Desktop versionMobile version

Tratado de hechicerías y sortilegios de Fray Andrés de Olmos

 | 
Georges Baudot

De como en diversas figuras pueden aparecer los ministros del demonio

Full text

Capitulo VII: Ypan mihtoz ca miec tlamantli yn tetlachichiuihliztli ypan mixiptlayotia ynin tetlayecolticauan in Diablo ynic motenextilia

  • 44 Saint Augustin 18 de Civitate dei chapitres 17 et 18.

1Mochi tlacatl quimatiz, ca çan nelli, yehuatl yn Diablo nelli miec tlamantli yn tleyn concui, ypan motlatlapic cuepa yn iquac connequi; yn çan quemmanian yc teca uetçca anoço quemmanian yc tecuicuiti uetçi, tetetçahuia, techipe mauhtia cenca yc temamauhtia. Ayac yc motçotçonaz, ayac yc motlapololtiz, ça nelli miecpa yuh tepan omochiuh, yn iuhqui ycuiliuhtoc ypan yn in nemilitçin yn Egypto padrome. Yn çan no yui uel ympan conchioaz Diablo yn iteyxcuepcauan, ynic uey campa quinuicaz ypan in tleyn texiptla yc concuiz, anoço conchichioaz, ma /fol. 404/ cihui niman atley yc quemmochioa yn inacayo, anoço yn ixiptla yn naualli amo yc poliui, amo yc mocuepa. Çan ymachiliztica in Diablo yn teixpan mochiua in tlacuecuepaliztli, yn momati maceualli ca ça nelli yehuatl yn naualli tleyn ypan omocuep, amo nelli omocuep, çan yehuatl in Diablo yuh quiteyttitia yn tlein yc teixcuepa, yn iuh ycuiliuhtoc ypan yn nemilitçin yn Egypto padrome. Conitoa San Agustin ca yehuecauh ce çiuatl teyxcuepani yn itocacatca [Aug.18 deciui c.17.1844] Çirces: mamaça bestias, impan oquincuep, oquimixiptlayoti ynic niuan yn Ulixes. Yoan uel quichioaz Diablo yn amo yttalozque yn nanaualtin, yehica uel commati yn quenin mochioaz; yn yoan ycuiliuhtoc ypan amatlacuilolli yn itoca perspectiva.

  • 45 Evangile selon Saint Luc 29.
  • 46 Evangile selon Saint Jean 20.
  • 47 Evangile selon Saint Jean 8.

2Yehuatçin in Totecuyo Iesu Cristo çan tlamauiçoltica, ynic ceppa yuhqui yn nenenqui oquinmonextili otli, omentin yn itlaçouan; ynic oppa yuhqui in quilpixqui; ynic expa ayttaloni [luc 2445 joa.2046 joa. 847] omochiuh yn ompa teupan. Uel yuh conchiuaz in Diablo ynic campa quinuicaz yn itlauelilocauan ypan yn tlein teyxiptla in connequiz, ynic yttalozque, çan amo yc mocuepa yn sustancia in tenacayo. Çan yn quexquich uey anoço tomauac yn oquichtli, anoço çihuatl, no yxquich yauh yn iuh ypan mochioaya. Ynitoca Simon mago teyxcuepani yn nompa omihto ca çan itlatlatlauhtiliztica yn San Pedro, yc cempoliuh.

3Yequene maçiui yn çan nelli uel iuhqui uicozque nanaualtin yn itechpa yn Diablo, auel oncalaqui amono uel ualquiça, yntlacamo ompa tlapouhticac, ynic uel onaquiz yxquich yn innacayo. Tel yehuatl in Diablo, contlapoua, anoço contçaqua, ynic calaquizque, anoço ynic ualquiçazque ynic tetlachiuizque, anoço texochiuizque, aço yc temictizque, anoço cenca tetolinizque çan iman. Amo quicencuepaz Diablo yn tenacayo amo yc quipopoloa, amo yc tepiton conohiuaz, çan uel yxquich yn quexquich uey naualli, uel quiuica maçiui yn amo uel yeuatl ittalo.

4Auh yntla ypan teuica Diablo yn tototl, anoço mizton, anoço coyutl, ocelotl, anoço tleyn ypan: niman auel yehuatl yn naualli oncalaquiz, amono ualquiçaz, yn tlacamo huel onaqui yxquich yn inacayo. Yoan yuhqui mocuitia yehuantin yn oanaloque yn otlatçontequililoque. Auh intla aca, ocentlamantli quitoz cenca yc yztlacatiz. Macayac amechtlapololti.

Notes

44 Saint Augustin 18 de Civitate dei chapitres 17 et 18.

45 Evangile selon Saint Luc 29.

46 Evangile selon Saint Jean 20.

47 Evangile selon Saint Jean 8.

The text and other elements (illustrations, imported files) may be used under OpenEdition Books License, unless otherwise stated.

This digital publication is the result of automatic optical character recognition.
Search OpenEdition Search

You will be redirected to OpenEdition Search