Version classiqueVersion mobile

Nouvelle recherche en domaine occitan

 | 
Hervé Lieutard
, 
Marie-Jeanne Verny

De nòvas de la nova recerca en domèni occitan

Felip Martèl

Texte intégral

1Es lo segond còp. e comptam ben que serè pas lo darrier : ReDòc a organizat, mercés Arvèi Lieutard e Maria-Joana Verny, un rescontre entre los doctorants especializats en materia occitana. Aquí avètz la resulta d'aqueu rescontre, que coma se deu per la jova recèrca se tenguet de prima, en abriu de 2002.

2Rescontre, disèm. Entre de mond que venon de luenh. premier de tot. e qu'an solia pas gaire d'escasença de s'achampar. Pas question aquí de s'acontentar d'aqueus de Montpelhier. chalia que venguèsson tanben aquelos de Tolosa, de Pau. e finda de París. d'Itàlia, de Lleida o de Berlin. Serè aici benlèu una de las capitaas màgers d'aqueu collòqui d'aguer permés la presa de contacte, atrabalhia mas amistosa, entre doctorants venguts d'un pauc pertot. Per natura la recerca en domèni occitan se fa en de luecs pron diverses e aluenchats - mas l'i a pas de vita possibla per la recerca, dins quinte domèni que sieie, sensa contactes e escham-bis. A Montpelhier se son nosats aqueus eschambis : basta contunhès-son, aquí o en quauque luec mai. E desesperam pas d'aguer un jorn lo plaser d'aculhir d'estudiants venguts de Niça, o de Ais, o de las acadèmias nòrd-occitanas ? La Vath d'aran auvoan èra representaa : quora veirèm venir quauqu'un de las Valadas de Piamont ?

3Un rescontre capitat mai, coma lo legeire o confirmarè a liéger las comunicacions çai-rejonchas, en essent puslèu ben cubèrt l'esventalh dels periodes, de las regions e de las disciplinas. Los trobadors çai son, coma se deu. mas tanben la literatura d'oc dels sègles ulteriors. tròp longtemps consideraa coma « descasenta ». Istan d'esperar d'estudis sus la lenga medievala que pron sovent sembla que fai paur als joves cercai-res. La linguistica de la lenga contemporanèa es presenta, dins sas divèrsas dimensions : aitai tant ben l'estudi del sistèma verbau, a travèrs l'es-tudi dau futur, coma l'istòria de la disciplina, en domèni occitan, o la geografia linguistica, suu terrenh pas gaire conoissut aicí en Franca de la Vath d'Aran, o la normalizacion linguistica aplicaa a la toponimia. La sociolinguistica es pas absenta, amb d'enquèstas sus dos cases de figura, en Bearn e a Marselha : doas societats diferentas - dos mondes culturaus tanben ; e una analisi de la situacion de l'ensenhament. Enfin l'analisi literaria es aicí representaa, amb de trabalhs sus d'autors diverses - e de metòdes d'analisi diverses tanben. Sensa eissubliar los problemas liats a la reviraa. entre linguistica e literatura. Per far cort. lo païsatge de la recerca en domèni occitan es aquí dessenhat. Coma chau pron a un moment o l'autre exprimir de regrets, manifestarem l'esper qu'un jorn, dins un collòqui venent, venguen pereu d'etnològs. Qu'aqui tanben l'i auria d'òbra, per qu vouguèsse se n'entrevar. Lo periòde dich barròc, entre Edat Mejana e los dos darriers sègles èra pas aquí - non pas qu'aviam agut dins lo premier rescontre de participants per ne'n parlar. Mas es probablament una abséncia mai que mai provisòria. E tal coma, tot comptat e rebatut, aqueu rescontre pòrse ja d'elements de conoissença e de reflexion precioses. Los prepausam a totes los que s'interessali au desvolopament de la recèrca en domèni occitan. E comptam ben lor donar un autre rendetz-vos. un autre jorn, per persègre dins la dralha ja dubèrta.

Auteur

Responsable de la còla ReDòc, Recèrca en domèni occitan. FRE 2425. CNRS-Universitat de Montpellier

© Presses universitaires de la Méditerranée, 2003

Conditions d’utilisation : http://www.openedition.org/6540

Cette publication numérique est issue d’un traitement automatique par reconnaissance optique de caractères.
Rechercher dans OpenEdition Search

Vous allez être redirigé vers OpenEdition Search