1Inventoire fait par moy Jehan Prestet clerc jure de la court de la maierie de Diion commis ad ce de honorable homme Jehan le Vertueux lieutenant de monseigneur le maire de Diion des biens demorez du decez de feu Monin Maingnot vigneron jaidis demorant a Diion, c’est assavoir de la part et porcion advenue et escheue en partaige a Symonnote^a, Jehannote et Vaucherin moindres de aige enfens dudit feu Monin du corps de Monnote feu sa femme le mercredi avant Pasques flories l’an mil CCC IIII^xx et dix huit en la presence et a la requeste de Girard le Roitet vigneron demorant a Diion curateur dez diz moindres, Jehan Borchier de Rouvre et ladicte Monnote, lesquelx biens ont este prisiez et tauxez par Lambert de Saint Miel demorant a Diion ayent cognoissance ad ce et par serement en la maniere qui s’ensuit

Premierement

2III cuves et 1 rondeaul prisiez : [VII] frans ;

3Item^b VI queuhes de vin novel prisiees : XII escuz d’or ;

4Item XVI queuhes vuides prisiees : XXXII gros ;

5Item III poinssons vuiz prisiez : III gros XV deniers ;

6Item II grans tonneaulx prisiez : XV gros ;

7Item III tines prisiees : IIII gros demi ;

8Item III quartiers de bacon : 1 franc ;

9Item X vaisseaulx de moichotes, presiee la piece III gros ; vaillent : II frans demi ;

10Item III treffoniers de fer et 1 chandelier prisiez : IX gros ;

11Item III plas, XII escuelles et une petite, tout d’estain, pesans XVI livres, la livre prisiee 1 gros ; vaillent : XVI gros ;

12Item une symarre d’estain quarree, une pinte quarree, III rondes, II pintaz reons et 1 aiguerot pesans XXIIII livres prisiez : II frans d’or ; [fol. 1v]

13Item III pintes rondes de morte matiere, l’une de la grant mesure et les autres de la petite, pesans VI livres, la livre prisiee X deniers ; vaillent : III gros ;

14Item III poz de coyvre blans, III noirs et 1 chaufour de coyvre presiez : XXVI gros ;

15Item 1 bassin a main prisie : XV gros ;

16Item une quasse blainche prisiee : X gros ;

17Item II autres paelles blainches prisiees : X gros ;

18Item une quasse blainche a queuhe prisiee^c : II gros ;

19Item une bassole, une dreceure de coyvre, une escramoire, II quassotes^d a queuhe, l’une blainche, l’autre noire presies : III gros ;

20Item 1 grant chauderon prisie : IX gros ;

21Item une chauderote et 1 chauderon viez prisiez : V gros ;

22Item 1 serex presie : V gros ;

23Item II trepiers, l’un grant, l’autre petit presiez : IIII gros ;

24Item une chievre et une haste de fer prisiez : IIII gros ;

25Item une grille prisiee : II gros ;

26Item une coingnie et III fessours que bons que mauvais presiez : III gros ;

27Item 1 coutel a taillier pain et II chandeliers de fer prisiez : XV deniers ;

28Item 1 troux de torche prisie : VI blans ;

29Item II quartroinches, l’une a froment et l’autre a avene et 1 pic de fer prisiez : VI gros ; [fol. 2]

30Item une viele trappe prisiee : 1 gros ;

31Item 1 anthoneur de bois, une grant escuelle roigeure et II autres escuelles a roigier vin, tout de bois, prisiez : III gros ;

32Item III arches, c’est assavoir II de chaigne et une de nouhier et une mait a prestir prisiees : II frans ;

33Item une beslonge ou est le bacon prisiee : VI gros ;

34Item une viez arche^a, une petite beslonge et une petite archote prisiees : VI gros ;

35Item III orilliers de plume prisiez : VI gros ;

36Item XIIII livres de fil d’estoupes prisiees : XIIII solz ;

37Item 1 grant lit garni de coutre, cussin et une serge roye, 1 autre petit lit garni de cussin et de coverture prisiez : VI frans ;

38Item X aulnes de touailes, l’aulne prisiee XV deniers ; vaillent : VII gros demi ;

39Item IIII crevetestes prisiez : II gros ;

40Item III otes d’oisieres blainches, une grant eschielle, une petite maingeoire a maingier chevaulx prisiees : V gros ;

41Item II XII^nes de torches d’osieres presiees : VI blans ;

42Item XXIIII benatons prisiez : III gros ;

43Item 1 buffot prisie : IIII solz ;

44Item relate la dessus nommee Monnote que il a une viez arche a Courcelles ou Mont advenue en partaige aux diz enfens, qui peut valoir : VI gros. [fol. 2v]

45Le venredi avant la nativite Saint Jehan Baptiste l’an^e mil CCC IIII^xx et XIX

Inventoire fait des letres^f demorees du decez dudit feu Monnin en la presence de Girard le Roitet curateur desdiz moindres pour et au prouffit desdiz moindres et de leur dicte mere

46Primo unes letres seellees du seel de la court de Lengres receues par^g Therryot Ousseau le dymenche avant la feste de Saint Berthelomier appostre l’an mil CCC IIII^xx et III faisans mencion que Villemot Cortie de Marcennay en Montaigne doit audit Monnin la somme de XX frans ;

47Item unes autres letres receues soubz ledit seel donnees l’an mil CCC LXIIII le dymenche apres la feste de Sainte Lucie virge contenans que Perrenot Ram de Potaingey retient a moitie croiz, etc., dudit Monnin ung buef trahent soubz le chastel de III florins et pour le fructaige 1 bichot de blef chascun an et est escript au dos de la letre que il ne doit de tout que demi franc et la reancon de la letre ;

48Item unes letres receues soubz ledit seel^h parⁱ Therriot Quasset l’an mil CCC LXXII, le mardi jour de la feste des appostres Saint Pierre et Saint Pol contenans que Chiere femme de feu Gillet Petit de Rouvre et Jehan son filz retiennent a moitie croix et descroiz dudit Monnin deux buef trahens soubz le chastel de huit frans et III gros et pour la moison chascun an V quartaulx de blef et orge mesure de Diion. Et est escript au dos de la letre que il ne doit de tout ce que XIX quartroinches de blef et VIII gros ;

49Item unes <letres> receues soubz ledit seel donnees le lundi VIII^e jour de novembre l’an mil CCC IIII^xx et X contenans que Vienot Marion de Trimolois demorant a Diion retient dudit Monnin a moitie croix, etc., une vaiche et 1 viaul soubz le chastel de III frans et pour le fructaige chascun an demi quartaul froment et n’en doit comm’il est escript au dos de la letre que VI gros de compte fait ; [fol. 3]

50Item unes letres receues soubz ledit seel donnees le dymenche second jour de janvier l’an mil CCC IIII^xx et IX contenans que Agnelot femme feu Jehan Polot de Flavignerot^j et Jehan son filz et chascun d’eulx, etc., retiennent dudit Monnin a moitie croix, etc.^k, une vaiche sur poil roige soubz le chastel de II escuz d’or et pour le fructaige chascun an demi quartaul de froment blanc ;

51Item unes letres receues soubz ledit seel donnees le dymenche jour de la feste des appostres Saint Pierre et Saint Pol l’an mil CCC LXXI^l contenas que Villemot dit Jolioz^j de Bretenere retient dudit Monnin II buefs trahens sur poil roige soubz le chastel de X frans et III gros et pour la moison chascun an cinq quartaulx pour moitie blef et orge. Est est escript au dos de la letre que de compte fait il n’en doit que 1 bichot de blef ;

52Item unes letres receues soubz ledit seel donnees le dymenche jour que l’e<n> chante en sainte Eglise « Nomina Domini » l’an mil CCC IIII^xx contenans que Vienot dit Agneaul demorant a Saint Fole retient dudit Monnin a VI ans certaines terres plux applain contenues en icelles et ledit Monnin lui doit baillier IX frans et il les lui doit rendre^m a la fin du terme ;

53Item unes letres receues soubz ledit seel donnees l’an mil CCC IIII^xx et III contenans que Villemot dit Cortie de Marcennay en Montaigne vend audit Monnin a douze ans II pieces de terre plux applain confinees es dictes letres pour le pris de V frans d’or ;

54Item unes letres receues soubz ledit seel donnees le lundi avant la feste Saint Clement l’an mil CCCⁿ LXXIIII contenans que Andrie li Voulx de Thorey et Benoite sa femme doyvent chascun pour le tout audit Monnin quatre emines froment mesure de Diion et quinze gros tournois et avec ce retiennent ledit mariez dudit Monnin ung buef trahent roige soubz le chastel de quatre florins et pour la moison chascun an 1 bichot pour moitie froment et orge et^o ilz ont paie comm’il appert au dos de la letre XXII quartroinches de blef et III quartaulx de cheveney en pluseurs parties ;

55Item unes letres receues soubz ledit seel donnees l’an mil CCC LXVI le jeudi apres la feste Saint Jehan Porte Latine contenans que Estienne Maire de Broichons tant en son nom comme tuteur de Guillemin filz Jehan Maire de Broichons et Jehan de^j Luquot de^p Campains mary de feu Lore jadis femme Jehan Maire de Broichons quictent ledit Monnin et Aliips sa femme de la somme de XXVII florins de Florence et de toutes autres choses plux applain contenues es dictes letres ; [fol. 3v]

56Item unes letres receues soubz ledit seel donnees l’an mil CCC LXXII le mardi jour de Saint Pierre et Saint Poul contenans que Juhenote femme feu Jehan Roilleal de Rouvre et Perrenot filz Guillemin le Rouhier son filz retiennent a moitie croix, etc., dudit Monnin ung buef trahent sur poil roige ou chastel de III frans et pour la moison chascun an 1 bichot pour moitie blef et orge mesure de Diion. Et est escript au dos de la letre que Jehan Roilleal n’en doit d’accort fait que demi franc et Perrenot li Rouhier VII quartroinches de blef et 1 franc dont il a paie une journee de sa charrete de venonges ;

57Item unes letres seellees dudit seel donnees l’an mil CCC LXVIII le dymenche jour que l’en chante en Sainte Eglise « Letare Jherusalem » contenans que Jehan Moissons de Rouvre retient a moitie croiz, etc., dudit Monnin et de Alips sa femme 1 buef trahent soubz le chatel de quatre frans et pour la moison chascun an X quartroinches pour moitie froment et orge. Et il est escript au dos de la letre que il n’en doit que 1 bichot de blef ;

58Item unes letres seellees du seel de la court monseigneur le Duc donnees l’an mil CCC LXIX contenans que Henriot Fevre et Hugote sa femme retiennent dudit Monnin deux buef ou chastel de dix frans et pour le frutaige chascun an V quartroinches de blef. Et il est escript que de compte fait il ne doit de tout que VII quartroinches de blef ;

59Item unes letres seellees dudit seel donnees l’an mil CCC IIII^xx et seze le dymenche jour de Saint Bernabe appostre contenans que Nicolas dit Gratepaille demorant a Courcelles ou Mont doit audit Monnin la somme de XXVI frans d’or pour la vendue d’une maison. Et il est escript au dos de la letre que il ne doit d’icelle somme que VI frans demi ;

60Item unes letres seellees dudit seel^q donnees l’an mil CCC LI le XVII^e jour de septembre contenans que Adeline femme Girard Fourrey de Chenoves et Guillemote femme Jehan Sauvaignien dudit lieu vendent perpetuelment a Moingeot dit Garbillot de Courcelles ou Mont une piece de vigne confinee es dictes letres pour le pris de VI florins306 ; [fol. 4]

61Item unes letes seellees dudit seel^q donnees l’an mil CCC IIII^xx et X, le XX^e jour de janvier, contenans que Perroz li Verne de Longecourt retient dudit Monnin a moitie croiz, etc., deux beuf trahens ou chatel six frans et pour la moison d’iceulx chascun an une emine pour moitie froment et orge mesure de Diion ;

62Item unes letres seellees dudit seel donnees l’an mil CCC IIII^xx et seze contenans que Perrel Hunbert de Longecourt doit audit Monnin la somme de III frans IIII gros, une emine de froment et 1 bichot d’orge et avec ce retient dudit Monnin une vaiche sur poy roige ou chatel de II florins et pour le fructaige chascun an demi quartal froment ;

63Item unes letres seellees dudit seel donnees l’an mil CCC LII le III^e jour de juing^r contenans que Guillemote fille feu Odot Gardeterre de Courcelles ou Mont femme Jehan Sauvommier de Chenoves de l’auctorite d’icelli vend perpetuelment audit Monnin la moitie d’une grainge assise a Courcelles plux applain confinee es dictes letres pour le pris de X florins de F<l>orence^j ;

64Item unes letres seellees dudit seel donnees l’an LXXI, le VII^e jour de janvier contenans que Loyz de Monfaus demorant a Diion vend perpetuelment a Monnin Maignot et Alips sa femme une piece de vigne contenant environ V quartiers assise ou finaige de Diion en l’Espinote confinee es dictes letres^s pour le pris de XXXII frans parmi paiant chascun an XII deniers a messire Jehan de Perrigney et a ses hoirs ;

65Item unes letres seellees dudit seel donnees l’an mil CCC LXXIIII, le X^e jour du mois de juing, contenans que Guillaume diz Vaudeneaulx de Longecourt vent audit Monnin deux buef trahens^t pour le pris de V frans II gros et iceulx retient dudit Monnin ou chatel desdiz V frans II gros et pour la moison chascun an une emine froment et orge et est escript au dos de la letre que il doit II emines de blef pour les moisons ;

66Item unes letres seellees dudit seel donnees l’an mil CCC IIII^xx et X, le XX^e jour de janvier, contenans que Jehan Chamberere de Longecourt retient dudit Monnin a moitie croiz, etc., une vaiche a lait et une genisse suiguant ladicte vaiche ou chastel de II frans d’or et demi et pour le fructaige de ladicte vaiche demi quartaul froment chascun an mesure de Diion ; [fol. 4v]

67Item unes letres seellees dudit seel donnees l’an mil CCCIIII^xx et 1, le XXIII^e jour du mois de janvier, contenans que Guillaume Vaudeneaul de Longecourt retient dudit Monnin a moitie croix, etc., ung buef trahent ou chatel de II frans demi et pour la moison 1 bichot pour moitie froment et orge chascun an ;

68Item unes letres seellees dudit seel donnees l’an mil CCC LII, le XV^e jour de juillet, faisans mencion de l’aquision de l’autre moitie de la^u grace dont mencion est faicte cy dessus ;

69Item unes <letres> seellees du petit seel de la court de mondit seigneur donnees l’an mil CCC IIII^xx et 1, le XXIII^e jour de janvier, contenans que Guillaume Vauldeneaul de Longecourt doit audit Monnin deux emines de blef pour moitie froment et orge suiguant le disme du lieu ;

70Item unes letres seellees du seel de la court de mondit seigneur donnees l’an mil CCC LXXIIII, le XXVI^e jour du mois de juing, contenans que Jehan^v Barbex de Tard la Ville demorant a Longecourt et Perrenote sa femme de l’auctorite, etc., retiennent dudit Monnin ung jument et une vaiche ou chatel de neuf frans et pour le frutaige quartorze quartroinches, c’est assavoir VIII de froment et VI d’orge, mesure de Diion chascun an ;

71Item unes <letres> seellees dudit seel donnees l’an mil CCC IIII^xx et 1, le XXII^e jour de janvier, contenans que Adine femme feu Perrenot Merroingo^w de Longecourt retient a moitie croiz, etc., dudit Monnin III chief de bestes, c’est assavoir II vaiches et 1 viaul masle ou chatel de III frans d’or et demi et pour le frutaige 1 quartal froment suiguant le disme dudit Longecourt, mesure de Diion ;

72Item unes letres seellees du petit seel donnees l’an mil CCC IIII^xx et XVII, le darrenier jour de septembre, contenans que Guienoz Chardenoz de Longecourt retient a moitie croiz, etc., dudit Monnin une vaiche sur poil grivelle ou chastel de II escuz et pour le fructaige chascun an II quartroinches froment, mesure de Diion ;

73Item unes letres de Jaques Paris bailli de Diion donnees le dymenche avant la feste de la nativite Nostre Seigneur l’an mil CCC IIII^xx et XVII, contenans que Odot filz Villemot Malpoy de Marcennay en Montaigne promet garder de perde ledit Monnin de certaine ploigerie par lui faicte en la main dudit bailli de la somme de X frans pour et en nom dudit Odot plux applain contenue es dictes letres ; [fol. 5]

74Item unes letres seellees du seel de la court de mondit seigneur donnees l’an mil CCC IIII^xx et quatre, le tiers jour du mois de juillet, contenans que Jacob Legey de Brasey retient a moitie des maintenant jusques a IIII ans continuelment suiguans de Monnin Maignot IX^xx et X menues bestes lainne pourtans ;

75Item unes letres seellees du petit seel de la court de mondit seigneur donnees le XVIII^e jour de novembre l’an mil CCC IIII^xx et unze, contenans que Odot Pignot de Chevrey retient dudit Monnin une jument sur poy gris et son suiguant ou pris et chatel de II frans et pour la moison ung quartal^x froment et orge pour moitie ;

76Item unes letres seellees du seel de la court de Chalon donnees l’an mil CCC LXXII, le venredi apres la feste de la nativite Nostre Dame, contenans que Clere femme feu Perrel Vaudequin^j de Longacuria et Jehan Lornardi son filz retiennent a moitie croiz, etc., dudit Monnin ung buef ou chatel de II frans d’or et demi et pour la moison 1 bichot^y pour moitie froment et orge. Et est escript au dos de la letre que ilz ne doyvent tout compte et rabatu que 1 bichot de blef froment ;

77Item unes letres receues soubz le seel de la court de Lengres donnees l’an mil CCC LXXIIII, le jeudi jour de Saint Pierre entrant en chaiere, contenans que Colin dit Chaleureaulx d’Arc sur Thille retient dudit Monnin ung jument ou chatel de III frans demi et pour la moison X quartroinches pour moitie froment et orge. Et est escript au dos de la letre que il ne doit de compte fait que 1 bichot de blef ;

78Item unes letres receues soubz ledit seel donnees l’an mil CCC IIII^xx XIII, le XXIIII jour de decembre, contenans que Villemot Moingin d’Isier retient a croiz, etc., dudit Monnin ung jument ou chatel de III frans et pour la moison sex quartroinches pour moitie^z froment et avene et il appert au dos de la letre que il doit des moisons senz la vaiche XVI quartroinches ;

79Item unes letres receues soubz ledit seel donnees l’an mil CCC IIII^xx et XIII, le mercredi XXIIII^e jour de decembre, contenans que Jehan Jourdain retient a moitie croiz, etc., de Monnin Maingnot ung jument avec son suiguant ou chatel de III frans demi et pour la moison chascun an sex quartrainches pour moitie froment et avene ; [fol. 5v]

80[détérioré] du seel de la court de mondit seigneur donnees l’an mil [détérioré] contenans que Gautheloz li Mees de Courcelles [détérioré] et tuteur de Jehan filz feu Durand Sausart, laquelle [détérioré] par vertu de laquelle il vend, cede et quicte perpetuelment a [détérioré] dudit Courcelles une piece de vigne ainssin comme [détérioré] assise ou finaige de Diion es craiz de Giron confinee es dictes [détérioré] pour le pris de seze florins de Florance ;

81Item unes letres receues soubz le seel de la court de mondit seigneur non seellees [détérioré] mil CCC LXXIIII, le VI^e jour du mois de septembre contenans que frere Pierre de Caulmont moingne de Saint Benigne de Diion de l’ordre de Saint Benoit ou diocese de Lengres et prieur du prieurte de [détérioré : Larey] pres de Diion baille a cense perpetuelle a Monnin Maingnot pour li et ses hoirs une piece de vigne contenant 1 journaul assise ou finaige de Diion es plantes au Roussot esquelles letres a 1 pertuis par lequel l’on ne peut veoir le pris de la cense ;

82Item unes letres seellees dudit seel^q donnees l’an mil CCC LXIIII, le XVI^e jour de mars, contenans que Jehan de la Perriere de Saint Fole vend, cede, quicte perpetuelment audit Monnin et a Alips sa femme trois pieces de terre ainssin comme elles se comportent de roie a autres confinees es dictes letres. Item les saulces appartenans aux dictes terres pour le pris de VI florins de Florence ;

83Item unes letres seellees dudit seel donnees l’an mil CCC LXIIII, le X^e jour de mars, contenans que Jehan de Chandivers de Diion clerc filz de feu Huot de Champdivers vend, cede, quicte perpetuelment a Monnin au Garbillet et a Alips sa femme pour eulx et leurs hoirs une maison, fons, mes, grange darriere^m et les appartenances assis a Diion en la rue de la Porte Nauxion confinee es dictes letres pour le pris de cent et cinq florins de florins ;

84Item unes letres seellees dudit seel donnees l’an mil CCC LVI, le XII^e jour de mars, contenans que Estienne Gardeterre de Courcelles ou Mont vend, cede, quicte perpetuelment a Richard au Braulet dudit Courcelles pour lui et ses hoirs une piece de terre contenant 1 journaul, ensemble le fruit estant en icelle confinez es dictes letres pour le pris de VII florins de Florence ; [fol. 6]

85Item unes letres seellees dudit seel donnees l’an mil CCC L, le premier jour de may, contenans que Hugues filz feu Perrenot di Berbier de Plomberes et Guillemote sa suer vendent, cedent, quictent perpetuelment a Villemot Bertrand et Girard enfens de feu maistre^j au Roitet de Courcelles ou Mont et a Maingnot Garbillart dudit lieu V pieces de terre arables contenans de roie a autre confinees es dictes letres. Item deux pieces de vigne ainssin comme elle se comporte de roye a autre confinees en icelles pour le pris et somme de vint six livres ;

86Item unes letres seellees dudit seel donnees l’an mil CCC IIII^xx et X, le mercredi XXIII jour de novembre, contenans que Demoigeot li Noirs de Diion vent perpetuelment a Monnin Maignot de Courcelles ou Mont demorant a Diion et a Alips sa femme une piece de vigne contenant environ 1 quartier et ce qui est de roye a autre confinee es dictes letres pour le pris et somme de dix frans d’or^aa ;

87Item unes letres seellees dudit seel donnees l’an mil CCC LXVI, le^ab XXV^e jour de may, contenans que Marguerite femme feu Andrie Millere de Courcelles ou Mont fille de feu Henry au Rosselet vent perpetuelment audit Monnin et a Alips sa femme la VI^me partie d’une maison, fons, mes et appartenances assis a Diion en la rue de la Porte Nanxion confinee es dictes letres. Item la VI^me partie d’une vigne assise a l’androit de Giron pour le pris de VIII florins et demi de Florence ;

88Item unes letres seellees dudit seel donnees l’an mil CCC LXVI, le XVII^e jour de may, contenans que Gauthier le Garbillez de Courcelles ou Mont et Guillemin son filz vendent perpetuelment audit Monnin une piece de terre assise ou finaige dudit Courcelles en Raaloles plux applain confinees es dictes letres pour le pris de XV gros tournois ;

89Item unes letres seellees dudit seel donnees l’an mil CCC LXXIX, le XIII jour de novembre, contenans que Perrin Quevier^j et Mariote sa femme e l’auctorite, etc., vendent, cedent, quictent perpetuelment a Guillaume le Lembet^ac et audit Monnin pour eulx et leurs hoirs une maison, fons, mes et appartenances d’icelle assis a Diion en la rue au Prevost Guillaume confinee es dictes letres parmi paiant chascun an II florins a la Chappelle es Riches pour le pris de V frans d’or ; [fol. 6v]

90Item unes letres seellees dudit seel donnees l’an mil CCC LXXIII, le XI^e jour de novembre, contenans que Nicolas dit li Clergez de Thoiriey^j vent perpetuelment audit Monnin une piece de terre contenant environ III quartiers assise ou finaige de Bretenere en Champ Longeot confinee^ad es dictes letres pour le pris de III frans demi ;

91Item unes letres seellees dudit seel donnees l’an mil CCCLXV, le XV^e jour de fevrier, contenans que Jehan Galtheri de Bretenere et Odote sa femme de l’auctorite, etc., vendent^ae audit Monnin et a Alips sa femme une piece de terre contenant trois quartiers assise ou finaige de Bretenere ou lieu dit es Aubes confinee es dictes letres pour le pris de IIII florins de Florence ;

92Item unes letres seellees dudit seel donnees l’an mil CCC LXVI, le VI^e jour de may, contenans que Jehan li Lobez de Bretenere^a vent perpetuelment audit Monnin une piece de terre contenant 1 quartier et demi assise ou finaige de Bretenere en Champ Long confinee es dictes letres pour le pris de III frans d’or ;

93Item unes letres seellees dudit seel donnees l’an mil CCC LXVI, le IX^e jour de janvier, contenans que Vienot Marcey de Plomberes vent perpetuelment audit Monnin une piece de vigne contenant environ le tiers de sept quartiers assise ou finaige de Diion es Crais de Giron confinee es dictes letres pour le pris de quatre livres IIII solz et IIII deniers tournois ;

94Item unes letres seellees dudit seel donnees l’an mil CCC IIII^xx et ung, le XXIIII^e jour de fevrier, contenans que Perreaul Ragot de Noiron vend perpetuelment audit Monnin la quarte partie d’une piece de vigne contenant environ sept quartiers en II pieces assise ou finaige de Diion en Poussot confinee es dictes letres pour le pris de XVII frans ;

95Item unes letres seellees dudit seel donnees l’an mil CCCⁿ LI, le jeudi jour de la feste Saint Michiel archange, contenans que Jehan filz Vienot le Madrot de Chenoves lui faisant fors pour Jehan son frere moindre d’ans vend perpetuelment a^af Maignot au Grebillet de Courcelles ou Mont une piece de vigne ainssin comme elle se comporte assise ou finaige de Courcelles en la coste du prey confinee es dictes letres pour le pris de VII florins ; [fol. 7]

96Item unes letres seellees dudit seel donnees l’an mil CCC LXXIII, le premier jour de [détérioré : mars]^j contenans que [détérioré : Jehan] Marion de Courcelles ou Mont vend perpetuelment a Guillaume au Louhes [détérioré] une piece de terre ainssin comme elle se comporte assise ou finaige de Courcelles [détérioré] confinee es dictes letres pour le pris de IIII frans d’or, laquelle terre [détérioré] partaige au hoirs dudit feu Monnin ;

97Item unes letres seellees dudit seel donnees l’an mil CCC LXX, le XVI^e jour de juing, contenans que Odot li Louhez de Courcelles ou Mont vend perpetuelment audit Monnin une piece de terre dicte la Combe confinee es dictes letres pour le pris de V frans ;

98Item unes letres seellees dudit seel donnees l’an mil CCC LXIIII, le XVII^e jour de novembre contenans que Luquote fille feu Guiot Chappusot femme Symonnot au Pitolet de Nulley de l’auctorite, etc., vend perpetuelment audit Monnin et a Alips sa femme la V^e partie d’une piece vigne ainssin comme elle se comporte assise ou finaige de Diion a l’endroit de Giron confinee es dictes letres pour le pris de III florins ;

99Item unes letres seellees dudit seel donnees l’an mil CCC LXV, le XVIII jour du mois de juing, contenans que Huguenin de Tenicey demorant a Diion vend perpetuelment audit Monnin la moitie par indivis d’une piece de vigne assise ou finaige de Diion ou lieu dit es Crais de Giron confinee es dictes letres pour le pris de 1 franc ;

100Item unes letres seellees dudit seel donnees l’an mil CCC LXX, le XVIII^e jour de janvier, contenans que Perreaul filz feu Jehan Grappin de Bretenere vend perpetuelement audit Monnin une piece de terre contenant circa demi journal assise ou finaige de Bretenere ou lieu dit en Champ Longeot confinee es dicties letres pour le pris de II frans d’or ;

101Item unes letres seellees dudit seel donnees l’an mil CCC LXXI, le XVIII^e jour de juillet, contenans que Villemot li Gautex de Diion et Perrenote sa femme de l’auctorite, etc., vendent, cedent, quictent perpetuelment audit Monnin une piece de terre contenant environ III quartiers de roie a autre assise ou finaige de Bretenere en Champ Longeot confinee^ad es dictes letres pour le pris de IIII frans d’or ; [fol. 7v]

102Item unes letres seellees dudit seel donnees l’an mil CCC LXXVII, le XV^e jour de may, contenans que Poinssard^ag Legey de Rouvre et [détérioré] sa femme de l’auctorite, etc., vendent perpetuelemnt audit Monnin [détérioré] de II pieces de vigne par indivis contenans environ [détérioré] ou finaige de Diion en Poussot confinees es [détérioré] pour le pris de XXXVII frans demi ;

103Item unes letres seellees dudit seel donnees l’an mil CCC L, le XIX^e jour de mars, contenans que Estienne filz feu Berthiot Gardeterre de Courcelles ou Mont vend, cede, quicte perpetuelment a Richard dit au Braier dudit lieu et a Bonote sa femme une piece de terre contenant environ 1 journaul assise ou finaige dudit Courcelles au Cloux confinee es dictes letres pour le pris de VIII livres, lequel heritaige est escheu audit feu Monnin et es hoirs d’icellui a cause de la succession de sa suer ;

104Item environ quartier et demi de vigne assis ou finaige de Diion ou lieu dit en la coste du prey empres Jehan Baudot d’une part et Guillaume Girarde d’autre, laquelle tenoit ledit feu Monnin a cause de la succession de Bonote sa suer et est advenue et escheue de present aux hoirs dudit feu Monnin a cause de succession et dont ilz n’ont nulles letres ;

105Item pluseurs autres heritaiges que tenoit ledit feu Monnin pour la cause que dit est confinez cy dessoubz. Premierement une^ah piece de terre appellee la Combote assise ou finaige de^ai Courcelles ou lieu dit dessoubz le four de coste Guillaume le Louhet d’une part et Jehan Chambellan d’autre. Item une autre piece de terre assise oudit finaige ou lieu dit ou mes au Lobet de coste Colinet de Lespigne d’une part et les hoirs au maire de Courcelles d’autre. Item une autre piece de terre ou lieu dit ou Courtot de coste le religieux de Saint Benigne de Diion d’une part et les hoirs Odot Gardeterre d’autre. Item une autre piece de terre assise oudit finaige ou lieu dit ou Costaul de Bionne de coste Maignot Sausart d’une part et Guillaume le Louhet d’autre. Item une autre piece de terre assise oudit finaige ou Cloux, de coste les religieux de Saint Benigne d’une part et ledit Maignot Sauxart d’autre. Item une autre piece de terre assise oudit Cloux, de coste les hoirs Guillaume de Courcelles d’une part et ledit Sausart d’autre. Toutes lesquelles terres sont advenues et escheues audit feu Monnin et aux hoirs d’icelli a cause de la succession de feu Bonote jadis suer germainne dudit feu Monnin et dont ilz n’ont nulles letres.

a. Rayé : et.- b. Rayé : XII queuhes.- c. Rayé : X.- d. Rayé : blai… - e. Rayé : l’an que dessus.- f. Rayé : trouvees et.- g. Rayé : Thenotus.- h. Rayé : donnees.- i. Rayé : Guiot Perrot.- j. Lecture incertaine.- k. Rayé : de.- l. Rayé : le.- m. Rayé : ass… - n. Rayé : IIII^xx.- o. Rayé : ilz ont paie.- p. de répété deux fois.- q. Rayé : receues.- r. Rayé : jon.- s. Rayé : pour le pris de.- t. Rayé : ou ch… - u. Rayé : dicte.- v. Rayé : Barbel.- w. Merroingue semble corrigé en Merroingo.- x. Rayé : moitie.- y. Rayé : froment.- z. Rayé : fels… - aa. Rayé : laquelle est confinee plux applain es dictes letres.- ab. Rayé : vint.- ac. Lecture incertaine ; il semble écrit : Lenpbet.- ad. La marque du pluriel a été rayée.- ae. Rayé : au m… - af. audit corrigé en a.- ag. Poinssardu… corrigé en Poinssard.- ah. Rayé : petite.- ai. dessoubz corrigé en de.