Version classiqueVersion mobile

Tratado de hechicerías y sortilegios de Fray Andrés de Olmos

 | 
Georges Baudot

De como se puede heredar la familiaridad del demonio

Texte intégral

1/fol. 407 r/

Capítulo X: yn ipan mitoa in quenin uel tetech qualantiuh yn iteyoniuhtiliz yn Diablo

2Miyecpa monepan nonotça cequintin ynic conitoa: ca yehuatl yn naualli uel tetech concauhtiuh yn itequiuh, yn iteyxcuepaliz yn itlauelilocayo, ynic ytechpoui in Diablo. Quilmach uel quiteyxcoyantitiuh, quiteoyocatitiuh quiteaxcatitiuh ynic tetech compachotiuh, ynic temauatiuh, teyxpopoyotilitiuh. Çan niman ayac yuh yztlacauiloz. Ahuel cuiaz yeuatl yn tequitl intlacamo teyollocopa, çan iyollotlama yntlaueliloc, ynic yyollocopa conmonemiliztia yn Diabloyotl; ynic teyxpan anoço pani anoço ychtaca quimocenmaca yn Diablo, ynic yuic monetoltia yehuatl ynic ayac yuh conmatiz. Ynic ayac yuhqui iztlacauiloz, monequi uel cacoz yoan machoz. Ca yntla yehuatl yntenanaualli ytechconcui yn ichpoch, yn itequiuh, yn iteycniuhtiliz in Diablo, çan yyollotlama yn ichpuchtli.

  • 55 Castañega op. cit. p. 55: Scotus in iiij. distinc. iiij.q.iiij de baptismo et eius defectu. Maiore (...)

3Ynic concui, ynic conmaxcatia yn çan iyollocacopa ytechpohuiznequi yn teyxcuepaliztli. Maçiui yc quinonotçaz yntena anoço teta yn ichpoch anoço ypiltçin, maçonel cenca quicuitlauiltiz ynic yuh nemiz anoço ynic yuh conchioaz yntleyn amo qualli. Yntlacamo ceya ynipiltçin, amo yc yehuatl tequitl ytechcaualotaz. Ça iuhqui yn iyollo tlama. Yyollocopa concelia yehuatl tlauelilocayotl yn iquac amo niman ycchicha, amo niman quitlatçilhuia, quitelchiua yehuatl yn diabloyotl ynic monotçalo, ynic uel neçi yn iyollocacopa conmaxcatia. Yehica yntla ce tlacatl iudio anoço mono yn amo quineltoca yn iyectia in baptismo çan quicelia yyollocopa, yn iuh cristianome quimocelilia, çantequitl ynic moquaatequiznequi, manel yn atlaneltoca, yn çanelli y no moquaatequique yc cristiano omochiuh. Auh intla çatepan uellaneltocaz, intla uel quineltocaz, çatepan, yn ineltococapçin yn Totecuiyo [Sco in 4. d. 4.4.4. de bapt° mayores55] Iesu Cristo, niman amo monequi yn oc ceppa moquaatequiz. Uey tlatlacolli yntla oppa ce tlacatl moquaatequiz.

  • 56 Castañega op. cit. p. 56: Scotus in iiij.distinc.xxxiiij.q. unica.

4Çanno yhui yntla ce tlacatl ytech quicuiz yn tleyn machiyotl yntena teta teçitçin, ynic neçi caçan ytech concauhti ynitequiuh, ynic quimocniuhtiz yn Diablo, maçiui yn amo yc quineltocaz ypiltçin anoço oc ce tlacatl yn çanquicuitiuetçi /fol. 407 v/ yn tleyn ic maco ynitechpa in Diablo, yn amo niman quitelchiua, yuhqui ynic neçi in çan ic quinauatia in Diablo, ynic ypan conchiuaz in tlein ypan quichiuaya yninan [Sco in p.d.34 q. unica56] anoço yn aquin yehuatl ytechquicauhtia in Diablo in tleyn yn amo qualli machiyotl. Ayac yztlacahuiloz.

Notes

55 Castañega op. cit. p. 55: Scotus in iiij. distinc. iiij.q.iiij de baptismo et eius defectu. Maiores.

56 Castañega op. cit. p. 56: Scotus in iiij.distinc.xxxiiij.q. unica.

© Centro de estudios mexicanos y centroamericanos, 1979

Conditions d’utilisation : http://www.openedition.org/6540

Cette publication numérique est issue d’un traitement automatique par reconnaissance optique de caractères.

Acheter

Rechercher dans OpenEdition Search

Vous allez être redirigé vers OpenEdition Search