Nou pa ka sanm mé non ansanm
p. 47-49
Note de l’éditeur
Les poèmes ont été fournis lors du colloque en avril 2006.
Texte intégral
1Nou pa vini obò menm bato-la
2Mé nou janmbé menm dlo-la
3Ou sé zendyen kouli malaba yo di
4Mwen an sé nèg kongo blé dépasé nwè
5On dòt van ki flangé lanm alé
6On dòt dlo ki lavé zyé a niyaj
7Menné nou échwé san souf si menm zobèl tè-la...
8Apa chivé grenné an mwen
9Ki fè nou pa ka sanm...
10Nou ni menm po kakodou-la
11Nou sé fwè-bata pétèt
12Mé nou sé fwè kan menm
13An rivé astè Gwadloup an fin-fon lakal
14San mandé vini ni péyé pasaj
15Dé men balan san makout
16Èk dlo nan zyé pou sèl plen-vant
17Fwè an mwen...
18Vou
19Ou rivé an bòdaj a péyi-la baté kon boukèt
20Pasajé si kontra
21Ou vin kolé bout pongnèt évé mwen
22Anba zongonn a jérè...
23Pétèt nou pa ka sanm
24Mé sèten nou sé fwè
25Fwè lè nou ka vlopé kò an madras
26Fwè lè nou ka jonni dwèt an kolonbo
27Fwè lè nou ka pran fréchè an lonbraj a flanboyan
28Pétèt nou pa ka sanm
29Mé sèten nou sé fwè
30Menm si sanblanni
31Ka séparé nou douvan pòt senmityè
32Menm si matalon pa ka lokansé an léwòz
33Menm si nou pran zèb-a-fè é lésé vèpèlè atè
34Fwè sé prèmyé fwa an ka hélé-w fwè
35Prèmyé fwa nou prangad fasadé
36Bouké doubout zyé pou zyé...
37 An savé mòltanni ka ba kò a-w fòs
38Pou bitué tè rèch an zòtèy a Soufriyè
39La Matouba pa ni menm sans pou nou
40Sa vré nou pa fèt ka tété menm lèt
41Mé nou ka woulé nan menm lawout
42Pou nou fin pa vin fwè
43Fwè mayé kon pyès rapòté a menm lenj-la
44Yo di ou flègèdè kon filèt fil-fè
45Yo di an bòsko kon bouva an tras tè-mòl...
46Mé ki vou
47Ki mwen
48Ki pilo dòt krazi boyo dlo menné van chayé
49Péyi-la bouzwen nou
50Pou fè dé pa douvan
51Avan twota pran labann si nou
52Fwè sé an bwaskò nou ké mwalonné touf labou
53Avan gro grenn lapli fésé si do an nou
54Sé an bwaskò matalon é boula ké waké menm balan si chimen a dèmen
55Fwè an ka òz di... douvan nanm é douvan konsyans
56Sèten nou sé fwè é sè a menm zobél tè-la
Bibliographie
Bibliographie
Poésie
1987, Pawòl Naïf, éd. Aïchi, Pointe-à-Pitre, Guadeloupe.
1989, Feuilles de mots, éd. Jasor, Pointe-à-Pitre, Guadeloupe.
1991, Dé gout dlo pou Dada, éd. Jasor, Pointe-à-Pitre, Guadeloupe.
1993, Agouba, éd. Jasor, Pointe-à-Pitre, Guadeloupe.
1995, Rékòt, éd. Jasor, Pointe-à-Pitre, Guadeloupe.
2004, Débris de silences, éd. Jasor, Pointe-à-Pitre, Guadeloupe.
Racontage
2002, Marie La Gracieuse, éd. Jasor, Pointe-à-Pitre, Guadeloupe.
2006, Six virgule trois, mon coeur tremble à Terre-de-Bas, éd. Jasor, Pointe-à-Pitre.
Auteur
-
Max Rippon
Écrivain, poète, français (Guadeloupe) le 17 novembre 2006 Max Rippon, né à Grand-Bourg de Marie-Galante, vit en Guadeloupe.
Le texte seul est utilisable sous licence Licence OpenEdition Books. Les autres éléments (illustrations, fichiers annexes importés) sont « Tous droits réservés », sauf mention contraire.
L’information dessinée en Afrique francophone
Postures critiques et transmission de savoirs
Alpha Barry (dir.)
2019
Pour un Théâtre-Monde
Plurilinguisme, interculturalité, transmission
Yamna Abdelkader, Sandrine Bazile et Omar Fertat (dir.)
2013
L’imaginaire linguistique dans les discours littéraires politiques et médiatiques en Afrique
Musanji Nglasso-Mwatha (dir.)
2011
Le sentiment de la langue
Évasion, exotisme et engagement
Musanji Nglasso-Mwatha et Tunda Kitenge-Ngoy (dir.)
2011
Légitimité, légitimation
Ozouf Sénamin Amedegnato, Sélom Komlan Gbanou et Musanji Nglasso-Mwatha (dir.)
2011
Le discours rapporté dans l’oral spontané
L’exemple du français parlé en République du Congo
Édouard Ngamountskika
2014
Le français et les langues partenaires : convivialité et compétitivité
Musanji Nglasso-Mwatha (dir.)
2014
Transmission et théories des littératures francophones
Diversité des espaces et des pratiques linguitiques
Dominique Deblaine, Yamna Abdelkader et Dominique Chancé (dir.)
2008