De la participacion diabolica

p. 131


Texte intégral

Capitulo XI: yn ipan mitoa yn quenin cauilixtia Diablo yn itech pohui

1Maçiui yehuantin yn tlaueliloque paqui yn inyollo yn iquac conchioa in tleyn tlauelilocayotl connequi, yehica yehuatl ynauilnemiliztli tlapanauia ynic tepapaquiltia, yehuatl ypampa cenca tlapanauia ynic teca mocayaua in Diablo, neauilquixtiliztica, tetlaximaliztica, ynic cenca uel ytçonuazco ymecac, tetlacaz, temayahuiz. Auh ynic cenca ytech tepoaz, çan quemmanian ynic teahuilquixtiz, oquichtli mocuepa ynic ytech açi ynic ce uel çiuatl. Yequene ynic ce uel oquichtli ytech ahçiz cihuatl, yc mocuepa quimitalhuiah intlamatinime yn intoca Doctores:

2Ca yn iquac oquichtli, ytoca yncubo yehuatl Diablo. Auh yn iquac çiuatl mocuepa, ytoca subcubo. Maçihui yn nelli [Sup.6.ge .57] yuh teauilquixtia yn Diablo, ynic tetech haçi, niman amo yc yehuatl papaqui: manel tetech açiz, yehica amo nacayo, amo yuhqui yn inemiliz ynic tetech papaquiz. Maçiui teauilquixtiz, yehica uel Spiritu yn amonacayo. Auh yehuatl yn tenacayo in concui in conatia Diablo, ynic yuh tlauelilocatiz yn yctetech açiz, niman amo nelli yn tenacayo, çan tlapictli monacayotia. [Au.sup.XII ad58] Yehica ypampa niman ahuel quimatiz yehuatl yn papaquiliztli, ynic papaqui yn oquichtli anoço çiuatl yn iquac monepanoua. Tel yehuantin yn tlaueliloque yn itlan nemi in Diablo, yn niuan moteca cenca tlapanahuia ynic papaqui, yehica yehuatl in Diablo miec quimati yn tlauelilocayotl, ynic quichioaz yn in yuhqui ycuiliuhtoc amo monequi yn ixquich, amilhuilozque ynic ayac motlapololtiz. Ça cenca ymacaxoz.

Notes de bas de page

57 Castañega op. cit. p. 57: Lira super vj, ca.Geness.

58 Castañega op. cit. p. 58 : Augustinus xii.super Genesim ad literam.


Le texte seul est utilisable sous licence Licence OpenEdition Books. Les autres éléments (illustrations, fichiers annexes importés) sont « Tous droits réservés », sauf mention contraire.