;

10Item III pos de coyvre, 1 seel a laver mains presiez : III frans ;

11Item II quasses rondes, une chauderote, ung bassin reond, une bassole, une coloire, 1 petit chauderon et une viez bassole senz queuhe presiez : II escuz d’or ;

12Item II quasses grasses d’arain presiees : VIII gros :

13Item 1 andain, une haste, une chievre, 1 trepier, 1 chandelier^c, 1 grapin, une drecoure de fer^d, une coingnie pesant XXIIII livres, la livre presiee VIII deniers ; vaillent : XVI solz ;

14Item 1 soflet, une lanterne, II chandeliers de fer presiez : VI blans ;

15Item une lampe de coyvre a VI cornes, ensemble le copot, presiee : III gros ;

16Item III cuilliers de coyvre et II escuelles de bois presiez XV deniers avec XVIII taileurs de boiz ;

17Item 1 mescheant fessour presie : X deniers ;

18Item II mescheans tenoz a fere buee et 1 escuelle de bois presiez : X deniers ;

19Item 1 mourtier de pierre et 1 pestot presie : 1 gros^e ;

20Item une oppellande de mabre double de chamelot et 1 chapiron double de ce mesme drapt presiez : II frans ;

21Item une oppellande soingle partie de vert et de violot et 1 chapiron de ce mesme drapt presiez : XV gros ;

22Item 1 chapiron double parti de violot et de roige et 1 chapiron roige soingle presiez : IIII gros ;

23Item une oppellande courte de peaux fourree de blanc presiee : VII gros ;

24Item^f ung mantel court double de violot et de brunete presie^g : XVI gros ;

25Ledit mantel a este baillie audit moindre tout entier pourveu que la mere dudit moindre a eu le pain de curtines et la verge cy dessus roye ; [fol. 2]

26Item II quarreaulx roiez a seoir sur, II oroilliers ovrez et 1 autre non ovrez presiez : IX gros ;

27Item II viez sacz et 1 poul de filley presiez : II gros demi ;

28Item II coutres^h, III cussins de plume, ung coverteur de pers et 1 meschant coverteur gris depecie, tout presie : V frans ;

29Item XV linceulx que grans que petiz que bons que mauvaiz presiez : XXXIIII gros ;

30Item XVI aulnes de nappes, l’aulne presiee VI deniers ; vaillent : VIII solz demi ;

31Item XXII aulnes de tergeures, l’aulne presiee VI deniers ; vaillent : VI gros XII deniers ;

32Item II petites crevetestes presiees : 1 gros ;

33Item une monstre et une cuillier d’argent presiees : III frans demi ;

34Item environⁱ une emine et demie de blef tourte presiee^j : III florins ;

35Item^k 1 quartaul que faves que poix que jaisses presie : IIII gros ;

36Item une arche plate basse presiee : III gros ;

37Item une queuhe, II poinssons et 1 petit poinssenot presiez : VIII gros ;

38Item^l une maingeoire et II raiteaux presiez : VI gros ;

39Item pour demi millier de marrien neuf a fere queuhes et poinssons presiez par Hugues le Nicordet tonnellier : IIII frans ;

40Item unes mesures a vin, c’est assavoir pinte, pintat et chauveaul de morte matiere presiees : III gros ;

41Item une queuhe de vin novel et une et demie de viez presiees : X frans ;

42Item IIII sextiers de vin aigre presiez : VIII gros ;

43Item VI letres de Lengres dont l’en doit pour chascune 1 gros de reancon ;

44Item une vaiche petite. [fol. 2v]

Inventoire fait des biens estans^d en la ville d’Ahuit en la maison dudit Hugues, c’est assavoir de la moitie appartenant audit moindre a lui advenue en partaige avec sa dicte mere, presens ledit curateur et les autres^m avant nommez appelleⁿ et present ad ce Hugues Moingeon maire dudit^o Ahuit, le mardi suiguant apres ladicte Translacion Saint Martin l’an que dessus, lesquelx biens ont este presiez par ledit Euvrart et ledit Hugues Le Nicardot

Premierement

45Ung tenot de pierre^d, le receveur desoubz et 1 quevecle de bois presiez : X gros ;

46Item une table a IIII piez, une autre table petite a IIII piez presiees : IIII gros ;

47Item une viez queuhe en laquelle il a environ 1 quartaul de chaux presiee : IIII gros ;

48Item 1 dreceur, une petite table a IIII piez, une fourme et une petite tournoire presiez : VII gros ;

49Item ladicte Seranhat mere dudit moindre doit a ycelli moindre pour sa porcion d’un coffre ferre et 1 chaalit de lit : XVIII gros ;

50Item une quantite d’osieres, de socles, II viez traiteaulx, VIII ais que grans que petites, une benate, 1 penier, 1 bresseur de bois^d, 1 poul de bois a ardoir et une chaiere clouant, tout presie : IX gros demi ;

51Item une table de sapin encournee presie : III gros ;

52Item deux arches plates de chaigne^p et 1 chalit de lit presiez : 1 franc ;

53Item 1 anthoneur, 1 barrot ferre, IIII escuelles de bois roigeoires^q et une petite bruere presiez : V gros demi ; [fol. 3]

54Item II fessours, II pioiches, 1 bigot, 1 marteaul a macon, 1 andain de fer, une paulote, III^r chandeliers de fer, une cuillier de fer, unes forsses, une corde poiseure, une dreceure et 1 bac d’oye d’arain^s et une bassole, tout presie : XV gros ;

55Item une petite grille presie : V gros ;

56Item 1 grant chauderon presie : VII gros demi ;

57Item une pinte ronde, 1 chauvelot, 1 gobelot, 1 plat, II escuelles saussoires, VII escuelles d’estain et III cuilliers de loton pesans XIIII livres, la livre presiee 1 gros ; vaillent : XIIII gros ;

58Item XXIIII aulnes de tergeures et nappes, l’aulne presiee VI deniers ; vaillent : XII solz ;

59Item III petiz linceulx et 1 sac presiez : VII gros ;

60Item 1 pan de curtine noir presie : II gros demi ;

61Item une serge roye de II pieces^d, 1 viez coverteur roige^t, 1 quarreaul et 1 autre viez coverteur de gris presiez : 1 escu d’or ;

62Item une coutre^u, 1 cussin, 1 petit orillier de plume et une coutre de queneton presiez : XXVI gros ;

63Item III quartaux de blef presiez : 1 franc ;

64Item II grans cuves, 1 rondeaul, une tine, IX queuhes^d, III poinssons^t et 1 polains presiez : VIII frans VIII gros ;

65Item II pieces de bois esquarrer et une eschielle presiees : X gros ;

66Item une autre grant cuve, 1 rondeaul et III gros queveaulx presiez : IIII escuz d’or ;

67Item une quantite de merrien a vin, paux a fere soiz, une grant quantite de laingne de fagoz a ardoir et environ 1 tiers de paisseaulx, une quantite de frachun et une eschielle et une huisserie, tout presie : IIII frans^v.318 [fol. 3v]

Inventoire fait des letres dudit feu Hugot et de ladicte Seranhat sa femme au proufit d’elle et dudit moindre, presens ledit curateur, Jehan le Pelier, ladicte Seranhat, le semadi apres la Translacion Saint Martin l’an que dessus

68Premierement unes letres seellees du petit seel de la court monseigneur le Duc donnees le XX^e jour de may l’an mil CCC IIII^xx et XIIII, contenans que Hugues le Merceret de Jauley doit a Hugot le Breton d’Ahuit clerc III^c et 1 quarteron de faissos de paisseaux, lesquelx il lui a venduz pour le pris de XV gros et au dos de ladicte letre est escript qu’il ne doit^w que demi cent de faiz, VI blans de missions et la letre ;

69Item unes letres^x seellees dudit seel donnees l’an mil CCC IIII^xx et XIII le diemenche de « Reminiscere », contenans que Jacot le Dauffinet de Saucilz charbonnier doit audit Hugot II frans d’or ;

70Item unes letres seellees dudit seel donnees l’an mil CCC IIII^xx le XXVI^e jour de novembre contenans que Jehan le Paysardet de Diion et Marguerite sa femme vend perpetuelment a Jaquot le Maichot d’Ahuit une piece de vigne ainssin comme elle se comporte de roye a autre assise au finaige d’Ahuit ou cimistiere pour le pris de V frans et au dos d’icelles letres est escript que ledit Jaquot de sa volonte baille ladicte vigne audit Hugot ;

71Item unes letres receues soubz le seel de la court de Lengres donnees le diemenche avant la nativite Saint Jehan Baptiste l’an mil CCC IIII^xx et deux, contenans que Aalips femme feu Villemot le Perichet d’Ahuit et Odot le Roux de Curtilz son filz font eschange avec ledit Hugot, c’est assavoir que pour ce que il leur baille deux pieces de vigne confinees es dictes letres ilz lui baillent une piece de vigne ainssin comme elle se comporte de roye a autre assise ou finaige d’Ahuit ou lieu dit en Comberon ; [fol. 4]

72Item unes letres seellees du seel de la court monseigneur le Duc donnees le IX^e jour de novembre l’an mil CCC LXIIII, contenans que Jehan dit Besancon d’Ahuit et Perrenote sa femme vendent perpetuelment a Andrieu Largeront d’Ahuit macon et a Jehannote sa femme une piece de vigne contenant environ deux journaulx assise ou finaige d’Ahuit ou cimisterre pour le pris de L florins ;

73Item unes letres receues soubz le seel de la court de Lengres donnees le diemenche avant la feste de Saint Jehan Baptiste l’an mil CCC IIII^xx et deux, contenans que Estienne Mataillat d’Ahuit vend perpetuelment audit Hugot demi quartier de vigne assis ou lieu dit en femerre pour le pris de ung franc ;

74Item unes letres seellees du seel de la court monseigneur le Duc donnees l’an mil CCC IIII^xx et quatre le XXII^e jour d’octobre contenans que Eliot Goullot de Diion clerc doit audit Hugot le Breton vint frans d’or ;

75Item unes letres seellees du petit seel de la court de mondit seigneur donnees l’an mil CCC IIII^xx et XIX le XVII^e jour d’aoust contenans que Ysebeaul femme feu Andrie Lefret de Saint Julien vend audit Hugot le Breton une vaiche sur poil roige pour le pris de deux florins et ycelle a retenue a commande dudit Hugot a moitie croix, etc., soubz ledit pris et pour le frutaige demi quartaul froment ;

76Item unes letres seellees dudit seel donnees l’an mil CCC IIII^xx et XI le VII^e jour de decembre contenans que Jehan Besancon, Perrin Besancon et leurs suiguans bend perpetuelment a messire Pierre de Lux prestre prieur d’Ahuit pour la moitie et a Hugot le Breton dudit lieu d’Ahuit pour l’autre moitie tout le droit, action et raison que ilz ont et avoient en une grange et maison neufve confinee es dictes letres pour le pris de^y vint et ung franc ; [fol. 4v]

77Item unes letres seellees du seel de la court monseigneur le Duc donnees l’an mil CCC IIII^xx et XVII le XV^e jour de juing contenans que Regnauldot le Banonset de Bere doit audit Hugot quatre emines et ung bichot de blef suiguant le disme dudit Bere et au dos de ladicte letre est escript « Solvit une emine de blef du premier terme et VII quartroinches et demie avene » et il doit pour Gauthier de Bulley sergent^z et pour l’execution V gros ;

78Item unes letres faites soubz le petit seel de la court monseigneur le Duc donnees le XI^e jour de mars l’an mil CCC IIII^xx XVII receues par Jehan Coingnot de Clerray contenans que Jehan le Tatenet de Saint Julien retient a commande dudit Hugot une vaiche sur poil roige proins et ung sien suiguant genisse de deux ans soubz le chatel de III florins et est la cedule de la recepcion de ladicte letre ataichee a icelle ;

79Item unes letres seellees dudit petit seel donnees l’an mil CCC IIII^xx et XVII le XXVII^e jour de decembre contenans que Villemot le Lambelot demorant a Saint Julien vend audit Hugot une vaiche sur poil brun fauve pour le pris de II florins et icelle retient dudit Hugot ou chastel des diz II florins pour le frutaige demi quartaul froment ;

80Item unes letres seellees dudit^aa petit seel donnees le IIII^e jour de jung l’an mil CCC IIII^xx et XVII contenans que Perrenot le Compain de Saint Julien vend audit Hugot une vaiche sur poil brun pour le pris de II florins et ycelle vaiche retient soubz ledit chastel et pour le frutaige demi quartaul de blef ;

81Item unes letres seellees du seel de la court de Lengres donnees le mardi jour de la feste de Saint George l’an mil CCC IIII^xx et VIII contenans que messire Thomas Pelier^ab de Fontenes prestre demorant a Diion doit audit Hugot le Breton dix huit livres douze solz et six deniers tournois ; [fol. 5]

82Item unes letres seellees du petit seel de la court de mondit seigneur donnees le XX^e jour de mars l’an mil CCC IIII^xx et XVII contenans que Jehan le Banonset de Bere doit audit Hugot le Breton deux florins ;

83Item une cedule ou papier signee de Odot Petit donnee l’an mil CCC IIII^xx XIII le mercredi apres la feste de Saint Remi contenant que Jehan Besancon d’Ahuit recognoit avoir vendu audit Hugot le Breton une piece de terre arable contenant environ demi quartier emblavee de froment assis ou finaige d’Ahuit ou lieu dit en Champ Benart pour le pris de XIIII gros.

Le jeudi apres la Saint Pierre entrant aoust, presens ledit curateur, ladicte Seronhat et Hugues le Chaignotet de Diion

84Item unes letres seellees du seel de la court monseigneur le Duc donnees l’an mil CCC IIII^xx et 1 le XX^e jour de juillet contenans que Regnaudoz le Coquerrez d’Eschirey demorant a Roiffey retient a moitie croix, etc., de Jehan le Breton d’Ahuit et de Hugot son frere 1 jument sur poil roige veran, ensemble son suiguant rocin roige ou chastel de VI frans et pour la moison X quartroinches froment ;

85Item deux paires de letres seellees dudit seel ennexees l’une en l’autre, les premieres donnees l’an mil CCC IIII^xx et IIII, le second jour d’octobre, contenans que Perrin Leude d’Ahuit et Odote sa femme vend perpetuelment a Jehan Prat de Pierrecevaux demorant a Diion et a Guiote sa femme deux meux de vin roige de annuel et perpetuel rente pour le pris de XXX frans. Es aultres letres^ac donnees l’an mil III^c IIII^xx et IX, le XI^e jour d’octobre, est contenu que les diz Jehan Prat et Guiote sa femme vend perpetuelment a Hugot le Breton d’Ahuit les diz deux meux de vin de rente pour ledit pris ; [fol. 5v]

86Item unes letres seellees dudit seel donnees l’an mil CCC IIII^xx et unze le VII^e jour de decembre, contenans que Jehan Besancon, Perrin Besancon, freres, et leurs suiguans, vend perpetuelment audit Hugot une piece de vigne contenant ung quartier et demi assise ou finaige de Fontenes ou lieu dit en la coste pour le pris de VI frans ;

87Item unes letres seellees dudit seel donnees l’an mil CCC LI le XV^e jour de jung contenans que Aalips qui fut fille Perrenot Mauxoron d’Ahuit femme Villemot Parisot de Bere vend perpetuelment a Andrie Larconcey d’Ahuit tout le droit, action et raison qu’elle peut et doit avoir en une piece de terre assise ou finaige d’Ahuit ainssin comme elle se comporte ou lieu dit desoubz les muroz pour le pris^ad six livres et X solz tournois ;

88Item unes letres receues soubz le seel de la court de Lengres donnees le semadi apres Renunstere donnees l’an mil CCC IIII^xx et IX contenans que Ysebeaul femme Estienne Matoillet d’Ahuit confesse avoir fait partaige et permutacion perpetuel avec Hugot dit le Breton et Hugues^ae dit le Jacotet, c’est assavoir que pour ce que ledit Hugot li baille tout le droit qu’il a en une piece de terre arable contenant toute VII quartiers assise ou finaige d’Ahuit desoubz Maquot ladicte Ysebel li baille perpetuelment tout le droit qu’elle a^af en une maison, ensemble une masere de coste assise en la ville d’Ahuit devant le terreaul appelle la maison au Bongril ;

89Item unes letres receues soubz ledit seel donnees le jeudi apres la Saint Vincent l’an mil CCC LI contenans que Jehan qui fut filz Perrenot dit Mauxeron d’Ahuit vend perpetuelment a Andrier dit Arconcey d’Ahuit tout le droit et accion que il peut avoir en une piece de terre arable assise ou finaige d’Ahuit ou lieu dit desoubz les^ag muroz pour le pris de XLV solz tournois ; [fol. 6]

90Item unes letres receues soubz ledit seel donnees le diemeinche de Quasimodo l’an mil CCC IIII^xx et XI contenans que Jehan dit Besancon d’Ahuit vend perpetuelment a Hugot le Breton d’Ahuit tout le droit, part et porcion que il avoit en une maison et masere, ensemble les aisances et appartenances appellee la maison au Bongril assise en la ville d’Ahuit pour le pris de VI frans ;

91Item unes letres receues soubz ledit seel l’an mil CCC IIII^xx et VII le semadi devant la Saint Jehan Baptiste contenans que Villemot filz Michelot de Saucilz d’Ahuit fait eschange avec Hugot le Breton d’Ahuit, c’est assavoir que pouir ce que ledit Hugot li baille une piece de terre arable contenant environ demi journaul et ledit^ah Villemot baille audit Hugot une masere assise en la ville d’Ahuit, ensemble une place assise de coste ladicte masere ;

92Item unes letres receues soubz ledit seel donnees le lundi jour de la feste de Saint Marc Euvangeliste l’an mil CCC IIII^xx et dix contenans que Guillemote femme Jehan dit Thevenot d’Ahuit fait eschange avec ledit Hugot le Breton, c’est assavoir que pour ce que ledit Hugot baille a ladicte Guillemote une piece de terre, ensamble les nouhiers contenant environ demi journaul assise ou finaige d’Ahuit en Champ Benoit et ladicte Guillemote lui baille tout le droit qu’elle a en une maison, mes darriere^ai ou maseres assise en la ville d’Ahuit ou lieu dit au^aj Taitaul appellee la maison au Bongril. [fol. 6v] [blanc]. [fol. 7]

93Item s’ensuiguent les debtes dudit Hugot trouvees en 1 petit papier relie

94Jehan Coingnot de Clevay demorant au pont de Norges doit audit Hugot le Breton de reste : XXI gros ;

95Jehan Gruaul de Saint Julien doit audit Hugot de reste II frans VIII gros, sur quoy il a eue une charretee de foin ;

96Laurent le Grain doit : XXXIII gros ;

97Li Bigardez de Dez doit : II gros ;

98Jehan Pahuot d’Arc sur Tille doit : III gros ;

99Regnaudoz le Barronsez doit II emines et 1 bichot pour moitie et en argent XXI gros et en sont letres chiez maistre Aubertin ;

100Perrenot le Compain de Saint Julien doit en II parties : VII solz 1 deniers ;

101Jehan le Paradiet doit de reste : VII gros ;

102Jehan le Banonsez doit de reste 1 escu d’or sa part d’un cur ;

103Thiebaut le Chiorgnez de Bere doit de morisons de bestes de reste VI quartroinches froment et 1 quartaul avene et IIII gros ;

104Pierre qui est hoir Villemot mercier doit : XI gros ;

105Le Tatenet de Saint Julien tient dudit Hugot deux vaiches ou chastel de III florins letres receues par Jehan Coingnot de Clevay et doit avec ce : X solz ;

106Jean Bonfilz doit audit Hugot : VIII frans. [fol. 7v]

107L’an mil et IIII^c, le XI^e jour d’octobre Seranhat femme de feu ledit Hugot le Breton^ak et Jehan Chiere curateur du moindre avant dit ont relate que ledit moindre a sa part des fruis des vignes appartenans a li et a sa dicte mere IX meulx de vin, la queuhe prisiee par Hugot Odeaul IIII escuz demi ; vaillent : XVIII escuz ;

108Item une emine^al de blef creuz ceste anne presente presiee par ledit Hugot : ung franc demi ;

109Item une quartroinche a orge ferree presiee : III gros ;

110Item une quasse blainche presiee^am : IIII gros ;

111Item ladicte Seronhet a depuiz rapporte une letre appellee conscitoire receue soubz le seel de la court de Lengres donnees le mardi apres la Saint Ylaire l’an mil CCC IIII^xx et XIII contenans que Hugues le Saunerez filz Perrin dit le Saunier de Cuserey pres de Mirebel clerc recognoit et confesse devoir audit Hugot le Breton XIII gros et demi ;

112Aujourduy ladicte Seronhet a^an este interrogie se elle avoit ou savoit aucuns autres biens quelxconques que ceulx cy dessus inventorez, laquelle a jure que non. [fol. 8]

113L’an mil et quatre cens le mercredi vaille des appostres Saint Symon et Jude judicialement par devant honorable^ao homme et saige Millot de Lery maieur de Diion, etc., Hugues du Quartier demorant a Fontenes et Jaquot le Breton d’Ahuit cosins germains dudit mandement ont confesse avoir euz et receuz les biens d’icelli contenuz en ce present inventoire, lesquelx ou la valeur et presie d’iceulx ilz promettent chascun pour le tout rendre, baillier et delivrer audit moindre quant il sera eaigie ou a ceulx qu’il appartiendra et les heritaiges d’icelli maintenir en bon estat et souffisamment. Pleiges : Jehan Breton, Guiot Breton, Andrie Breton, tous d’Ahuit et chascun d’eulx pour le tout et en vuillent estre contrains par la court monseigneur le duc de Bourgoingne et par la court de la maierie de Diion a toutes juridicions, desquelles, etc. Cest fait present Jehan Chiere curateur dudit moindre de son consentement, de Seranhat mere d’icelli, de Laurent le Grain, Jehannot Gueniot, Jehan le Vertueux et pluseurs autres et en la presence de G. de Marandolio coadiuteur du tabellion de monseigneur de Bourgoingne et se doubleront ses letres dont ledit curateur auroit l’une et ladicte Seronhet l’autre.

114G. de Marandolio

115<Signum : Prestet> [fol. 8v]

Gaiges

116VII quasses rondes que grans que petites, VI chauderons que grans que petiz, XI pintes que rondes que quarrees^ap, IX pintaz que reons que quarrez, VIII pos de coyvre que grans que petiz que noirs que blans, VI quasses a queuhe que grasses que blainches, XIII petites quassotes a queuhe, V bassoles, II grilles, IX fessours, une deloire, 1 chapel de Montauban, une paulote a traire motes, IIII pioiches, 1 serez, une coignie, une ressote, II david de fer, 1 soillot, 1 trepier, unes forsses, 1 coutel a piz, 1 bondevaul a tonnellier, VIII escuelles, II plaz. Item encor unes forsses, 1 chaufour de coyvre. Item encor 1 david, une pinte de coyvre, une archote, 1 andain, une tenaille, II petiz martelez, une bassole senz queuhe, unes besaces ou il a unes forsses et 1 poul de fil et 1 gobelet d’estain, une dreceure, 1 grapin, 1 goix.319

a. Rayé : Jehan.- b. Rayé : pintat.- c. Rayé : de fer.- d. Rayé : et.- e. Ligne suivante, rayé : Item 1 pain de curtines [rayé : pers] pers, ensamble une verge de fer presie : VII gros. Marge gauche : Est venuz a la femme.- f. Rayé : la moitie d’ung.- g. Rayé : VIII gros.- h. Rayé : de plu… - i. Rayé : III emines.- j. Rayé : IIII frans demi.- k. Rayé : 1 bichot de faves.- l. Rayé : II maingeoire.- m. Rayé : parans.- n. Rayé : au.- o. Rayé : Hah… - p. Rayé : presiees.- q. Rayé : une pioiche.- r. IIII corrigé en III. Mots suscrits illisibles.- s. Rayé : tout.- t. Rayé : presiez.- u. Rayé : de pl… - v. Rayé : demi.- w. Rayé : de.- x. Rayé : receues.- y. Rayé : XXV.- z. Rayé : executeur.- aa. Rayé : seel.- ab. Rayé : prest… - ac. Rayé : est contenu que.- ad. Rayé : de X livres et.- ae. Rayé : son frere.- af. Rayé : ensemble.- ag. Rayé : murs.- ah. Rayé : Hugot.- ai. Rayé : et maseres.- aj. Rayé : tan… - ak. Rayé : a relat… - al. La marque du pluriel a été rayée.- am. Rayé : X.- an. Rayé : jure.- ao. Rayé : honorable.- ap. Rayé : VIII.