1 - Lo budèl1

1La Combalona s'acotèt al muralhon de pèiras secas e cluguèt los uèlhs.

2Un virament de cap la tenguèt immobila un momenton. Lo void que se li cavava al cròs de l'espatla, la vièlha femna lo coneissiá plan. Lèu, una maganha que la podiá pas retraire coma cal se i nisariá dedins; puèi la dolor familiara dardalhariá dins tot lo costat esquèrre de son pitre e li davalariá dins lo braç. «Ges d'esperfòrç ni mai de calcin», disiá totjorn lo mètge. Lo tròn de Dieu lo cure, aquel òme!

3La vilòta, arrucada alaval dins son clòt, sos lumenièrs començavan de parpalejar d'aquí entr'aquí. Mantun se devistavan pas d'aiçamont, que los ostals los amagavan; mas fasiàn pargue suls teulats e esclairavan per en dejós la torre carrada de San Frocan.

4La Combalona cerquèt lo cloquièr; puèi a man drecha, la linha de lumenièrs de la Ciutadèla e un pauc en arrèr, un lum tot sol qu'esbrilhaudava. Entre los dos, l'ostal de Rodièr. Lo podiá pas veire aquel ostal, la Combalona, d'abòrd que la nuièt ara èra davalada d'a fons; mas lo sabiá aquí entre mitan las doas clarors e tot lo guaitant, la vièlha femna tresfolissiá de gaug e d'asirança. Deviá legir son jornal d'aquesta ora, aquel pesolh revengut de Rodièr. Tot còp sai que, s'aplantava e somiava al muralhon qu'avián bastit dins la jornada, Sauvanhac e el, e segur qu'èra content. Lo budèl, Sauvanhac l'aviá tornat montar, coma sol, dins tot Gresac o sabiá faire. Ploguèsse aicí sem, la paret seriá pas estada a mand de s'esbudelar encara un còp. E mai lo camion gròs de Rodièr auriá pogut virar sul camin amb sos trenta o trenta cinc lairans sens que lo calfaire aguèsse la tafa de taular dins la faissa de dejós. Un mèstre prètzfach, òc! Solament la Combalona èra aquí e deman matin, Rodièr, se pujava a sa vinha de Gresac, son contentament s'avaliriá de cocha. La vièlha femna s'escalassèt de lònga. A! se cresiá, aquel flòc de gavach, de venir gobernar lo monde aicí! Sufís qu'amb la pecúnia de sos vièlhs aviá pogut recampar tres o quatre polits carrats de vinhas, de las melhoras del país, voliá faire la lei. O veiriá lèu-lèu, se la fasiá la lei! A deman matin, mon òme!

5La Combalona guaitèt un darrièr còp lo trauc d'ombra ont se rescondiá l'ostal enemic e abans de se revirar cap al muralhon, espinchèt un briu lo mas que se dessostava a unes centenals de mèstres d'aquí, darrièr un parelh o tres cacièrs del felhum magrinèl. Una ombra passèt dins un cercle de claror. La Sauvanheta jove, segur; la vièlha es mai pichonèla. Deu levar la taula, que fenisson totjorn de manjar a totas las oras dins aqueste ostal. Se jason entre sopar; adonc la Combalona aviá ara la nuièt tota per complir son prètzfach.

6La vièlha femna se clinèt sus la paret e sas mans cerquèron a paupas los rebles que cunhavan los ròcs entre eles e fasiá del muralhon de pièras secas una paret piquetada coma un rocàs. N'agafèt un, ponchut, que reganhava. Brandís que brandiràs, ensagèt de lo tirar fòra de la paret; mas lo reble brandèt pas d'un pel; semblava amortierat amb los autres. La vièlha ne cerquèt un autre, e encara un autre? De bada. E mai un palfèrre tancat dins qualque trauc desgrotlariá pas solament un ròc d'aquel bauç!

7Apugada de las doas mans a las pèiras caudas encara de la calor del jorn, la vièlha bufèt un brave briu de temps. Son que de pujar de la vila fins aicí la desalenava mai que plus e li fasiá espelir jos l'espatla un nosèl de dolor. Anuèit èra montada, non pas trica-traca, coma a l'acostumada quora veniá veire lo prètzfach del sieu filh, mas a la lèsta e una fotra del tròn de Dieu l'escanava. Dempuèi un quart d'ora, se desarpiava pr'amor de derrabar un reble, un codolet, una gravilha e sa fotra se conflava encara mai. Quin de tanèc, lo Simon, d'aver res dich a Rodièr e a Sauvanhac quora tornavan montar la muralha! E ara solide que s'espatarrava al fresc davant la pòrta e qu'aviá pas res comprés a sa fotra a ela. N'avián lo drech de l'adobar, aquel budèl, de segur; e mai al respecte de la lei, i èran obligats d'abòrd que son camin de totes dos s'i apugava dessús. A lo ben dire, la Combalona los aviá pro secutats cap long de l'ivern, e de la prima, e de l'estiu pr'amor que l'arrenguèsson. Mas caliá que l'arrenguèsson dins çò d'eles e non pas dins cò sieu de la Combalona. Dos palms de larg e benlèu mai que li avián pres per tal bastir una muralha pus espessa. E aquela soca, just al ras de la paret, la li avián encledada dins una mena de gabinèla que los rasims s'i escaudufarián dedins, solide. Puèi, cossí se pensavan que Simon la trabalhariá, aquela soca? Om la podriá tan solament pas rondelejar al temps de l'escaucelatge. E sus tot pacte, lo davalador que mercés el, se podiá montar la faissa sieuna fins al camin, l'avián supremit. Li venguèsson pas dire qu'aquel davalador datava del temps que lo camin grand existissiá pas. Aladonc; lo Combal sortissiá la recòlta per lo carrairon de Rodièr e de Sauvanhac e la davalava a la vila per la calada. Dempuèi que lo camin grand costejava la faissa la pus bassa, òm s'espelinsa pas mai a montar los rasims fins al carrairon, aquò se compren; e lo davalador, fa d'ans e d'ans que se i passava pas mai. Mas lo drech èra lo drech; e se deman los Combals volián passar per aquel carrairon amb sa mula, lai devián poder escalar; e per aquò faire, caliá que lo davalador sieu demorèsse.

8La vièlha quichèt son ponh drech contra son pitre, aquí que la dolor la rosegava mai. A moments li semblava que se podiá enfonzar sos dets dins aquel trauc sofririá pas pus. Mas aquò èra parlar per pas res dire. Tant valiá se gropar mai a l'òbra, que las nuèits d'agost fenisson pus lèu qu'òm se lo crei.

9Estant que podiá pas engrunar la paret de per son mitan, l'engrunariá pèira par pèira! La vièlha agantèt una de las lausas que coronavan la muralha e l'escampèt pel sòl. S'avisèt sul còp que s'amolonava las pèiras còsta ela, auriá lèu los pès aclapierats. Se botèt aladonc a portar las ròcas una per una a cinc o siès passes d'aquí. Las emponhava de sas mans calossudas que lo trabalh de la terra las aviá rufidas e son pes, e mai li tirèsse las espatlas, li adusiá una gaudença quasiment carnala. Vira, revira. Anava del muralhon al clapàs que pujava a cha pauc; siès passes d'un latz, siès passes de l'autre. De còps s'encrocava, que la ròca èra pesuga e una lesca de fuòc aladonc li cremava l'esquina. Los còdols pichons, los escampava de la muralha estant; mas n'i aviá pas gaire, qu'aquel fotral de Sauvanhac t'aviá un gaubi de primièra per bastir. E d'abòrd lo vam del braç per escampar la desalenava mai que l'anar-venir. A moments, estofava tan, amb dins la garganta un tap que voliá pas montar ni davalar, que s'amorrava sul talh, la gauta pausada sus la pèira, e l'olor de la tèrra li montava a las narras. Lo fulhum d'un olivièr bolegava doçament, sorn sul sorn del cèl clavelat d'estèlas. Un riset amistós tirèt las bocas de la Combalona. L'olivièr aquel èra lo primièr qu'aviá plantat Combal, cinquanta ans ençà, l'an just que crompèron aquel flòc de cantarana. De caladas, un baucàs que se pòt pas mai e de romècs que s'entreligavan d'un costat a l'autre de l'ermàs. Lo Combal se l'èra espelencat a belas vespradas, après sa jornada encò del sénher Teissièr, mentre qu'ela amolonava las clapas d'aquí entr'aquí. Lo Combal, puèi, amb aquel clapum, aviá montat quatre muralhas per tal de faire tèner en quatre faissas la tèrra del penjal. E bon an mal an, la vinha lor aviá bailat sos quinze ectòs de vin. Auriá pogut anar per sa vinha, los uèlhs barrats, la Combalona; la coneissiá soca per soca. Aici, cinc socas de rasims de la Magdalena, dels primièrs; aquí una faissa de Carinhan; alai tres lagas de Bochers, per bailar color al vin; en bas un parelh de cent socas d'Aramon e davant lo masicòt, aquel carradet de Servants que los penjava dins lo cambrilhon naut de l'ostal e n'avián fins a Pascas en lo menant plan. Aquela soca que Rodièr e Sauvanhac la li avián encledada, e las tres autras que fasián fiòla fins al davalador èran de «colhas de gal». La Combalona ne botava los grans dins d'aigardent amb d'èrbas qu'aquò èra son secret e lai podián venir los rics, amb sas farlabicas de liquors per aver quicòm de tan gostós coma aiçò. Lo Rodièr, bel primièr! I aviá mes d'ibridas a sa vinha de Gresac, pr'amor que las ibridas se sulfatan pas ni mai se sofran pas. Quand las aviá podadas, lauradas e escauceladas, èra finit. E se podiá mainar son que de sas vinhas de la plana.

10La Combalona quichèt las maissas e se quilhèt un còp de mai. Son prètzfach èra tot just a mitat complit. La caliá engrunar, aquela paret, de cap en cima e que la tèrra que los òmes avián atapida darrièr las pièras rodelesse fins a l'autre latz de la faissa. La caliá engrunar d'a fons pr'amor de li faire veire, al Rodièr, qu'e mai foguèsse una veusa paura e vièlha se daissariá pas engarçar per cap de gròs monsur

11S'aviá un palferre, segur qu'arribariá ara a la desgrotlar pro per que s'esbudelèsse d'esper ela. Al mas benlèu que n'i a un, en del temps que lo Combal pausava de cartochas de dinamita per fin d'espetar las ròcas bèlas. La vièlha mesurèt de l'uèlh lo camin fins alai. Sos pès, li semblava que s'enfonçava dins de fen. Èra tot just aquò: caminava en trantalhant sus la pastura amolonada dins lo palhèr. En bas de la portalièra, quilhat sus la carreta, lo Combal la li fasiá passar amb la forca; ela, la preniá e la butava de l'autre bòrd. Mas… e la forca sieuna, ont l'aviá diausses engulhada, que sens ela se podiá pas mai téner drecha? Lo Combal, segur, deviá començar de renar davant la portalièra engorgada de fen. Fasiá caud dins aquel palhèr, un caud espés que li levava l'alen. La susor li rajava sus tot lo còs; la sentissiá redolar long de las gautas e ne tastava lo salum sus las bocas. Se podiá tan solament acipar la portalièra, benlèu un pauc d'er fresc li vendriá d'aquí e li esclarciriá las idèas. Gès d'aquela forca, pasmens! Benlèu Sauvanhac la li a manlevada aqueste matin? Aquel d'aquí, li val que la Combalona coneis son monde, un òme e una femna que son de sa raça a ela e al Combal. El tanben raceja e la Combalona, li conven pas gaire de li faire aquela crassa al Miquèl. Mas aquel bardòt s'es daissat aleiçonar per lo Rodièr coma un mainatge. De qu'aviá de besonh, el, d'un camin mai larg? De tot branle, la sieuna de carreta i passava sul cairrairon, e mai amb lo budèl. Basta!... Regrat per regrat, aquò's sonque per faire un parlar. Deman matin - la Combalona ne botariá sa man dins lo fuòc - lo Sauvanhac, e mai rondinèsse per lo semblant, serà lo primièr a s'escacalassar darrièr l'esquina del Rodièr, d'abòrd que l'aima pas gaire el tanben.

12Ni per aquela, l'auriá pas deguda gardar tant de temps, la forca. Per bon astre, lo Combal es anat beure un còp saique ben. D'aquel temps, la Combalona l'aciparà la portalièra e ne traparà benlèu una autra de forca. Sembla que venga nuèit… o aqu'ò's la pastura que tapa la portalièra e ennegreís lo palhèr? Non! solide que ven nuèit; s'estrementís de freg ara la vièlha femna. Fa freg, mas empacha pas que lo palhèr es tant estofador coma tot ara. èra pas tant malaisit de caminar dins lo fen, amb las cambas que se i afonçan dedins, e los pès que N'a lo gargalhól sec a non plus e una angoissa la quicha de per dedins que s'en voldriá ben desliurar. Quanta lassa se sentís! Se solament butan a travers de l'erba seca contra non sap qué. Un engordiment la pren a bèles paucs, e l'enveja de s'alongar a plec e de clucar los uèlhs. De campanas, enlà luènh, se brandisson a mòrt. Quinas idèas de campanejar d'aquesta ora! Quant ensucant es, aquel campan gròs que li vonvoneja dins lo cap. Se solament lo braç e l'espatla i dolguián pas tan. Benlèu se los quichava jos lo pes de son còs li farián pas tant mal. La tèrra bolegada de fresc es mofla a l'esquina de la vièlha e son cap trapa just un ròc per li servir de cabeçal. Darrèr lo serre del Terondèl, una lusor daurada s'espandís. Lèu, la luna dins son plen capejarà ennaut del pueg e escrincelarà d'ombras e de clartats lo campèstre tot, la vilòta amagada dins la nuèit e los penjals de Gresac amb sas faissas de vinhas, sos olivièrs e sos masicòts.

13La Combalona, sa man frelha la rega a son costat; se ven, puèi, pausar sus lo ventre coma se voliá emplir sa fauda de tèrra; s'escampa mai pel sòl e tòrna començar sens pausa ni fin. Un raufèl doç cascalheja dins sa garganta. Un grilh, qu'aquela forma estadissa non espauruga, escala una camba, davala, tòrna montar e se passeja un briu sul pitre. Sauta puèi un còp de mai s'engulha dins qualque trauc.

14Dins lo cel clar, la Possinièra davala e cabuça a cha pauc darrièr lo Cingle mentre que la Combalona a vint passes del budèl, arramba qu'arrambaràs, batalha longamai contra la Mòrt.

15Auton de 1958

16Le «budèl»2

17[Traducttion inédite de l’auteur]

18La Combaloune s’appuya au muret de pierres sèches et ferma les yeux.

19Un vertige la tint immobile un instant. La vieille femme connaissait bien le vide qui se creusait dans son épaule. Bientôt un malaise qu’elle ne pouvait pas décrire clairement se nicherait là; puis la douleur familière rayonnerait dans tout le côté gauche de sa poitrine et descendrait dans son bras. «Pas d’effort, ni de souci» disait toujours le médecin. Le tonnerre de Dieu le cure3, cet homme!

20Les luminaires de la petite ville, blottie en bas dans son étroit vallon, commençaient de clignoter par ci, par là. Certains ne pouvaient pas être aperçus de là-haut, les maisons les dissimulaient; mais ils formaient un halo sur les toits et éclairaient la base de la tour carrée de Saint-Fulcran.

21La Combaloune chercha le clocher, puis à sa droite la ligne de luminaires de la Citadelle et, un peu en arrière, un luminaire isolé qui étincelait. Entre les deux, la maison de Rodier. La Combaloune ne pouvait pas voir cette maison, la nuit était complètement tombée; mais elle la savait là, entre les deux clartés et, tout en la regardant, la vieille femme tressaillait de joie et de haine. A cette heure-ci, il devait lire son journal, ce «pesolh revengut»4 de Rodier. Quelquefois, sans doute, il s’arrêtait et songeait au muret qu’ils avaient bâti dans la journée, Sauvagnac et lui, et il était sûrement content. Le muret, Sauvagnac l’avait rebâti comme seul dans tout Grézac, il le savait faire. Même s’il pleuvait longtemps la paroi n’aurait pas été sur le point de s’effondrer encore une fois. De plus, le gros camion de Rodier aurait pu tourner sur le chemin avec ses trente ou trente-cinq comportes pleines sans que le chauffeur ait la crainte de verser dans l’étagère de dessous. Une œuvre maîtresse, oui! Seulement, la Combaloune est là! Et demain matin, Rodier, s’il monte à sa vigne de Grézac, sa satisfaction s’évanouira dans l’instant. La vieille femme éclata de rire longuement. Ah! il croyait, ce morceau de «gavach», de venir gouverner la population ici… Parce que avec l’argent de ses vieux, il avait pu rassembler trois ou quatre carrés de vigne, les meilleures du pays, il voulait faire la loi! A demain matin, mon homme!

22La Combaloune regarda une dernière fois le trou d’ombre où se cachait la maison ennemie et, avant de se retourner vers la murette, elle observa un instant le mas que l’on devinait à quelques centaines de mètres d’ici, derrière deux ou trois acacias au feuillage maigrelet. Une ombre passa dans un cercle de clarté. La Sauvagnette jeune certainement; la vieille est plus menue. Elle doit «lever» la table; dans cette maison, on finit toujours de manger à toutes les heures. On se couche, le souper terminé; donc maintenant, la Combaloune avait la nuit pour accomplir son œuvre.

23La vieille femme se pencha sur la paroi et ses mains cherchèrent à tâtons les coins qui bloquaient les pierres entre elles et qui faisaient de la murette une paroi implantée comme un énorme rocher. Elle en saisit une, pointue, qui affleurait. Secouant, et secouant encore, elle essaya de la retirer hors de la paroi; mais le coin ne bougeait pas d’un cheveu; il semblait collé au mortier avec les autres. La vieille en chercha une autre. En vain! Même une barre à mine enfoncée dans quelque trou n’ébranlerait pas un seul caillou de cette paroi.

24Appuyée des deux mains aux pierres encore chaudes de la chaleur du jour, la vieille souffla un bon bout de temps. Seulement de monter de la ville jusqu’ici l’essoufflait à l’extrême et faisait épanouir dans son épaule un nœud de douleur. Ce soir, elle était montée, non pas tranquillement comme à l’ordinaire lorsqu’elle venait voir le travail de son fils, mais rapidement, et une colère du tonnerre de Dieu l’étranglait. Depuis un quart d’heure, elle s’arrachait les ongles afin d’extraire un coin, un petit caillou, un menu gravier et sa colère gonflait de plus en plus. Quel «bestiàs», le Simon, de n’avoir rien dit à Rodier et à Sauvagnac pendant qu’ils remontaient la muraille. Et en ce moment, il se prélassait certainement au frais, devant la porte, car il n’avait rien compris à la colère de sa mère. Ils avaient le droit de le réparer ce «budel», c’est sûr, et même au regard de la loi, ils y étaient obligés; leur chemin commun s’appuyait sur lui. A parler clairement la Combaloune les avait assez persécutés tout au long de l’hiver et du printemps, et de l’été, afin qu’ils le réparent. Mais il fallait qu’ils le réparent dans leur propre terrain, et non pas dans celui de la Combaloune. Ils lui avaient pris deux pans de large et peut-être plus afin de bâtir une muraille plus épaisse. Et cette souche, juste au ras de la paroi, ils l’avaient encerclée dans une espèce de cage dans laquelle les raisins s’échauderaient, c’est sûr. De plus, comment pensaient-ils que Simon la travaillerait cette souche? On ne pourrait pas seulement tourner autour d’elle au temps du déchaussement. Et par dessus le marché, ils avaient supprimé le «davaladon» grâce auquel on pouvait monter de sa propre étagère jusque sur le chemin. Qu’ils ne viennent pas dire que ce chemin datait du temps où la route n’existait pas. En ce temps-là, le Combal sortait la récolte par le sentier de Rodier et de Sauvagnac et il la descendait en ville par la calade. Aujourd’hui, la route côtoyant son étagère la plus basse, il ne prenait plus la peine de monter ses raisins jusqu’au chemin de Rodier, c’est clair, et depuis de nombreuses années on ne l’utilisait plus. Mais le droit est le droit, et si demain les Combal voulaient passer par ce sentier avec leur mule, ils devraient pouvoir monter et pour cela, il fallait que leur raidillon reste.

25La vieille serra son poing droit contre sa poitrine, à l’endroit même où la douleur la rongeait le plus. Par moment, il lui semblait que si elle pouvait enfoncer ses doigts dans ce creux, elle ne souffrirait plus. Mais cela était parler pour ne rien dire. Il valait mieux se mettre à l’ouvrage, car les nuits d’août se terminent plus tôt qu’on ne le croit.

26Du moment qu’elle ne pouvait pas démolir la paroi à partir de son milieu, elle la démolirait pierre par pierre. La vieille saisit une des dalles qui couronnait la muraille et la jeta au sol. Elle se rendit compte immédiatement que si elle entassait les pierres près d’elle ses pieds seraient bientôt recouverts. Elle se mit alors à porter les rocs un par un à cinq ou six pas de là. Elle les saisissait de ses mains noueuses que le travail de la vigne avait rendues rêches et bien que leur poids tirât sur ses épaules, elle en ressentait une jouissance quasiment charnelle. Aller… Retour… Elle allait du muret au tas de pierres qui montait petit à petit, six pas d’un côté, six pas de l’autre. Parfois elle se recroquevillait; la roche était lourde et une lame de feu alors brûlait son dos. Les petits cailloux, elle les jetait depuis la muraille; mais il y en avait peu, car ce foutral de Sauvagnac avait un tour de main de première pour bâtir. Et d’ailleurs, l’élan de son bras l’essoufflait plus que les allers et retours. Par moment, elle étouffait tellement, avec dans la gorge un bouchon qui ne voulait ni monter ni descendre, qu’elle se laissait glisser sur place, le joue posée sur une pierre et l’odeur de la terre montait dans ses narines. Le feuillage d’un olivier bougeait doucement, sombre sur le sombre du ciel parsemé d’étoiles. Un sourire amical détendit les lèvres de la Combaloune. Cet olivier-là était le premier que Combal avait planté, il y a cinquante ans, l’année même où ils avaient acheté ce morceau de friche. Des cailloux, des plantes de toutes sortes et des ronces qui s’entrelaçaient d’un bout à l’autre de la friche. Combal l’avait défrichée à coups de soirées après sa journée chez Monsieur Teissier, pendant qu’elle amoncelait les cailloux de loin en loin. Ensuite, Combal, avec ces tas de pierres, avait monté quatre murailles afin de faire tenir en quatre étagères la terre de la pente. Alors, bon an mal an, la vigne leur avait donné ses quinze hectos de vin. La Combaloune aurait pu se promener dans sa vigne les yeux fermés; elle la connaissait souche par souche. Ici cinq souches de la Madeleine, les premiers; là une étagère de Carrignan; là-bas trois rangées de Boucher, pour donner couleur au vin; en bas une paire de cent souches d’Aramon, et devant le petit mas, un carré de Servant qu’elle suspendait dans la chambrette du haut de la maison et on en avait jusqu’à Pâques en les ménageant. Cette souche que Rodier et Sauvagnac avaient enfermée et les trois autres qui suivaient jusqu’au raidillon étaient des «couilles de coq». La Combaloune en mettait des grains dans de l’alcool avec des herbes, car c’était son secret et ils pouvaient venir les riches avec leurs fabriques de liqueurs pour avoir quelque chose d’aussi savoureux. Le Rodier tout le premier! Il avait mis des hybrides à sa vigne de Grézac, parce qu’on ne sulfate pas les hybrides, pas plus qu’on ne les soufre. Quand il l’avait taillée, labourée et déchaussée, c’était fini. Et il pouvait se préoccuper seulement de ses vignes de la plaine.

27La Combaloune serra les mâchoires et se dressa une fois de plus. Son travail était seulement à moitié fait. Il fallait démolir complètement cette muraille et il fallait que la terre, que les deux hommes avaient entassée derrière les pierres, glisse jusqu’à l’autre côté de l’étagère. Il fallait la démolir complètement et faire voir au Rodier que, bien qu’elle fût une veuve pauvre et vieille, elle ne se laisserait pas rouler par quelque gros monsieur quel qu’il soit.

28Si elle avait une barre à mine, elle arriverait à présent à l’ébranler d’elle-même. Peut-être y en avait-il dans le mas, du temps où Combal posait des cartouches de dynamite pour briser les plus gros rochers. La vieille mesura de l’œil la distance jusque là-bas. Il lui semblait que ses pieds s’enfonçaient dans du foin. C’était exactement cela; elle marchait en chancelant sur le fourrage amoncelé dans le pailler. En bas de la «portalière», perché sur la charrette, Combal le lui faisait passer avec la fourche; elle, elle le prenait et le passait vers l’autre bord… Mais… et sa propre fourche? Où diable l’avait-elle abandonnée? Sans elle, elle ne pouvait plus se tenir droite. Le Combal, certainement, devait commencer de jurer devant la porte engorgée de foin. Il faisait chaud dans ce pailler, une chaleur épaisse qui lui enlevait le souffle. La sueur coulait sur tout son corps; elle la sentait rouler le long de ses joues et elle en goûtait la salinité sur ses lèvres. Si seulement elle pouvait atteindre la «portalière», peut-être un souffle d’air frais lui viendrait de là et éclaircirait ses idées. Tout de même cette fourche! Peut-être Sauvagnac la lui a empruntée ce matin? Celui-là, il a de la chance que la Combaloune connaît sa famille, un homme et une femme qui sont de sa race à elle et à Combal. Lui aussi «racège» et il ne convient guère à la Combaloune de lui jouer ce mauvais tour. Mais ce nigaud s’est laissé convaincre par le Rodier comme un enfant. Quel besoin avait-il d’un chemin plus large? De toute façon sa charrette passait sur le chemin, même avec l’effondrement. «Basta!» Regret ou non, c’est uniquement une manière de parler. Demain matin – la Combaloune en mettrait la main au feu – le Sauvagnac, bien qu’il proteste pour les apparences, serait le premier à éclater de rire derrière le dos du Rodier, car il ne l’aime guère lui non plus.

29Malgré ce, il n’aurait pas dû garder la fourche aussi longtemps. Heureusement, Combal est sûrement allé boire un coup. Pendant ce temps, la Combaloune atteindra «la portalièra» et trouvera peut-être une autre fourche. On dirait que la nuit arrive… Où est le fourrage qui bouche «la portalière» et assombrit le pailler?… Non! Certainement la nuit arrive. La vieille femme à présent tremble de froid. Il fait froid, mais n’empêche que le pailler est aussi étouffant que tout à l’heure. Sa gorge est sèche et une angoisse la serre intérieurement et elle voudrait bien s’en débarrasser. Comme elle se sent lasse! Si seulement ce n’était pas aussi malaisé de se déplacer dans le foin avec les jambes qui s’enfoncent là-dedans et ses pieds qui heurtent à travers l’herbe sèche contre elle ne sait quoi. Un engourdissement la prend peu à peu, ainsi que l’envie de s’allonger complètement et de fermer les yeux. Des cloches, là-bas loin, sonnent à toute volée. Quelles idées de faire sonner les cloches à cette heure-ci? Quelle est assommante cette cloche qui bourdonne dans sa tête! Si seulement son bras et son épaule lui faisaient moins mal! Peut-être si elle les pressait sous le poids de son corps ils lui feraient moins mal? La terre, bouleversée de frais est moelleuse à l’échine de la vieille et sa tête trouve juste un roc pour lui servir d’oreiller.

30Derrière le Thérondel, une lueur dorée s’étend. Bientôt la pleine lune montera en haut du mont et sculptera d’ombre et de clarté toute la campagne, la petite ville cachée dans la nuit et les pentes de Grézac avec ses étagères de vignes, ses oliviers et ses masures.

31La main de la Combaloune frôle le sillon près d’elle; puis elle vient se poser sur son ventre comme si elle voulait remplir son giron de terre; elle se rejette à nouveau sur le sol et recommence sans pause ni fin. Une plainte douce fait un bruit de grelot dans sa gorge. Un grillon, que cette forme immobile n’effraie pas, escalade une jambe, descend, monte à nouveau et se promène un instant sur sa poitrine; puis il saute une fois encore et se faufile dans quelque trou.

32Dans le ciel clair, la Voie Lactée descend et plonge peu à peu derrière le «cingle5» pendant que la Combaloune à vingt pas du «budel» – «arramba qu’arrambaràs6» – bataille longuement contre la mort.

2 - La tèsta de sant Frocan / La tête de saint Fulcran

33Raconte de Leopòld Fornièr (collectat devèrs 1950)

34Lo libre de l’istòria de la vila de Lodeva ditz qu’al moment de la presa de la vila pel baron de Cailús de Lunas, lo 3 de julhet de 1573, lo còs de sant Frocan foguèt trigossat per la vila e sa tèsta foguèt carrejada fins al vilatge de L. pròche Lodeva.

35[En 1573, le corps de Fulcran fut traîné dans les rues de Lodève et sa tête fut transportée jusqu’au village de L… près de Lodève.]

36Mas quales son los vilatges de l’encontrada que son nom comença per la letra «L»? Es que podèm pensar que se pòsca parlar de Lunàs? Aquò seriá pas de bon comprene puèi que foguèron los estajants de Lunàs, uganauds, que venguèron profanar aquestas relíquias. Probable que se parla puslèu aquí del vilatge de Laurós pr’amor que:

• Laurós èra una de las residéncia d’estiu dels avesques de la ciutat episcopala de Lodeva.

• Laurós èra una plaça plan fortificada.

• Demai Laurós es plan mai pròche de Lodeva que non pas Lunàs.

37A Laurós, o diguèron sempre, los nòstres reires, que lo vilatge fortificat d’aquel temps èra plaçat jos la proteccion de sant Frocan.

38[Lunas? Lauroux? Plutôt Lauroux, car c’est une résidence d’été des évêques de Lodève, c’est une place fortifiée, proche de Lodève et sous la protection de saint Fulcran.]

39Un fach, qu’arribèt plan mai tard, enfortís tot aquò. Mas de qué se passèt devèrs 1896?

40Un sénher, Marius Delseriès, maselièr a Laurós e a Lodeva, èra a charrar a costat d’un grifol de Laurós amb lo sénher Teodòr Veriac lo paire, fustièr a Laurós. Aviá un grand parapluèja blau que, per s’i apiejar, lo plantèt a l’orizontala dins la muralha de la capèla de la glèisa que se ditz capèla Sant-Pèire.

41[1896: Monsieur Delseriès, boucher à Lodève et à Lauroux, bavardait avec Monsieur Veriac le père, menuisier. Il s’appuyait sur son grand parapluie bleu qu’il avait planté dans la muraille de la chapelle Saint-Pierre.]

42Subte, la punta de la cana del parapluèja s’enfonzèt entre doas pèiras e li foguèt pro malaisit de la tornar tirar d’aquí qu’èra retenguda pel rebòrd de tela que i son estacadas las balenas. Forcèt per l’arrancar, lo mortièr s’engrunegèt e una partida d’una clòsca apareguèt…

43[Quand il retira son parapluie, le mortier s’effrita et une partie d’une tête apparut…]

44Totes dos, pro espantats, me mandèron quèrre lo curat que s’apelava Carles Bringuièr e que n’èri un dels clèrgues. Venguèt sulpic e comandèt de levar la pèira gròssa qu’èra pas brica coma las autras utilizadas per la bastison de la capèla.

45Lo sénher Teodòr, provesit d’un pal de fèrre que se l’èra anat quèrre en cò sieu, capitèt pro aisidament de levar la pèira e vegèrem alara, en entièr, la clòsca qu’aquela pèira l’amagava.

46Cossí e perqué l’avián estremada aquí, çò faguèrem?

47[Le curé, appelé, fit enlever la pierre et la tête apparut en entier…]

48Vegèrem puèi que lo mortièr, e mai plan vièlh, correspondiá pas brica a lo qu’èra emplegat pel demai de la muralha.

49Fin finala tapèrem lo trauc e Monsen lo curat s’emportèt lo crane.

50En mai del mond ja mencionats, èran aquí presents lo sénher Estève Sauvanhac, lo sénher Loís Thèl (adjunt a la retirada), lo sénher Albin Crozet e la dòna Onorina Crozet.

51Puèi Monsen lo curat que coneissiá l’istòria de la vila de Lodeva se remembrèt que se parlava, per çò que concernís las reliquías de sant Frocan, del vilatge de L. pròche de Lodeva. D’aquí a conclure qu’aquò podiá pas èsser quicòm mai qu’una partida d’aquelas quitas reliquías, i aviá pas qu’una encambada que se la faguèt sens trantalhar.

52[Plusieurs personnes étaient présentes ce jour-là et Monsieur le curé pensa qu’il ne pouvait s’agir que d’une relique de saint Fulcran.]

53D’ara en davant quitèt pas pus de parlar de tot aquò e se prenguèt la reliquía que la placèt sus la comòda en fàcia de son lièch.

54Preguèt los sieus eiretièrs, la dòna Sofia Masse e son filh Carles, de Pesenàs (sa neboda e son pichòt nebot) de plaçar la tèsta dins son ataüt, quora seriá defuntat, contra son còr, plan segur qu’èra que la tèsta representava la pus principala reliquía de Sant Frocan, represa autres còps als Vandales per un de Laurós.

55Aquò foguèt fach del biais qu’aviá demandat. Alavetz dins aquel ataüt existísson doas tèstas…

56[Le curé emporta la tête chez lui et, lorsqu’il mourut, il demanda qu’on la mît dans son cercueil.]

57Per çò qu’es de ieu, pòdi apondre qu’aviam a l’ostal, plegada dins un teissut de seda blanca amb un riban blau, un tròç de carn seca que, pareis, veniá del còl de sant Frocan e qu’existissíá dempuèi lo grand de mon grand, alara en familha amb los Bedes.

58Aquestas relíquias se son puèi perdudas per negligéncia mas aguèri l’escasença de ne veire de parièras dins la familha Bedes fa tot escàs un vintenat d’ans. Èran tanben de relíquias de sant Frocan.

59Aqueles faches d’aquí los caliá metre en relacion, qu’enfortisson ma suposicion que ven atal gaireben una certitud s’òm constata l’emplaçament qu’ocupava aquesta reliquía, fàcia al portal de la placeta fòrta que deviá aparar lo vilatge de las invasions.

60[D’autres reliques existaient dans les familles Fournier et Bedes: des fragments de chair desséchée enveloppés dans de la soie blanche]

61Es d’aquel temps, probable, que nasquèt la cresença que se transmetèt puèi de generacion en generacion, que disiá que Laurós èra protegit per sant Frocan.

62[Quant à la tête, on suppose qu’elle a été placée là pour protéger Lauroux des invasions.]

63Aquò o caliá metre per escrich, es fach sus mon onor.

64[Écrit par Léopold Fournier]7

3 - Besucarietas

65Au catequisme8

Lo prèire demanda a un enfant:

«Combien y-a-t-il de dieux?

– Sai pas, ieu, tres o quatre...

– Siás un ase!».

L'enfant raconta l'afar a son paire que li ditz:

«Demanda al curat quantas de patas a un pofre9»

«Mossur lo curat, quantas patas a un pofre?

– Sai pas.

– Sètz un ase, vos atanben!». (J.-P. Marc)10.

66Sers d'eleccions

Los sers d'eleccions s'estacava una vèsta a la cima d'una pèrga e l'anavan brandir jos la fenèstra del candidat malurós en cridant: – «Òu, Untal, quana vèsta! Untal, quana vèsta!». (J.-P. Marc)

67Enfantolitges

a - Un dròlle prepausa a son vesin, Salas, qu'aviá de cabras, de li vendre de marrons amassats sul pargue municipal de Lodeva:

«Salas, quant me'n bailaretz del cent?

– Un sòu!

– Ne'n vòle dos!

– Te'n dòne un, pas mai!

Malcontent, lo dròlle se met a cantar:

Joan, vai gardar las cabras;11
Joan, las cabras se'n van!
Se las aviás plan gardadas,
Se'n serián pas enanadas;
Joan, vai gardar las cabras;
Joan las cabras se'n van!

– Bogre de fosic12! O dirai a ton paire!». (J.P. Marc)

68b - Dins l'androna13 que va de la carrièira del Masèl a la Plaça del mercat, entre la vièlha especiariá Pinhòl e la bocariá Delcerièis, tres enfants son amagats amb una provision de tomatas. Se meton a bramar a plen de cap: «Simila, solièrs!... Simila, solièrs!» (qu'èra la crida d'un pegòt14 quand fasiá sa virada dins la vila). Volián atissar aquel paure grolièr, installat dins un recanton del mercat cobèrt, per lo forçar a se far veire. Plan sovent fasiá lo sord. Mas un ser, enferonit pel secutament15 audaciós d'aqueles joves descervelats, sortiguèt en cridant: «Se vos trape!...» Ne'n poguèt dire mai, que se prenguèt de tomatas pel morre... Los tres aissables fugiguèron al mai córre. (J.P. Marc)

69c - Autres còps los jardinièrs pagavan una redevença a la vila per èstre autorizats a balajar las carrièiras. Cadun aviá un balajaire que seguissiá un tombarèl tirat per un chaval. Quand los enfants rencontravan Pelhon, balajaire seguit del chaval Romulus, li cridavan: "Pelhon, Pelhon la pècha!" (a causa d'una plaga qu'aviá a la tèsta). Lo paure bogre s'embufava16 e menaçava ambe sa balaja que portava sus l'espatla drecha coma un fusilh. Un jorn li cantèron:

Tiens, tiens! Voilà Peyou,
ambe son carreton.
Sa pala tras l'esquina,
tiens, tiens! Voilà Peyou,
Sa pala tras l'esquina
mena son carreton. (J.-P. Marc)

70Al fuòc!

71Aquò’s una istòria de familha. Aquò se passava… ò… i a de temps a la Bocarié. Los Cònnes avián coma escais17, los Canèlas e l’oncle Jan, coma l’apelavan, avián una filha que veniá de se maridar. E alara los joves, chaca còp, fasián lo charivari, cantavan per acampar qualquas dragèas. E coma lo papeta èra capitani de pompièrs, los enfants, una banda, son passats a la Bocarié: «Al fuòc! Al fuòc! Al fuòc!» – «Menuts, ant’es lo fuòc?»18 – «Al trauc del cuol de la Canèla!». (A. Connes, Lodeva, 2008)

72Lo martelet

73Los enfants, totes aquí, èrem tres, quatre, sabiam pas de qué faire lo dijòus. Quand veniá sul pic de sieis oras, se disián: «Cal anar faire lo martelet a n’aquel vielh aquí o a una vielha.» Alòra amb una ficèla estacada al martèl a la pòrta… e nos amagàvem dins una autra pòrta e tiràvem la ficèla… pan…, pan…, pan… Digús19 bolegava pas. Anem! pan… pan… pan… Totjorn pas res. Autre còp… pan… pan… pan… Una finèstra se dobrís: «Qual sòna?». Pas res. «Qual aquò que sòna?» Pas res. Tot d’un còp, partís un molon d’enfants. «Maissants subjectes! Polissons!». (A. Connes, Lodeva, 2008))

74Mercants de fagòts

75a - Lo Rat. Lo Rat confeccionava de fagòts ambe de lenha menuda qu'amassava dins los bosquets a l'entorn de las rotas de Somont e de la Verge. Vendiá puèi sos fagòts a Lodeva. Un vèspre s'endormiguèt dins un valat, long de la rota de Somont, sa pipa alumada al bèc. La pipa tombèt e lo fuòc prenguèt dins la bartassanha20. Era embriagat, lo Rat? Se mainèt21 pas de res e moriguèt cremat. (J.-P. Marc)

76b - Baptiston. D'unes dison que Baptiston a son retrach sus l'una de las doas fonts del monument dels mòrts de Pau Dardé sul pargue municipal. *Baptiston fasiá lo mème mestièr que lo Rat e acampava sa lenha dins los mèmes endreches. Quand aviá vendut sos fagòts, fasiá sas crompas. De còps li demorava quauque menudalha. Alara sonava los dròlles qu'èran a l'entorn e lor distribuïssiá las pecetas. D'unes, que lor èra defendut pels parents de se faire ambe22 Baptiston, refusavan. Alara Baptiston: «Non, vòles pas? Tè, dins Lèrga!». E escampava los sòus dins la ribièira. Baptiston dormissiá pas jamai amb un sòu dins la pòcha. De mai, colcava totjorn defòra. Al matin d'un ivèrn mai que mai rude, de caçaires lo trapèron mòrt de freg sul puèg de la Verge. Lo Rat e Baptiston avián lo mème mestièr, mas la causa de lor mòrt siaguèt totalament contrària.

77* Dardé aviá demandat a Baptiston la permission de lo representar sus la font, costat sud, de son monument. (Lo mascaron de la font al nòrd es lo retrach, el, de Forès, paure illuminat, mas celèbre a Lodeva, de l'ospici. Baptiston li auriá respondut: «Me'n fote, ieu, de me saupre aquí. Ai begut de vin tota ma vida e, ara, me vòls far escopir d'aiga?». E aviá menaçat Dardé de venir martelar son escultura. Alara Dardé se representèt el mèmes en mascaron d'aquela font. (J.-P. Marc)

78Lo jòc del pirolet

79Figurinas de fusta enfiladas dins quatre o cinc barretas de fèrre, representavan de soldats en totas menas de tengudas, cantinièras... Fasián de virolets (d'aquí lo nom, sai ùque deformat, de pirolet)23 quand las tocavan amb una mena de cavilha lançada amb una arcbalesta. Eran numerotadas e lo numerò mai fòrt ganhava totas las mesas, levat lo dèime prelevat pel tenencièr (Frocand, dich «lo Chiludu»). (J.-P. Marc)

80Curats lodeveses:

81a - Lo Gangà (Abat Benjamin Cordurièr 1871-1958). De femnas piosas avián decidit de faire present al Gangà d'un objècte de culte. L'una d'aquelas damas recaptèt aquel daquòs dins l'armari, sonhosament plegat. Son òme, descobrissent lo paquet, lo dobriguèt e, de conivéncia ambe sos amics, a la plaça del present metèt una chilinga24 per purgar los chavals. Quana suspresa de totes quand lo Gangà descobriguèt la natura de son present! Se ditz qu'el primièr ne'n riguèt fòrça.

82D'aquel jorn a l'endavant e, pendent quauque temps, tanlèu que sortissiá per carrièiras, èra acompanhat per aquela cançon:

Lo Gangà pòt pas cagar
I an crompat una chilinga! (J.-P. Marc)

83b - Lo Gangà èra lo curat de la Valeta e un jorn las femnas de la Valeta ie25 volguèron faire un present. Mas aquò plasiá pas tròp als òmes, per çò que trapavan que lo Gangà èra resquilhaire aquí. Manjava sus l’esquina d’un pauc tot lo monde – e òi! –. I aviá de femnas que ie portavan una costèla, l’autra ie portava un formatjon. Enfin los òmes aimavan pas aquò. E alara las femnas ie devián ofrir un calici, mas enfin pas un caliçi en òr segurament. E quand aguèron crompat aquel caliçi, los òmes se desbrolhèron per cambiar lo caliçi e metre a la plaça una chilinga. E avian fach sul Gangà aquela cançon [sus un aire conegut de polcà]:

lo Gangà pòt pas cagar
ie cal la chilinga
ie cal la chilinga
lo Gangà pòt pas cagar
i cal la chilinga per anar! (André Connes, Lodeva, 2007)

84Una veitura que veniá de Montpelhièr, de Besièrs o d'endacòm mai al sud, s'arrestèt al cafè de la Borsa. Lo Gangà, grand adèpte de l'autostòp, ne'n davalèt. La veiture se revirèt e se'n tornèt cap al sud. Lo menaire n'èra... Jòrgi Brassens! (Contat per tres testimònis oculars). Se pòt benlèu trapar un pauc del Gangà dins una o mantas cançons de Brassens. De tot biais aqueste podiá qu'èstre interessat per l'anament26 d'aquel prèire lodevés. (J.P. Marc)

85c - Salon (Abat Rafèl Salas).

86L'abat Salas, en carga de la capèla dels Penitents Blancs, menava los obsèquis d'un prèire lodevés. Lo trespassat deviá èstre enterrat dins un tombèl ont dejà jasián tres eclesiastics. Tanlèu la caissa siaguèt davalada, Salon, que de còps que i a, aviá pas pogut resistir a l'atrach de l'aigardent, prononcièt en mena d'orason funèbra: «Ara que sètz quatre, poiretz faire a la manilha!». (J.-P. Marc)

87Istòria del Taranhau e del Salasc

88Lo Taranhau aimava plan lo vin e presque chaqua jorn trempolinejava27. Ressemelaire de son mestièr, tustava talament que ne susava. Getava alors la forma e la sabata dins un canton, se levava, escampava son taboret, preniá sa cabeta28 e corrissiá al ramèl29: «Vite, qu'ai set!». La cabeta plena, partissiá al galòp e sonava pas son vesin per la biure30. Un jorn ne prenguèt talament que s'alonguèt dins lo rèc31. Sos camaradas, per s'amusar, lo prenguèron, un per las espatlas, l'autre per los pès e lo portèron jost una font, que rajava a plen rajòl. Aquís i faguèron faire trempa-cuol; al mes de febrièr fa pas caud! Se desrevelhèt pas. Anèron a son ostal, a la carrièira del Molinièr, lo desabilhèron e lo cochèron, tot nud. Quand sa femna arribèt, lo trapèt alongat sul pavat, redde coma un bigòs: èra mòrt! Partiguèt per l'autre monde. Paure Taranhau! Aimava de rendre servici, per pas grand causa. Era pas michant. Aimava un pauc tròp la caveta, e risiá totjorn.

89Un parelh de jorns après sonèron lo clas del Salasc. Lo Salasc èra conoscut coma lo lop blanc. A jun trabalhava coma quatre e auriá pas fach de mal a una mosca, mas quand teniá lo mièg32, lo diable lo tabatejava; ne voliá sustot als sergents. Caliá que se rebalès. Una nuòch venguèt jost nòstras fenèstras per faire enrajar Madama Frocand e sa bèla-sòrre, la veusa de son fraire: «Salopariá de mèrda! Pan pan larbi, les chacals sont par ici, les chacals, les chacals sont de bons enfants! Jamais, jamais en France, jamais l'Anglais ne régnera! Hi-han! Hi-han!». Aquò èra nòstre ase que bramava. Aviá fach son servici dins los zoaves. El tanben, donc, partiguèt per l'autre mond.

90Lo Taranhau s'arrapava a la còrda per arribar jusca a sant Pèire. Penava talament que ne perdiá la respiracion. En mièg camin drecèt l'aurelha en diguent:

«Conoisse aquela votz.
– Pan pan larbi, les chacals sont par ici
– Aquò's tus, Salasc?
– Òi, espèra-me, Taranhau, espèra-me, te prendrai sus mas espatlas!
Pan pan larbi, les chacals sont par ici!
– Vèni vite, Salasc, despacha-te! Ne pòde pas pus!
– Coratge, Tararanhau, coratge!»

91Lo Salasc èra desgordit. Prenguèt lo Taranhau a chaval sus sas espatlas e, tot en cantant «Pan pan larbi...» escalèt jusqu'en amont. Sant Pèire i dobriguèt la pòrta e lo complimentèt per son coratge e sa bontat. (J.-P. Marc)

92Al tribunal

93La Margarida, la neboda de ma mameta Aurèlia, èra totjorn a se carcanhar33 ambe quauqu’un: «Allez! au commissariat! à la police! al tribunal!». Alara èra en petard un jorn ambe… (aviá una vinha amont a Vinàs), ambe Passet e lo Passet aviá totjorn quauquas vacas e quauquas cabras que traucavan34 dins sa vinha. Un jorn faguèt una denòncia e lo tribunal la convoquèt. Alara diguèt a ma mameta Aurèlia. «Tanta, vendràs amb ieu e farà lo testimòni». Arriban al tribunal. Cadun s’explica contradictòriament. Ma mameta se presenta e lo jutje li ditz: Explicatz çò qu’avètz vist» - «Òi… i a de vacas… an manjat dins las socas». – «Comment l’avez-vous vu?» – «Monsur lo Jutje, dins la vinha, i aviá de bosas coma de capèls!». (A. Connes, Lodeva, 2008).

94La pola

95I aviá un mercant de polalha que passava aquí dins los vilatges per vendre quauques pols, quauquas polas e arribèt al Barri. Alara, un que l’escais n’èra lo Pol li ditz: «Digatz, ambe qualques sòusses de mai, cambiariatz pas un gal per una velha pola?» – «Si, mes me cal veire la pola» – «E ben, esperatz un bocin… Pola!… davala!...» – «Aquò’s aquò la pola?». Aquò-z-èra la femna! (A. Connes, Lodeva, 2008).

96La paur dels fenejaires (Cf. CD n^o 3)

97Dins lo temps, los òmes de Valacuòl35 anavan faire la fenejada a Sant-Martin de las Combas e alara partissián lo matin de bona ora e prenián son dinnar e un barral de vin. Alara aquel jorn èran en trin de fenejar e lo vent se boleguèt e tot d’un còp… aquò-z-èra après dinnar; lo matin fasiá caud, fasiá caud e après dinnar lo vent se boleguèt e avián plan dinnat. Avián secat lo barral e l’avián pausat sus un sause. E tot d’un còp, entendèron un bruch; aquò siblava, aquò siblava, aquò fasiá «O…! O…!» e se demandèron de qu’èra aquò. Alara i agèt un qu’èra un pauc pus coratjós que los autres… diguèt: «O vau veire!». E se’n va d’ante veniá lo bruch e s’avisèt qu’aquò èra lo barral de vin qu’èra sul sause; l’avián pas tapat e alòra lo vent bufava dedins e aquò fasiá: «O…! O…!». E diguèt als autres: «Avètz pas besonh d’avure36 paur! aquò’s la cocorda37 sul sause!». E los autres, qu’ambe lo vent…, entendèron: «Que lo que se poirán sauvar, que se sauven!». Alara totes partiguèron a la corsa. E en partiguent n’i a un que fotèt lo pè sus un rastel que l’autre aviá laissat e te n’i fotèt un sul nas! «Me damne…!».

98[Raconté par René Guilhou, à Villecun, le 13 septembre 2004. Collecte P. Bec / E. Gauzit]