100 Cartas para Paulo Freire de quienes pretendemos Enseñar
|4. Emocionalidad, roles y transformación
Hatum hamawt’apaq Suchi
Texte intégral
1Hatun hamawt’a, wiraqocha
2PAULO FREIRE
3Hanaqpacha.
4Ancha yupa-yupaychana hatun hamawt’a, reqsisqay, kuraq wayqey.
5Kaytan qelqarimuyki tukuy sonqoymanta pacha, kay pachapi paqarimusqayki pachak watata yuyarispa.
6Kawsayniykita llaqtanchispa qespikuynin ñanman ranpaykusqayki rayku; sapanka runaq qespikuyta thaskirispa, kikin kayninta tarispa, masinkunantin sumaq kawsayman puririnankupaq.
7Perú llaqtapiqa, kunan pachan umalliq ch’illukuypi kashayku, ichaqa yachachikuyniykimanta karu ñanpiraqmi tarikushayku.
8Wiñaypas kallpayku saq’aq runakunan hukllanakushanku millay kawsayniyoq, suwa warmita, ch’iyllukunaykuta munanku; suyu kamachiqpaqmi payta akllakushanku.
9Ichaqa manan chayllachu kan, kikin wakcha runakunan, wiñaypas sarunchasqakuna, chay qoyaman sayapakushanku, llaqtaq wakchakayninwan qhapaqyaq runakunawan hukllanakuspa.
10Apunchis munachun, kunan ch’ikllukuypi qespikuy ñanta qallarinaykupaq, t’uphsisqayki qespikuy ñanta qallarinaykupaq.
11¡Hatun Hamawt’a, sumaqlla kapuway! Apunchistataq qespiy ñan tarinaykupaq mañakapuwayku.
12Tukuy sonqoywan mak’allikuyki
© Ariadna Ediciones, 2021
Creative Commons - Attribution 4.0 International - CC BY 4.0