Capitulo V: yn ipan mitoz tleypampa tlapanahuia ynic miequintin çihua teyxcuepanime yn amo miequintin oquichtin

1Miyec tlamantli ypampa tlapanauiya ynic miequintin nemi çihua teyxcuepanime ynic ytech pohui yn diablo. Amo yzquintin oquichtin yuh nemi.

2Inic 1. yehuatl ypampa miequintin yn çiuah teyxcueptinemih. Yehica amo yntech quinmopintilitia yn Totecuiyo Iesu [de cons d.4.mulier32] Cristo yn sanctos sacramentos yn amo quinmonauatilitia ynic y ehuantin quitemacazque yehuatl ypampa ytechpohui yn Diablo ynquinnahuatia ynic quitemacazque yn itlauelilocayo yn itoca Execramentos.

3Inic 2. Yehica tlapanauiya ynic yçiuhca quimiztlacauia çihua yn Diablo yniuh achto oyca mocayauh yn achto tona amo achto oquiztlacahui yn oquichtli yçiuhca quicuinçiuatl yn iztlacatlatolli.

4Inic 3. Yztlacahuilo ciuah cenca cenca yectli ynic commatiznequi yn tleyn ychtaca chiualo queleuia machiztli yehica [Gen. 3 critis sicut dii scientes bo.et .33] ynic cihua amo yuhqui yn innemiliz ynic cenca machtilozque yn amatlacui llolli yn miec tlatolli ynic mopantlaçazque panuetçizque: yn çanic ytech momachtiznequi yn Diablo.

5Inic 4. Yehuatl ypampa miequintin çihua nanaualtin yehica quimiximati yn Diablo cacenca tlatlatoa quinmopanauilia [Ectia 25 noto totum illud c .34] yn oquichtin ynic miec yn intlatol ynacenca uel compia çihua in tleyn pialoni tlatolli çanniman tetech concaua niman yc tenonotça yehuatl ypampa cenca monepan machtia çihua ypan yztlacatlatolli tlauelilocayotl amo cenca yuh impan mochioa yn oquichtin.

6Inic 5. Yehica cenca ytech pilcatinemi cihua yn çomalli in qualantli yçiuhca qualani moxicohua moyolcocoa tetoliniliztica moyolceuiznequi ynic yçiuhhca /fol. 401 v/ quelehuiah yn tleyn tecoco tetolini tepan mochio az. Auh yehica amo cenca chicauaque ynic temictiliztica pachiuiz ynniyollo yn auel quimictia in quicocolia auel quitolinia: yc quitocah quimocniuhtia yn Diablo ynic quinpaleuiz ynic mochiuaz yn tlein queleuiya yn tlein amo qualli connequi yn inyollo. Auh yn teyxcuepanime aço çihua anoço oquichtin mochintin çan no nanaualtin yntoca bruxos ynitleyn yc quimocemmaca yn Diablo yn tleyn yxpan conchio a ynic quinpaleuiz. Tel amo ypampa yn tleyn yxpan Diablo chiualo yc tenanquilia anoço tepaleuiya çan ypampa ynic yuic monetoltique yn oquimocemmacaque atley ytechca yn qualli yectli yn execramentos yn conchioah: anoço in tleyn Diablo tlatolli yn conihtoa. Yehuatl huey teyxcuepani yn cenca tlapanahuiya yn quimocniuhtia yn diablo ycenca quitlacamati ynic conchioa yn tleyn amo qualli yn quinequi yn iyollo amo ypampa yn miec amatlacuilolli yn iztlaca tlatolli yn conmati amo yc quiualnanquilia yn Diablo çan ypampa yn ocuimocemmacac. Amo nelli yniztlacatlatol yn Diablo yniuh nelli ynitlatoltçin yn Dios yn nelli tlatolli.

7Yequene tlapanahuiya ynic miequintin çihua ylamatoton yn nanahualti yn motolinia amo miec yuhqui yn ichpopochtin yn motlamachtia Yehica yn ilamatoton ayac oquichtli uel quinma neçoa ayac quimeleuiya yc amo quintoca yc quintemotinemi yn Diablo ynic quichioaz yn tlein queleuiya çiua tlaueliloque yn notlapanauia yniuhnemi ynilamatoton ycenca quixcahuiaya yn ahuilnemiliztli yniquac ychpopochtin ocatca Yehuantin yn ycenca quimiztlacauiya yn diablo. Yehica quinnetoltia ycahauilnemiliztica quiyollopachiuitiz yn iuh çatepan mihtoz.

8Yequene tlapanahuia yniuhnemi çiua yn motolinia [Ecle 2635] yehica momati cayehuatl in Diablo uel quinmacaz yn intechmon anoço quichioaz intleyn queleuia camo yehuatl yn netoliniliztli yc pachi yn iyollo yn iuhqui yipan pachinemi yn ytlaçouan in diablo tlapanuiya ynic cenca inca mocayaua yn Diablo yn ilamatolon.

9Niman atle uel quitemaca yn Diablo ynic teyollo pachiuiz. Yehica amo quimonequiltia diablo yn iuh tetlamacaz yn Diablo yn ican cenca teca uetçcaz teyztlacauiz /fol. 402 r/ Yehica intla yuhqui nahuatililoni in Diablo ynic uel quitemacaz teocuitlatl acaço ayac yezquia yn aqui quintçacuiltizquia yn [Dani xl36] teyxcuepanime miyecpa quinmictia miec yn teucuitlatl yn itechpoui: yoan uel quinmacazquia yntla quimonequiltiani Diablo yn iuh quitemacaz yehuatl ynitoca yez antecristo yn iquac tlacatiz in tlalticpac nemiz yn ayamo tlamiz cemicac. Auh yn axcan ynpan nelli in teyxcuepanime yn nanahualtin yn tleyn ycuiliuhtoc. Cenca tepepetla tepepechteca yn Diablo ynic [Ecle 1337] quitenetoltia quitenemactio yn miec quitemacaz netlamachtilli auh yn çatepan yc teca mahuiltia teca tlapiqui.