Version classiqueVersion mobile

Tratado de hechicerías y sortilegios de Fray Andrés de Olmos

 | 
Georges Baudot

De las dos Yglesias y Congregaciones de este mundo y de la naturaleza y potencia y asticia del demonio

Texte intégral

1/fol. 394 v/

Inic 2 capitulo: Ypan mihtoa ca untetl in teucalli in tlalticpac yoan ontlamantli yn nican cemme necentlaliliztli

  • 7 Cantique des Cantiques 6.

2 Ontlamantli in tlalticpac teupan: oentetl oenca qualli, auh yn oc no oentetl cenca amo qualli. Yehuatl yn cenca qualli ytoca ygletia catholica. Auh yyehuatl ynamo qualli [Canti. vi 7 ] ytoca ygletia diabolica Cenca yectli ycaltçin yn Dios, yoan cenca amo yectli ynical Diablo. Auh yyehuatl ynitoca ygletia catholica: huel yn elca yehuatçin ynin necentlalilil yn ixquichtin yn uel cristianome qualtin. Yehuatl i yn teupan yn çan uel ce. Yehica çan uelce yn nelli Dios in quimotlapalhuia quimotlatlauhtilia ynixquichtin yn uel cristianome ynçan no uel centlamantli yn tlaneltoquililtli ynitoca fe: yn quimocuitia in quimomachitoca, yoan çanuelce baptismo yn quimocelilia yn iquac moquaatequia yca yyatçin yn Dios.

  • 8 De summa trinita et fide catholica.
  • 9 Psaume 25.

3 [De Sum tri. et fide ca. 8 Ps. 25 9 ] Auh yn yehuatl i yn calli yn Diablo yn tlacatecolocalli; Huel yehuatl ynezca yn ixquichtin yn ahtlaneltoca ynamo quineltoca yn nelli Dios. Ynamo ytetçinco pohui yn Sancta ygletia catholica, yehica amouel çalce yn teucalli amo çalce ygletia ytech pohui yn atlaneltoca, ypampa ynamo çanuelce nelli Dios quimoneltoquilia amono çaniceltçin quimotlapalhuia yoan amo quimocuitia yn çazce nelli tlaneltoquililtli. Amono quicelia yn qualli Sacramento amo quipiah.

  • 10 Castañega, op. cit. p. 24 : Augustinus in Sermone unius/martyris

4 Amo notec yn qualli yn teoyotl yc momaquixtia, niman atle yc tlaooulilo. Tel miequintin momati ca yehuantin yn Iudiosme yn Morome yn quineltoaa yn quimotlapalhuia yn çazce nelli Dios. Çan niman amo uelyc iztlacahuilo, camo yehuatçin yn nelli Dios yn quineltoca yn quimotlapalhuia. Auh yntla yehuantin yniuh momati yn quitoah y aço yo conchioaualnequih yntlatol yntlacamo quicuepaznequi uelyc ypan huetçizque yn atlaneltoquiliztli yn itoca heregia. Yehua y yehuatl Iudio yoan mono amo quineltoca yn Dios tetatçin yn Dios tepiltçin yn Dios Spiritu saucto, amo quineltoca yn ioeltçin nelli Dios uno u trino. Auh yn iuh quimitalhuiya Sanct Augustin [Aug. in se unius mar . 10 ] uel yehuatl i yn nelli Dios, ayac occe teutl.

5 Yoan /fol. 395 r/ oquimitalhui yn Totecuiyo Iesu Cristo, ça yntla uel quineltocani in Dios çan no uel yehuatçin quineltocazquia. Auh yn yehuatl yn amo ytetçinco yn Totecuiyo Iesu Cristo pohuiznequi niman amo quimotlapalhuia Cristo quimomahuiztililia yn iceltçin nelli Dios tahtli yn oquiualmiuali ytlaçopiltçin ynic oteohmomaquixtilitçinco ytech /Cruz /. Niman ayac quinnotça ayac quitlatlauhtia yn nelli Dios yntlacamo uel nelli qualli cristiano catholico.

  • 11 Première épître aux Corinthiens 12.
  • 12 Epître aux Colossiens 1.

6 Yehuatl ypampa yn ichan Diablo niman atleyn yn necentlaliliztli. Çan tlapanahuia ynic cenca miec yn Diablo calli miec ytlatlacatecolo nenechicoliztli yn cececni pohui. Niman amo mocempoa amo centetih amo çazce yn inacayo yn iuh mocempoua centetia yn ixquich ycaltçin yn nelli Dios yn itoca ygletias catholicas. Yn çan ixquich teupan nohuiyan hicac yn nohuiyan moquetça mocemitoa mocentocayotia çan uelce ygletia yn nohuiyan yn itoca cuerpo mistico yehica [1 Cor. 12 11 Ad Col. 1 12 ] yuhqui yn çazcetenacayo mochica yn uel ytçontecontçin in Cristo ynipan yhcac.

DEL TEMPLO Y NATURALEZA, POTENCIA Y ASTUCIA DEL DIABLO

7 Oanquimocaquitique ca ontetl in teucalli auh ynic uelmachoz catle y cenca qualli yehuatl intlatolli ynitech ualquiça yc uely. Ximachoz ychantçinco in Dios uel teyxpan temachtilo anoço nemachtilo muchi qualli tlatolli ynic yximachoz Dios neltocoz tlacamachoz, yoan ynic uel nenemilizcuepaloz ynic uel ylhuicac uilouaz. Auh ynichan Diablo çan ichtaca tlatolli çan ichtaca moce tlalia yn tlaueliloque yn teyxcuepanime. In quinnotça yn itechpohui, ynic itech quicui cana yn teixcuepaliltlatolli, ynic teyxcuepa tetolinia teyztlacauiya tetlapololtia tecocohua anoço uel yc temictia intlacamo quintlacahualtiznequi yn Dios.

8 Ychantçinco in Dios teixpan caco yn itlatoltçin, cenca qualli yectli chipahuac ynic ymacaxoz tlatlacolli caualoz yoan tlalcahuiloz ynic amo mictlan uelouaz cemihcac. Auh yn ichan Diablo ychtaca mitoa yn iztlaca tlatolli yn ychtaca mocui yn yztlac ynitenqualac ynic yxcahuiloz yn tlahuelilocayotl tocoz ynic caualoz ynnelli Dios: ynic qualaniloz yoan yc quauh calco tetilan mictlan cemicac calacouaz.

9 Yn iuhqui yehuatl quahuitl yxocoyo yc yximacho yn aço qualli acanoçomo /fol. 395 v/. Çan no yuhquin tlatolli yoan nemiliztli ynic yximacho yehuatçin yn Dios anoço yehuatl in Diablo anoço yn oquichtli yoan ciuatl ynaço yectli acanoçomo. Ytlatoltçin in Dios yoan ynemiliztçin yn Totecuiyo Iesu Cristo, cenca yectli chipahuac melauac cenca teyzcali tetlachialti tecuiltono tetlamachti, cenca huelic tçopelic hauiyac ypan conmati inqualli teyollo; cenca tzopelicamacho uelicamacho yn ilhuicacayotl, yoan yc macho yoan uelneltoco cacenca qualli yniceltçin nelli Dios.

10 Auh yehuatl yc ii yteixcuepaliztlatol yn Diablo yn teizcuepani yn itechpohui uelytlauelilocayo ycyximacho. Yehica ca yc tetçalan tenepantlaynemi intlaueliloque ynic quimotonaltitinemi yn teuhtli yn tlaçolli yn nextli uel yo quiteyxpiquiltia yn cococ yn chichic yo quiteytitinemi quitequaltitinemi yn octli yn nanacatl ynic aompa tetlachialtia teyexitia yn çan quitetentia quitetemitia yn tleyn yc nenepan qualo nenepan cocolilo nenepan mictilo.

11 Yc huel macho ca yehuatl quitemachtia yn quiteylhuia anoço quitecuitlauiltia yn tliltic in catçauac tlatolli, anoço nemiliztli ynic temaua tecatçaua uelic neci cenca amo qualli. Maquizcoatl chicomolin tlaueliloc niman yc tlalcahuiloz tecchiualoz.

  • 13 Nicolas de Lyre.

12 [Nico. de Lira. 13 ] Aço anquimocaquitique ca yniquao ytencopatçinco yn Dios ualhuetçque yn Diablomo yn ilhuicac uel ymixpan yn qualtin angelome, yn ompa omocauhque: auh in tlahueliloque ypan ualuetçque yn imihyayaliz yn yntliltica yn catzauaca yn intlatlacol auh ynic quiteyehecoltizque yn axixtli cuitlatl cenca yhyeltic.

13 Auh maçihui cenca tlaueliloc yn Diablo cenca amo qualli yn iyollo yn iceyaliz yn itlanequiliz. Amo yc oquipolo yn inemiliz yn itoca naturaleza yn ic angel maçihui yn amo qualli omochiuh yn nepoualiztica yoan cenca yxtlamati mihmati miec quimati yn ah quimati yn oquichtli. Auh yehica quimilhuia yn quitoca yntlein hamachoni hacaconi ynahcan teyhuiloni yc ytechpohui tel çan quemmanian macihui yn amo melauac tlatolli yc tenonotzaznequi ytechpa yn Dios nahuatilo ynic amo yztlacatiz.

14 Yehuatl in Diablo yn nican tlalticpac cequintin Diablome ynpanhicac ytoca Beelzebub, yn çan ica yyectica yqualtica yn Dios teytic ualquixtilo yn Diablo. Auh ynic chicauac yn Diablo /fol. 396 r/ Uel quichioaz ynic tepan uauluetçiz tletl yn ilhuicac. Yequene amoma ytla in tlachioalli yc quinmochioa in tlalticpac atlei tlalticpacayotl yn quicocoa yehica amo nacayo. Achto ualhuetçque in Diablome topan hecatlan tlayouayan ynic quiyehecozque quintolinizque in qualtin oquichti ciua ynic uellamaceuazque yn iquac amo quintlacamati yn amo ypan agi yn tentacion in cuitlauiltilo. Auh yn iquac tetlatçontequiliquiuh in Totecuiyo Iesu Cristo cenca tzaqualozque yn ompa mictlan yoan yntlaueliloque oquichtin cihuah. Maçihui yn axcan nican tlalpan yoan ecatlan tonehuatinemi chichinacatinemih cenca tlapanahuiz ynic tlaihiyohuizque tlatlazque motolinizque cemicac yn ompa mictlan yn iquac cen tlatçontequililozque.

15 Yequene amo neneuhque in Diablome: cequintin tepanauia inpan hicaque ynimicniuan. Auh yntla quemmanian teytic ualquiça yn Diablo yn iquac yehuatl yn mococoua intla tlacamiccati acic quilquitinemi centlamantli yn tetl anoço. Xihuitl anoço tleyn yuhqui niman amo ipampa yectica in telt in xihuitl ic ualquiça Diablo ca çan ic teyztlacoua çan iyollotlahma ynic ualquiça ynic tetlalcahuiya yyollocopa ynic ipan yltlac ytenqualac teanaz tetçitçquiz teyztlacauiz.

16 Yehuatl in Diablo amo cenca motenextilia yn iquac tonatlaneçi çan yquac tlayouayan in canin chuican yn ayac ompa nemi ynic cenca tecamocayahuaz. Amo neltocoz ytlatol in Diablo macihui in çan quemmanian nelli tlatolli quitoa. Yeca çanic nelli quiteilhuia ynic çatepan yca ytzonquizçaliz tlatol cenca tequequeloz ynic amo qualli tetechcompachoz.

17 Yequene yyehuatl in Diablo çan quemmanian oquichtli mocuepa ynic ytech açih ce uel çiuatl yoan çan quemmanian cihuatl mochiua ynic ytlancochi yn ce uel oquichtli auh ynoquicuic xinachtli occeppa ce uel cihuatl ytlan moteca ynic quipilhuilia çan amo yc ypiltçin in Diablo çan uel ypiltçin yxinacchuan. Yeuantin in tlacaueyaque Quinametti yn iuh otlacatque yn ayamo oapachiuh incemonauatl intoca gigantes cenca chicauaque uehue yn yctepachouaya cenca yctetoliniaya.

18 Auh cequintin oquiahtin yuhqui in topitoton yuh yn pipiltotontin anoço yuhqui in tçapatoton ypan machoya ymixpan yn quinametti: Cen /fol. 396 v/ ca temamauhtique yn tequi in tequanime catcah mexico ychantçinco inuisorrey oniquittae yn imomiyo, cenca huey ynic neçi caçano nican nemia cequintin ye uecauh. Canohuiyan teca mocayahuay Diablo intlacamo quitlacaualtiznequi yn Dios.

19 Yniquac Diablo teytic calaqui uel nepapantlatolli ynic tlatoz intlaquinequi ynic yximacho ca teytic cah yn Diablo.

20 Yehuatl in Diablo yn ayamo otlatlaco, maçihui quipanahuiaya in oquichtli: yehica tlatlacoltica oytlacauh yn iyollo yc axcan amo quinenehuilia yn oquichtli yuhqui yn macayotl yc ypan chuetç yehuatl ypampa yn çan quemmanian yn çantle yn tequani ypan motenextilia: yn iuhqui quimonextili yn achto çihuatl Eua ypan couatl.

21 Çan quemmanian quinanquilia yn Diablo yehuatl yn maxtlaua yn tlateutoca, yehica ypampa yn itlauelilocayo quitlalcahuiya yn Diablo ynic yztlacahuilo. Yehuatl intlacaeztli yn temiquiz yc paqui yn Diablo çan ynic tetolinizque notçalo yehuatl yn ahuilnemiliztli yc cenca pahpaqui ynic tletitlan tehuicazque no yxquich tlatlaculli yc pachiui yyollo. Cenca quitemotinemi yn Diablo ynic ytech pohuiz maceualli, yn çan niman yehuatl tlatlacolli yc teycyecoa quitecuitlahuiltia, yn tleyn uel quitta yn cencatlapanahuiya ynic ytechuetzi yn teyollo. Yehica cenca tecocolia maçiui in quimati Diablo ca cenca yc çatepan mictlan tlayhiyohuiltiloz. Auh yn iquac ahuel quitolinia yn teyolia anoço yn tenacayo cenca mochicaua ynic quipopoloz yn tlaquitl. Cenca tlaocuya yn Diablo yn iquac quitta ce tlacatl yn huellanoltoca ynuellamaceua ynic yaz yn ilhuicac. Yuhqui yn amo tlapoualli yn itlauelilocayo yn Diablo yc cenca ymacaxoz cahualoz telchioaloz.

Notes

7 Cantique des Cantiques 6.

8 De summa trinita et fide catholica.

9 Psaume 25.

10 Castañega, op. cit. p. 24 : Augustinus in Sermone unius/martyris

11 Première épître aux Corinthiens 12.

12 Epître aux Colossiens 1.

13 Nicolas de Lyre.

© Centro de estudios mexicanos y centroamericanos, 1979

Conditions d’utilisation : http://www.openedition.org/6540

Cette publication numérique est issue d’un traitement automatique par reconnaissance optique de caractères.

Acheter

Rechercher dans OpenEdition Search

Vous allez être redirigé vers OpenEdition Search