Lectures
p. 239-244
Texte intégral
Histoires de voyeurs...
1Sur mol duvet assiz, ung gras chanoine,
Lez ung brasier, en chambre bien natée,
A son costé gisant dame Sidoine,
Blanche, tendre, polye et attintée,
Boire ypocras à jour et à nuytée,
Rire, jouer, mignotter et baisier,
Et nud à nud, pour mieulx des corps s’aisier,
Les vy tous deux par ung trou de mortaise.
Lors je congneuz que, pour dueil appaisier,
Il n’est tresor que de vivre à son aise.
2(Villon, Les Contredits de Franc Gantier, strophe I, éd. C. Thiry, Lettres gothiques, 1991, p. 209.)
... Et de borgnes...
3Une jeune fille ne peut être guérie d’hémorroïdes qui la font terriblement souffrir. Après bien d’autres, un cordelier propose ses services...
4Et quand vint l’heure qu’il voult besoigner et la paciente mediciner, on la print comme l’aultre foiz, et sur la cousche tout au plus bel qu’on peut fut a bouchons couschée, et son derriere descouvert assez avant, lequel fut incontinent par matrones d’ung beau blanc drap linge garny, tapissé et armé. Et à l’endroit du secret mal fut fait ung beau pertus, par lequel damp cordelier le povoit apertement choisir. Il regarde ce mal, puis d’un costé, puis d’aultre ; maintenant le toulche d’un doi tant doulcement, une aultre foiz y souffle la pouldre dont mediciner la vouloit. Ores regarde le tuyau dont il voult souffler ladicte pouldre par dessus et dedans le mal ; ores retourne arriere et jette l’œil de rechef sur ce dit mal, et ne se peut saouler de assez regarder. A chef de peche, il prend sa pouldre a la main gauche, mise en ung beau petit vaisseau plat, et de l’aultre son tuyau que remplir vouloit de ladicte pouldre. Et comme il regardoit tresententivement et tresprès par ce pertus et a l’environ le destresseux mal de la pouvre fille, si ne se peut elle contenir, voyant l’estrange fasson de regarder a tout ung œeil de nostre cordelier, que force de rire ne la surprint, qu’elle cuida longuement retenir, mais si mal, helas ! luy advint, que ce ris a force retenu fut converty en ung sonnet dont le vent retourna si tres a point la pouldre que la pluspart il fist voler contre le visage et sur l’œil de ce bon cordelier, lequel, sentent ceste doleur, habandonna tantost et vaissel et tuyau ; et a peu qu’il ne cheut a la renverse, tant fut fort effrayé. Et quand il reut son sang, il met tout a haste la main a son œil, soy plaignant durement, disantqu’il estoit homme deffait et en dangier de perdre ung bon œil qu’il avoit. Il ne mentit pas. Car en pou de jours la pouldre, qui corrosive estoit, luy gasta et mengea l’œil, et par ce point aveugle fut et demoura.
5(Les Cent Nouvelles nouvelles, n° II, in Conteurs français du XVIe s., éd. P. Jourda, La Pléiade, 1956, p. 28-29.)
6Un noble, borgne, revient de guerre sans prévenir tandis que son épouse est au lit avec un écuyer, son amant. Elle prétend avoir rêvé que son mari voyait clair des deux yeux ; il se prête de bonne grâce à la contre-preuve...
7Et a cest coup el ouvroit l’huys, tenant la chandelle ardant en sa main. Et monseigneur, qui est content de ceste epreuve, souffrit bien que madame luy bouchast son bon œil d’une main, et de l’autre elle tenoit la chandelle devant l’œil de monseigneur qui crevé estoit ; et puis luy demanda : « Monseigneur, ne voiez vous pas bien, par vostre foy ? – Par mon serment, nenny, m’amye, ce dit-il. « Et entretant que ces devises se faisoient, le lieutenant de monseigneur sault de la chambre sans qu’il fust apperceu de luy. « Or actendz, monseigneur, comment ce dit elle. Et maintenant vous me voiez bien, faictes pas ? – Par Dieu, m’amye, nenny, dit monseigneur, comment vous verroie je ? vous avez bouchié mon dextre œil, et l’autre est crevé passé a dix ans. – Alors, dist elle, or voy je bien que c’estoit songe voirement qui ce rapport m’a fait. Mais, toutefoiz, Dieu soit loé et gracié que vous estes cy !
8(Ibid., n° XVI, p. 75.)
9Un chevalier file le parfait amour avec une chambrière lorsqu’un de ses yeux s’infecte soudainement. Il recourt aux services d’un « chirurgien » qui tombe à son tour amoureux de la chambrière : celle-ci se rend à ses prières et ils décident de bander les deux yeux du chevalier pour se livrer à leurs ébats dans sa chambre même...
10Les deux amants furent adonc bien joyeux, quand ils virent que le chevalier fut content d’avoir l’œil caché. Quand il fut appoincté et qu’il eut les yeulx bandéz, maistre cyrurgien fainct de partir comme il avoit de coustume, promectant de tantost revenir pour descouvrir cest œil. Il n’ala gueres loing, car assez près de son pacient, sur une couche jecta sa dame, et d’aultre palecte qu’il n’avoit remué son chevalier visita les cloistres secrez de la chambrière. Trois, quatre, cinq, six foiz maintint ceste manière de faire envers ceste belle filler, sans ce que le chevalier s’en donnast garde, combien qu’il en oyst la tempeste, mais non sachant que ce vouloit estre, jusques a six foiz qu’il se doubla pour la continuacion. A laquelle foiz, quand il oyt le tamburch et noise des combatans, esracha bandeaulx et emplastres, et rua tout au loing, et vit les deux amoureux qui se demenoient tellement l’un contre l’autre qu’il sembloit qu’ilz deussent menger l’un l’autre, tant mettoient et joindoient leurs dens ensemble. « Et qu’est ce la, dist il, maistre cyrurgien ? m’avez vous fait jouer a la cligne musse pour me faire ce desplaisir ? Doit estre mon œil gary par ce moien ? Dictes, m’avez vous baillé de ce jeu ? Et, par saint Jehan ! je m’en doubtoie bien que j’estoie plus souvent visité pour l’amour de ma chambrière que pour mes beaulx yeulx. Or, bien, je suis en vostre dangier, sire, et ne me puis encore vengier. Mais ung jour viendra que je vous feray souvenir ! ». Le cyrurgien qui estoit le plus gentil compaignon et des aultres le meilleur homme, commença a rire, et firent la paix. Et croy bien que tous deux, quand l’œil fut gary, s’accorderent a besoigner par terme.
11(Ibid., n° LXXXVII, p. 312-313.)
De la mélancolie au choc esthétique
12Or dit l’ystoire que tant porta le cheval de Remondin, ainsi pensif et plein d’ennuy et de meschief qui lui estoit advenu, qu’il ne savoit ou il aloit, ne il ne conduisoit pas le cheval, mais le portoit partout la ou il lui plaisoit a aler, sans ce que il lui tournast le frain a dextre ne a senestre ; ne Remondin ne voit ne oit ne entent. En ce party passa par devant la fontaine ou les trois dames estoient, sans ce qu’il les veist, et ly chevaulx l’emporte grant aleure. Et lors la plus seignourie dist aux autres : par ma foy, cil qui la passe semble gentil homme, mais il ne le monstre pas, ains monstre qu’il est extraitz de rudesse, quant il passe ainsi escouteement devant dames ou damoiselles sans les saluer. Et ce disoit elle pour couverture, pour ce que les autres ne perceussent ce ou elle contendoit, car elle savoit bien que ly bacheliers fu, ainsi comme orrez en l’ystoire cy après. Et lors dist aux autres : je le vueil aler parler.
13Lors se part des autres et vint a Remondin et print le frain du cheval, et l’arreste tout quoy en disant : par foy, vassaulx, il vous muet de grant orgueil ou de grant niceté de ainsi passer par devant demoiselles sans les saluer, combien que l’orgueil et la niceté puet bien estre en vous tout ensemble. Et atant se taist. Et cilz qui ne l’oit ne entent, ne lui respond mot. Et celle, comme couroucie, lui redist autre foiz : comment, dist elle, sire musars, estes vous si despiteux que vous ne daigniez respondre ? Et cilz ne lui respond mot : par foy, dist elle, je croy que cilz jeunes homs dort sur son cheval, ou il est sours et muet. Mais je croy que je le feray ja parler, se il oncques parla nul jour. Lors le prent par la main et le tyre fort et ferme en disant : Sire vassaulx, dormez vous ? Et Remondin fremist tout ainsi comme uns homs qui s’esveille en seursault, et met main a l’espee, comme cil qui cuidoit que les gens du conte lui venisssent courir sus. Et quant la dame l’appercoit, si scot bien qu’il ne l’avoit pas encores apperceue, et lui dist tout en riant : Sire vassaulx, a qui voulez vous commencier la bataille ? Vos ennemis ne sont pas cy present. Beau sire, je suis de vostre partie.
14Et quant Remondin l’ouy, si la regarde, et percoit la grant beauté qui estoit en la dame ; si s’en donne grant merveille.
15(Jean d’Arras, Mélusine. Roman du XIVe s., éd. L. Stouff, Dijon. 1932, Slatkine reprints, 1974, p. 24.)
Le chasseur et la baigneuse...
16Graelent ne s’était pas enfoncé très loin dans la forêt qu’il aperçut, dans un fourré aux branches épaisses, une biche toute blanche, plus blanche que la neige sur l’arbre. Devant lui elle surgit, il l’appela et éperonna vers elle. Jamais pourtant il ne l’atteindra ! Pourtant il la suivit de près, si bien qu’elle l’entraîna en une lande, vers une source qu’il voyait jaillir et dont l’eau était claire et belle. Une jeune fille s’y baignait, et deux demoiselles, se tenant sur le bord de la source, la servaient. Les vêtements dont elle s’était défaite se trouvaient posés sur des branches. Graelent l’aperçut, nue, au milieu de la source. Il se dirigea à vive allure de ce côté, ne se souciant plus de la biche, tant il trouvait la jeune fille menue et svelte, séduisante avec sa peau blanche et rosée, les yeux rieurs et le front lisse : elle n’avait pas son égale au monde ! Il ne voulut pas la toucher dans l’eau et la laissa se baigner à loisir. Il alla saisir ses vêtements, pensant ainsi la retenir. Ses suivantes, effrayées par le chevalier, s’en aperçurent. Leur maîtresse l’interpella avec irritation :
17– Graelent, laisse mes vêtements ! Tu ne pourrais guère en profiter si tu les emportais avec toi et me laissais ainsi toute nue. Ce serait l’effet d’une grande cupidité ! [...] Je ne veux pas sortir car vous pourriez vous emparer de moi ! Parler avec vous ne m’intéresse pas, je n’ai rien à voir avec vous !
18Il lui répondit :
19– Je patienterai, je garderai vos vêtements jusqu’à ce que vous sortiez ! Belle, votre corps est ravissant !
20Lorsqu’elle vit qu’il voulait attendre et ne voulait pas lui rendre ses vêtements, elle lui demanda de s’engager à ne lui causer aucun tort. Graelent le lui promit et lui rendit sa chemise. Elle sortit aussitôt. Il tint le manteau devant elle puis le lui rendit en le lui mettant sur les épaules. Il la prit par la main gauche et l’éloigna des deux autres. Il lui demanda son amour et la pria de l’accepter pour amant. Elle lui répondit :
21– Graelent, tu passes la mesure ! Tu me sembles tout à fait dépourvu de sagesse ! Vraiment je m’étonne fort que tu oses me parler de ceci ! Il ne faut pas avoir tant d’audace, car tu pourrais avoir à t’en repentir bien vite. Aucune femme de mon lignage ne convient à ton origine !
22Graelent la trouva hautaine et il comprit bien que par la prière, il n’obtiendrait pas son plaisir, et d’autre part il ne voulait pas s’en séparer ainsi. Au plus profond de la forêt il la plia à sa volonté.
23(Lai de Graelent, fin XIIe siècle, trad. D. Régnier-Bohler in Le Cœur mangé, Stock + Moyen Âge, 1979, p. 31-33.)
Le texte seul est utilisable sous licence Licence OpenEdition Books. Les autres éléments (illustrations, fichiers annexes importés) sont « Tous droits réservés », sauf mention contraire.
Rêver d’Orient, connaître l’Orient
Visions de l’Orient dans l’art et la littérature britanniques
Isabelle Gadoin et Marie-Élise Palmier-Chatelain (dir.)
2008
Littératures francophones
Parodies, pastiches, réécritures
Lise Gauvin, Cécile Van den Avenne, Véronique Corinus et al. (dir.)
2013
Investigations: The Expanded Field of Writing in the Works of Robert Morris
Katia Schneller et Noura Wedell (dir.)
2015
Corps/texte. Pour une théorie de la lecture empathique
Cooper, Danielewski, Frey, Palahniuk
Pierre-Louis Patoine
2015
Traduire-écrire
Cultures, poétiques, anthropologie
Arnaud Bernadet et Philippe Payen de la Garanderie (dir.)
2014
Les nouvelles écritures biographiques
La biographie d'écrivain dans ses reformulations contemporaines
Robert Dion et Frédéric Regard (dir.)
2013
