Version classiqueVersion mobile
OpenEdition Books

La ronde des échanges

 | 
André Iteanu

Orokaiva embo nau ke ingivujo

Texte intégral

1Namei nau tapa, kijo, Ajate, mamate, nameite, simbote, duemonete, dambote, kijo. Asigi embo kijo.

2Nanena Andrew, book erevi amita ke aisona ingivujo. Book erevi ο ohu ungota amita ke ra ; ο ohu ungota avo kajihenu, kijo. Ο ohu ungota rate ke ungota, orokaiva ke, mane ra, ke naura, ke amita javo french ra ; nau epemane ta ke ra ; epemane ta ke rate ungona ingae, avo ke isapa erevi kajenu ingivujo.

3Book jota donda erevi kajihena : kihi mei ta ke ra kijo, mei ta ingari, mei ta undurari, mei ta erari ta ke ra kijo. Ke nei amo jape ta ke ra, ο ekopa ta wasiri avo kajihena, amita havi, amita kokumbari, amita wasiri aima amo kajihena. Ke nei amo embo pehari ta ke ra : si retemo, use retemo, doru retemo, horukari retemo, amo embo pehari ta wasiri tapa kajihena. Ke nei amo da ta ke ra, javo ta ke ra, herau ta ke ra, mama, aja, apa, eambo, du, epe, taha, simbo, ahavo, umbohi, dambo, hovahu, vehere ta ke ra, amo nei enda ta ke ra. Ke nei amo jimbari ta ke ra, mei singate mei kakarate ta wasiri retemo, dorobu ta wasiri retemo, dite, hambote, ote, amo dorobu ikari ta ke ra. Amo ke nei, ke dombo ra, pondo ta ke ra, ba huketo, ο andito, ja tiveto, hande eto avora, amita ke ra, hande embo ta ke ra.

4Namei nau tapa, nau ke javotoho retemo ο samuna retemo ngana kiara, ungona nau ke ingae, amo na osaga peni wahai humbuto mihena. Avo ke ungota isapa erevi kajihena. Namei nau tapa, ungona ungota wasiri tapa ikenu kehena, amo wasiri amita kito book erevi kajihena. Javo ungota oroho peni dombo dei nauta ehija, avo osa peni wahai ona.

5Namei nau tapa, book erevi book ungota ra, pure ungota kehena, amo amita be evira kajeto, iketo, pambunu, kevueha. Amo ο mane ra, ba mane ra, hambo mane ra, book be book ra, taupa ta donda ra, book erevi ikenu humbuvujo.

6Namei nau tapa, na Andrew nanena, no mei be na ungo aima nau jo be jo tapa ere pekihena, kijo.

© Éditions de la Maison des sciences de l’homme, 1983

Conditions d’utilisation : http://www.openedition.org/6540